ബിവോക്, എംവോക് കോഴ്സുകള് തുടങ്ങുന്നതിന് അപേക്ഷിക്കാം
കാലിക്കട്ട് സർവകലാശാലയിൽ അഫിലിയേറ്റ് ചെയ്തിട്ടുള്ള ആര്ട്സ് ആൻഡ് സയന്സ് കോളജുകളില് 202021 അധ്യായന വര്ഷത്തില് ബിവോക്/ എംവോക് പ്രോഗ്രാമുകള് ആരംഭിക്കുന്നതിനു വേണ്ടി യുജിസി അംഗീകാരം ലഭിച്ചിട്ടുള്ള കോളജുകള് നിര്ദ്ദിഷ്ട ഫോമില് നിശ്ചിത ഫീസ് അടച്ച് 14ന് മുമ്പായി അപേക്ഷകള് സര്വകലാശാലയില് സമര്പ്പിക്കേണ്ടതാണ്. അപേക്ഷാ ഫോം സര്വകലാശാലാ ഭരണവിഭാഗം സ്റ്റോറില് നിന്നും അപേക്ഷ ഒന്നിന് 555 രൂപ വീതം അടച്ച രസീതി സമര്പ്പിച്ച് കൈപ്പറ്റേണ്ടതാണ്. കൂടുതല് വിവരങ്ങള്ക്ക് 0494 2407112 എന്ന നമ്പറില് ബന്ധപ്പെടേണ്ടതാണ്.
പരീക്ഷാ ഫലം
2020 ഏപ്രിലില് നടത്തിയ, സിയുസിഎസ്എസ്, നാലാം സെമസ്റ്റര് എംഎസ് സി ജനറല് ബയോടെക്നോളജി, എംഎസ് സി ഇലക്ട്രോണിക്സ്, എംഎസ് സി സുവോളജി, എം എസ് സി കെമിസ്ട്രി, എംഎ മള്ടിമീഡിയ, എംഎ ഇക്കണോമിക്സ്, എംഎ അപ്ലൈഡ് എക്കണോമിക്സ് പരീക്ഷകളുടെ ഫലം പ്രസിദ്ധീകരിച്ചു. പുനര്മൂല്യനിര്ണയത്തിന് 23 വരെ അപേക്ഷിക്കാം.
2019 ഡിസംബറില് നടത്തിയ ഒന്നാം സെമസ്റ്റര് എംഎഡ് പരീക്ഷയുടെ ഫലം പ്രസിദ്ധീകരിച്ചു, പുനര്മൂല്യ നിര്ണയത്തിന് 23 വരെ അപേക്ഷിക്കാം.
2020 ഏപ്രിലില് നടത്തിയ നാലാം സെമസ്റ്റര്, സിയുസിഎസ്എസ്, എംഎ മ്യൂസിക്, എംഎ വോക്കല് പരീക്ഷകളുടെ ഫലം പ്രസിദ്ധീകരിച്ചു.
2020 ഏപ്രിലില് നടത്തിയ 2016, 2017, 2018 പ്രവേശനം നാലാം സെമസ്റ്റര് എംഎ പോസ്റ്റ് അഫ്സല് ഉലമ (സിയുസിഎസ്എസ്) പരീക്ഷയുടെ ഫലം പ്രസിദ്ധീകരിച്ചു. പുനര്മൂല്യനിര്ണയത്തിന് 22 വരെ അപേക്ഷിക്കാം.
പരീക്ഷകള്
ഒന്നാം സെമസ്റ്റര് ബിവോക് 2015 പ്രവേശനം 2019 നവംബര് റഗുലര്/ സപ്ലിമെന്ററി/ ഇംപ്രൂവ്മെന്റ്, 2018 പ്രവേശനം നവംബര് 2018 റഗുലര്, ബിവോക് ടൂറിസം ആൻഡ് ഹോസ്പിറ്റാലിറ്റി മാനേജ്മെന്റ് 2018 പ്രവേശനം നവംബര് 2019 റഗുലര്/സപ്ലിമെന്ററി/ഇംപ്രൂവ്മെന്റ് പരീക്ഷകള് പുതുക്കിയ ടൈംടേബിള് പ്രകാരം 22ന് ആരംഭിക്കും.
ഒന്നാം സെമസ്റ്റര്, 2019 പ്രവേശനം, 2011 സ്കീം ബിബിഎഎല്എല്ബി, 2015 സ്കീം മൂന്നു വര്ഷ എല്എല്ബി യൂണിറ്ററി ഡിഗ്രി പരീക്ഷകള് പുതുക്കിയ ടൈംടേബിള് പ്രകാരം 28ന് ആരംഭിക്കും.
ഓണ്ലൈന് രജിസ്ട്രേഷന്
ലോ കോളജുകളിലെ 2016 പ്രവേശനം മുതലുള്ള 2, 4 സെമസ്റ്റര്, എല്എല്എം. വിദ്യാര്ഥികള്ക്ക് 2020 മാര്ച്ച് റഗുലര്/ സപ്ലിമെന്ററി പരീക്ഷകള്ക്ക് ഓണ്ലൈനായി രജിസ്റ്റര് ചെയ്യാം. പിഴ കൂടാതെ 19 വരേയും 170 രൂപ പിഴയോടു കൂടി 21 വരേയും ഫീസ് അടച്ച് 22 വരെ ഓണ്ലൈനായി രജിസ്റ്റര് ചെയ്യാം.