എംഎസ്സി നഴ്സിംഗ്: സ്പോട്ട് അഡ്മിഷൻ 24ന്
തിരുവനന്തപുരം: എംഎസ്സി നഴ്സിംഗ് കോഴ്സ് പ്രവേശനവുമായി ബന്ധപ്പെട്ട ആലപ്പുഴ ഗവണ്മെന്റ് നഴ്സിംഗ് കോളജിലെ കമ്യൂണിറ്റി ഹെൽത്ത് നഴ്സിംഗ് സ്പെഷാലിറ്റിയിൽ ഒഴിവുള്ള ഒരു സീറ്റിലേക്ക് സ്പോട്ട് അഡ്മിഷൻ 24ന് രാവിലെ 11 മണിക്ക് തിരുവനന്തപുരം മെഡിക്കൽ കോളജിലെ മെഡിക്കൽ വിദ്യാഭ്യാസ കാര്യാലയത്തിൽ നടത്തും. സർക്കാർ നഴ്സിംഗ് കോളജുകളിൽ ഇനി വരുന്ന ഒഴിവുകൾ കൂടി സ്പോട്ട് അഡ്മിഷനിലൂടെ നികത്തും.
കേരള പ്രവേശന പരീക്ഷ കമ്മീഷണർ പ്രസിദ്ധീകരിച്ച റാങ്ക് പട്ടികയിൽ നിന്നാണ് പ്രവേശനം നടത്തുന്നത്. യോഗ്യത തെളിയിക്കുന്നതിന് ആവശ്യമായ അസൽ രേഖകൾ, അസൽ ട്രാൻസ്ഫർ സർട്ടിഫിക്കറ്റ്, മറ്റ് അനുബന്ധ രേഖകൾ എന്നിവ ഹാജരാക്കുന്ന വിദ്യാർഥികളെയാണ് ഒഴിവിലേക്ക് പരിഗണിക്കുന്നത്.
സ്പോട്ട് അലോട്ട്മെന്റ് ലഭിക്കുന്ന വിദ്യാർത്ഥികൾ 27നുള്ളിൽ കോളേജിൽ ഫീസടച്ച് രേഖകൾ സമർപ്പിച്ച് പ്രവേശനം നേടണം. അല്ലെങ്കിൽ അലോട്ട്മെന്റ് റദ്ദാക്കും.