ഒന്നാം സെമസ്റ്റര് യുജി കോംപ്ലിമെന്ററി/കോര് പരീക്ഷ
അഫിലിയേറ്റഡ് കോളജ്/വിദൂരവിദ്യാഭ്യാസം/പ്രൈവറ്റ് രജിസ്ട്രേഷന് /വിദേശ/കേരളത്തിന് പുറത്തെ കേന്ദ്രങ്ങള് എന്നീ ഒന്നാം സെമസ്റ്റര് (സിയുസിബിസിഎസ്എസ്) റഗുലര്/സപ്ലിമെന്ററി/ഇംപ്രൂവ്മെന്റ് ബിഎസ്സി/ബിഎസ്സി ഇന് ആള്ട്ടര്നേറ്റ് പാറ്റേണ് /ബിസിഎ/ബിഎ മള്ട്ടിമീഡിയ/ബിഎംഎംസി/ബിഎ ടെലിവിഷന് ആൻഡ് ഫിലിം പ്രൊഡക്ഷന് /ബിടിഎഫ്പി/ബിഎസ്ഡബ്ല്യൂ/ബിവിസി/ബിഎ വിഷ്വല് കമ്യൂണിക്കേഷന് കോംപ്ലിമെന്ററി പേപ്പര് പരീക്ഷയും ബിവോക് കോര് പരീക്ഷയും മാര്ച്ച് 18ന് ആരംഭിക്കും. ടൈംടേബിള് വെബ്സൈറ്റില് .
ബിഎ മള്ട്ടിമീഡിയ
ബിഎ മള്ട്ടിമീഡിയ പ്രൈവറ്റ് രജിസ്ട്രേഷന് പ്രോഗ്രാമിലേക്ക് പിഴകൂടാതെ 25 വരെയും നൂറ് രൂപ പിഴയോടെ 28 വരെയും രജിസ്റ്റര് ചെയ്യാം. പ്രിന്റൗട്ടും രേഖകള് സഹിതം മാര്ച്ച് അഞ്ച് വരെ സ്വീകരിക്കും. ഫോണ് : 0494 2407356.
ബി വോക് ഡിപ്ലോമ സര്ട്ടിഫിക്കറ്റിന് അപേക്ഷിക്കാം
ബിവോക് 2014, 2015 പ്രവേശനം വിദ്യാർഥികളില് ഒന്ന്, രണ്ട് സെമസ്റ്റര് പാസായവര്ക്ക് ഡിപ്ലോമ സര്ട്ടിഫിക്കറ്റിനും, മൂന്ന്, നാല് സെമസ്റ്ററുകള് പാസായവര്ക്ക് അഡ്വാന്സ്ഡ് ഡിപ്ലോമ സര്ട്ടിഫിക്കറ്റിനും അപേക്ഷിക്കാം. ഓരോ സര്ട്ടിഫിക്കറ്റിനുമുള്ള അപേക്ഷയോടൊപ്പം 210 രൂപയുടെ ചലാന്, എസ്എസ്എല്സി, പ്ലസ്ടു, ബിവോക് മാര്ക്ക് ലിസ്റ്റുകളുടെ സ്വയം സാക്ഷ്യപ്പെടുത്തിയ പകര്പ്പുകള് എന്നിവ ഹാജരാക്കണം.
പരീക്ഷാഫലം
2018 ജൂണില് നടത്തിയ രണ്ടാം സെമസ്റ്റര് എംഎ പൊളിറ്റിക്കല് സയന്സ് (സിസിഎസ്എസ്) പരീക്ഷാഫലം വെബ്സൈറ്റില് .
പുനര്മൂല്യനിര്ണയ ഫലം
നാലാം സെമസ്റ്റര് എംഎഡ് ജൂലൈ 2018 പരീക്ഷയുടെ പുനര്മൂല്യനിര്ണയ ഫലം വെബ്സൈറ്റില് . ഉത്തരക്കടലാസ് തിരിച്ചറിയാനാഗ്രഹിക്കുന്നവര് 15 ദിവസത്തിനകം പരീക്ഷാഭവനുമായി ബന്ധപ്പെടുക.
നീന്തൽ ട്രെയിനര് അഭിമുഖം മാറ്റി
ഫിസിക്കല് എഡ്യുക്കേഷന് പഠനവകുപ്പില് 21ന് നടത്താനിരുന്ന നീന്തൽ ട്രെയിനര് തസ്തികയിലേക്ക് അപേക്ഷിച്ച യോഗ്യരായവര്ക്കുള്ള അഭിമുഖം മാര്ച്ച് ആറിലേക്ക് മാറ്റി.
സ്വീപ്പര്: നീന്തല് പ്രായോഗിക പരീക്ഷ
കായിക വിഭാഗത്തില് സ്വീപ്പര് തസ്തികയിലേക്ക് അപേക്ഷിച്ച യോഗ്യരായവര്ക്ക് 22ന് നടത്താനിരുന്ന നീന്തല് പ്രായോഗിക പരീക്ഷ മാര്ച്ച് ഏഴ്, എട്ട് തിയതികളിലേക്ക് മാറ്റി. വിവരങ്ങള് വെബ്സൈറ്റില് .
സെനറ്റ് തെരഞ്ഞെടുപ്പ്
തേഞ്ഞിപ്പലം: കാലിക്കട്ട് സര്വകലാശാല സെനറ്റിലെ അഫിലിയേറ്റഡ് കോളജ് പ്രിന്സിപ്പല് മണ്ഡലം തെരഞ്ഞെടുപ്പിന്റെ നാമനിര്ദ്ദേശ പത്രിക സമര്പ്പിക്കാനുള്ള അവസാന തിയതി 25 വരെ നീട്ടിവച്ചതായി വരണാധികാരി അറിയിച്ചു.
ബിസിനസ് അനലിസ്റ്റിക്സ് ശില്പശാല
തേഞ്ഞിപ്പലം: കാലിക്കട്ട് സര്വകലാശാലാ കോമേഴ്സ് ആൻഡ് മാനേജ്മെന്റ് പഠനവിഭാഗത്തില് ബിസിനസ് അനലിസ്റ്റിക്സ് എന്ന വിഷയത്തില് 19 മുതല് 21 വരെ അന്തര്ദേശീയ ശില്പശാല സംഘടിപ്പിക്കുന്നു.
പഠനവകുപ്പ് സെമിനാര് ഹാളില് 19ന് രാവിലെ പത്ത് മണിക്ക് പ്രോവൈസ് ചാന്സലര് ഡോ.പി.മോഹന് ഉദ്ഘാടനം ചെയ്യും.