റിയാദ്: കോവിഡ് വൈറസ് ബാധിതരിൽ അധികംപേരും രോഗമുക്തി നേടുമ്പോഴും കോവിഡ് മൂലമുള്ള മരണവും സൗദിയിൽ വർധിക്കുന്നു. ചൊവ്വാഴ്ച 24 പേർ കൂടി മരിച്ചതോടെ ആകെ മരണം 549 ആയി. പുതുതായി രോഗം ബാധിച്ചത് 1869 പേർക്കാണ്. കോവിഡ് വൈറസിന്റെ പിടിയിലായവരുടെ എണ്ണം ഇതോടെ 89,011 ആയി വർധിച്ചു. എന്നാൽ ഇപ്പോൾ ചികിത്സയിലുള്ളവർ 22,672 പേർ മാത്രമാണ്.
പുതുതായി മരണമടഞ്ഞവർ മക്ക (6), ജിദ്ദ (9), റിയാദ് (6), മദീന, ദമ്മാം, ഖുൻഫുദ എന്നിവിടങ്ങളിൽ ഒന്ന് വീതവുമാണ്.
പുതിയ രോഗികളുടെ പ്രവിശ്യ തിരിച്ചുള്ള കണക്ക്: റിയാദ് 556, മക്ക 300, ജിദ്ദ 279, ദമ്മാം 129, ഹൊഫൂഫ് 119, ഖതീഫ് 78, ദരിയ്യ 72, മദീന 57, ഖോബാർ 36, തായിഫ് 27, ഹദ്ദ 27, അൽമുബറസ് 17, യാമ്പു 16, ബേഷ് 16, നജ്റാൻ 16, അൽജഫർ 13, മഹായിൽ 9, തബൂക് 9.
റിപ്പോർട്ട്: ഷക്കീബ് കൊളക്കാടൻ