3

കല്ലുരുകന്ന വെയിലും ഉഷ്ണതരംഗവും കൊടും വരൾച്ചയും അതിജീവിക്കാൻ ശേഷിയുള്ള അപൂർവമൃഗം. നൂറ്റാണ്ടുകളായി മനുഷ്യന്‍റെ മരുജീ​വി​ത​ത്തിന്‍റെ ന​ട്ടെ​ല്ലാ​യി നി​ല​കൊ​ണ്ട കരുത്തൻ. മ​രു​ഭൂ​മി​യി​ലെ ക​പ്പ​ലു​ക​ള്‍ എന്നു വി​ശേ​ഷി​പ്പി​ക്ക​പ്പെ​ടു​ന്ന ​അ​ത്ഭു​ത ജീ​വി​ക​ള്‍​ക്കു വെ​ള്ള​മി​ല്ലാ​തെ ദി​വ​സ​ങ്ങ​ളോ​ളം ക​ഠി​ന​മാ​യ സാ​ഹ​ച​ര്യ​ങ്ങ​ളെ അ​തി​ജീ​വി​ക്കാ​നു​ള്ള ക​ഴി​വു​ണ്ട്, ഭൂമിയിലെ ഒരു മൃഗത്തിനുമില്ലാത്ത കഴിവ്. എ​ന്നാ​ല്‍, മനുഷ്യന്‍റെ വിശ്വസ്തമൃഗം ഇന്നു കടുത്ത പ്രതികൂലസാഹചര്യങ്ങളിലൂടെയാണു കടന്നുപോകുന്നത്.

കാ​ലാ​വ​സ്ഥാ വ്യ​തി​യാ​നംമൂലമുള്ള, ആ​ഗോ​ള​താ​പ​ന​ത്തിന്‍റെ ക​ടു​ത്ത പ്ര​ഹ​രം ഏ​റ്റു​വാ​ങ്ങു​ക​യാ​ണ് ആ​ഫ്രി​ക്ക​യി​ലെ​യും പശ്ചിമേഷ്യയിലെയും ഒ​ട്ട​ക​ങ്ങ​ള്‍, അവ അ​തി​ജീ​വ​ന​ത്തിന്‍റെ പ്ര​തീ​ക​മാ​യി മാറിയിരിക്കുന്നു. ഒട്ടകങ്ങൾ ഇന്നു ക​ടു​ത്ത നി​ര്‍​ജ​ലീ​ക​ര​ണം, സൂ​ര്യാ​ഘാ​തം, രോ​ഗ​ങ്ങ​ള്‍ തുടങ്ങിയവമൂലം മ​രി​ച്ചു​വീ​ഴു​ക​യാ​ണെ​ന്ന് ശാ​സ്ത്ര​ജ്ഞ​രും മൃ​ഗ​സം​ര​ക്ഷ​ണ വി​ദ​ഗ്ധ​രും മു​ന്ന​റി​യി​പ്പ് ന​ല്‍​കു​ന്നു.

ഉ​ത്ത​രാ​ഫ്രി​ക്ക, ഹോ​ണ്‍ ഓ​ഫ് ആ​ഫ്രി​ക്ക (സൊമാലിയ, എത്യോപ്യ, ജിബൂട്ടി, എരിട്രിയ), പശ്ചിമേഷ്യ എ​ന്നി​വി​ട​ങ്ങ​ളി​ലെ മ​രു​ഭൂ​മി​ക​ളി​ല്‍ ഉ​ഷ്ണ​ത​രം​ഗം നി​ത്യ​സം​ഭ​വ​മാ​യി മാ​റി​ക്ക​ഴി​ഞ്ഞു. ഈ ​പ്ര​ദേ​ശ​ങ്ങ​ളി​ല്‍ താ​പ​നി​ല പ​തി​വാ​യി 50 ഡിഗ്രിക്കു മുകളിലാണ്. ഒ​ട്ട​ക​ങ്ങ​ളു​ടെ സ്വാ​ഭാ​വി​ക ശ​രീ​ര പ്ര​കൃ​തി​ക്ക് താ​ങ്ങാ​ന്‍ ക​ഴി​യു​ന്ന​തി​ലും അ​പ്പു​റ​മാ​ണ് നി​ല​വി​ലെ അ​ന്ത​രീ​ക്ഷ താ​പ​നി​ല.

കുറഞ്ഞ വിയർപ്പും, വെ​ള്ളം ശ​രീ​ര​ത്തി​ല്‍ ദിവസങ്ങളോളം സൂ​ക്ഷി​ക്കാനാകുന്ന സ​വി​ശേ​ഷ ശ​രീ​ര​ഘ​ട​ന​യാ​ണ് ഒ​ട്ട​ക​ങ്ങ​ളു​ടേ​ത്. സാ​ധാ​ര​ണ​യാ​യി 40 ഡി​ഗ്രി വ​രെ​യു​ള്ള ചൂ​ട് ഒ​ട്ട​ക​ങ്ങ​ള്‍​ക്ക് സു​ഖ​ക​ര​മാ​യി അ​തി​ജീ​വി​ക്കാ​ന്‍ സാ​ധി​ക്കും. എ​ന്നാ​ല്‍ താ​പ​നി​ല ഇ​തി​ലും ഉ​യ​രു​ക​യും, ത​ണ​ലോ കു​ടി​വെ​ള്ള​മോ മേ​ച്ചി​ല്‍​പ്പു​റ​ങ്ങ​ളോ ല​ഭി​ക്കാ​തി​രി​ക്കു​ക​യും ചെ​യ്യു​മ്പോ​ള്‍ ഒ​ട്ട​ക​ങ്ങ​ള്‍ ക​ടു​ത്ത ഹീ​റ്റ് സ്‌​ട്രെ​സ്-ന് ഇ​ര​യാ​കും.

ഐ​ക്യ​രാ​ഷ്ട്ര​സ​ഭ​യു​ടെ ഫു​ഡ് ആ​ന്‍​ഡ് അ​ഗ്രി​ക​ള്‍​ച്ച​ര്‍ ഓ​ര്‍​ഗ​നൈ​സേ​ഷ​നി​ലെ ശാ​സ്ത്ര​ജ്ഞ​നാ​യ ഡോ. ​മു​ഹ​മ്മ​ദ് ബെ​ന്‍​ഗൂ​മി വ്യ​ക്ത​മാ​ക്കു​ന്ന​ത​നു​സ​രി​ച്ച്, സ​ഹാ​റ ഉ​ള്‍​പ്പെ​ടെ​യു​ള്ള മ​രു​ഭൂ​മി​ക​ളി​ല്‍ താപനില ഉയരുന്നത് ഒ​ട്ട​ക​ങ്ങ​ളു​ടെ പ്ര​തി​രോ​ധ​ശേ​ഷി​യെ പൂ​ര്‍​ണ​മാ​യും ത​ക​രാ​റി​ലാ​ക്കു​ന്നു. ചൂ​ടേ​റി​യ മ​ണ​ലി​ല്‍ കി​ട​ക്കു​മ്പോ​ള്‍ ഒട്ടകങ്ങളുടെ കാ​ലു​ക​ളി​ല്‍ പൊ​ള്ളി കു​മി​ള​ക​ള്‍ വ​രു​ന്നു. ക​ണ്ണു​ക​ളി​ല്‍നി​ന്ന് ഇ​ട​ത​ട​വി​ല്ലാ​തെ വെ​ള്ള​മൊ​ഴു​കു​ക​യും, തൊ​ലിക്കു പൊ​ള്ളലേറ്റ് രോ​മ​ങ്ങ​ള്‍ കൊ​ഴി​ഞ്ഞു​പോ​വു​ക​യും ചെ​യ്യു​ന്നു. മ​ണ​ലിന്‍റെ ക​ടു​ത്ത ചൂ​ടും ത​ണ​ലിന്‍റെ അ​ഭാ​വ​വും കാ​ര​ണം ഒട്ടകക്കുഞ്ഞുങ്ങൾ മാത്രമല്ല, മുതിർന്ന ഒട്ടകങ്ങളും ചത്തുപോകുകയാണെന്ന് ആരോഗ്യവിദഗ്ധർ ചൂണ്ടിക്കാണിക്കുന്നു.

ആ​ഫ്രി​ക്ക​യി​ലെ​യും പശ്ചിമേഷ്യയിലെയും ആയിര​ക്ക​ണ​ക്കി​ന് കു​ടും​ബ​ങ്ങ​ളു​ടെ വരുമാനമാർഗമാണ് ഒ​ട്ട​കപരിപാലനം. വ​ര​ള്‍​ച്ച​യെ പ്ര​തി​രോ​ധി​ക്കാ​ന്‍ പ​ശു​ക്ക​ള്‍​ക്കു പ​ക​രം ഒ​ട്ട​ക​ങ്ങ​ളെ വ​ള​ര്‍​ത്താ​ന്‍ തു​ട​ങ്ങി​യ ഗോ​ത്ര​വി​ഭാ​ഗ​ങ്ങ​ള്‍ ഇ​പ്പോ​ള്‍ നേരിടുന്നത് വലിയ ഭീഷണികളാണ്. ഉ​പ്പു തൊട്ടുള്ള അ​വ​ശ്യ​സാ​ധ​ന​ങ്ങ​ള്‍ കി​ലോ​മീ​റ്റ​റു​ക​ളോ​ളം മ​രു​ഭൂ​മി​യി​ലൂ​ടെ ചു​മ​ന്നു​കൊ​ണ്ടു​പോ​കാ​ന്‍ ഇ​ന്നും ആ​ശ്ര​യം ഒ​ട്ട​ക​ങ്ങളാണ്. വെ​ള്ള​വും പ​ച്ച​പ്പുംതേ​ടി കി​ലോ​മീ​റ്റ​റു​ക​ളോ​ളം സ​ഞ്ച​രി​ക്കേ​ണ്ടിവ​രു​ന്ന​ത് ഒ​ട്ട​ക​ങ്ങ​ളെ കൂ​ടു​ത​ല്‍ ത​ള​ര്‍​ത്തു​ന്നു. മേ​ച്ചി​ല്‍​പ്പു​റ​ങ്ങ​ള്‍ ന​ശി​ക്കു​ന്ന​തും കു​ടി​വെ​ള്ള സ്രോ​തസു​ക​ള്‍ വ​റ്റി​വ​ര​ളു​ന്ന​തും ഈ ​മേ​ഖ​ല​യി​ലെ ജ​ന​ങ്ങ​ളു​ടെ ഭാ​വി ത​ന്നെ ആശങ്കയിലാക്കിയിരിക്കുകയാണ്.

നിലവിലെ സാഹചര്യത്തിൽ വലിയ സൂചനയാണ് ശാസ്ത്രലോകം നൽകുന്നത്. മ​രു​ഭൂ​മി​യി​ലെ ജീ​വ​ജാ​ല​ങ്ങ​ള്‍ പോ​ലും കാ​ലാ​വ​സ്ഥാ വ്യ​തി​യാ​ന​ത്തിനു മു​ന്നി​ല്‍ അ​ടി​യ​റ​വ് പ​റ​യു​ന്ന സാഹചര്യമാണ് ലോകം നേരിടുന്നത്. ഭൂ​മി​യു​ടെ താ​പ​നി​ല ഉ​യ​രു​ന്ന​ത് ത​ട​യാ​ന്‍ ആ​ഗോ​ള​ത​ല​ത്തി​ല്‍ ശ​ക്ത​മാ​യ ന​ട​പ​ടി​ക​ള്‍ സ്വീ​ക​രി​ച്ചി​ല്ലെ​ങ്കി​ല്‍, മനുഷ്യന്‍റെ ഭാവിയും പ്രവചനാതീതമായി മാറും!