ഒ​രു ലാ​പ്ടോ​പ്പും എ​ഐ​യും മ​തി, ആ​ർ​ക്കും സം​ഗീ​ത​ജ്ഞ​നാ​വാം എ​ന്ന സ്ഥി​തി​യി​ലേ​ക്കാ​ണ് കാ​ര്യ​ങ്ങ​ളു​ടെ പോ​ക്ക്. വ​രി​ക​ൾ എ​ഴു​തി, ഈ​ണ​മി​ട്ട്, ഓ​ർ​ക്ക​സ്ട്ര അ​റേ​ഞ്ച് ചെ​യ്ത് പാ​ടി​ക്കി​ട്ടു​ന്ന യാ​ന്ത്രി​ക​കാ​ലം. വേ​ദി​ക​ളി​ൽ പെ​ർ​ഫോം ചെ​യ്യു​ന്ന​തും ലാ​പ്ടോ​പ്.

ഓ​ർ​ക്ക​സ്ട്ര വേ​ണ്ട, പാ​ടു​ക​യും വേ​ണ്ട. ഇ​ങ്ങ​നെ മ​തി​യോ എ​ന്ന് ആ​രും ചോ​ദി​ച്ചു​പോ​കും. പോ​രാ എ​ന്നു പ​റ​യാ​ൻ ആ​ളു​ക​ൾ കു​റ​വാ​ണ്. എ​ന്നാ​ൽ, ലെ​സ്‌​ലി ലൂ​യി​സ് പ​റ​യു​ന്നു- ഭാ​വ​വും വി​കാ​ര​വു​മാ​ണ് സം​ഗീ​ത​ത്തെ ന​യി​ക്കേ​ണ്ട​തെ​ന്ന്...​ഒ​രു സ്വ​പ്ന​ത്തി​ൽ​നി​ന്നാ​ണ് ഇ​പ്പോ​ഴും മെ​ല​ഡി​യു​ണ്ടാ​കു​ന്ന​ത്- ലെ​സ്‌​ലി‌ ലൂ​യി​സ്.

അ​പ്പോ​ൾ ന​മു​ക്കു ചോ​ദി​ക്കാം, എ​വി​ടെ​നി​ന്ന​ല്ല സു​ന്ദ​ര​സം​ഗീ​ത​മു​ണ്ടാ​കു​ന്ന​ത് എ​ന്ന്. ഉ​ത്ത​രം അ​ദ്ദേ​ഹം​ത​ന്നെ പ​റ​യു​ന്നു​ണ്ട്- ഒ​രി​ക്ക​ലും കം​പ്യൂ​ട്ട​റി​ൽ​നി​ന്ന​ല്ല, ഓ​ട്ടോ-​ട്യൂ​ണി​ൽ​നി​ന്ന​ല്ല, എ​ഐ​യി​ൽ​നി​ന്ന​ല്ല!

വ​ണ്‍ ഓ​ഫ് എ ​കൈ​ൻ​ഡ് എ​ന്നു വി​ശേ​ഷി​പ്പി​ക്കാ​വു​ന്ന സം​ഗീ​ത​ജ്ഞ​നാ​ണ് ലെ​സ്‌​ലി ലൂ​യി​സ്. അ​ദ്ദേ​ഹ​ത്തി​ന്‍റെ സം​ഗീ​ത​വു​മാ​യി വ​ലി​യ ബ​ന്ധ​മി​ല്ലാ​ത്ത​വ​ർ​ക്കു പോ​ലും കൊ​ളോ​ണി​യ​ൽ ക​സി​ൻ​സ് എ​ന്ന ആ​ൽ​ബ​ത്തി​ന്‍റെ പേ​രു പ​റ​ഞ്ഞാ​ൽ അ​റി​യാം. ഗാ​യ​ക​ൻ ഹ​രി​ഹ​ര​നു​മാ​യി ചേ​ർ​ന്നു രൂ​പീ​ക​രി​ച്ച സം​ഗീ​ത​ദ്വ​യ​മാ​ണ് കൊ​ളോ​ണി​യ​ൽ ക​സി​ൻ​സ്. അ​തേ പേ​രി​ലു​ള്ള ആ​ദ്യ ആ​ൽ​ബം പു​റ​ത്തി​റ​ങ്ങി​യി​ട്ട് 30 വ​ർ​ഷ​ങ്ങ​ളാ​കു​ന്നു.

എം​ടി​വി ഏ​ഷ്യാ വ്യൂ​വേ​ഴ്സ് ചോ​യ്സ് അ​വാ​ർ​ഡ്, യു​എ​സ് ബി​ൽ​ബോ​ർ​ഡ് വ്യൂ​വേ​ഴ്സ് അ​വാ​ർ​ഡ് എ​ന്നി​വ നേ​ടി​യ ആ​ൽ​ബ​മാ​ണ​ത്. കൃ​ഷ്ണ, സ​നി​ധ​പ തു​ട​ങ്ങി​യ പാ​ട്ടു​ക​ൾ ഇ​ന്നും ത​ല​മു​റ​ക​ൾ​ക്കു പ്രി​യ​ങ്ക​രം. ഇ​ന്ത്യ​ൻ ശ്രോ​താ​ക്ക​ൾ​ക്ക് റോ​ക്ക്, പോ​പ് സം​ഗീ​ത​ധാ​ര​ക​ളെ പ​രി​പ​ച​യ​പ്പെ​ടു​ത്തി​യ കം​പോ​സ​ർ​മാ​രി​ൽ മു​ൻ​നി​ര​ക്കാ​ര​നാ​ണ് ലെ​സ്‌​ലി.

എ​ക്കാ​ല​വും പു​തു​മ​ക​ളെ ഇ​ഷ്ട​പ്പെ​ടു​ക​യും സ്വീ​ക​രി​ക്കു​ക​യും ചെ​യ്ത അ​ദ്ദേ​ഹം ക​ഴി​ഞ്ഞ​നാ​ൾ സം​ഗീ​ത​മേ​ഖ​ല​യി​ലെ ആ​ർ​ട്ടി​ഫി​ഷ​ൽ ഇ​ന്‍റ​ലി​ജ​ൻ​സി​ന്‍റെ ഇ​ട​പെ​ട​ലു​ക​ളെ​ക്കു​റി​ച്ചു​ള്ള ചി​ന്ത​ക​ൾ പ​ങ്കു​വ​ച്ചു. വാ​ക്കു​ക​ൾ ഇ​ങ്ങ​നെ: “സ​ർ​ഗാ​ത്മ​ക​ത​യു​ടെ മി​ക​വു​യ​ർ​ത്തു​ന്ന ഏ​തു​പ​ക​ര​ണ​ത്തെ​യും ഇ​ഷ്ട​പ്പെ​ടു​ന്ന ആ​ളെ​ന്ന നി​ല​യ്ക്ക് പു​തി​യ സാ​ങ്കേ​തി​ക​വി​ദ്യ​ക​ളെ ഞാ​ൻ സ്വാ​ഗ​തം​ചെ​യ്യു​ന്നു.

കം​പ്യൂ​ട്ട​ർ വ​ന്ന​കാ​ല​ത്ത് അ​തി​നെ ആ​ളു​ക​ൾ സം​ശ​യ​ത്തോ​ടെ​യാ​ണ് ക​ണ്ട​ത്. ഓ​ട്ടോ-​ട്യൂ​ണ്‍ സോ​ഫ്റ്റ് വെ​യ​ർ വ​ന്ന​പ്പോ​ൾ ഇ​നി ആ​ർ​ക്കും പാ​ടാം എ​ന്നാ​യി​രു​ന്നു പ​ല​രു​ടെ​യും പ​ക്ഷം. എ​ന്നാ​ൽ, അ​തൊ​ന്നു​മ​ല്ല സം​ഭ​വി​ച്ച​ത്. ന​മു​ക്കു കി​ട്ടു​ന്ന ഒ​രു​പ​ക​ര​ണ​ത്തി​ൽ വൈ​ദ​ഗ്ധ്യം നേ​ടു​ന്പോ​ഴാ​ണ് അ​തി​ന്‍റെ ശ​ക്തി കൂ​ടു​ന്ന​ത്. എ​ഐ​യു​ടെ കാ​ര്യ​വും വ്യ​ത്യ​സ്ത​മ​ല്ല. ഒ​രു പ​രീ​ക്ഷ​യ്ക്ക് സ​ഹാ​യി​ക്കു​ന്ന കാ​ൽ​ക്കു​ലേ​റ്റ​ർ മാ​ത്ര​മാ​ണ​ത്, ത​ല​ച്ചോ​റ​ല്ല.

മെ​ല​ഡി ഇ​പ്പോ​ഴും ഉ​ണ്ടാ​കു​ന്ന​ത് ഒ​രു സ്വ​പ്ന​ത്തി​ൽ​നി​ന്നാ​ണ്. എ​ഐ​യ്ക്ക് നി​ങ്ങ​ളെ സ​ഹാ​യി​ക്കാ​ൻ ക​ഴി​യും. എ​ന്നാ​ൽ, നി​ങ്ങ​ളാ​യി​രി​ക്ക​ണം അ​തി​നെ ന​യി​ക്കു​ന്ന​ത്. ഒ​രി​ക്ക​ലും അ​തു തെ​ളി​യി​ക്കു​ന്ന വ​ഴി​യേ ന​ട​ക്ക​ൽ ആ​ക​രു​ത് സം​ഗീ​ത​സൃ​ഷ്ടി.
വി​കാ​ര​ങ്ങ​ൾ​ക്കു പ​ക​ര​മാ​യി എ​ന്തെ​ങ്കി​ലും വ​യ്ക്കാ​ൻ എ​ഐ​യ്ക്കു ക​ഴി​യി​ല്ല. പ്ര​ചോ​ദി​പ്പി​ക്കാ​നും സ​ഹാ​യി​ക്കാ​നും മെ​ച്ച​പ്പെ​ടു​ത്താ​നും എ​ഐ​യ്ക്കു ക​ഴി​യും.

ഒ​രു സ​ങ്ക​ട​ത്തെ​യോ ഓ​ർ​മ​യെ​യോ ആ​ഹ്ലാ​ദ​ത്തെ​യോ കു​റി​ച്ചു മ​നു​ഷ്യ​ൻ പാ​ടു​ന്പോ​ഴു​ള്ള വി​കാ​രം കൊ​ണ്ടു​വ​രാ​ൻ അ​തി​നു സാ​ധി​ക്കി​ല്ല. സം​ഗീ​ത​ത്തി​ന്‍റെ ആ​ത്മാ​വ് മ​നു​ഷ്യ​നി​ലാ​ണ്. ക​ലാ​കാ​ര​ൻ ജീ​വ​നോ​ടെ​യു​ള്ള​യാ​ളാ​വ​ണം.”-​തെ​ളി​മ​യു​ള്ള​താ​ണ് ലെ​സ്‌​ലി​യു​ടെ വാ​ക്കു​ക​ൾ.


ഗി​റ്റാ​ർ ജ്വ​രം

ബോ​ളി​വു​ഡി​ലെ പ്ര​ശ​സ്ത കൊ​റി​യോ​ഗ്രാ​ഫ​റാ​യി​രു​ന്ന പി.​എ​ൽ. രാ​ജി​ന്‍റെ മ​ക​നാ​യി 1960 ജൂ​ണ്‍ 20ന് ​മും​ബൈ​യി​ൽ ജ​നി​ച്ച ലെ​സ്‌​ലി ലൂ​യി​സ് ബീ​റ്റി​ൽ​സി​നെ​യും എ​റി​ക് ക്ലാ​പ്ട​നെ​യും ജി​മി ഹെ​ൻ​റി​ക്സി​നെ​യും കേ​ട്ട് ആ​രാ​ധി​ച്ചാ​ണ് വ​ള​ർ​ന്ന​ത്. ചെ​റു​പ്പ​ത്തി​ലേ ഗി​റ്റാ​ർ ജ്വ​രം ക​യ​റി.

ക​ഫേ റോ​യ​ൽ (ഒ​ബ്റോ​യ് ട​വേ​ഴ്സ്) പോ​ലു​ള്ള വ​ൻ​കി​ട ഹോ​ട്ട​ലു​ക​ളി​ൽ ഗി​റ്റാ​റി​സ്റ്റാ​യി​രു​ന്നു. തു​ട​ർ​ന്ന് ക​ല്യാ​ണ്‍​ജി- ആ​ന​ന്ദ്ജി, ല​ക്ഷ്മി​കാ​ന്ത്-​പ്യാ​രേ​ലാ​ൽ, ആ​ർ.​ഡി. ബ​ർ​മ​ൻ, ലൂ​യി​സ് ബാ​ങ്ക്സ് തു​ട​ങ്ങി​യ​വ​ർ​ക്കു​വേ​ണ്ടി റി​ക്കാ​ർ​ഡിം​ഗു​ക​ൾ​ക്കും ഗി​റ്റാ​ർ വാ​യി​ച്ചു​തു​ട​ങ്ങി. പാ​ട്ടും വ​ഴ​ങ്ങു​മാ​യി​രു​ന്നു.

തം​പ്സ് ആ​പ് ടേ​സ്റ്റ് ദ ​ത​ണ്ട​ർ, മാം​ഗോ ഫ്രൂ​ട്ടി, സ​ന്തൂ​ർ സ​ന്തൂ​ർ എ​ന്നി​വ പോ​ലു​ള്ള പ​ര​സ്യ ജിം​ഗി​ളു​ക​ൾ ഒ​രു​ക്കി ലെ​സ്‌​ലി പ്ര​ശ​സ്തി​യി​ലേ​ക്കു​യ​ർ​ന്നു. ആ​ഷാ ഭോ​സ്‌​ലേ, സു​നീ​താ റാ​വു, അ​ലി​ഷാ ചി​നാ​യ്, കെ​കെ തു​ട​ങ്ങി​യ​വ​ർ​ക്കു​വേ​ണ്ടി മ്യൂ​സി​ക് കോ​ന്പോ​സി​ഷ​നും പ്രൊ​ഡ​ക്ഷ​നും നി​ർ​വ​ഹി​ച്ചു. 1998ൽ ​ഹ​സീ​ന എ​ന്ന പേ​രി​ൽ ആ​ദ്യ സോ​ളോ ആ​ൽ​ബം. ഹി​ന്ദി​യി​ലും ത​മി​ഴി​ലും സി​നി​മാ പാ​ട്ടു​ക​ളും ഒ​രു​ക്കി.

കൊ​ളോ​ണി​യ​ൽ ക​സി​ൻ​സ് പു​റ​ത്തി​റ​ങ്ങി​യ​തോ​ടെ ഇ​ന്ത്യ​ൻ സം​ഗീ​ത​രം​ഗ​ത്ത് സ്വ​ന്തം സ്ഥാ​ന​മു​റ​പ്പി​ക്കു​ക​യും ചെ​യ്തു. പി​താ​വ് ശാ​സ്ത്രീ​യ​സം​ഗീ​തം പ​ഠി​പ്പി​ക്കാ​നാ​ഗ്ര​ഹി​ച്ചെ​ങ്കി​ലും ഗി​റ്റാ​റി​ന്‍റെ വ​ഴി​യി​ൽ​നി​ന്നു മാ​റി​ന​ട​ക്കാ​ൻ ലെ​സ്‌​ലി വ​ഴ​ങ്ങി​യി​ല്ല. മു​ന്പ് ന​ർ​ത്ത​കി​യാ​യി​രു​ന്ന അ​മ്മ​യു​ടെ പി​ന്തു​ണ ആ​വോ​ളം കി​ട്ടി.

സാ​ധാ​ര​ണ ഗി​റ്റാ​റി​സ്റ്റു​ക​ളും ഗാ​യ​ക​രും ധാ​രാ​ള​മു​ണ്ടെ​ന്നു തി​രി​ച്ച​റി​ഞ്ഞ് അ​വ​രി​ൽ​നി​ന്നെ​ല്ലാം വ്യ​ത്യ​സ്ത​നാ​യൊ​രു സം​ഗീ​ത​ജ്ഞ​നാ​വ​ണം എ​ന്നാ​യി​രു​ന്നു ലെ​സ്‌​ലി​യു​ടെ ആ​ഗ്ര​ഹം. അ​തി​ൽ പ​ല​ത​ല​ങ്ങ​ളി​ൽ അ​ദ്ദേ​ഹം വി​ജ​യി​ക്കു​ക​യും ചെ​യ്തു.

ട്രെ​ൻ​ഡു​ക​ൾ വ​രും, പോ​കും

അ​റു​പ​ത്തി​നാ​ലാം വ​യ​സി​ലും ഒ​രു യു​വാ​വി​ന്‍റെ ച​ടു​ല​ത​യോ​ടെ ലെ​സ്‌​ലി ലൂ​യി​സ് സം​ഗീ​ത​രം​ഗ​ത്തു​ണ്ട്. എ​ന്താ​ണ് അ​തി​നു പി​ന്നി​ലെ ര​ഹ​സ്യം എ​ന്ന ചോ​ദ്യ​ത്തി​ന് ഉ​ത്ത​രം ഇ​ങ്ങ​നെ: “ക്രി​യേ​റ്റി​വി​റ്റി​യാ​ണ് എ​ന്നും എ​ന്‍റെ​യൊ​പ്പ​മു​ള്ള കൂ​ട്ടു​കാ​ര​ൻ. അ​ത് എ​ന്‍റെ ഉ​ള്ളി​ലി​രു​ന്നു പാ​ടി​ക്കൊ​ണ്ടി​രി​ക്കും.

ആ​ദ്യ ഗാ​നം മു​ത​ൽ ഇ​ന്നു​വ​രെ ട്രെ​ൻ​ഡു​ക​ൾ​ക്കു പി​ന്നാ​ലെ ഒ​രി​ക്ക​ലും പോ​യി​ട്ടി​ല്ല. സ​ത്യ​സ​ന്ധ​മാ​യ, തെ​ളി​മ​യോ​ടെ എ​ന്നോ​ടു സം​സാ​രി​ക്കു​ന്ന മെ​ല​ഡി​ക​ളെ പി​ന്തു​ട​രു​ക​യാ​ണ് ഞാ​ൻ. അ​താ​ണ് എ​ന്‍റെ യാ​ത്ര. എ​ന്‍റെ സം​ഗീ​തം ചി​ല​പ്പോ​ൾ ച​ട്ട​ക്കൂ​ടു​ക​ളി​ൽ ഒ​തു​ങ്ങു​ന്ന​താ​വി​ല്ല. ശാ​സ്ത്രീ​യ സം​ഗീ​ത പാ​ര​ന്പ​ര്യ​ത്തി​ന് ഇ​ണ​ങ്ങു​ന്ന​ത് ആ​വ​ണ​മെ​ന്നു​മി​ല്ല.

ലോ​കം തീ​ർ​ത്തും നി​ശ​ബ്ദ​മാ​യി​രി​ക്കു​ന്പോ​ഴും സം​ഗീ​തം പ്രാ​ണ​വാ​യു​വാ​ക്ക​ണം. തോ​ൽ​വി​ക​ൾ മു​ന്നി​ൽ വ​ന്നാ​ലും ഉ​ത്സാ​ഹ​ത്തോ​ടെ മു​ന്നോ​ട്ടു പോ​ക​ണം. യ​ഥാ​ർ​ഥ ക​ഴി​വ് ഏ​തി​രു​ട്ടി​ലും തി​ള​ങ്ങു​ക​ത​ന്നെ ചെ​യ്യും.”