അയര്ക്കുന്നം: കിടങ്ങൂര് റോഡിന്റെ വശം കാടുപിടിച്ച നിലയില്.
റോഡിന്റെ പലസ്ഥലത്തും കാല്നടക്കാര്ക്കു പോകാനുള്ള ഭാഗം നിറയെ പുല്ല് വളര്ന്നു നില്ക്കുന്നു. റോഡിലേക്ക് കയറിയാണ് യാത്രക്കാര് നടക്കുന്നത്. വാഹനപ്പെരുപ്പവും വാഹനങ്ങളുടെ അമിതവേഗവും കാല്നടക്കാര്ക്ക് ഭീഷണിയാകുന്നു. റോഡിലെ ഇരുവശങ്ങളിലും വെളിച്ചക്കുറവ് അനുഭവപ്പെടുന്നുണ്ട്.
ഇതും കാല്നടയാത്രക്കാര്ക്ക് ഭീഷണിയാണ്. പുല്ലുകള്ക്കിടിയില് മാലിന്യം തള്ളുന്നുമുണ്ട്. പോളക്കപ്പടി മുതല് കല്ലിട്ടുനടവരെയാണ് പുല്ല് ഏറെയും വളര്ന്നു നില്ക്കുന്നത്. ഇഴ ജന്തുക്കളുടെ ശല്യവും കൂടുതലാണെന്ന് നാട്ടുകാര് പറയുന്നു.
പൊതുവേ വീതി കുറവ് അനുഭവപ്പെടുന്ന കല്ലിട്ടുനട മുതല് പോളക്കല്പ്പടിവരെയുള്ള ഭാഗത്ത് റോഡിനിരുവശവും നടപ്പാത പോലുമില്ലാത്ത വിധം കാടുകയറിയിരിക്കുകയാണ്.
ഇത് നീക്കം ചെയ്യാന് അധികൃതരുടെ ഭാഗത്തുനിന്നു നടപടി വേണം.
അഭിലാഷ് തെക്കതില്
പ്രദേശവാസി