അഫിലിയേഷൻ പുതുക്കുന്നതിന് കോളജുകൾ അപേക്ഷിക്കണം
അഫിലിയേറ്റഡ് കോളജുകളിൽ നിന്ന് 201920 അധ്യയന വർഷത്തേക്ക് പ്രൊവിഷണൽ അഫിലിയേഷൻ പുതുക്കുന്നതിന് അപേക്ഷ ക്ഷണിച്ചു. പിഴകൂടാതെ ഡിസംബർ 31 വരെയും 1,050 രൂപ പിഴയോടെ 2019 ജനുവരി 15 വരെയും അപേക്ഷിക്കാം. 2019 ജനുവരി 16 മുതൽ അപേക്ഷ സമർപ്പിക്കാത്ത ഓരോ വർഷത്തിനും പിഴയും സൂപ്പർ ഫൈനും ഉൾപ്പെടെ 11,550 രൂപ. നിശ്ചിത തിയതിക്കകം അപേക്ഷ സമർപ്പിക്കാതെ സൂപ്പർ ഫൈൻ ഒഴിവാക്കുന്നതിനുള്ള കോളജുകളുടെ അപേക്ഷ സ്വീകരിക്കുന്നതല്ല. വിവരങ്ങൾക്ക്: 0494 2407154/2407112.
നഴ്സിംഗ് അസിസ്റ്റന്റ് അഭിമുഖം
ദിവസ വേതനാടിസ്ഥാനത്തിൽ നഴ്സിംഗ് അസിസ്റ്റന്റ് തസ്തികയിൽ നിയമനത്തിന് അപേക്ഷിച്ചവരിൽ യോഗ്യരായവർക്കുള്ള അഭിമുഖം ഒക്ടോബർ നാലിന് നടത്തും. വിജ്ഞാപന പ്രകാരമുള്ള യോഗ്യത തെളിയിക്കുന്ന രേഖകൾ സഹിതം രാവിലെ പത്തിന് സർവകലാശാലാ ഭരണവിഭാഗത്തിൽ ഹാജരാകണം. വിവരങ്ങൾ വെബ്സൈറ്റിൽ.
എംപിഎഡ് സീറ്റ് ഒഴിവ്
ഫിസിക്കൽ എഡ്യുക്കേഷൻ പഠനവകുപ്പിൽ ദ്വിവത്സര എംപിഎഡ് കോഴ്സിന് വിവിധ വിഭാഗങ്ങളിൽ സീറ്റുകൾ ഒഴിവുണ്ട്. എസ് സി3, എസ് ടി3, ഇടിബി1, എൽസി1, ബിപിഎൽ3. ബിപിഎഡ് ഇന്റഗ്രേറ്റഡ്, ബിപിഎഡ് പാസായവർ ഓണ്ലൈൻ രജിസ്ട്രേഷൻ നടത്തി 27ന് രാവിലെ പത്തിന് പ്രാക്ടിക്കലിനും എഴുത്ത് പരീക്ഷക്കും വേണ്ടി സർട്ടിഫിക്കറ്റ്, കമ്യൂണിറ്റി സർട്ടിഫിക്കറ്റ്, ഫോട്ടോ, സ്പോർട്സ് കിറ്റ്, ഓണ്ലൈൻ അപേക്ഷയുടെ പകർപ്പ്, ഹാൾടിക്കറ്റ് സഹിതം സർവകലാശാലാ സ്റ്റേഡിയത്തിൽ ഹാജരാകണം. ഫോണ് : 0494 2407547.
പരീക്ഷാ അപേക്ഷ
വിദൂരവിദ്യാഭ്യാസം/വിദേശ/കേരളത്തിന് പുറത്തെ കേന്ദ്രങ്ങളിലെ (2012, 2013 പ്രവേശനം മാത്രം) നാലാം സെമസ്റ്റർ (സിസിഎസ്എസ്) ബിഎ/ ബിഎസ് സി മാത്സ്/ ബിഎസ് സി കൗണ്സലിംഗ് സൈക്കോളജി/ ബികോം/ ബിബിഎ/ ബിഎംഎംസി/ ബിഎ അഫ്സൽഉൽഉലമ സപ്ലിമെന്ററി/ ഇംപ്രൂവ്മെന്റ് പരീക്ഷയ്ക്ക് പിഴകൂടാതെ ഒക്ടോബർ 12 വരെയും 160 രൂപ പിഴയോടെ ഒക്ടോബർ 20 വരെയും അപേക്ഷിക്കാം. പ്രിന്റൗട്ട്, ചലാൻ സഹിതം ജോയിന്റ് കണ്ട്രോളർ ഓഫ് എക്സാമിനേഷൻസ്8, എക്സാമിനേഷൻ ഡിസ്റ്റൻസ് എഡ്യുക്കേഷൻ, കാലിക്കട്ട് യൂണിവേഴ്സിറ്റി പി.ഒ, 673 365 എന്ന വിലാസത്തിൽ ലഭിക്കണം. 2012 പ്രവേശനം വിദ്യാർഥികൾക്ക് ഇത് അവസാന അവസരമായിരിക്കും.
എട്ടാം സെമസ്റ്റർ ബിടെക് 2014 സ്കീം2014 പ്രവേശനം സപ്ലിമെന്ററി/ ഇംപ്രൂവ്മെന്റ്, 2009 സ്കീം2010 മുതൽ 2013 വരെ പ്രവേശനം മാത്രം സപ്ലിമെന്ററി, പാർട്ട്ടൈം ബിടെക് 2009 സ്കീം2010 മുതൽ 2014 വരെ പ്രവേശനം സപ്ലിമെന്ററി/ ഇംപ്രൂവ്മെന്റ് പരീക്ഷയ്ക്ക് പിഴകൂടാതെ ഒക്ടോബർ അഞ്ച് വരെയും പിഴയോടെ ഒക്ടോബർ പത്ത് വരെയും അപേക്ഷിക്കാം.
പരീക്ഷാഫലം
2016 നവംബറിൽ നടത്തിയ വിദൂരവിദ്യാഭ്യാസം ഒന്നാം സെമസ്റ്റർ ബിഎ/ ബിഎ അഫ്സൽഉൽഉലമ (സിസിഎസ്എസ്) പരീക്ഷാഫലം വെബ്സൈറ്റിൽ. പുനർമൂല്യനിർണയത്തിന് ഒക്ടോബർ നാല് വരെ അപേക്ഷിക്കാം. പ്രിന്റൗട്ട്, ചലാൻ സഹിതം ആറിനകം ലഭിക്കണം.
2018 ജൂണിൽ നടത്തിയ നാലാം സെമസ്റ്റർ എംടെക് കെമിക്കൽ പ്രോസസ് കണ്ട്രോൾ (കെമിക്കൽ എഞ്ചിനീയറിംഗ്) സിയുസിഎസ്എസ് പരീക്ഷാഫലം വെബ്സൈറ്റിൽ.
2018 ജൂണിൽ നടത്തിയ നാലാം സെമസ്റ്റർ എംഎ സംസ്കൃതം (സിസിഎസ്എസ്) പരീക്ഷാഫലം വെബ്സൈറ്റിൽ.
മൂല്യനിർണയ ക്യാന്പ്
ഒന്പതാം സെമസ്റ്റർ ബിബിഎഎൽഎൽബി ഏപ്രിൽ 2018 പരീക്ഷയുടെ മൂല്യനിർണയ ക്യാന്പ് 27, 28, 29 തിയതികളിലും, അഞ്ചാം സെമസ്റ്റർ യൂണിറ്ററി എൽഎൽബി (ഏപ്രിൽ 2018) പരീക്ഷയുടെ മൂല്യനിർണയ ക്യാന്പ് ഒക്ടോബർ 11, 12 തിയതികളിലും തൃശൂർ, കോഴിക്കോട് ലോ കോളജുകളിൽ നടക്കും. ലോ കോളജുകളിൽ 27, 28, ഒക്ടോബർ 11, 12 തിയതികളിൽ റഗുലർ ക്ലാസുകൾ ഉണ്ടായിരിക്കുന്നതല്ല.