എൽഡി ബൈൻഡർ നിയമനം: വാക്-ഇൻ-ഇന്റർവ്യൂ
സർവകലാശാലാ പ്രസിൽ എൽഡി ബൈൻഡർ തസ്തികയിൽ രണ്ടു ഒഴിവുകളിലേക്ക് ദിവസവേതന നിരക്കിൽ നിയമിക്കുന്നതിന് 11ന് രാവിലെ 10.30ന് വാക്ഇൻഇന്റർവ്യൂ നടത്തും. യോഗ്യത: എസ്എസ്എൽസി/ തത്തുല്യം, കെജിടിഇ/ എംജിടിഇ ബുക്ക് ബൈൻഡിംഗ് (ലോവർ). പ്രായം 36 വയസിൽ കവിയരുത്. യോഗ്യത, പ്രായം, ജാതി എന്നിവ തെളിയിക്കുന്ന സർട്ടിഫിക്കറ്റുകൾ സഹിതം സർവകലാശാലാ ഭരണവിഭാഗത്തിൽ ഹാജരാകണം. വിവരങ്ങൾക്ക്: 0494 2407106.
സിസിഎസ്ഐടികളിൽ എംസിഎ സീറ്റ് ഒഴിവ്
സർവകലാശാലാ കാന്പസ്, വടകര, മഞ്ചേരി, മുട്ടിൽ, ജെഎംസി തൃശൂർ, കുറ്റിപ്പുറം, മണ്ണാർക്കാട്, പാലക്കാട്, പുതുക്കാട്, പുല്ലൂട്ട്, തളിക്കുളം, തിരൂർ എന്നീ സിസിഎസ്ഐടികളിൽ ഒഴിവുള്ള എംസിഎ സീറ്റുകളിലേക്ക് മൂന്നാംഘട്ട കൗണ്സലിംഗ് പത്തിന് രാവിലെ 11 ന് സർവകലാശാലാ സിസിഎസ്ഐടിയിൽ നടക്കും. വെബ്സൈറ്റിൽ നിന്നും ആന്റി റാഗിംഗ് അഫിഡവിറ്റും അഡ്മിറ്റ് കാർഡും ഡൗണ്ലോഡ് ചെയ്ത് സർട്ടിഫിക്കറ്റുകൾ സഹിതം ഹാജരാകണം.
സ്പെഷൽ പരീക്ഷ
അന്തർ സർവകലാശാലാ സ്പോർട്സ് മത്സരങ്ങൾ/ എൻസിസി ക്യാന്പ്/ എൻഎസ്എസ് ക്യാന്പ് എന്നിവയിൽ പങ്കെടുത്തത് മൂലം പരീക്ഷ എഴുതാൻ സാധിക്കാത്ത ബിഎസ് സി/ ബിഎ (സിയുസിബിസിഎസ്എസ്) വിദ്യാർഥികൾക്ക് റഗുലർ സ്പെഷൽ പരീക്ഷ 13ന് സർവകലാശാലാ ഫിസിക്കൽ എഡ്യുക്കേഷൻ പഠനവിഭാഗത്തിൽ ആരംഭിക്കും.
സപ്ലിമെന്ററി പരീക്ഷ
നാലാം സെമസ്റ്റർ ബിടെക്/ പാർട്ട്ടൈം ബിടെക്/ ബിആർക് (2കെ സ്കീം) സപ്ലിമെന്ററി പരീക്ഷ 14ന് സർവകലാശാലാ എൻജിനിയറിംഗ് കോളജിൽ (ഐഇടി കോഹിനൂർ) ആരംഭിക്കും. ഓണ്ലൈനിൽ അപേക്ഷിച്ചവർ വെബ്സൈറ്റിൽ നിന്ന് ഹാൾടിക്കറ്റ് ഡൗണ്ലോഡ് ചെയ്യണം. സാധാരണ ഫോമിൽ അപേക്ഷിച്ചവർ സർവകലാശാലാ എൻജിനിയറിംഗ് കോളജിൽ നിന്നും ഹാൾടിക്കറ്റ് കൈപ്പറ്റണം.
ബിവോക് പ്രാക്ടിക്കൽ
രണ്ടാം സെമസ്റ്റർ ബിവോക് (മൾട്ടിമീഡിയ) പ്രാക്ടിക്കൽ പരീക്ഷ 14, 15 തിയതികളിൽ നടക്കും.
ബികോം അഡീഷണൽ സ്പെഷലൈസേഷന് അപേക്ഷിക്കാം
വിദൂരവിദ്യാഭ്യാസ വിഭാഗത്തിന് കീഴിൽ അഡീഷണൽ സ്പെഷലൈസേഷൻ (ഫിനാൻസ്, ബാങ്കിംഗ് ആൻഡ് ഇൻഷ്വറൻസ്, കോഓപ്പറേഷൻ, കംപ്യൂട്ടർ അപ്ലിക്കേഷൻ എന്നിവയിൽ ഒന്ന്) ചെയ്യുന്നതിന് നൂറ് രൂപ പിഴയോടെ അപേക്ഷിക്കാനുള്ള തിയതി 15 വരെ നീട്ടി. ബികോം കഴിഞ്ഞു ഒരു വർഷമെങ്കിലും കഴിഞ്ഞവർക്ക് മാത്രമേ അപേക്ഷിക്കാനാവൂ. ന്യുമെറിക്കൽ രജിസ്റ്റർ നന്പറുള്ളവർ (2008ന് മുന്പ് പാസായവർ) വെബ്സൈറ്റിൽ നിന്ന് ഫോം ഡൗണ്ലോഡ് ചെയ്ത് അപേക്ഷിക്കണം. അപേക്ഷ, ബന്ധപ്പെട്ട രേഖകൾ സഹിതം സെപ്റ്റംബർ 21നകം ലഭിക്കണം. സ്പോട്ട് അഡ്മിഷൻ സൗകര്യവും ഉണ്ടായിരിക്കും. വിവരങ്ങൾ വെബ്സൈറ്റിൽ. ഫോണ്: 0494 2407494, 2407356. പി.ആർ
പരീക്ഷാഫലം
2018 ജൂണിൽ നടത്തിയ നാലാം സെമസ്റ്റർ എംഎ ഇംഗ്ലീഷ് (സിയുസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് 17 വരെ അപേക്ഷിക്കാം.
പുനർമൂല്യനിർണയഫലം
നാലാം വർഷ ബിഎസ് സി മെഡിക്കൽ മൈക്രോബയോളജി, ബിഎസ് സി എംഎൽടി നവംബർ 2017 പരീക്ഷയുടെ പുനർമൂല്യനിർണയഫലം വെബ്സൈറ്റിൽ.