ഗ്ലാസ്ഗോ: 23-ാമത് കോമണ്വെല്ത്ത് ഗെയിംസില് ഇന്ത്യക്കായി മലയാളി താരങ്ങളുടെ മിന്നും പ്രകടനം. മലയാളി നീന്തല്താരം സജന് പ്രകാശും ലോംഗ്ജംപര് മുരളി ശ്രീശങ്കറും യോഗ്യതാ റൗണ്ടിലെ മികച്ച പ്രകടനങ്ങളിലൂടെ ഫൈനല് ബെര്ത്ത് ഉറപ്പാക്കി. ഇന്നലെ നടന്ന പുരുഷ ലോംഗ്ജംപ് യോഗ്യതാ ഗ്രൂപ്പ് എയില് 8.01 മീറ്റര് ക്ലിയര് ചെയ്താണ് സജന് പ്രകാശ് ഫൈനല് ടിക്കറ്റ് കരസ്ഥമാക്കിയത്.
നാളെയാണ് ഫൈനല്. ഫൈനല് യോഗ്യതയ്ക്കുള്ള ക്വാളിഫയിംഗ് മാര്ക്ക് 8.00 മീറ്റര് ആയിരുന്നു. ആദ്യ ശ്രമത്തില്ത്തന്നെ 8.01 മീറ്റര് ക്ലിയര് ചെയ്ത് ശ്രീശങ്കര് ഫൈനലിലേക്കു മുന്നേറി. യോഗ്യതാ മാര്ക്ക് ക്ലിയര് ചെയ്തില്ലെങ്കിലും ഏറ്റവും മികച്ച 12 ദൂരം താണ്ടിയവര്ക്കും ഫൈനല് ടിക്കറ്റ് ലഭിക്കും.
പാലക്കാട് സ്വദേശിയായ ഈ 27കാരന് 2022 ബിര്മിംഗ്ഹാം കോമണ്വെല്ത്ത് ഗെയിംസില് വെള്ളി സ്വന്തമാക്കിയിരുന്നു. 8.08 മീറ്റര് ദൂരം താണ്ടിയായിരുന്നു അന്ന് വെള്ളി നേടിയത്.
ഇടുക്കി സ്വദേശിയായ സജന് പ്രകാശ് പുരുഷന്മാരുടെ 200 മീറ്റര് ബട്ടര്ഫ്ളൈ നീന്തലിലാണ് ഫൈനലില് പ്രവേശിച്ചത്. രണ്ടാം ഹീറ്റില് 1:58.59 സെക്കന്ഡില് സജന് നീന്തല് പൂര്ത്തിയാക്കി രണ്ടാം സ്ഥാനത്തോടെ ഫൈനലിലേക്കു മുന്നേറി.
സ്കോട്ലന്ഡിന്റെ ഡങ്കന് സ്കോട്ടിനാണ് ഹീറ്റില് ഒന്നാം സ്ഥാനം (1:58.29). ആദ്യപകുതിയുടെ അവസാനം വരെ സജന് പ്രകാശിനായിരുന്നു ലീഡ്. എന്നാല്, പിന്നീട് ഡങ്കന് മുന്നില് കടന്നു. ഈ ഇനത്തില് 2018 കോമണ്വെല്ത്ത് ഗെയിംസില് സജന് എട്ടാം സ്ഥാനത്ത് ഫിനിഷ് ചെയ്തിരുന്നു.
അതേസമയം, പുരുഷ 100 മീറ്ററില് ഇന്ത്യയുടെ ദേശീയ റിക്കാര്ഡുകാരനായ (10.09 സെക്കന്ഡ്) ഗുരിന്ദര്വീര് സിംഗിനു ഫൈനല് യോഗ്യത സ്വന്തമാക്കാന് സാധിച്ചില്ല.
ഹീറ്റ് നാലില് രണ്ടാം സ്ഥാനത്ത് ഫിനിഷ് ചെയ്യാന് മാത്രമാണ് ഗുരിന്ദര്വീറിനു സാധിച്ചത്. 10.39 സെക്കന്ഡില് ഇന്ത്യന് താരം ഫിനിഷിംഗ് ലൈന് കടന്നു. എന്നാല്, ജമൈക്കയുടെ റോഹന് വാട്സണ് 10.13 സെക്കന്ഡുമായി ഒന്നാമത് ഫിനിഷ് ചെയ്ത് ഫൈനല് ബെര്ത്ത് സ്വന്തമാക്കി.
പുരുഷ വിഭാഗം 110 മീറ്റര് ഹര്ഡില്സില് ഇന്ത്യയുടെ തേജസ് ഷിര്സെ ഫൈനലില് പ്രവേശിച്ചു. ഹീറ്റില് 13.76 സെക്കന്ഡുമായി മൂന്നാം സ്ഥാനത്ത് ഫിനിഷ് ചെയ്താണ് തേജസ് ഫൈനലിലേക്കു മുന്നേറിയത്. ഹീറ്റ്സിലെ ആദ്യ മൂന്നു സ്ഥാനക്കാര്ക്കായിരുന്നു ഫൈനല് ടിക്കറ്റ്.
Deepika
E-paper LOGIN
LOGIN