കാഞ്ഞങ്ങാട്: സഹപാഠിയുടെ ജീവന് രക്ഷിച്ച ദുര്ഗ സ്കൂള് വിദ്യാര്ഥിയും എസ്പിസി കാഡറ്റുമായ മുഹമ്മദ് സഹല് ഷഹസാദിനെ എന്ഡിആര്എഫ് (അറക്കോണം) ഫോര്ത്ത് ബറ്റാലിയന്റെയും ജില്ലാ ദുരന്തനിവാരണ അതോറിറ്റിയുടെയും നേതൃത്വത്തില് അനുമോദിച്ചു.
ഭക്ഷണം തൊണ്ടയില് കുരുങ്ങി ശ്വാസതടസം നേരിട്ട സഹപാഠിയെ എന്ഡിആര്എഫ് പരിശീലനത്തിലൂടെ ലഭിച്ച അറിവിലൂടെ പ്രാഥമിക ശുശ്രൂഷ നല്കി രക്ഷിച്ചതിനാണ് അനുമോദിച്ചത്.
സ്കൂളില് നടന്ന ചടങ്ങില് ജില്ലാ കളക്ടര് അര്ജുന് പാണ്ഡ്യന് ഉപഹാരം നല്കി. നാലാം ബറ്റാലിയന് കമാന്ഡന്റ് ശൈലേന്ദ്ര സിംഗ് റാത്തോഡ് മുഖ്യാതിഥിയായി.
ഹൊസ്ദുര്ഗ് തഹസില്ദാര് കെ.രമേശന്, പ്രിന്സിപ്പല് ഡോ. എന്. വേണുനാഥന്, എസ്പിസി സിപിഒ മാരായ എം.തുഷാര, പി.വി.ശ്രീജിത് എന്നിവര് സംസാരിച്ചു. മുഖ്യാധ്യാപിക പി.സുമ സ്വാഗതവും ദേശീയ ദുരന്തനിവാരണ സേന ഡെപ്യൂട്ടി കമാന്ഡന്റ് പ്രവീണ് എസ്.പ്രസാദ് നന്ദിയും പറഞ്ഞു.
Deepika
E-paper LOGIN
LOGIN