ത്രിവത്സര എൽഎൽബി: സ്പോട്ട് അലോട്ട്മെന്റ്
തിരുവനന്തപുരം: സർക്കാർ/സ്വാശ്രയ ലോ കോളജുകളിലെ ത്രിവത്സര എൽഎൽബി കോഴ്സിലെ ഒഴിവുകൾ നികത്തുന്നതിനുള്ള സ്പോട്ട് അലോട്ട്മെന്റ് 24 ന് തിരുവനന്തപുരം പാളയം എൽഎംഎസ് കോന്പൗണ്ടിലെ ടിജഐം ഹാളിൽ പ്രവേശന പരീക്ഷാ കമ്മീഷണർ നടത്തും. വിവിധ ലോ കോളജുകളിൽ ഒഴികെയുള്ള സീറ്റുകളുടെ പട്ടിക 20 ന് വെബ്സൈറ്റിൽ പ്രസിദ്ധീകരിക്കും.
സ്പോട്ട് അലോട്ട്മെന്റിൽ പങ്കെടുക്കുള്ള വിദ്യാർഥികൾ 20 മുതൽ 23 ന് വൈകുന്നേരം അഞ്ച് മണിക്കകം രജിസ്ട്രേഷൻ നടത്തി സ്ലിപ്പുമായി 24 ന് രാവിലെ പത്തിന് സ്പോട്ട് അലോട്ട്മെന്റ് കേന്ദ്രത്തിൽ ഹാജരാകണം.
ഒരു സർക്കാർ ലോ കോളജിൽ ഇപ്പോൾ പ്രവേശനം നേടിയിരുന്ന വിദ്യാർഥികൾ മറ്റൊരു സർക്കാർ ലോ കോളജിലേക്കോ ഒരു സ്വാശ്രയ ലോ കോളജിൽ ഇപ്പോൾ പ്രവേശനം നേടിയിരിക്കുന്ന വിദ്യാർഥികൾക്ക് മറ്റൊരു സ്വാശ്രയ ലോ കോളജിലേക്കോ സ്പോട്ട് അലോട്ട്മെന്റിൽ മാറ്റം അനുവദിക്കുന്നതല്ല.
എന്നാൽ, സ്വാശ്രയ ലോ കോളജുകളിൽ പ്രവേശനം നേടിയിരിക്കുന്ന വിദ്യാർഥികൾക്ക് സർക്കാർ ലോ കോളജുകളിലേക്കോ തിരിച്ചോ സോപോട്ട് അലോട്ട്മെന്റിൽ മാറ്റം അനുവദിക്കുന്നതാണ്.
സ്പോട്ട് അലോട്ട്മെന്റ് ലബിച്ച വിദ്യാർഥികൾ 27 ന് വൈകുന്നേരം അഞ്ചിനകം പ്രോസ്പെക്ടസ് ക്ലോസ് 18ൽ പറഞ്ഞിരിക്കുന്ന അസൽ രേഖകളുമായി അതത് കോളജുകളിൽ നേരിട്ട് ഹാജരായി പ്രവേശനം നേടണം. പ്രവേശന പരീക്ഷാ കമ്മീഷണരുടെ വെബ്സൈറ്റിൽ പ്രസിദ്ധീകരിച്ചിട്ടുള്ള വാർഷിക ട്യൂഷൻ ഫീസ്, ഡെപ്പോസിറ്റ് മറ്റു ഫീസ് എന്നിവ അലോട്ട്മെന്റ് ലഭിക്കുന്ന കോളജിൽ പ്രവേശനം നേടുന്ന സമയത്ത് ഒടുക്കണം.
27 ന് വൈകുന്നേരം അഞ്ചിനുശേഷം ഒഴിവുവരുന്ന പക്ഷം പ്രസ്തുത ഒഴിവുകൾ അതത് കോളജ് പ്രിൻസിപ്പൽമാർ 31 ന് വൈകുന്നേരം അഞ്ചിനു മുന്പായി സ്പോട്ട് അഡ്മിഷൻ മുഖേന നികത്തുന്നതാണ്.