ഇന്റഗ്രേറ്റഡ് പഞ്ചവത്സര എൽഎൽബി: രണ്ടാം ഘട്ട അലോട്ട്മെന്റ്
തിരുവനന്തപുരം: കേരളത്തിലെ നാലു ഗവണ്മെന്റ് ലോ കോളജുകളിലേയും 19 സ്വകാര്യ സ്വാശ്രയ ലോ കോളജുകളിലേയും 201819 വർഷത്തെ ഇന്റഗ്രേറ്റഡ് പഞ്ചവത്സര എൽഎൽബി കോഴ്സിലേക്ക് പ്രവേശനത്തിനുള്ള രണ്ടാം ഘട്ട കേന്ദ്രീകൃത ഓണ്ലൈൻ അലോട്ട്മെന്റ് നടപടിക്രമങ്ങൾ ആരംഭിച്ചു.
അലോട്ട്മെന്റിൽ പങ്കെടുക്കുന്ന വിദ്യാർഥികൾ പ്രസ്തുത അലോട്ട്മെന്റിൽ നിലവിലെ ഹയർ ഓപ്ഷനുകളിലേക്ക് പരിഗണിക്കപ്പെടേണ്ടതുണ്ടെങ്കിൽ ഓണ്ലൈൻ ഓപ്ഷൻ കണ്ഫർമേഷൻ നിർബന്ധമായും നടത്തേണ്ടതും ആവശ്യമില്ലാത്ത ഹയർ ഓപ്ഷനുകൾ റദ്ദ് ചെയ്യേണ്ടതുമാണ്. ഓപ്ഷൻ കണ്ഫർമേഷൻ, റദ്ദാക്കൽ, പുനഃക്രമീകരണം എന്നിവയ്ക്കായി 17 മുതൽ 20 ന് വൈകുന്നേരം അഞ്ചുവരെ വെബ്സൈറ്റിൽ സൗകര്യം ഉണ്ടായിരിക്കും. നിശ്ചിത സമയത്തിനുള്ളിൽ ഓപ്ഷൻ കണ്ഫർമേഷൻ നടത്താത്ത വിദ്യാർഥികളെ യാതൊരു കാരണവശാലും ഈ അലോട്ട്മെന്റിനായി പരിഗണിക്കുന്നതല്ല. നേരിട്ടോ/തപാൽ/ഫാക്സ്/ഇമെയിൽ മുഖാന്തിരമോ ഉള്ള ഓപ്ഷൻ കണ്ഫർമേഷൻ/ഹയർ ഓപ്ഷൻ പുനഃക്രമീകരണം/റദ്ദാക്കൽ എന്നിവയ്ക്കുള്ള അപേക്ഷകൾ യാതൊരു കാരണവശാലും പരിഗണിക്കുന്നതല്ല. വിശദാംശങ്ങൾ വെബ്സൈറ്റിൽ ലഭ്യമാണ്. 04712339101, 102, 103, 104, 2332123 .