19

ഇന്ന് നമ്മുടെ കൈയിലുള്ള പണത്തേക്കാൾ കൂടുതൽ സ്വാധീനം ചെലുത്തുന്ന ഒന്നാണ് ക്രെഡിറ്റ് കാർഡ്. കൃത്യമായി ഉപയോഗിച്ചാൽ ഇതൊരു വലിയ സാമ്പത്തിക അനുഗ്രഹമാണ്; എന്നാൽ തെറ്റായി ഉപയോഗിച്ചാൽ ഇതൊരു വലിയ ചതിക്കുഴിയും. ഇന്ന് പലരും കടക്കെണിയിലാകാനുള്ള പ്രധാന കാരണം ക്രെഡിറ്റ് കാർഡിന്റെ അമിത ഉപയോഗവും, അതിലെ ചതിക്കുഴികൾ മനസ്സിലാക്കാത്തതുമാണ്. എന്താണ് ക്രെഡിറ്റ് കാർഡിന്റെ പിന്നിലെ കണക്കുകൾ? എങ്ങനെ ഇതിനെ ഒരു ആയുധമായി ഉപയോഗിക്കാം? നമുക്ക് പരിശോധിക്കാം.

എന്തുകൊണ്ട് ഇത് ഒരു ചതിക്കുഴിയാകുന്നു? -

പലരും ക്രെഡിറ്റ് കാർഡ് ഉപയോഗിക്കുന്നത് സ്വന്തം വരുമാനത്തിന്റെ ഭാഗമായാണ്. ഇത് വലിയൊരു അബദ്ധമാണ്. ക്രെഡിറ്റ് കാർഡിലെ ഏറ്റവും അപകടകരമായ വസ്തുത അതിന്റെ പലിശ നിരക്കാണ്. ഇന്ത്യയിൽ ക്രെഡിറ്റ് കാർഡുകളുടെ വാർഷിക പലിശ നിരക്ക് അഥവാ എ.പി.ആർ (APR - Annual Percentage Rate) ഏകദേശം 36% മുതൽ 48% വരെയാണ്. ഒരു പേഴ്സണൽ ലോണിന്റെ പലിശയേക്കാൾ എത്രയോ മടങ്ങ് കൂടുതലാണിത്. ഇതിലും വലിയൊരു ചതിക്കുഴിയാണ് 'മിനിമം ഡ്യൂ' (Minimum Due).

ബില്ല് തുകയുടെ 5 ശതമാനമോ അതിൽ കുറവോ അടച്ചാൽ മതിയെന്ന് ബാങ്കുകൾ പറയുമ്പോൾ, പലരും കരുതുന്നത് ബാക്കി തുക പിന്നീട് അടച്ചാൽ മതിയെന്നാണ്. എന്നാൽ സത്യം അതല്ല. 'മിനിമം ഡ്യൂ' മാത്രം അടച്ചാൽ, ബാക്കി തുകയ്ക്ക് ഉയർന്ന പലിശ ഈടാക്കും. മാത്രമല്ല, ആ പലിശയ്ക്ക് മുകളിൽ വീണ്ടും പലിശ വരുന്നു (Compound Interest). ഈ രീതിയിൽ നിങ്ങൾ ഒരു ചെറിയ തുകയ്ക്ക് വലിയൊരു ബാധ്യതയിലേക്ക് വഴുതി വീഴുന്നു.

രണ്ടാമത്തെ കാര്യം: ക്രെഡിറ്റ് കാർഡ് എങ്ങനെ ഒരു അനുഗ്രഹമാക്കാം? -

ശരിയായി ഉപയോഗിച്ചാൽ ഇതിനേക്കാൾ മികച്ച ഒരു സാമ്പത്തിക ഉപകരണം വേറെയില്ല.

ഗ്രേസ് പീരിയഡ് (Grace Period): നിങ്ങളുടെ ബില്ലിംഗ് തീയതിക്കും പേയ്‌മെന്റ് തീയതിക്കും ഇടയിലുള്ള 45 മുതൽ 50 ദിവസം വരെ നിങ്ങൾക്ക് പലിശയില്ലാതെ പണം ഉപയോഗിക്കാം. ഇത് കൃത്യമായി പ്രയോജനപ്പെടുത്തുക.

ക്രെഡിറ്റ് സ്കോർ (CIBIL Score): കൃത്യസമയത്ത് ബില്ല് അടയ്ക്കുന്നത് നിങ്ങളുടെ സിബിൽ സ്കോർ മെച്ചപ്പെടുത്താൻ സഹായിക്കും. ഭാവിയിൽ കുറഞ്ഞ പലിശയ്ക്ക് ഭവന വായ്പയോ മറ്റോ എടുക്കുമ്പോൾ ഇത് വളരെ പ്രധാനമാണ്.

റിവാർഡ് പോയിന്റുകൾ & ക്യാഷ് ബാക്ക്: നിങ്ങൾ നടത്തുന്ന എല്ലാ ചെലവുകൾക്കും ബാങ്കുകൾ റിവാർഡ് പോയിന്റുകളോ ക്യാഷ് ബാക്കോ നൽകുന്നുണ്ട്. ഇത് നിങ്ങൾ പ്ലാൻ ചെയ്ത് ഉപയോഗിക്കുകയാണെങ്കിൽ ഒരു വർഷം തന്നെ വലിയൊരു തുക ലാഭിക്കാം.

വിദഗ്ദ്ധർ നിർദ്ദേശിക്കുന്ന ഗോൾഡൻ റൂൾസ് -

 ക്രെഡിറ്റ് കാർഡ് ഉപയോഗിക്കുന്നവർ നിർബന്ധമായും പാലിക്കേണ്ട മൂന്ന് കാര്യങ്ങൾ:

ക്രെഡിറ്റ് യുട്ടിലൈസേഷൻ റേഷ്യോ (CUR): നിങ്ങളുടെ കാർഡ് ലിമിറ്റിന്റെ 30 ശതമാനത്തിൽ കൂടുതൽ ഒരിക്കലും ഒരേസമയം ചെലവാക്കരുത്. ഇത് സ്കോർ കുറയാൻ കാരണമാകും.

പൂർണ്ണ പേയ്‌മെന്റ്: 'മിനിമം ഡ്യൂ' എന്ന കെണിയിൽ വീഴാതെ, എല്ലാ മാസവും ബില്ല് തുക പൂർണ്ണമായും (Full Amount) അടച്ചുതീർക്കുക.

ക്യാഷ് വിത്ത്ഡ്രോവൽ ഒഴിവാക്കുക: എ.ടി.എമ്മിൽ നിന്ന് ക്രെഡിറ്റ് കാർഡ് ഉപയോഗിച്ച് പണം പിൻവലിക്കുന്നത് വൻ അബദ്ധമാണ്. ഇതിന് 'ഗ്രേസ് പീരിയഡ്' ഇല്ല, പിൻവലിച്ച നിമിഷം മുതൽ പലിശ തുടങ്ങും. കൂടാതെ വലിയൊരു 'ട്രാൻസാക്ഷൻ ഫീസും' ഈടാക്കും.

ഓർക്കുക, ക്രെഡിറ്റ് കാർഡ് എന്നത് നിങ്ങൾക്കുള്ള അധിക വരുമാനമല്ല, അതൊരു വായ്പയാണ്. നിങ്ങളുടെ കയ്യിലുള്ള തുക കൊണ്ട് അടയ്ക്കാൻ കഴിയുന്ന കാര്യങ്ങൾ മാത്രം ക്രെഡിറ്റ് കാർഡ് വഴി ചെലവാക്കുക. സാമ്പത്തിക അച്ചടക്കം ഉണ്ടെങ്കിൽ ക്രെഡിറ്റ് കാർഡ് ഒരു അനുഗ്രഹമാണ്, അല്ലാത്തപക്ഷം അത് നിങ്ങളുടെ സമ്പാദ്യത്തെ നശിപ്പിക്കുന്ന ശത്രുവാണ്. 

ബാങ്ക് വായ്പയ്ക്കോ ക്രെഡിറ്റ് കാർഡിനോ അപേക്ഷിക്കുമ്പോൾ പലരും കേൾക്കുന്ന ഒന്നാണ്, "സിബിൽ സ്കോർ കുറവാണ്, ലോൺ നൽകാൻ കഴിയില്ല". എന്താണ് ഈ സിബിൽ സ്കോർ? ബാങ്കുകൾക്ക് മുന്നിൽ നിങ്ങളുടെ സാമ്പത്തിക അച്ചടക്കം തെളിയിക്കുന്ന റിപ്പോർട്ട് കാർഡാണ് ഈ മൂന്നക്ക സംഖ്യ. ഇത് എങ്ങനെ പ്രവർത്തിക്കുന്നു, എങ്ങനെ മെച്ചപ്പെടുത്താം എന്ന് നോക്കാം.

എന്താണ് സിബിൽ സ്കോർ? 

ട്രാൻസ്‌യൂണിയൻ സിബിൽ (TransUnion CIBIL) നൽകുന്ന ഈ സ്കോർ 300 മുതൽ 900 വരെയാണ്. നിങ്ങൾ എടുത്ത വായ്പകളും ക്രെഡിറ്റ് കാർഡ് ബില്ലുകളും കൃത്യമായി തിരിച്ചടയ്ക്കുന്നുണ്ടോ എന്ന് ബാങ്കുകൾ നിരീക്ഷിക്കുന്നത് ഇതിലൂടെയാണ്. സ്കോർ 750-ന് മുകളിൽ ഉണ്ടെങ്കിൽ അത് മികച്ചതായി കണക്കാക്കുന്നു. ഓർക്കുക, സിബിൽ വായ്പ നൽകുന്നില്ല, നിങ്ങളുടെ 'ക്രെഡിറ്റ് യോഗ്യത' ബാങ്കുകൾക്ക് റിപ്പോർട്ട് ചെയ്യുക മാത്രമാണ് ചെയ്യുന്നത്.

സിബിൽ സ്കോർ സ്കോർ ഉയർന്നതാണെങ്കിൽ രണ്ട് പ്രധാന ഗുണങ്ങളുണ്ട്:

വേഗത്തിലുള്ള അംഗീകാരം: വായ്പകൾ വേഗത്തിൽ പാസാകുന്നു.

കുറഞ്ഞ പലിശ: സ്കോർ ഉയർന്നതാണെങ്കിൽ പല ബാങ്കുകളും വായ്പയ്ക്ക് കുറഞ്ഞ പലിശനിരക്ക് വാഗ്ദാനം ചെയ്യാറുണ്ട്.

ശ്രദ്ധിക്കുക: സിബിൽ സ്കോർ മാത്രം നോക്കിയല്ല ബാങ്കുകൾ വായ്പ നൽകുന്നത്. നിങ്ങളുടെ മാസവരുമാനവും നിലവിലെ തിരിച്ചടവ് ശേഷിയും കൂടി പരിശോധിച്ചാണ് ബാങ്കുകൾ വായ്പ അനുവദിക്കുന്നത്.

സ്കോർ മെച്ചപ്പെടുത്താനുള്ള ഗോൾഡൻ റൂൾസ്

കൃത്യസമയത്ത് തിരിച്ചടയ്ക്കുക: പേയ്‌മെന്റ് ചരിത്രമാണ് നിങ്ങളുടെ സ്കോറിന്റെ 35%-വും തീരുമാനിക്കുന്നത്.

ക്രെഡിറ്റ് യുട്ടിലൈസേഷൻ റേഷ്യോ (CUR): ക്രെഡിറ്റ് കാർഡ് ലിമിറ്റിന്റെ 30%-ത്തിൽ കൂടുതൽ തുക ഒരേസമയം ചെലവാക്കാതിരിക്കുക.

ക്രെഡിറ്റ് ഹംഗറി (Credit Hungry): ഒരേസമയം ഒരുപാട് ലോണുകൾക്കോ കാർഡുകൾക്കോ അപേക്ഷിക്കുന്നത് സ്കോർ കുറയ്ക്കും.

ഒരു തെറ്റിദ്ധാരണ തിരുത്താം - സ്വന്തം സിബിൽ സ്കോർ പരിശോധിച്ചാൽ സ്കോർ കുറയുമെന്നത് തെറ്റിദ്ധാരണയാണ്. അത് 'സോഫ്റ്റ് എൻക്വയറി' (Soft Enquiry) ആണ്, അത് സ്കോറിനെ ബാധിക്കില്ല. എന്നാൽ ബാങ്കുകൾ ലോണിനായി പരിശോധിക്കുന്നത് 'ഹാർഡ് എൻക്വയറി' (Hard Enquiry) ആണ്, അത് സ്കോറിൽ ചെറിയ മാറ്റങ്ങൾ വരുത്തിയേക്കാം. അതിനാൽ ധൈര്യമായി സ്വന്തം സ്കോർ ഇടയ്ക്കിടെ പരിശോധിക്കാം.

കൊ​​ച്ചി: മി​​ക​​വോ​​ടെ ബാ​​ങ്കിം​​ഗ് സേ​​വ​​ന​​ങ്ങ​​ൾ ന​​ൽ​​കു​​ന്ന സൗ​​ത്ത് ഇ​​ന്ത്യ​​ൻ ബാ​​ങ്ക് ഇ​​ന്ന് 97-ാം സ്ഥാ​​പ​​ക​​ദി​​നം ആ​​ഘോ​​ഷി​​ക്കു​​ന്നു.

ച​​രി​​ത്ര​​ത്തി​​ലെ ഏ​​റ്റ​​വും ഉ​​യ​​ർ​​ന്ന ത്രൈ​​മാ​​സ അ​​റ്റാ​​ദാ​​യം കൈ​​വ​​രി​​ച്ച​​തി​​ന്‍റെ ആ​​വേ​​ശ​​ത്തി​​ലാ​​ണ് സൗ​​ത്ത് ഇ​​ന്ത്യ​​ൻ ബാ​​ങ്ക് സ്ഥാ​​പ​​ക​​ദി​​ന​​ത്തി​​ലേ​​ക്ക് ക​​ട​​ക്കു​​ന്ന​​ത്. 1929ൽ ​​തൃ​​ശൂ​​രി​​ൽ തു​​ട​​ക്കംകു​​റി​​ച്ച സൗ​​ത്ത് ഇ​​ന്ത്യ​​ൻ ബാ​​ങ്കി​​ന് ഇ​​ന്ന് ഇ​​ന്ത്യ​​യൊ​​ട്ടാ​​കെ 948 ശാ​​ഖ​​ക​​ളും 82 ല​​ക്ഷം ഉ​​പ​​ഭോ​​ക്താ​​ക്ക​​ളു​​മാ​​ണു​​ള്ള​​ത്.

സൗ​​ത്ത് ഇ​​ന്ത്യ​​ൻ ബാ​​ങ്ക് പു​​ല​​ർ​​ത്തി​​വ​​രു​​ന്ന ദീ​​ർ​​ഘവീ​​ക്ഷ​​ണ​​ത്തോ​​ടെ​​യു​​ള്ള പ്ര​​വ​​ർ​​ത്ത​​ന ശൈ​​ലി​​യും ഉ​​പ​​ഭോ​​ക്താ​​ക്ക​​ൾ ന​​ൽ​​കി​​വ​​രു​​ന്ന അ​​ച​​ഞ്ച​​ല​​മാ​​യ പി​​ന്തു​​ണ​​യു​​മാ​​ണ് 97 വ​​ർ​​ഷ​​ങ്ങ​​ളു​​ടെ വി​​ശ്വാ​​സ​​പൂ​​ർ​​ണ​​മാ​​യ യാ​​ത്ര​​യി​​ലേ​​ക്ക് ബാ​​ങ്കി​​നെ ന​​യി​​ച്ച​​തെ​​ന്നു ചെ​​യ​​ർ​​മാ​​ൻ വി.ജെ. കു​​ര്യ​​ൻ പ​​റ​​ഞ്ഞു.

2025-26 സാ​​മ്പ​​ത്തി​​ക വ​​ർ​​ഷ​​ത്തി​​ലെ മൂ​​ന്നാം​​പാ​​ദ​​ത്തി​​ൽ സൗ​​ത്ത് ഇ​​ന്ത്യ​​ൻ ബാ​​ങ്ക് 374.32 കോ​​ടി രൂ​​പ അ​​റ്റാ​​ദാ​​യം നേ​​ടി. ക​​ഴി​​ഞ്ഞ വ​​ർ​​ഷ​​ത്തെ ഇ​​തേ കാ​​ല​​യ​​ള​​വി​​നെ അ​​പേ​​ക്ഷി​​ച്ച് (341.87 കോ​​ടി) ഒ​​ൻ​​പ​​ത് ശ​​ത​​മാ​​നം വ​​ള​​ർ​​ച്ച​​യാ​​ണി​​ത്. ഇ​​തോ​​ടെ ന​​ട​​പ്പ് സാ​​മ്പ​​ത്തി​​ക വ​​ർ​​ഷ​​ത്തെ ആ​​ദ്യ ഒ​​മ്പ​​തു മാ​​സ​​ത്തെ ആ​​കെ ലാ​​ഭം 1047.64 കോ​​ടി രൂ​​പ​​യാ​​യി ഉ​​യ​​ർ​​ന്നു. പ്രീ-​​പ്രോ​​വി​​ഷ​​നിം​​ഗ് പ്ര​​വ​​ർ​​ത്ത​​ന ലാ​​ഭ​​ത്തി​​ലും 10 ശ​​ത​​മാ​​നം വ​​ർ​​ധ​​ന രേ​​ഖ​​പ്പെ​​ടു​​ത്തി​​യി​​രു​​ന്നു.

ഉ​​പ​​ഭോ​​ക്താ​​ക്ക​​ൾ അ​​ർ​​പ്പി​​ച്ച ദീ​​ർ​​ഘ​​കാ​​ല വി​​ശ്വാ​​സ​​ത്തി​​ന്‍റെ​​യും 9000ല​​ധി​​കം വ​​രു​​ന്ന ജീ​​വ​​ന​​ക്കാ​​രു​​ടെ അ​​ച​​ഞ്ച​​ല​​മാ​​യ സ​​മ​​ർ​​പ്പ​​ണ​​ത്തി​​ന്‍റെ​​യും പ്ര​​തി​​ഫ​​ല​​ന​​മാ​​ണ് ബാ​​ങ്കി​​ന്‍റെ നേ​​ട്ട​​ങ്ങ​​ളെ​​ന്നു മാ​​നേ​​ജിം​​ഗ് ഡ​​യ​​റ​​ക്ട​​റും സി​​ഇ​​ഒ​​യു​​മാ​​യ പി.​​ആ​​ർ. ശേ​​ഷാ​​ദ്രി പ​​റ​​ഞ്ഞു.

കൊ​​​ച്ചി: ആ​​​ക്സി​​​സ് ബാ​​​ങ്കി​​​ന്‍റെ മൊ​​​ബൈ​​​ല്‍ ആ​​​പ്പാ​​​യ ഓ​​​പ്പ​​​ണി​​​ല്‍ ത​​​ത്സ​​​മ​​​യ സു​​​ര​​​ക്ഷാ സം​​​വി​​​ധാ​​​ന​​​ങ്ങ​​​ള്‍ ല​​​ഭ്യ​​​മാ​​​ക്കു​​​ന്ന സേ​​​ഫ്റ്റി സെ​​​ന്‍റ​​​ര്‍ അ​​​വ​​​ത​​​രി​​​പ്പി​​​ച്ചു.

അ​​​ന​​​ധി​​​കൃ​​​ത​​​മോ സം​​​ശ​​​യാ​​​സ്പ​​​ദ​​​മോ ആ​​​യ പ്ര​​​വ​​​ര്‍​ത്ത​​​ന​​​ങ്ങ​​​ള്‍​ക്കെ​​​തി​​​രേ കോ​​​ള്‍ സെ​​​ന്‍റ​​​റി​​​ല്‍ വി​​​ളി​​​ക്കു​​​ക​​​യോ ബ്രാ​​​ഞ്ച് സ​​​ന്ദ​​​ര്‍​ശി​​​ക്കു​​​ക​​​യോ ചെ​​​യ്യാ​​​തെ ത​​​ന്നെ സു​​​ര​​​ക്ഷ പ്ര​​​ദാ​​​നം ചെ​​​യ്യു​​​ന്ന ഉ​​​പ​​​ഭോ​​​ക്താ​​​വി​​​നു നി​​​യ​​​ന്ത്രി​​​ക്കാ​​​നാ​​​കു​​​ന്ന സു​​​ര​​​ക്ഷാ സം​​​വി​​​ധാ​​​ന​​​ങ്ങ​​​ളാ​​​ണ് ഇ​​​തി​​​ലൂ​​​ടെ ല​​​ഭ്യ​​​മാ​​​ക്കു​​​ന്ന​​​ത്.

ബാ​​​ങ്കിം​​​ഗ് മേ​​​ഖ​​​ല​​​യി​​​ല്‍ ഇ​​​താ​​​ദ്യ​​​മാ​​​യി എ​​​സ്എം​​​എ​​​സി​​​ന്‍റെ ആ​​​ധി​​​കാ​​​രി​​​ക​​​ത വി​​​ശ​​​ക​​​ല​​​നം ചെ​​​യ്യാ​​​നു​​​ള്ള സൗ​​​ക​​​ര്യം ഇ​​​തി​​​ലൂ​​​ടെ ല​​​ഭ്യ​​​മാ​​​കു​​​മെ​​​ന്ന് അ​​​ധി​​​കൃ​​​ത​​​ർ പ​​​റ​​​ഞ്ഞു.

മുംബൈ: അടിസ്ഥാന പലിശ നിരക്കായ റിപ്പോയില്‍ കാല്‍ശതമാനം(0.25) കുറവുവരുത്തി റിസര്‍വ് ബാങ്ക് ഓഫ് ഇന്ത്യ. 5.50 ശതമാനത്തില്‍നിന്ന് 5.25 ശതമാനമായാണ് റിപ്പോ നിരക്ക് കുറച്ചതെന്ന് റിസര്‍വ് ബാങ്ക് ഗവര്‍ണര്‍ സഞ്ജയ് മല്‍ഹോത്ര അറിയിച്ചു.

ഇതോടെ, അടുത്ത രണ്ടു മാസത്തേക്ക് ഭവന, വാഹന, വ്യക്തിഗത വായ്പകളുടെ പലിശ നിരക്കിൽ കുറവുണ്ടാകും. വായ്പകളുടെ പ്രതിമാസ തിരിച്ചടവോ (ഇഎംഐ) തിരിച്ചടവു കാലയളവോ കുറയാം. പുതിയ സ്ഥിരനിക്ഷേപങ്ങളുടെ (ഫിക്സ്ഡ് ഡിപ്പോസിറ്റ്) പലിശയും ഇതിന് ആനുപാതികമായി കുറഞ്ഞേക്കും.

പലിശനിരക്ക് കുറയ്ക്കാനുള്ള ആറംഗ എംപിസിയുടെ തീരുമാനം ഏകകണ്ഠമായിരുന്നു. പണനയസമിതിയുടെ അടുത്തയോഗം ഫെബ്രുവരി നാല്- ആറ് തീയതികളിലാണ്.

ഗാ​ന്ധി​ന​ഗ​ര്‍: എ​ച്ച്ഡി​എ​ഫ്‌​സി ബാ​ങ്ക് കു​മാ​ര​ന​ല്ലൂ​ര്‍ ബ്രാ​ഞ്ചി​ല്‍ സാ​മ്പ​ത്തി​ക ക്ര​മ​ക്കേ​ടു​ക​ള്‍ ന​ട​ത്തി​യ ജീ​വ​ന​ക്കാ​ര​ന്‍ അ​റ​സ്റ്റി​ല്‍. പ​ന​ച്ചി​ക്കാ​ട് ഐ​മാ​ന്‍ ക​വ​ല മ​ല​യി​ല്‍ ടോ​ണി വ​ര്‍ഗീ​സ് (31) ആ​ണ് അ​റ​സ്റ്റി​ലാ​യ​ത്.

പ്ര​തി ടെ​ല്ല​റാ​യി ജോ​ലി ചെ​യ്തു വ​ന്നി​രു​ന്ന എ​ച്ച്ഡി​എ​ഫ്‌​സി സം​ക്രാ​ന്തി ബ്രാ​ഞ്ചി​ന്‍റെ കൗ​ണ്ട​റി​ല്‍നി​ന്നും 2024 ന​വം​ബ​ര്‍ 21ന് ​ഉ​ച്ച​യ്ക്ക് ഒ​ന്നി​നും വൈ​കു​ന്നേ​രം അ​ഞ്ചി​നും ഇ​ട​യ്ക്കു​ള്ള സ​മ​യ​ത്ത് പ്ര​തി ബാ​ങ്കി​ന്‍റെത​ന്നെ ര​ണ്ട് അ​ക്കൗ​ണ്ടു​ക​ളി​ല്‍ മൂ​ന്നു ല​ക്ഷം രൂ​പ നി​ക്ഷേ​പി​ച്ച​താ​യി ഡെ​പ്പോ​സി​റ്റ് സ്ലി​പ്പി​ല്‍ എ​ഴു​തി ഒ​പ്പി​ട്ട് ബാ​ങ്കി​ല്‍ വ​യ്ക്കു​ക​യാ​യി​രു​ന്നു.

തു​ട​ര്‍ന്ന് അ​ന്നേ​ദി​വ​സം ഉ​ച്ച​യ്ക്ക് ഒ​ന്നി​ന് മ​റ്റൊ​രു അ​ക്കൗ​ണ്ടി​ലേ​ക്ക് ര​ണ്ടു ല​ക്ഷം രൂ​പ​യും പ​ക​ല്‍ 3.30ഓ​ടെ വേ​റൊ​രു അ​ക്കൗ​ണ്ടി​ലേ​ക്ക് ഒ​രു ല​ക്ഷം രൂ​പ​യും ട്രാ​ന്‍സ്ഫ​ര്‍ ചെ​യ്ത് പി​ന്‍വ​ലി​ച്ചെ​ടു​ത്തു. തു​ട​ര്‍ന്ന് കാ​ഷ് കൗ​ണ്ട​റി​ല്‍നി​ന്ന് 1,100 രൂ​പ പ​ണ​മാ​യും ഇ​യാ​ള്‍ എ​ടു​ത്തു. ആ​കെ 3,01,100 രൂ​പ ബാ​ങ്കി​ല്‍നി​ന്നും ത​ട്ടി​യെ​ടു​ത്ത​താ​യാ​ണ് അ​ന്വേ​ഷ​ണ​ത്തി​ലൂ​ടെ ക​ണ്ടെ​ത്തി​യ​ത്.

സം​ഭ​വ​ത്തി​ല്‍ പ്ര​തി സ്റ്റേ​ഷ​നി​ല്‍ കീ​ഴ​ട​ങ്ങി​യ​തി​നെ​ത്തു​ട​ര്‍ന്ന് അ​റ​സ്റ്റ് രേ​ഖ​പ്പെ​ടു​ത്തി കോ​ട​തി​യി​ല്‍ ഹാ​ജ​രാ​ക്കി. പ്ര​തി​യെ റി​മാ​ന്‍ഡ് ചെ​യ്തു.