ജർമനിയിൽ മൂന്നു മില്യനോളം കുട്ടികൾ ദാരിദ്യ്രത്തിൽ : Deepika.com Nri News Europe

ബർലിൻ: ജർമനിയിൽ കുട്ടികൾക്കിടയിലുള്ള ദാരിദ്യ്രം വർധിച്ചു വരുകയാണെന്ന് പഠന റിപ്പോർട്ട്. കൊറോണവൈറസ് പ്രതിസന്ധി ഈ പ്രശ്നം രൂക്ഷമാക്കിയതായും റിപ്പോർട്ടിൽ ചൂണ്ടിക്കാട്ടുന്നു. ബെർട്ടൽസ്മാൻ ഫൗണ്ടേഷന്‍റെ ഒരു പുതിയ പഠനത്തിലാണ് ഇത് വെളിപ്പെടുത്തുന്നത്. പ്രത്യേകിച്ച് കൊറോണ വൈറസ് പ്രതിസന്ധിയുടെ വെളിച്ചത്തിൽ ജർമ്മനിയിൽ കുട്ടികളുടെ ദാരിദ്യ്രം വർധിച്ചുവരുന്ന പ്രശ്നമാണെന്ന് തെളിയിക്കുന്നു.

പതിനെട്ടു വയസിൽ താഴെയുള്ളവരിൽ 28 ലക്ഷം പേരാണ് ദാരിദ്യ്രത്തിൽ കഴിയുന്നത്. ഈ പ്രായവിഭാഗത്തിൽ രാജ്യത്തുള്ള ആകെ ആളുകളിൽ 21.3 ശതമാനം വരും ഈ സംഖ്യ.

കുട്ടികൾക്കിടയിലെ ദാരിദ്യ്രം പരിഹരിക്കുന്നതിന് വർഷങ്ങളായി പല പദ്ധതികൾ നടപ്പാക്കി വരുകയാണെങ്കിലും 2014 മുതൽ മിക്കതും ഫലം കാണുന്നില്ലെന്നാണ് വിലയിരുത്തൽ. ഇക്കാര്യത്തിൽ പ്രദേശികമായ വ്യത്യാസങ്ങളും പ്രകടമാണ്. ബർലിനിലും ബ്രെമനിലുമാണ് കുട്ടികൾക്കിടയിലെ ദാരിദ്യ്രം ഏറ്റവും കൂടുതൽ. ബവേറിയ, ബാഡൻ വൂർട്ടംബർഗ് എന്നിവിടങ്ങളിൽ ഏറ്റവും കുറവും.

കുട്ടികളുടെ ദാരിദ്യ്രത്തിനെതിരായ പോരാട്ടം ജർമ്മനിയിലെ ഏറ്റവും വലിയ സാമൂഹിക വെല്ലുവിളിയാണ്,ന്ധ എന്നിരുന്നാലും, 2014 മുതൽ ദേശീയ ശരാശരിയിൽ കാര്യമായ പുരോഗതി ഉണ്ടായിട്ടില്ല. ന്ധഅഞ്ച് കുട്ടികളിൽ ഒന്നിൽ കൂടുതൽ എന്ന നിലയിലാണ് കുട്ടികളെ ബാധിക്കുന്നത്. എന്നാലിത് പ്രാദേശികമായി വ്യത്യാസപ്പെട്ടിരിയ്ക്കുന്നതായും പറയുന്നു.

ശരാശരി വരുമാനത്തിന്‍റെ 60 ശതമാനത്തിൽ താഴെയുള്ള കുടുംബങ്ങളിൽ താമസിക്കുന്ന പ്രായപൂർത്തിയാകാത്തവരുടെ അനുപാതം 20.1 ശതമാനമാണ്. ഇതു കൂടാതെ, ഓരോ ഏഴാമത്തെ കുട്ടിയും അല്ലെങ്കിൽ 13.8 ശതമാനം ഹാർട്ട്സ് ഫോർ ക്ഷേമ വ്യവസ്ഥയുടെ ഗുണഭോക്താക്കളാണ്. പകുതിയോളം കുട്ടികളും നാല് വർഷത്തിലേറെയായി ഹാർട്ട്സ് നാലിന്‍റെ ഭാഗമാണ്, മറ്റൊരു 38 ശതമാനം ഒരു വർഷത്തിലേറെയായി പട്ടിണിയിലാണ്.

റിപ്പോർട്ട്: ജോസ് കുന്പിളുവേലിൽ