റാന്നി: കാട്ടാന ഇറങ്ങി ഭീതിപരത്തിയ വടശേരിക്കരയിലും പരിസരപ്രദേശങ്ങളിലും സംസ്ഥാന സെക്രട്ടറി എ.പി. ജയന്റെ നേതൃത്വത്തില് കിസാന്സഭ നേതാക്കള് സന്ദര്ശനം നടത്തി.
നാട്ടിൽ ഭീതി പരത്തിയ കാട്ടാനക്കൂട്ടം കാടുകയറിയിട്ടില്ലെന്നുറപ്പുള്ള സാഹചര്യത്തിൽ അടിയന്തര ഇടപെടലുകൾ നടത്തി പ്രദേശവാസികൾക്ക് സംരക്ഷണം നൽകണമെന്ന് കിസാൻസഭ നേതാക്കൾ ആവശ്യപ്പെട്ടു. വനമേഖലയ്ക്ക് സമീപം കൃഷി ചെയ്ത നിരവധി കർഷകരുടെ വാഴ, തെങ്ങ്, മരച്ചീനി, ചേമ്പ് ഉൾപ്പടെ വിളകൾആന നശിപ്പിച്ചു.
സ്ഥലം സന്ദര്ശിക്കാനിരിക്കുന്ന വനംമന്ത്രി പ്രശ്നത്തിന്റെ ഗൗരവം മനസിലാക്കി ഇടപെടണമെന്നും കൃഷിനാശമുണ്ടായ കര്ഷകര്ക്ക് ആവശ്യമായ നഷ്ടപരിഹാരം നല്കണമെന്നും എ.പി. ജയന് ആവശ്യപ്പെട്ടു.
ജില്ലാ സെക്രട്ടറി ടി. മുരുകേഷ്, ജില്ലാ പ്രസിഡന്റ് ആർ. രാജേന്ദ്രൻ പിള്ള, സിപിഐ ജില്ലാ കൗൺസിൽ അംഗം സന്തോഷ് ചാണ്ടി, കിസാന്സഭ മണ്ഡലം സെക്രട്ടറി എം.വി. പ്രസന്നകുമാർ, പ്രസിഡന്റ് സുരേഷ് അമ്പാട്ട്, ജില്ലാ കമ്മിറ്റി അംഗങ്ങളായ നന്ദകുമാർ, സമുന്നിസ മുഹമ്മദ്, ജ്വോഷ്വ ജോൺ, ഡോ. അനിൽ കുമാർ, റെജി എന്നിവരും സന്ദര്ശന സംഘത്തില് ഉണ്ടായിരുന്നു. മനോരമമുക്ക്, കടമാൻകുന്ന്, കുരിശുംമൂട്, ബൗണ്ടറി പ്രദേശങ്ങൾ സംഘം സന്ദർശിച്ചു.