തിരുവനന്തപുരം: നിയമനം ലഭിച്ച് പത്തു വർഷമായിട്ടും സംസ്ഥാനത്തെ വിവിധ സ്കൂളുകളിൽ നിയമനം ലഭിച്ച അധ്യാപകർക്ക് നോഷണലായി നിയമനാംഗീകാരം തുടരുന്നതിനെതിരേ അധ്യാപകരുടെ ഡിജിഇ ഓഫീസ് ധർണ ഇന്ന് നടക്കും.
നിയമനാംഗീകാരം നോഷണലായതിനാൽ ഈ കാലയളവിൽ ജോലി ചെയ്ത അധ്യാപകർക്ക് ശന്പളം ലഭിച്ചിട്ടില്ല. 3000 ത്തോളം അധ്യാപകരാണ് ഇത്തരത്തിൽ ദുരിതത്തിലായിരിക്കുന്നത്. ചെയ്ത ജോലിക്കുള്ള വേതനം മൗലീകാവകാശമാണെന്നിരിക്കെ നിയമനാംഗീകാരം നേടി വർഷങ്ങൾ പിന്നിട്ടിട്ടും സർക്കാർ ശന്പളം നല്കാതിരിക്കുന്നത് അധ്യാപകർക്ക് ഏറെ ദുരിതമാണ് സമ്മാനിക്കുന്നതെന്നു ഭാരവാഹികൾ പത്രസമ്മേളനത്തിൽ പറഞ്ഞു.
ഇന്നു രാവിലെ 10ന് നടക്കുന്ന ഡിജിഇ ഓഫീസ് ധർണ എം.വിൻസെന്റ് എംഎൽഎ ഉദ്ഘാടനം ചെയ്യും.