പാഠപുസ്തകങ്ങൾ ഇൻഡന്റ് ചെയ്യാം
തിരുവനന്തപുരം: 201920 അധ്യയന വർഷത്തേക്കാവശ്യമായ ഒന്നു മുതൽ പത്തുവരെ ക്ലാസുകളിലേക്ക് ആവശ്യമായ പാഠപുസ്തകങ്ങൾ സ്കൂളുകൾക്ക് ഓണ്ലൈനായി ഇൻഡന്റ് ചെയ്യുവാനുള്ള സൗകര്യം KITE (Kerala Infrastructure and Technology for Education (IT@School) വെബ്സൈറ്റിൽ (www.kite.kerala.gov.in ) ഈ മാസം 12 മുതൽ 27വരെ ലഭ്യമാണ്.
സർക്കാർ/എയ്ഡഡ്, അംഗീകാരമുളള അണ്എയ്ഡഡ്/സിബിഎസ്ഇ/നവോദയ എന്നീ സ്കൂളുകൾക്ക് ഓണ്ലൈനായി ഇൻഡന്റ് നൽകാം. ഒന്പത്, പത്ത് ക്ലാസുകളിലെ പാഠപുസ്തകങ്ങൾക്ക് മാറ്റമുളളതിനാൽ വിദ്യാർഥികൾക്കാവശ്യമായ കൃത്യമായ എണ്ണം നൽകുവാൻ സ്കൂളധികൃതർ ശ്രദ്ധിക്കണം. വിശദമായ സർക്കുലർ ജനറൽ എഡ്യൂക്കേഷന്റെ ഔദ്യോഗിക വെബ്സൈറ്റിൽ ലഭ്യമാണ്.