ഫുഡ് ക്രാഫ്റ്റ് ഇന്സ്റ്റിറ്റ്യൂട്ടില് അധ്യാപകർ
കൊച്ചി: കളമശേരി ഫുഡ് ക്രാഫ്റ്റ് ഇന്സ്റ്റിറ്റ്യൂട്ടില് ഫുഡ് പ്രൊഡക്ഷന്, ബേക്കറി ആന്ഡ് കണ്ഫെക്ഷനറി, ഫുഡ് ആന്ഡ് ബിവ്റെജ് സര്വീസ്, കാനിംഗ് ആന്ഡ് ഫുഡ് പ്രിസര്വേഷന് എന്നീ വിഭാഗങ്ങളില് അധ്യാപക തസ്തികയിൽ ഒഴിവുകളുണ്ട്. അംഗീകൃത ഡിപ്ലോമയോ ബിരുദമോ ഉള്ളവർക്ക് അപേക്ഷിക്കാം. ത്രീ സ്റ്റാര് നിലവാരത്തില് കുറയാതെയുള്ള ഹോട്ടലില് രണ്ടു വര്ഷത്തെ പ്രവൃത്തിപരിചയം അല്ലെങ്കില് രണ്ടു വര്ഷത്തെ അധ്യാപന പരിചയം ഉണ്ടായിരിക്കണം. താത്പര്യമുള്ളവര് 26ന് രാവിലെ 10ന് അസല് സര്ട്ടിഫിക്കറ്റുകളും ബയോഡാറ്റയും സഹിതം കളമശേരിയിലെ ഫുഡ് ക്രാഫ്റ്റ് ഇന്സ്റ്റിറ്റ്യൂട്ടിൽ എത്തിച്ചേരണം.