ആറാം സെമസ്റ്റർ ബികോം/ ബിബിഎ ഹാൾടിക്കറ്റ്
കാലിക്കട്ട് സർവകലാശാല മാർച്ച് 12ന് ആരംഭിക്കുന്ന വിദൂരവിദ്യാഭ്യാസം ആറാം സെമസ്റ്റർ (സിയുസിബിസിഎസ്എസ്) ബികോം/ ബിബിഎ റഗുലർ/ സപ്ലിമെന്ററി/ ഇംപ്രൂവ്മെന്റ് പരീക്ഷയുടെ ഹാൾടിക്കറ്റ് വെബ്സൈറ്റിൽ ലഭ്യമാണ്. പരീക്ഷയ്ക്ക് രജിസ്റ്റർ ചെയ്ത വിദേശ/കേരളത്തിന് പുറത്തെ കേന്ദ്രങ്ങളിലെ വിദ്യാർത്ഥികളുടെ ഹാൾടിക്കറ്റും വെബ്സൈറ്റിൽ.
പരീക്ഷ
മൂന്നാം സെമസ്റ്റർ എൽഎൽഎം (2015 മുതൽ പ്രവേശനം) റഗുലർ/സപ്ലിമെന്ററി/ഇംപ്രൂവ്മെന്റ് പരീക്ഷ മാർച്ച് 18ന് ആരംഭിക്കും.
ആറാം സെമസ്റ്റർ ത്രിവത്സര എൽഎൽബി (2008 സ്കീം2013, 2014 പ്രവേശനം മാത്രം) സപ്ലിമെന്ററി പരീക്ഷ മാർച്ച് 18ന് ആരംഭിക്കും.
പരീക്ഷാ അപേക്ഷ
എംബിഎ മൂന്നാം സെമസ്റ്റർ 2013 സ്കീം2015 പ്രവേശനം മാത്രം റഗുലർ, 2013 സ്കീം2013, 2014 പ്രവേശനം, 2012 സ്കീം2012 പ്രവേശനം മാത്രം സപ്ലിമെന്ററി (2012 പ്രവേശനക്കാർക്ക് അവസാന അവസരം) പരീക്ഷകൾക്കും, നാലാം സെമസ്റ്റർ 2013 സ്കീം2014 പ്രവേശനം മാത്രം റഗുലർ, 2013 സ്കീം2013 പ്രവേശനം, 2012 സ്കീം2012 പ്രവേശനം സപ്ലിമെന്ററി പരീക്ഷകൾക്കും പിഴകൂടാതെ മാർച്ച് 12 വരെയും 160 രൂപ പിഴയോടെ മാർച്ച് 15 വരെയും ഫീസടച്ച് മാർച്ച് 18 വരെ രജിസ്റ്റർ ചെയ്യാം.
അരണാട്ടുകര ഡോ.ജോണ് മത്തായി സെന്ററിലെ ഒന്നാം സെമസ്റ്റർ എംഎച്ച്എ സപ്ലിമെന്ററി പരീക്ഷയ്ക്ക് പിഴകൂടാതെ മാർച്ച് 12 വരെയും 160 രൂപ പിഴയോടെ മാർച്ച് 14 വരെയും ഫീസടച്ച് മാർച്ച് 16 വരെ രജിസ്റ്റർ ചെയ്യാം.
സെനറ്റ് തെരഞ്ഞെടുപ്പ്
സെനറ്റിലെ അഫിലിയേറ്റഡ് കോളജ് പ്രിൻസിപ്പൽ മണ്ഡലത്തിലെ തെരഞ്ഞെടുപ്പ് വിജ്ഞാപനം പ്രമുഖ മാധ്യമങ്ങളിൽ പ്രസിദ്ധീകരിച്ചു. ഈ മണ്ഡലത്തിലെ പുതുക്കിയ വോട്ടർ പട്ടിക മാർച്ച് മൂന്നിന് പ്രിസദ്ധീകരിച്ചിട്ടുണ്ട്. മുന്പ് സമർപ്പിച്ച നാമനിർദ്ദേശ പത്രിക പരിഗണിക്കുന്നതല്ല.
സ്ഥാനാർത്ഥികൾ വീണ്ടും നാമനിർദ്ദേശ പത്രിക തെരഞ്ഞെടുപ്പ് വിജ്ഞാപനത്തിൽ പറഞ്ഞ തിയതിക്ക് (മാർച്ച് 22) മുന്പായി സമർപ്പിക്കണം. തെരഞ്ഞെടുപ്പ് വിജ്ഞാപനവും വോട്ടർപട്ടികയും സർവകലാശാലാ വെബ്സൈറ്റിൽ സെനറ്റ് ഇലക്ഷൻ എന്ന തലക്കെട്ടിൽ ലഭ്യമാണ്.
കയാക്കിംഗ് സെലക്ഷൻ ട്രയൽ
അഖിലേന്ത്യാ അന്തർ സർവകലാശാലാ പുരുഷ വിഭാഗം കയാക്കിംഗ് മത്സരങ്ങൾക്കുള്ള കാലിക്കട്ട് സർവകലാശാലാ ടീമിന്റെ സെലക്ഷൻ ട്രയൽ മാർച്ച് എട്ടിന് രാവിലെ എട്ടിന് ഒലിപ്രംകടവ് (കാലിക്കട്ട് സർവകലാശാലയ്ക്ക് സമീപം) വച്ച് നടക്കും. പങ്കെടുക്കാൻ താൽപര്യമുള്ളവർ എലിജിബിലിറ്റി ഫോമോടെ കൃത്യസമയത്ത് എത്തണം.