പേ​ര​ക്കു​ട്ടി​ക​ളെ ര​ക്ഷി​ക്കു​ന്ന​തി​നി​ടെ മ​ര​ക്കൊ​മ്പ് വീ​ണ് മു​ത്ത​ച്ഛ​നു ദാ​രു​ണാ​ന്ത്യം
Wednesday, June 4, 2025 7:04 AM IST
പി.പി. ചെറിയാൻ
ജോ​ർ​ജി​യ: ജോ​ർ​ജി​യ​യെ തീ​വ്ര ദുഃ​ഖ​ത്തി​ലാ​ഴ്ത്തി കൊ​ച്ചു​മ​ക്ക​ളെ ര​ക്ഷി​ക്കാ​നു​ള്ള ശ്ര​മ​ത്തി​നി​ടെ മു​ത്ത​ച്ഛ​ന് ദാ​രു​ണാ​ന്ത്യം. മാ​നു​വ​ൽ പി​ൻ​സ​ൺ(77) ആ​ണ് കൊ​ച്ചു​മ​ക്ക​ളാ​യ എ​ട്ടു വ​യ​​സു​ള്ള ഇ​ര​ട്ട​ക്കു​ട്ടി​ക​ളാ​യ ഇ​സ​യെ​യും ഗാ​ബി​യെ​യും ര​ക്ഷി​ക്കു​ന്ന​തി​നി​ടെ​യാ​ണ് മാ​നു​വ​ന​ലി​ന് മ​ര​ണം സം​ഭ​വി​ച്ച​ത്.

മാ​നു​വ​ലി​ന്‍റെ ജോ​ർ​ജി​യ​യി​ലെ ഡാ​ക്കു​ല​യി​ൽ വീ​ടി​ന് സ​മീ​പ​ത്തു​ള്ള വ​ന​ത്തി​ൽ ക​ളി​ക്കു​ന്ന​തി​നി​ടെ ഇ​സ​യും ഗാ​ബി​യും ആ​ക​സ്മി​ക​മാ​യി ഒ​രു കു​ഞ്ഞു​മാ​ൻ കു​ട്ടി​യെ ക​ണ്ടെ​ത്തു​ക​യാ​യി​രു​ന്നു. ഇ​ക്കാ​ര്യം ഇ​രു​വ​രും തി​രി​കെ വീ​ട്ടി​ലെ​ത്തി മു​ത്ത​ച്ഛ​നെ അ​റി​യി​ച്ചു.

ഉ​ച്ച​ഭ​ക്ഷ​ണം ക​ഴി​ച്ച ശേ​ഷം മാ​ൻ​കു​ട്ടി​യെ നോ​ക്കാ​മെ​ന്നും അ​തി​ന് എ​ന്തെ​ങ്കി​ലും പ​രു​ക്കു​ണ്ടോ എ​ന്ന് ശ്ര​ദ്ധി​ക്കാ​നും മാ​നു​വ​ൽ കു​ട്ടി​ക​ളോ​ട് പ​റ​ഞ്ഞു. ഉ​ച്ച​യ്ക്ക് 12ന് മാ​നു​വ​ലും കൊ​ച്ചു​മ​ക്ക​ളും അ​ദ്ദേ​ഹ​ത്തിന്‍റെ സ​ഹോ​ദ​രി​യും ചേ​ർ​ന്ന് മാ​ൻ​കു​ട്ടി​യെ കാ​ണാ​നാ​യി വീ​ടി​ന് പു​റ​ത്തേ​ക്ക് ന​ട​ന്നു. ഇ​തി​നി​ടെ കു​ട്ടി​ക​ളു​ടെ നേ​ർ​ക്ക് വ​ലി​യൊ​രു മ​ര​ക്കൊ​മ്പ് വീ​ണു. ഇ​തു ക​ണ്ട മാ​നു​വ​ൽ ഒ​ട്ടും സ​മ​യം ക​ള​യാ​തെ, അ​വ​രെ ര​ക്ഷി​ക്കാ​നാ​യി മു​ന്നോ​ട്ട് കു​തി​ച്ചു.


കു​ട്ടി​ക​ളെ ത​ട്ടി​മാ​റ്റി​യെ​ങ്കി​ലും മ​ര​ക്കൊ​മ്പ് മാ​നു​വ​ലി​ന്‍റെ ശ​രീ​ര​ത്തി​ൽ വീ​ണു. ത​ല​യ്ക്ക് ഗു​രു​ത​ര​മാ​യി പ​രിക്കേ​റ്റ അ​ദ്ദേ​ഹ​ത്തെ ഉ​ട​നെ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും, ജീ​വ​ൻ ര​ക്ഷി​ക്കാ​നാ​യി​ല്ല. അ​പ​ക​ടം നേ​രി​ൽ ക​ണ്ട കു​ട്ടി​ക​ൾ ആ​ഘാ​ത​ത്തി​ൽ നി​ന്ന് മു​ക്ത​രാ​യി​ട്ടി​ല്ല. അ​തി​നാ​ൽ, അ​ടു​ത്ത ആ​ഴ്ച മു​ത​ൽ കു​ട്ടി​ക​ൾ​ക്ക് ട്രോ​മാ കൗ​ൺ​സി​ലിം​ഗ് ന​ൽ​കാ​ൻ തീ​രു​മാ​നി​ച്ചി​രി​ക്കു​ക​യാ​ണ്.