കുവൈറ്റ് സിറ്റി: കോഴിക്കോട് നന്തി സ്വദേശിയും കുവൈത്ത് കെഎംസിസിയുടെ സജീവ പ്രവർത്തകനുമായിരുന്ന കാഞ്ഞിരക്കുറ്റി അബ്ദുൾ ഹമീദ് (63) എന്ന സൽമാസ് ഹമീദ് നിര്യാതനായി. കോവിഡ് ബാധിച്ച് കുവൈത്ത് ജാബിർ ആശുപത്രിയിൽ ചികിത്സയിലായിരുന്നു. പരേതരായ കാഞ്ഞിരക്കുറ്റി ഹസൈനാറിന്‍റേയും നബീസയുടേയും മകനാണ്. ഭാര്യ: സെക്കീന പയ്യോളി. മക്കൾ: തൻസി, സൽഖ, സെൽമി. സഹോദരങ്ങൾ: അബ്ദുൽ അസീസ് (കുവൈത്ത്), കുഞ്ഞിപ്പാത്തു, സുബൈദ, ഷക്കീല, അസ്മ, നഹ്ലത്ത്.
സംസകാരം സബ്ഹാൻ ഖബർസ്ഥാനിൽ സംസ്കരിച്ചു. കുവൈത്ത് കെ.എംസിസി പ്രസിഡന്‍റ് ഷറഫുദ്ദീൻ കണ്ണേത്തിന്‍റെ നേതൃത്വത്തിൽ നടന്ന ഖബറടക്ക ചടങ്ങിൽ സഹോദരൻ അബ്ദുൾ അസീസ്, ബന്ധുക്കളായ ഷറഫു, ഒ.കെ. മുസ്തഫ, ഇഖ്ബാൽ, ടി.വി. ഹമീദ്, സിയാദ്, ഫിറോസ്, അസ്ലീർ, കുവൈത്ത് കെ.എംസിസി ജനറൽ സെക്രട്ടറി എം.കെ.അബ്ദുൾ റസാഖ്, വൈസ് പ്രസിഡന്‍റുമാരായ മുഹമ്മദ് അസ്ലം കുറ്റിക്കാട്ടൂർ, ഹാരിസ് വള്ളിയോത്ത്, സെക്രട്ടറി ടി.ടി.ഷംസു, കോഴിക്കോട് ജില്ല പ്രസിഡന്‍റ് ഫാസിൽ കൊല്ലം, കൊയിലാണ്ടി മണ്ഡലം ജനറൽ സെക്രട്ടറി ഫാറൂഖ് ഹമദാനി, മെഡിക്കൽ വിംഗ് നേതാക്കളായ ഫൈസൽ, മുഹമ്മദ് കമാൽ, ഇയാസ്, മറ്റു നേതാക്കളായ നിസാർ അലങ്കാർ, അസീസ് പാടൂർ, ആബിദ് ഫൈസി, ഇബ്രാഹിം നന്തി, ഷരീഖ് നന്തി, മജീദ് നന്തി, അഹമ്മദ് കടലൂർ, അനുഷാദ്, തുടങ്ങിയവർ സംബന്ധിച്ചു. ഹെൽപ് ഡെസ്ക് കണ്‍വീനർ സലീം നിലന്പൂരാണ് സംസ്കാരം സംബന്ധമായ പേപ്പർ ജോലികൾ പൂർത്തീകരിച്ചത്.
റിപ്പോർട്ട്: സലിം കോട്ടയിൽ