പോസ്റ്റ് ഗ്രാജ്വേറ്റ് ഡിപ്ലോമ ഇൻ എയർപോർട്ട് ഓപ്പറേഷൻസ്
വ്യോമ ഗതാഗത മേഖലയിൽ പരിശീലനം സിദ്ധിച്ച പ്രഫഷണലുകളെ പരിശീലിപ്പിച്ചെടുക്കുന്നതിനു ലക്നോ ആസ്ഥാനമായി രൂപികരിച്ച രാജീവ് ഗാന്ധി നാഷണൽ ഏവിയേഷൻ യൂണിവേഴ്സിറ്റി എയർപോർട്ട് ഓപ്പറേഷനിൽ പോസ്റ്റ് ഗ്രാജ്വേറ്റ് ഡിപ്ലോമ കോഴ്സിന് അപേക്ഷ ക്ഷണിച്ചു. ജിഎംആർ ഏവിയേഷൻ അക്കാഡമിയുമായി സഹകരിച്ചാണു 18 മാസം ദൈർഘ്യമുള്ള കോഴ്സ് നടത്തുന്നത്. 12 മാസം ക്ലാസ് റൂം പരിശീലനവും ആറു മാസം ജിഎംആർ എയർപോർട്ടിൽ ഇന്റേണ്ഷിപ്പുമാണു വിഭാവന ചെയ്യുന്നത്.
55 ശതമാനം മാർക്കോടെ ബിരുദം നേടിയവർക്കും അവസാന വർഷ വിദ്യാർഥികൾക്കും അപേക്ഷിക്കാം. 2019 ജൂലൈ 31ന് 25 വയസ് കവിയരുത്. 1500 രൂപയാണ് അപേക്ഷാ ഫീസ്. സംവരണ വിഭാഗങ്ങൾക്ക് 750 രൂപ. മേയ് 15നകം അപേക്ഷിക്കണം. ജൂണ് ഒന്പതിനു നടത്തുന്ന പ്രവേശന പരീക്ഷയുടെയും തുടർന്നു നടത്തുന്ന ഇന്റർവ്യു, ഗ്രൂപ് ഡിസ്കഷൻ എന്നിയുടെയും അടിസ്ഥാനത്തിലാണ് അഡ്മിഷൻ.
പ്രവേശന പരീക്ഷയ്ക്കു ന്യൂമറിക്കൽ ആപ്റ്റിറ്റ്യൂഡ്, ജനറൽ റീസണിംഗ്, ഇംഗ്ലീഷ്, ജനറൽ അവേർനെസ് എന്നിവയിൽ നിന്നും 25 മാർക്കിന്റെ ചോദ്യങ്ങൾ വീതമായിരിക്കും ഉണ്ടാകുക. കോഴ്സ് ഫീസ് 3,30,000 രൂപ. ആകെ 60 സീറ്റുകൾ. http://www.rg nau.ac.in. ഫോൺ: 01124632950.
ഏവിയേഷൻ മാനേജ്മെന്റിൽ പിജി ഡിപ്ലോമ
ബംഗളൂരുവിലെ ഇന്ത്യൻ എയ്റോനോട്ടിക്സിന്റെ ഉപവിഭാഗമായ എച്ച്എഎൽ മാനേജ്മെന്റ് അക്കാഡമി നടത്തുന്ന പോസ്റ്റ് ഗ്രാജ്വേറ്റ് ഡിപ്ലോമ ഇൻ ഏവിയേഷൻ മാനേജ്മെന്റ് കോഴ്സിലേക്ക് അപേക്ഷിക്കാം. പതിനഞ്ചു മാസത്തെ മുഴുവൻ സമയ കോഴ്സാണിത്.എയ്റോസ്പേസ്, ഏവിയേഷൻ മാനേജ്മെന്റ് മേഖലകളെ സംബന്ധിച്ച ആഴത്തിലുള്ള അറിവു പകരുന്ന രീതിയിലാണു കോഴ്സ് രൂപകൽപ്പന ചെയ്തിരിക്കുന്നത്. വിദേശ വിമാനക്കന്പനികളിലെ സന്ദർശനവും കോഴ്സിന്റെ ഭാഗമായി ഉൾപ്പെടുത്തിയിട്ടുണ്ട്.
സയൻസ്, കംപ്യൂട്ടർ സയൻസ്, എൻജിനിയറിംഗിൽ 50 ശതമാനം മാർക്കോടെ ബിരുദം നേടിയവർക്കും അഞ്ചു വർഷത്തെ പ്രവൃത്തി പരിചയമുള്ളവർക്കും അപേക്ഷിക്കാം.
ഷോർട് ലിസ്റ്റ് ചെയ്യുന്നവരെ ഇന്റർവ്യു നടത്തിയാണു തെരഞ്ഞെടുക്കുന്നത്. കോഴ്സ് ഫീസ് 4,55,000 രൂപ. മേയ് 15നകം അപേക്ഷിക്കണം. അപേക്ഷാ ഫീസ് 500 രൂപ.https://halindia.co.in. ഫോണ്: 080 2540 0845, 080 2540 0872.