പിജി ഡെന്റൽ: പ്രൊഫൈൽ പരിശോധിക്കാം
തിരുവനന്തപുരം: കേരളത്തിലെ വിവിധ സർക്കാർ ഡെന്റൽ കോളജുകളിലും സ്വാശ്രയ ഡെന്റൽ കോളജുകളിലും ലഭ്യമായ സീറ്റുകളിൽ അധ്യയന വർഷത്തെ വിവിധ പിജി ഡെന്റൽ കോഴ്സുകളിലേക്കുള്ള പ്രവേശനത്തിനായി പുതുതായി ഓണ്ലൈൻ അപേക്ഷകൾ സമർപ്പിച്ചിട്ടുള്ള വിദ്യാർഥികൾക്ക് അവർ അപേക്ഷയിൽ നൽകിയിട്ടുള്ള വിവരങ്ങൾ പരിശോധിക്കാം. അപേക്ഷകർക്ക് അവരുടെ നീറ്റ്പിജി സംബന്ധമായ വിവരങ്ങൾ, നേറ്റിവിറ്റി, അനുവദിക്കപ്പെട്ട സാമുദായിക/പ്രത്യേക സംവരണ ആനുകൂല്യങ്ങൾ, ന്യൂനപക്ഷ ക്വോട്ട/എൻആർഐ ക്വോട്ട തുടങ്ങിയ വിവരങ്ങൾ പരിശോധിക്കാം.
പ്രൊഫൈൽ സംബന്ധമായ പരാതികൾ ഉന്നയിക്കുന്നതിനും അപേക്ഷയിൽ ന്യൂനതകൾ ഉള്ള പക്ഷം അവ പരിഹരിക്കുന്നതിനുമുള്ള അവസരം 21 വൈകുന്നേരം മൂന്നു വരെ ലഭ്യമാകും.