ജെഎസ്എസ്എൽസി, പ്ലസ്ടു പരീക്ഷാഫലം പ്രസിദ്ധീകരിച്ചു
കോട്ടയം: യാക്കോബായ സുറിയാനി സഭയിലെ അഖില മലങ്കര സൺഡേ സ്കൂൾ അസോസിയേഷൻ ജെഎസ്എസ്എൽസി, പ്ലസ്ടു പരീക്ഷാഫലം പ്രസിദ്ധീകരിച്ചു.
ജെഎസ്എസ്എൽസി ഒന്നാം റാങ്ക് അന്ന പോൾ (സെന്‍റ് ജോർജ് മലേക്കുരിശ്, പൂതൃക്ക, കോലഞ്ചേരി)യും രണ്ടാം റാങ്ക് സ്റ്റീന സണ്ണി (സെന്‍റ് ജോർജ് ഈസ്റ്റ് കടാതി, മുടവൂർ, മൂവാറ്റുപുഴ) യും മൂന്നാം റാങ്ക് ആൻ മരിയ എൽദോസ് (സെന്‍റ് ജോർജ് തൃക്കളത്തൂർ, മുടവൂർ, മൂവാറ്റുപുഴ)യും അന്ന മരിയ ജയിംസ് (സെന്‍റ് മേരീസ് കോറോം മാനന്തവാടി, മലബാർ)യും കരസ്ഥമാക്കി. പ്ലസ്ടു ഒന്നാം റാങ്ക് ഹന്ന മറിയം മോൻസി (മോർ ഇഗ്‌നാത്തിയോസ് പ്രക്കാനം, ഓമല്ലൂർ, തുന്പമൺ)യും രണ്ടാം റാങ്ക് ആൻ മരിയ ഏലിയാസ് (സെന്‍റ് ജോർജ് മലേക്കുരിശ്, പൂതൃക്ക കോലഞ്ചേരി)യും മൂന്നാം റാങ്ക് ഡെല്ല മരിയ സണ്ണി (സെന്‍റ് മേരീസ് തട്ടാംമുകൾ, കുന്നക്കുരുടി, പെരുന്പാവൂർ)യും ലിഥു വർഗീസ് (സെന്‍റ് മേരീസ് മലയിടംതുരുത്ത് പെരുന്പാവൂർ)യും കരസ്ഥമാക്കി.
പ്രസിഡന്‍റ് മാത്യൂസ് മോർ അഫ്രേം മെത്രാപ്പോലീത്ത, വൈസ് പ്രസിഡന്‍റ് റവ. ഫാ. സാബു സാമുൽ, ജനറൽ സെക്രട്ടറി ഷെവ. എം.ജെ. മർക്കോസ്, സെക്രട്ടറിമാരായ കോര സി. കുന്നുംപുറം, യൽദോ ഐസക്, റോയ് തോമസ്, ട്രഷറർ പി.വി. ഏലിയാസ്, പരീക്ഷാ കൺട്രോളർ പി.വി. ജേക്കബ്, എക്സിക്യൂട്ടീവ് കമ്മിറ്റി അംഗങ്ങളായ പി.ഐ. കുര്യാക്കോസ്, പി.വി. പൗലോസ്, ടി.വി. സജീഷ്, പരീക്ഷാ ബോർഡ് അംഗങ്ങളായ കെ.വി. ജോസ്, ഇ.പി. കുര്യാക്കോസ്, സി.വൈ. വർഗീസ്, തോമസ് പോൾ എന്നിവർ പത്രസമ്മേളനത്തിൽ പങ്കെടുത്തു.