മറക്കാനാവില്ല പാച്ചു മൂത്തതിനെ
വൈ​ക്ക​ത്ത് പ​ടി​ഞ്ഞേ​റ​ട​ത്തി​ല്ല​ത്ത് നീ​ല​ക​ണ്ഠ​ൻ മൂ​ത്ത​തി​ന്‍റെ പു​ത്ര​നാ​യി 1814 ആ​ഗ​സ്റ്റ് 18 നായിരുന്നു പാ​ച്ചു​മൂ​ത്ത​തിന്‍റെ ജ​ന​നം. ദാ​രി​ദ്ര്യം കൊ​ടികു​ത്തി​വാ​ണി​രു​ന്ന ഇ​ല്ലം. വൈ​ക്കം മ​ഹാ​ദേ​വ​ക്ഷേ​ത്ര​ത്തി​ൽ നി​ന്നു ചി​ല പ്ര​ത്യേ​ക അ​വ​കാ​ശ​ങ്ങ​ൾ ല​ഭി​ച്ചി​രു​ന്ന​തു​കൊ​ണ്ട് അ​ത്താ​ഴ​പ്പഷ്ണി കി​ട​ക്കാ​തെ ക​ഴി​ഞ്ഞു. ക്ഷേ​ത്ര​ത്തി​ൽ തി​ട​ന്പെ​ഴു​ന്നെ​ള്ളി​ക്കു​വാ​നും, വൈ​ക്കം മ​ഹാ​ദേ​വ ക്ഷേ​ത്ര​ത്തി​ൽ ചി​ല പ്ര​ത്യേ​ക അ​വ​കാ​ശ​ങ്ങ​ളു​ള്ള​വ​രാ​യി​രു​ന്നു വൈ​ക്ക​ത്ത് പാ​ച്ചു​മൂ​ത്ത​തി​ന്‍റെ പൂ​ർ​വ്വി​ക​ർ.

പാ​ര​ന്പ​ര്യ​മാ​യി കി​ട്ടി​യ കു​ല​ത്തൊ​ഴി​ൽ​കൊ​ണ്ട് ഉ​പ​ജീ​വ​ന​ത്തി​ന് സാ​ധി​ക്കി​ല്ല എ​ന്നു മ​ന​സ്സി​ലാ​ക്കി​യ പാ​ച്ചു മൂ​ത്ത​ത് വ്യാ​ക​ര​ണം, ത​ർ​ക്കം, മീ​മാം​സ, വേ​ദാ​ന്തം, വൈ​ദ്യം, ജ്യോ​തി​ഷം, ചി​ത്ര​മെ​ഴു​ത്ത് എ​ന്നീ ശാ​സ്ത്ര​ങ്ങ​ളി​ൽ പ​ഠ​നം തു​ട​ർ​ന്നു. അ​ന്പ​ല​ങ്ങ​ളി​ൽ നാ​ട​കം അ​വ​ത​രി​പ്പി​ച്ചു​കൊ​ണ്ട് തി​രു​വി​താം​കൂ​റി​ലും പി​ന്നെ തി​രു-​കൊ​ച്ചി​യി​ലും ഒ​ര​വ​ധൂ​ത​നെ​പ്പോ​ലെ ജീ​വി​ച്ച പാ​ച്ചു മൂ​ത്ത​തി​ന്‍റെ ജീ​വി​തം ദു​രി​ത​ങ്ങ​ളാ​ൽ സ​മൃ​ദ്ധ​മാ​യി​രു​ന്നു.

ഇ​ല്ല​ത്തെ ദാ​രി​ദ്ര്യം മൂ​ലം തൃ​പ്ര​യാ​റി​ൽ ബ​ന്ധു​ക്ക​ളു​ടെ ഇ​ല്ല​ങ്ങ​ളി​ൽ താ​മ​സി​ച്ച് വൈ​ദ്യ ചി​കി​ത്സ​യി​ലും നി​പു​ണ​നാ​യി. അ​ദ്ഭു​ത​ക​ര​മാ​യ ജ്ഞാ​ന വൈ​വി​ധ്യം ക​യ്യാ​ളി​യി​രു​ന്ന മ​നു​ഷ്യ​നാ​യി​രു​ന്നു മൂ​ത്ത​ത്. അ​ഷ്ടാം​ഗ ഹൃ​ദ​യ​ത്തി​ലു​ള്ള അ​വ​ഗാ​ഹം മൂ​ലം കൊ​ച്ചി​യി​ലെ ദി​വാ​നാ​യി​രു​ന്ന ശ​ങ്ക​ര വാ​ര്യ​രെ ചി​കി​ത്സി​ക്കു​ന്ന​തി​ന് കൊ​ച്ചി​രാ​ജാ​വ് പ്ര​ത്യേ​കം പ​ല്ല​ക്ക് അ​യ​ച്ച് മൂ​ത്ത​തി​നെ ക്ഷ​ണി​ച്ചു. പാ​ച്ചു മൂ​ത്ത​തി​ന്‍റെ ചി​കി​ത്സ​കൊ​ണ്ട് ആ​ശ്വാ​സം കി​ട്ടി. പ​ണ​ക്കി​ഴി​യും കോ​പ്പു​ക​ളും, പ്ര​തി​മാ​സം ശ​ന്പ​ള​വും അ​നു​വ​ദി​ച്ചു​കൊ​ണ്ടു​ള്ള ഉ​ത്ത​ര​വും ദി​വാ​ൻ​ജി പു​റ​പ്പെ​ടു​വി​ച്ചു.

പി​ന്നീ​ട് കൊ​ച്ചി വ​ലി​യ ത​ന്പു​രാ​ൻ കു​തി​ര​പ്പു​റ​ത്തു​നി​ന്നു വീ​ണു​ണ്ടാ​യ അ​സു​ഖ​വും പാ​ച്ചു​മൂ​ത്ത​ത് ചി​കി​ത്സി​ച്ച് സു​ഖ​പ്പെ​ടു​ത്തി. 1029 ൽ ​തി​രു​വി​താം​കൂ​ർ ഉ​ത്രാ​ടം തി​രു​ന്നാ​ൾ മ​ഹാ​രാ​ജാ​വ് കൊ​ട്ടാ​രം വൈ​ദ്യ​നാ​യി നി​യ​മി​ച്ചു. പ്ര​ശ​സ്ത​രാ​യ നി​ര​വ​ധി മ​ഹ​ദ് വ്യ​ക്തി​ക​ളെ ചി​കി​ത്സി​ച്ച് അ​സു​ഖം ഭേ​ദ​മാ​ക്കി​യ​പ്പോ​ൾ ഏ​റെ പ്ര​ശം​സ​യും വീ​ര​ശൃം​ഖ​ല​യും, 40 പ​ണം ശ​ന്പ​ളം വ​ക​വെ​ച്ച്, ച​ങ്ങ​ല​വി​ള​ക്കി​ന് വെ​ളി​ച്ചെ​ണ്ണ മു​ത​ലാ​യ​തു കൊ​ടു​ക്കു​ന്ന​തി​ന് മ​ഹാ​രാ​ജാ​വ് ക​ൽ​പ്പ​ന പു​റ​പ്പെ​ടു​വി​ച്ചു.
ഇ​ന്ത്യ​യി​ലാ​ദ്യ​മാ​യി ലോ​ട്ട​റി ആ​രം​ഭി​ച്ച​ത് വൈ​ക്ക​ത്ത് പാ​ച്ചു​മൂ​ത്ത​തി​ന്‍റെ നി​ർ​ദ്ദേ​ശ പ്ര​കാ​ര​മാ​ണ്. ശു​ചീ​ന്ദ്രം​ശി​വ​ക്ഷേ​ത്ര ഗോ​പു​ര​ത്തി​ന്‍റെ അ​റ്റ​കു​റ്റ​പ്പണി​ക​ൾ തീ​ർ​ക്കു​ന്ന​തി​നു​വേ​ണ്ടി തി​രു​വി​താം​കൂ​ർ സ​ർ​ക്കാ​ർ അ​നു​മ​തി ന​ൽ​കി. രാ​ജ്യ​ഭ​ര​ണ​ത്തി​ലെ ന​യ​പ​ര​മാ​യ പ​ല തി​രു​മാ​ന​ങ്ങ​ളി​ലും രാ​ജാ​വ് മൂ​ത്ത​തി​ന്‍റെ ബു​ദ്ധി​യേ​യും ക്രാ​ന്ത ദ​ർ​ശി​ത്വ​ത്തേ​യും സ്വീ​ക​രി​ച്ചി​രു​ന്നു.

മ​ല​യാ​ള​സാ​ഹി​ത്യ​ത്തി​ലെ ആ​ദ്യ ആ​ത്മ​ക​ഥ 1857 ൽ ​അ​ദ്ദേ​ഹം ര​ചി​ച്ച ""ആ​ത്മ​ക​ഥ സം​ക്ഷേ​പ​ണ’’ മാ​ണെ​ന്ന് ക​രു​ത​പ്പെ​ടു​ന്നു. ആ​ദ്യ​മാ​യി ഒ​രു ബാ​ല​സാ​ഹി​ത്യ കൃ​തി എ​ഴു​തി​യ​തും അ​ദ്ദേ​ഹം ത​ന്നെ. 1867 ൽ ​പു​റ​ത്തി​റ​ങ്ങി​യ ""ബാ​ല​ഭൂ​ഷ​ണ’’​മാ​യി​രു​ന്നു അ​ത്. ആ​ദ്യ​മാ​യി തി​രു​വി​താം​കൂ​ർ ച​രി​ത്ര​വും, ആ​ദ്യ​ത്തെ സ​ന്പൂ​ർ​ണ്ണ ഭാ​ഷാ വ്യാ​ക​ര​ണ​വും എ​ഴു​തി​യു​ണ്ടാ​ക്കി​യത് പാ​ച്ചു​മൂ​ത്ത​താണ്. ക​ണ്ണാ​ടി​യി​ൽ നോ​ക്കി ഇ​ദ്ദേ​ഹം വ​ര​ച്ച ജീ​വ​സൂ​റ്റ സ്വ​ന്തം ചി​ത്ര​മാ​വാം ഒ​രു പ​ക്ഷെ മ​ല​യാ​ളി​യു​ടെ ആ​ദ്യ​ത്തെ സെ​ൽ​ഫ് പോ​ർ​ട്രെ​യി​റ്റ്. ജന്മ ​ഗൃ​ഹ​മാ​യ വൈ​ക്കം പ​ടി​ഞ്ഞാ​റേ​ട​ത്തി​ല്ല​ത്ത് സൂ​ക്ഷി​ച്ചി​രി​ക്കു​ന്ന ഛായ ​ചി​ത്ര​മാ​ണ് ഈ ​ലേ​ഖ​ന​ത്തോ​ടൊ​പ്പം കൊ​ടു​ത്തി​രി​ക്കു​ന്ന​ത്.

ക്രാ​ന്ത ദ​ർ​ശി​യാ​യ അ​ദ്ദേ​ഹം സ്വ​ന്തം മ​ര​ണ​ത്തെ മു​ൻ​കൂ​ട്ടി ക​ണ്ട് വി​ശാ​ഖം തി​രു​ന്നാ​ൾ മ​ഹാ​രാ​ജ​വി​ന് ക​ത്തെ​ഴു​തി, ത​ന്‍റെ അ​ന്ത്യം അ​ഞ്ചു ദി​വ​സ​ത്തി​ന​കം സംഭവിക്കുമെന്ന്. അ​തി​ങ്ങ​നെ​യാ​യി​രു​ന്നു. ""നാ​ല​ഞ്ചു ദി​വ​സ​ങ്ങ​ൾ കൂ​ടി അ​വി​ടു​ത്തെ ആ​ശ്രി​ത​ത്വ​ത്തി​ലി​രു​ന്നു. ഈ ​ലോ​ക സു​ഖം ത്യ​ജി​ക്ക​ണ​മെ​ന്നു വി​ചാ​രി​ക്കു​ന്നു. പ​ര​മേ​ശ്വ​ര​നെ തൃ​പ്പാ​ദ​ങ്ങ​ളി​ൽ സ​മ​ർ​പ്പി​ച്ചി​രി​ക്കു​ന്നു.’’
1882- ൽ അദ്ദേഹം മരിച്ചു.

സു​ബ്ര​ഹ്മ​ണ്യ​ൻ അ​ന്പാ​ടി





Copyright @ 2020 , Rashtra Deepika Ltd.