നോബല് സമ്മാന ജേതാവ് 14-ന് കാലിക്കട്ട് സര്വകലാശാലയില്
തേഞ്ഞിപ്പലം: വൈദ്യശാസ്ത്രത്തില് നോബല് സമ്മാനം നേടിയ സര് റിച്ചാര്ഡ് ജോണ് റോബര്ട്ട്സ് എഫ്ആര്എസ് 14ന് എറുഡൈറ്റ് പ്രഭാഷണം നിര്വഹിക്കുന്നതിനായി കാലിക്കട്ട് സര്വകലാശാലയിലെത്തും. മോളിക്യുലാര് ബയോളജിസ്റ്റായ ഇദ്ദേഹം ഇംഗ്ലണ്ടുകാരനാണ്. അമേരിക്കയിലെ ന്യൂ ഇംഗ്ലണ്ട് ബയോലാബിലെ ശാസ്ത്രജ്ഞനാണ്. 1993 ലാണ് നോബല് സമ്മാനം ലഭിച്ചത്. സംസ്ഥാന ഹയര് എഡ്യുക്കേഷന് കൗണ്സിലുമായി ചേര്ന്ന് കാലിക്കട്ട് സര്വകലാശാലാ സുവോളജി പഠനവകുപ്പ് നടത്തുന്ന എറുഡൈറ്റ് പ്രഭാഷണം 14ന് 12.30ന് ഇ.എം.എസ് സെമിനാര് കോംപ്ലക്സിലാണ് നടക്കുന്നത്. പ്രവേശനം സൗജന്യമാണ്. വൈസ് ചാന്സലര് ഡോ.കെ.മുഹമ്മദ് ബഷീര് , പ്രോവൈസ് ചാന്സലര് ഡോ.പി.മോഹന്, രജിസ്ട്രാര് ഡോ.ടി.എ.അബ്ദുല് മജീദ്, ഡോ.വി.എം.കണ്ണന് തുടങ്ങിയവര് പങ്കെടുക്കും.