ഐടിഎസ്ആറില് എംഎ സോഷ്യോളജി റസിഡന്ഷ്യല് കോഴ്സ്
വയനാട് ചെതലയത്തെ ഇന്സ്റ്റിറ്റ്യൂട്ട് ഓഫ് ട്രൈബല് സ്റ്റഡീസ് ആൻഡ് റിസര്ച്ചില് (ഐടിഎസ്ആര് ) എംഎ സോഷ്യോളജി റസിഡന്ഷ്യല് കോഴ്സിന് പട്ടിക വര്ഗ വിദ്യാര്ഥികളില് നിന്ന് അപേക്ഷ ക്ഷണിച്ചു. യോഗ്യത: ഏതെങ്കിലും വിഷയത്തിലുള്ള ബിരുദം. അപേക്ഷാ ഫോം ചെതലയത്തെ ഓഫീസില് നിന്നും സര്വകലാശാലാ വെബ്സൈറ്റില് നിന്നും ലഭിക്കും. പൂരിപ്പിച്ച അപേക്ഷ അനുബന്ധ രേഖകള് സഹിതം ഡയറക്ടര് , ഐടിഎസ്ആര് , ചെതലയം പിഒ, സുല്ത്താന് ബത്തേരി, വയനാട്673 592 എന്ന വിലാസത്തില് ഏഴിനകം ലഭിക്കണം. വിവരങ്ങള് വെബ്സൈറ്റില് . ഫോണ് : 9447637542, 9605884635.
എല്എല്ബി പരീക്ഷയുടെ പുതുക്കിയ തിയതി
എല്എല്ബി (2008 സ്കീം) മൂന്നാം സെമസ്റ്റര് (പഞ്ചവത്സരം2009 മുതല് പ്രവേശനം) സപ്ലിമെന്ററി പരീക്ഷകള് യഥാക്രമം സെപ്റ്റംബര് അഞ്ച്, ഏഴ് തിയതികളില് നടക്കും.
എല്എബി (2008 സ്കീം) മൂന്നാം സെമസ്റ്റര് (ത്രിവത്സരം2011 മുതല് പ്രവേശനം, പഞ്ചവത്സരം2009 മുതല് പ്രവേശനം) സപ്ലിമെന്ററി പരീക്ഷകള് സെപ്റ്റംബര് പത്തിന് നടക്കും. പരീക്ഷാ കേന്ദ്രത്തിലോ സമയത്തിലോ മാറ്റമില്ല.
ബിഎഡ് ഹിയറിംഗ് ഇംപയേര്ഡ് പരീക്ഷയുടെ പുതുക്കിയ തിയതി
നാലാം സെമസ്റ്റര് ബിഎഡ് സ്പെഷല് എഡ്യുക്കേഷന് (ഹിയറിംഗ് ഇംപയേര്ഡ്, 2015 മുതല് പ്രവേശനം) ഡി19 ബേസിക് റിസര്ച്ച് ആൻഡ് സ്റ്റാറ്റിസ്റ്റിക്സ് റഗുലര്/സപ്ലിമെന്ററി പരീക്ഷ സെപ്റ്റംബര് നാലിലേക്ക് മാറ്റി. പരീക്ഷാ കേന്ദ്രത്തിലോ സമയത്തിലോ മാറ്റമില്ല.
പരീക്ഷാഫലം
വിദൂരവിദ്യാഭ്യാസം രണ്ടാം സെമസ്റ്റര് ബികോം/ബിബിഎ (സിസിഎസ്എസ്) സപ്ലിമെന്ററി/ഇംപ്രൂവ്മെന്റ് ഏപ്രില് 2017 പരീക്ഷാഫലം വെബ്സൈറ്റില് . പുനര്മൂല്യനിര്ണയത്തിന് അപേക്ഷിക്കേണ്ട തിയതി പിന്നീട് അറിയിക്കും.
നാലാം സെമസ്റ്റര് എംഎ ഹിന്ദി, എംഎ ഫംഗ്ഷണല് ഹിന്ദി വൈവാ വോസി സെപ്റ്റംബര് അഞ്ചിന് രാവിലെ പത്തിന് ഹിന്ദി പഠനവിഭാഗത്തില് നടക്കും.
പിജി ഡെസര്ട്ടേഷന്
പഠനവകുപ്പുകളിലെ നാലാം സെമസ്റ്റര് എംഎ/എംഎസ്സി/എംകോം/എംബിഎ/എംഎല്ഐഎസ്സി/എംടിഎ (സിസിഎസ്എസ്) പരീക്ഷക്ക് ഡെസര്ട്ടേഷന് സമര്പ്പിക്കുന്നതിനുള്ള തിയതി സെപ്റ്റംബര് മൂന്ന് വരെ നീട്ടി.
എംസിജെ വിദ്യാര്ഥികള്ക്ക് സെപ്റ്റംബര് 28 വരെ സമര്പ്പിക്കാം.
സിന്ഡിക്കറ്റ് യോഗം ആറിന്
കാലിക്കട്ട് സര്വകലാശാലാ സിന്ഡിക്കറ്റ് യോഗം ആറിന് നടക്കും.