എ​ത്ര ക​രി​ക്കു​ണ്ട്?
Friday, July 9, 2021 3:33 PM IST
കൈ​യി​ൽ പ​ണ​മു​ണ്ടാ​യി​ട്ടും അ​ച്ഛ​ന്‍റെ ഓ​പ്പ​റേ​ഷ​നു പൈ​സ എ​ത്തി​ക്കാ​ൻ വ​ഴി കാ​ണാ​തെ വി​ഷ​മി​ച്ചി​രു​ന്ന ആ ​പ്ര​വാ​സി​യെ ഗ​ൾ​ഫി​ലെ കു​ഴ​ൽ​പ​ണ ഇ​ട​പാ​ടു​കാ​രു​മാ​യി ക​ണ​ക്ട് ചെ​യ്തു കൊ​ടു​ത്ത​ത് ഒ​രു സു​ഹൃ​ത്താ​ണ്.

നാ​ട്ടി​ലേ​ക്ക​യ​യ്ക്കാ​നു​ള്ള ഒ​ന്പ​തു ല​ക്ഷം രൂ​പ​യും പൈ​സ എ​ത്തി​ക്കേ​ണ്ട സ്ഥ​ല​വും തൃ​ശൂ​ർ​ക്കാ​ര​ൻ ഗ​ൾ​ഫി​ലെ ഹ​വാ​ല സേ​ഠി​നു ന​ൽ​കി. മി​നി​റ്റു​ക​ൾ​ക്കു​ള്ളി​ൽ തൃ​ശൂ​ർ സ്വ​ദേ​ശി​ക്കു ഫോ​ണ്‍ വ​ന്നു, നാ​ട്ടി​ൽ​നി​ന്നു പൈ​സ കി​ട്ടി​യെ​ന്നു പ​റ​ഞ്ഞു വീ​ട്ടു​കാ​രു​ടെ ആ​ശ്വാ​സ വി​ളി....

സേ​ഠി​നോ​ടു ന​ന്ദി പ​റ​ഞ്ഞു ആ ​തൃ​ശൂ​ർ​ക്കാ​ര​ൻ ദു​ബാ​യി​ലെ ഫ്ലാ​റ്റി​നു പു​റ​ത്തി​റ​ങ്ങി. നി​വൃ​ത്തി​കേ​ടു​കൊ​ണ്ട് കു​ഴ​ൽ​പ്പ​ണ ഇ​ട​പാ​ടി​ൽ ചെ​ന്നു​പെ​ടു​ക​യാ​യി​രു​ന്നു ഇ‍‍​യാ​ൾ. പ​ക്ഷേ, അ​ടു​ത്ത ത​വ​ണ​യും ഇ​തു​പോ​ലൊ​രു ഘ​ട്ട​ത്തി​ൽ അ​യാ​ൾ പ​ണം വേ​ഗ​ത്തി​ലെ​ത്തി​ക്കാ​ൻ ചെ​ന്നെ​ത്തി​യ​ത് ആ ​സേ​ഠു​വി​ന്‍റെ ഫ്ലാ​റ്റി​ൽ ത​ന്നെ​യാ​യി​രു​ന്നു. അ​യാ​ൾ വ​ഴി പ​ല​രും സേ​ഠി​ന്‍റെ ക​സ്റ്റ​മേ​ഴ്സാ​യി... അ​താ​ണ് ഹ​വാ​ല അ​ഡി​ക്ഷ​ൻ!

റോ​യ​ൽ മെ​ക്കു​കാ​ർ!

കു​ഴ​ൽ​പ​ണ ലോ​ബി​ക​ൾ ത​ങ്ങ​ളു​ടെ സം​ഘ​ത്തി​ലെ​പ്പോ​ഴും മെ​ക്കാ​നി​ക്ക​ൽ എ​ൻ​ജി​നി​യ​റിം​ഗി​ൽ മി​ടു​ക്ക​ൻ​മാ​രാ​യ​വ​രെ കൂ​ടെ കൂ​ട്ടും. മം​ഗ​ലാ​പു​ര​ത്തും ചെ​ന്നൈ​യി​ലു​മെ​ല്ലാം ഇ​ത്ത​ര​ത്തി​ൽ ഹ​വാ​ല സം​ഘ​ങ്ങ​ളു​ടെ കൂ​ടെ ഒ​രു എ​ൻ​ജി​നി​യ​റിം​ഗ് ഗ്രൂ​പ്പു ത​ന്നെ​യു​ണ്ട്. റോ​യ​ൽ മെ​ക്ക് എ​ന്നു വി​ശേ​ഷി​പ്പി​ക്കു​ന്ന മെ​ക്കാ​നി​ക്ക​ൽ എ​ൻ​ജി​നി​യ​ർ​മാ​രാ​ണ് കു​ഴ​ൽ​പ​ണം ക​ട​ത്തു​ന്ന വാ​ഹ​ന​ങ്ങ​ൾ രൂ​പ​മാ​റ്റം വ​രു​ത്തി ര​ഹ​സ്യ അ​റ​ക​ൾ നി​ർ​മി​ക്കു​ന്ന​തു​പോ​ലെ​യു​ള്ള പ​രി​പാ​ടി​ക​ൾ ചെ​യ്യു​ന്ന​ത്.

വ​ഴി​യി​ൽ പോ​ലീ​സോ മ​റ്റേ​തെ​ങ്കി​ലും ഏ​ജ​ൻ​സി​ക​ളോ വാ​ഹ​നം പ​രി​ശോ​ധി​ച്ചാ​ൽ ഒ​രു ത​ര​ത്തി​ലും ക​ണ്ടെ​ത്താ​ൻ ക​ഴി​യാ​ത്ത വി​ധ​ത്തി​ൽ വാ​ഹ​ന​ങ്ങ​ൾ​ക്ക​ക​ത്ത് അ​റ​ക​ൾ നി​ർ​മി​ക്കാ​ൻ പ്ര​ത്യേ​ക വൈ​ദ​ഗ്ധ്യം ല​ഭി​ച്ച മെ​ക്കാ​നി​ക്കു​ക​ളും മെ​ക്കാ​നി​ക്ക​ൽ എ​ൻ​ജി​നി​യ​ർ​മാ​രും അ​യ​ൽ​സം​സ്ഥാ​ന​ങ്ങ​ളി​ലെ ഹ​വാ​ല ഗ്യാം​ഗു​ക​ളി​ലു​ണ്ട്. ഇ​വ​രു​ടെ സേ​വ​നം ആ​വ​ശ്യ​മു​ള്ളി​ട​ത്തേ​ക്ക് ഇ​വ​രെ​ത്തും. പ​ണം ക​ട​ത്താ​നാ​യി പോ​കു​ന്ന വാ​ഹ​നം മോ​ഡി​ഫൈ ചെ​യ്ത് ഓ​ൾ​ട്രേ​ഷ​ൻ വ​രു​ത്തി​യെ​ന്നു തോ​ന്നാ​ത്ത വി​ധം ര​ഹ​സ്യ​അ​റ​ക​ൾ നി​ർ​മി​ക്കും. പ​ണം ക​ട​ത്തു​ന്ന കാ​രി​യ​ർ​മാ​ർ​ക്കും ര​ഹ​സ്യ അ​റ​യു​ടെ ഓ​പ്പ​റേ​ഷ​ൻ പ​റ​ഞ്ഞു കൊ​ടു​ക്കും. സീ​റ്റി​ന​ട​യി​ലും മ​റ്റും പോ​ലീ​സു​കാ​ർ സ്ഥി​ര​മാ​യി പ​രി​ശോ​ധി​ക്കു​ന്ന​തി​നാ​ൽ ഇ​പ്പോ​ൾ ക്ല​ച്ചി​നോ​ടും ബ്രേ​ക്കി​നോ​ടു​മൊ​ക്കെ ചേ​ർ​ന്നു വാ​ഹ​ന​ത്തി​ന്‍റെ മു​ൻ​ഭാ​ഗ​ത്താ​ണ് ഹ​വാ​ല മെ​ക്കു​കാ​ർ ര​ഹ​സ്യ അ​റ​ക​ൾ നി​ർ​മി​ക്കു​ന്ന​ത്.


കോ​ഡു​ക​ളു​ടെ ക​ളി!

കു​ഴ​ൽ​പ​ണ​വു​മാ​യി ക​ർ​ണാ​ട​ക​യി​ൽ​നി​ന്നും ത​മി​ഴ്നാ​ട്ടി​ൽ​നി​ന്നു​മെ​ല്ലാം കേ​ര​ള​ത്തി​ലേ​ക്കു വ​രു​ന്ന കാ​രി​യ​ർ​മാ​ർ​ക്കു കോ​ഡ് ക്ലാ​സ് നി​ർ​ബ​ന്ധ​മാ​ണ്. കോ​ഡു​ക​ളു​ടെ ക​ളി കൂ​ടി​യാ​ണ് ഹ​വാ​ല ബി​സി​ന​സ്. കൗ​തു​ക​മു​ള്ള കോ​ഡു​ക​ളാ​യി​രി​ക്കും ഇ​വ​ർ ഉ​പ​യോ​ഗി​ക്കു​ക. കേ​ട്ടാ​ൽ സാ​ധാ​ര​ണ വാ​ക്കോ വാ​ച​ക​മോ ആ​ണെ​ങ്കി​ലും ആ ​കോ​ഡി​ൽ കോ​ടി​ക​ളാ​ണ് ഒ​ളി​ഞ്ഞു കി​ട​ക്കു​ന്നു​ണ്ടാ​വു​ക. അ​യ​ൽ​സം​സ്ഥാ​ന​ത്തു​നി​ന്നു കേ​ര​ള​ത്തി​ലേ​ക്ക് ഒ​റ്റ​യ​ടി​ക്കു പ​ണം എ​ത്തി​ക്കു​ന്ന ഏ​ർ​പ്പാ​ട് ഹ​വാ​ല​ക്കാ​ർ​ക്കി​ല്ല. പ​ല ജി​ല്ല​ക​ളി​ലേ​ക്കാ​യി എ​ത്തി​ച്ച് അ​വി​ടെ​നി​ന്നു കാ​രി​യ​ർ​മാ​ർ മാ​റി മാ​റി കേ​ര​ള​മെ​ന്പാ​ടും പ​ണ​മെ​ത്തി​ക്കു​ന്ന രീ​തി​യാ​ണ് പൊ​തു​വേ​യു​ള്ള​ത്.

പ​ണം തൃ​ശൂ​ർ​ക്കു​ള്ള​താ​ണെ​ങ്കി​ൽ അ​തു ഗ​ഡി​ക്കു​ള്ള​താ​ണെ​ന്നും തി​രു​വ​ന​ന്ത​പു​ര​ത്തേ​ക്കു​ള്ള​താ​ണെ​ങ്കി​ൽ അ​ത് അ​പ്പി​ക്കു​ള്ള​താ​ണെ​ന്നു​മാ​ണ് ഒ​രു കോ​ഡു​ഭാ​ഷ. പാ​ല​ക്കാ​ട്ടേ​ക്കു​ള്ള​തു ടി​പ്പു​വി​നും കോ​ഴി​ക്കോ​ട്ടേ​ക്കാ​ണേ​ൽ സാ​മൂ​തി​രി​ക്കു​മെ​ന്നാ​ണ് പ​റ​യു​ക. കോ​ട്ട​യ​ത്തേ​ക്കാ​ണേ​ൽ കു​ഞ്ഞ​ച്ച​നും.

പ​ണ​വും സ്വ​ർ​ണ​വും പ​ര​സ്പ​രം കൈ​മാ​റു​ന്ന ഇ​ട​പാ​ടു​കാ​ർ പ​ണ്ട് ഉ​പ​യോ​ഗി​ച്ചി​രു​ന്ന കോ​ഡി​ലൊ​രെ​ണ്ണം അ​മ്മാ​യി പെ​റ്റോ എ​ന്ന ചോ​ദ്യ​വും കു​ട്ടി ചാ​പി​ള്ള​യാ​ണ് എ​ന്ന മ​റു​കോ​ഡു​മാ​ണ്.
നൂ​ലു കെ​ട്ട്, പി​റ​ന്നാ​ൾ, വി​വാ​ഹ​നി​ശ്ച​യം, ക​ല്യാ​ണം എ​ന്നി​ങ്ങ​നെ​യു​ള്ള കോ​ഡു​ക​ളാ​ണ് സ്വ​ർ​ണം ക​ട​ത്തു​ന്ന​തി​ൽ പ്ര​യോ​ഗി​ക്കു​ക. കു​റ​ഞ്ഞ അ​ള​വി​ലു​ള്ള സ്വ​ർ​ണ​ക്ക​ട​ത്ത് നൂ​ലു​കെ​ട്ടെ​ന്നും വ​ൻ​തോ​തി​ലു​ള്ള സ്വ​ർ​ണ​ക്ക​ട​ത്ത് ക​ല്യാ​ണ​മെ​ന്ന കോ​ഡി​ലും പ​തി​യി​രി​ക്കു​ന്നു.

ഒ​രു കോ​ടി മു​ത​ലു​ള്ള പ​ണ​ത്തി​നു ക​രി​ക്കെ​ന്നാ​ണ് കേ​ര​ള​ത്തി​ലേ​ക്ക് എ​ത്തി​ക്കു​ന്ന പ​ണ​ത്തി​നെ കോ​ഡി​ൽ ചി​ല​ർ വി​ശേ​ഷി​പ്പി​ക്കാ​റു​ള്ള​ത്. എ​ത്ര ക​രി​ക്കു​ണ്ട് എ​ന്ന ചോ​ദ്യ​ത്തി​ന് എ​ത്ര കോ​ടി​ക​ൾ എ​ന്നാ​ണ​ർ​ഥം.
(തു​ട​രും)

ത​യാ​റാ​ക്കി​യ​ത്: കെ.​ഷി​ന്‍റു​ലാ​ല്‍

Copyright @ 2022 , Rashtra Deepika Ltd.