മെഡിക്കൽ ബിരുദധാരികൾക്ക് അഡ്ഹോക് രജിസ്ട്രേഷൻ
തിരുവനന്തപുരം: മോഡേൺ മെഡിസിൻ, ആയുർവേദം, ഹോമിയോ കൗൺസിലുകളിൽ ലഭിച്ച കുറ്റമറ്റ സ്ഥിര രജിസ്ട്രേഷൻ അപേക്ഷകൾക്ക് അഫിഡവിറ്റിന്റെ അടിസ്ഥാനത്തിൽ വ്യവസ്ഥകൾക്ക് വിധേയമായി അഡ്ഹോക് രജിസ്ട്രേഷൻ നമ്പർ അനുവദിക്കും.
നടപടിക്രമം പൂർത്തീകരിക്കുന്ന മുറയ്ക്ക് രജിസ്ട്രേഷൻ സർട്ടിഫിക്കറ്റുകൾ വിതരണം ചെയ്യും. ഇത് medicalcoun cil.kerala.gov.in എന്ന വെബ്സൈറ്റിൽ നിന്നും ലഭിക്കും. വിദേശ മെഡിക്കൽ ബിരുദധാരികളുടെ പ്രൊവിഷണൽ രജിസ്ട്രേഷനും സമാന നടപടി സ്വീകരിക്കും.
കോവിഡ്19 അതിവ്യാപനം മൂലം സ്ഥിര രജിസ്ട്രേഷന് കാലതാമസം നേരിടുന്ന സാഹചര്യത്തിലാണിത്.