17

മലപ്പുറം: കൊണ്ടോട്ടിയിൽ ബസ് സ്റ്റാൻഡിന് സമീപം കാൽനട യാത്രികന്‍റെ കാലിൽ സ്വകാര്യ ബസ് കയറിയിറങ്ങി ഗുരുതര പരിക്ക്. കൊണ്ടോട്ടി അരീപറമ്പൻ സ്വദേശി അസ്സൻ മോയിനാണ് (65) പരിക്കേറ്റത്.

പരിക്കേറ്റ അസ്സൻ മോയിനെ ഉടൻ തന്നെ കൊണ്ടോട്ടിയിലെ സ്വകാര്യ ആശുപത്രിയിൽ പ്രവേശിപ്പിച്ചു. പിന്നീട് വിദഗ്ധ ചികിത്സയ്ക്കായി ഇയാളെ പെരിന്തൽമണ്ണയിലെ സ്വകാര്യ ആശുപത്രിയിലേക്ക് മാറ്റി.

മും​ബൈ: മ​ഹാ​രാ​ഷ്ട്ര​യി​ലെ ര​ത്ന​ഗി​രി ജി​ല്ല​യി​ൽ അ​മി​ത​വേ​ഗ​ത്തി​യി​ലെ​ത്തി​യ കാ​റി​ടി​ച്ചു ര​ണ്ട് പേ​ർ​ക്ക് പ​രി​ക്ക്. മ​ൻ​സി കേ​ശ​വ​ൻ ശ​ർ​മ്മ (14), യാ​സ്മി​ൻ നി​സാം പ​ടൈ​ത് (14) എ​ന്നി​വ​ർ​ക്കാ​ണ് പ​രി​ക്കേ​റ്റ​ത്.

ഗോ​വ​യി​ലേ​ക്ക് പോ​വു​ക​യാ​യി​രു​ന്ന കാ​റാ​ണ് അ​പ​ക​ട​ത്തി​ൽ​പ്പെ​ട്ട​ത്. അ​മി​ത​വേ​ഗ​ത്തി​ലെ​ത്തി​യ വാ​ഹ​നം നി​യ​ന്ത്രി​ണം വി​ട്ട് പെ​ൺ​കു​ട്ടി​ക​ളെ ഇ​ടി​ച്ച​തി​ന് ശേ​ഷം റോ​ഡ​രി​കി​ൽ മ​റി​യു​ക​യാ​യി​രു​ന്നു.

അ​പ​ക​ട​ത്തി​ൽ കാ​റി​ലു​ണ്ടാ​യി​രു​ന്ന യാ​ത്ര​ക്കാ​ർ​ക്കും പ​രി​ക്കേ​റ്റി​ട്ടു​ണ്ട്. സം​ഭ​വ​സ്ഥ​ല​ത്തു​ണ്ടാ​യി​രു​ന്ന നാ​ട്ടു​കാ​ർ ഉ​ട​ൻ ത​ന്നെ പ​രി​ക്കേ​റ്റ​വ​രെ അ​ടു​ത്തു​ള്ള ആ​ശു​പ​ത്രി​യി​ലേ​ക്ക് മാ​റ്റി. കാ​ർ പൂ​ർ​ണ​മാ​യും ത​ക​ർ​ന്ന നി​ല​യി​ലാ​ണ്. പോ​ലീ​സ് മേ​ൽ​ന​ട​പ​ടി​ക​ൾ സ്വീ​ക​രി​ച്ചി​ട്ടു​ണ്ട്.

പത്തനംതിട്ട: അബാൻ ജംഗ്ഷനിൽ നിയന്ത്രണംവിട്ട കാർ ഇടിച്ച് കാൽനടയാത്രക്കാരൻ മരിച്ചു. കുലശേഖരപതി സ്വദേശി അബുവാണ് മരിച്ചത്.

പരിക്കേറ്റ നാല് ഇതരസംസ്ഥാന തൊഴിലാളികളെ സമീപത്തെ ആശുപത്രിയിൽ പ്രവേശിപ്പിച്ചു. ഒരാളുടെ നില ഗുരുതരമാണ്.

അപകടമുണ്ടാക്കിയ വാഹനത്തിന്‍റെ ഡ്രൈവർ മദ്യലഹരിയിലായിരുന്നുവെന്നാണ് സൂചന.

വി​ള​പ്പി​ൽ​ശാ​ല: കാ​ട്ടു​പ​ന്നി​യു​ടെ ആ​ക്ര​മ​ണ​ത്തി​ൽ കാ​ൽ​ന​ട​യാ​ത്ര​ക്കാ​രി​ക്കു പ​രി​ക്കേ​റ്റു. വി​ള​പ്പി​ൽ​ശാ​ല അ​ണ​മു​ഖ​ത്തു മേ​ലെ​വീ​ട്ടി​ൽ ത​ങ്ക​മ​ണി​ക്ക് (50) ആ​ണ് ഇ​ട​ത് കൈ​യ്ക്കു പ​രി​ക്കേ​റ്റ​ത്.

വീ​ട്ടി​ലേ​ക്ക് ന​ട​ന്നു​പോ​കു​ന്ന​തി​നി​ടെ സ​മീ​പ​ത്തു​നി​ന്നും പാ​ഞ്ഞെ​ത്തി​യ പ​ന്നി ത​ങ്ക​മ​ണി​യെ ആ​ക്ര​മി​ക്കു​ക​യാ​യി​രു​ന്നു. ര​ക്ഷ​പ്പെ​ടാ​ൻ ശ്ര​മി​ക്കു​ന്ന​തി​നി​ടെ​യാ​ണു കൈ​യ്ക്കു പ​രി​ക്കേ​റ്റ​ത്.
ത​ങ്ക​മ​ണി ആ​ശു​പ​ത്രി​യി​ൽ ചി​കി​ത്സ​തേ​ടി.

വി​ള​പ്പി​ൽ പ​ഞ്ചാ​യ​ത്തി​ലെ നെ​ടു​ങ്കു​ഴി, ശാ​സ്താം​പാ​റ, ക​രു​വി​ലാ​ഞ്ചി, മു​ക്കം​പാ​ല​മൂ​ട്, ചൊ​വ്വ​ള്ളൂ​ർ, അ​ണ​മു​ഖം പ്ര​ദേ​ശ​ങ്ങ​ളി​ൽ കാ​ട്ടു​പ​ന്നി ശ​ല്യ​മു​ണ്ടെ​ന്നു പ​രാ​തി​യു​ണ്ട്. നെ​ടു​ങ്കു​ഴി പ്ര​ദേ​ശ​ത്ത് കാ​ടു​മൂ​ടി​ക്കി​ട​ക്കു​ന്ന ച​വ​ർ സം​സ്ക​ര​ണ ഫാ​ക്ട​റി വ​ള​പ്പ് നേ​ര​ത്തെ പ​ന്നി​ക​ളു​ടെ താ​വ​ള​മാ​യി​രു​ന്നു. രാ​ത്രി​യി​ൽ ഇ​വ കൂ​ട്ട​മാ​യി​റ​ങ്ങി കൃ​ഷി​യി​ട​ങ്ങ​ളി​ലെ​ത്തി വാ​ഴ​യും മ​ര​ച്ചീ​നി​യും റ​ബ​റും കു​ത്തി​മ​റി​ച്ച് ന​ശി​പ്പി​ക്കു​ന്നു​ണ്ടെ​ന്നും നാ​ട്ടു​കാ​ർ ആ​രോ​പി​ച്ചു. വി​ള​വി​റ​ക്കാ​നാ​വാ​ത്ത സ്ഥി​തി​യാ​ണെ​ന്നും ക​ർ​ഷ​ക​ർ പ​രാ​തി​പ്പെ​ടു​ന്നു.

തൃ​ശൂ​ർ: തൃ​ശൂ​ർ ജി​ല്ല​യി​ലെ പു​തു​ക്കാ​ടി​ലു​ണ്ടാ​യ നി​യ​ന്ത്ര​ണം വി​ട്ട കെ​എ​സ്ആ​ർ​ടി​സി ബ​സി​ടി​ച്ച് വ​ഴി​യാ​ത്ര​ക്കാ​രി മ​രി​ച്ചു. കാ​ഞ്ഞൂ​ർ സ്വ​ദേ​ശിനി ബി​ന്ദു (49) ആ​ണ് മ​രി​ച്ച​ത്. ബ​സ് ഓ​ടി​ച്ചി​രു​ന്ന ഡ്രൈ​വ​ർ​ക്ക് ദേ​ഹാ​സ്വാ​സ്ഥ്യം ഉ​ണ്ടാ​യ​താ​ണ് നി​യ​ന്ത്ര​ണം ന​ഷ്ട​പ്പെ​ടാ​ൻ കാ​ര​ണം. തി​ങ്ക​ളാ​ഴ്ച രാ​വി​ലെ ഏ​ഴി​നാ​യി​രു​ന്നു സം​ഭ​വം.

ദേ​ശീ​യ​പാ​ത​യി​ലെ ഒ​രു ക​ട​യി​ലേ​ക്ക് ഇ​ടി​ച്ചു​ക​യ​റി​യാ​ണ് ബ​സ് നി​ന്ന​ത്. അ​പ​ക​ട​ത്തെ തു​ട​ർ​ന്ന് ന​ട​ത്തി​യ പ​രി​ശോ​ധ​ന​യി​ൽ ഡ്രൈ​വ​ർ കു​ഴ​ഞ്ഞു​വീ​ണ നി​ല​യി​ലാ​ണ് കാ​ണ​പ്പെ​ട്ട​ത്. സം​ഭ​വ​ത്തി​ൽ പോ​ലീ​സ് മേ​ൽ​ന​ട​പ​ടി​ക​ൾ സ്വീ​ക​രി​ച്ചു​വ​രു​ന്നു.

മും​ബൈ: മ​ഹാ​രാ​ഷ്ട്ര​യി​ലെ ചു​നാ​ഭ​ട്ടി​യി​ൽ 17 നി​ല​ക​ളു​ള്ള ഫ്ലാ​റ്റി​ന്‍റെ ടെ​റ​സി​ൽ​നി​ന്ന് കോ​ൺ​ക്രീ​റ്റ് പാ​ളി അ​ട​ർ​ന്നു​വീ​ണ് കാ​ൽ​ന​ട​യാ​ത്ര​ക്കാ​ര​ൻ മ​രി​ച്ചു. അ​ബ്ദു​ൾ വ​ഹാ​ബ് (55) എ​ന്ന​യാ​ളാ​ണ് മ​രി​ച്ച​ത്. വെ​ള്ളി​യാ​ഴ്ച പു​ല​ർ​ച്ചെ​യാ​ണ് സം​ഭ​വം.

കെ​ട്ടി​ട​ത്തി​ന്‍റെ ഏ​റ്റ​വും മു​ക​ളി​ലെ നി​ല​യി​ലു​ള്ള കൈ​വ​രി​യു​ടെ പ്ലാ​സ്റ്റ​റിം​ഗി​ന്‍റെ വ​ലി​യൊ​രു ഭാ​ഗം പെ​ട്ടെ​ന്ന് താ​ഴെ​യ്ക്ക് പ​തി​ക്കു​ക​യാ​യി​രു​ന്നു. ഈ ​സ​മ​യം കെ​ട്ടി​ട​ത്തി​ന് സ​മീ​പ​ത്തു​കൂ​ടി ന​ട​ന്നു​പോ​വു​ക​യാ​യി​രു​ന്ന അ​ബ്ദു​ൾ വ​ഹാ​ബി​ന്‍റെ ത​ല​യി​ലേ​ക്കാ​ണ് കോ​ൺ​ക്രീ​റ്റ് ക​ഷ്ണം വീ​ണ​ത്. ഗു​രു​ത​ര​മാ​യി പ​രി​ക്കേ​റ്റ ഇ​ദ്ദേ​ഹ​ത്തെ ഉ​ട​ൻ ത​ന്നെ സ​മീ​പ​വാ​സി​ക​ൾ ചേ​ർ​ന്ന് അ​ടു​ത്തു​ള്ള ആ​ശു​പ​ത്രി​യി​ൽ എ​ത്തി​ച്ചു​വെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല.

കെ​ട്ടി​ട​ത്തി​ൽ തൂ​ങ്ങി​ക്കി​ട​ന്നി​രു​ന്ന ബാ​ക്കി കോ​ൺ​ക്രീ​റ്റ് ഭാ​ഗ​ങ്ങ​ൾ ഫ​യ​ർ​ഫോ​ഴ്സ് എ​ത്തി നീ​ക്കം ചെ​യ്തു. കെ​ട്ടി​ട​ത്തി​ന്‍റെ പ​ഴ​ക്ക​വും അ​റ്റ​കു​റ്റ​പ്പ​ണി​ക​ളി​ലെ വീ​ഴ്ച​യും അ​പ​ക​ട​ത്തി​ന് കാ​ര​ണ​മാ​യ​തെ​ന്ന് അ​ധി​കൃ​ത​ർ പ​റ​ഞ്ഞു.

കട്ടപ്പന: നഗരത്തിൽ സെൻട്രൽ ജംഗ്ഷനിൽ നിയന്ത്രണം നഷ്ടപ്പെട്ട മിനിലോറിയിച്ച് വഴിയാത്രക്കാരൻ മരിച്ചു. പൈനാവ് സ്വദേശി രാജു(70)വാണ് മരിച്ചത്. ചക്ക കയറ്റിവന്ന മിനിവാനാണ് അപകടത്തിൽപ്പെട്ടത്.

വഴിയാത്രക്കാരനേയും സമീപത്തുണ്ടായ വാഹനങ്ങളിലും ഇടിച്ചശേഷം വ്യാപാരസ്ഥാപനത്തിന്‍റെ മുൻപിൽ ഇടിച്ചാണ് മിനിലോറി നിന്നത്. രാജു വാഹനത്തിനടിയിൽപ്പെടുകയായിരുന്നു. തുടർന്ന് നാട്ടുകാരും കട്ടപ്പന സ്റ്റേഷനിൽനിന്നെത്തിയ പോലീസ് സംഘവും ചേർന്ന് രാജുവിനെ ഉടൻതന്നെ സമീപത്തെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

വാഹനത്തിന്‍റെ ഡ്രൈവറെ പോലീസ് കസ്റ്റഡിയിലെടുത്തു. ബ്രേക്ക് തകരാറിലായതാണ് അപകടകാരണമെന്ന് സംശയിക്കുന്നു. എന്നാൽ പരിശോധനയ്ക്ക് ശേഷമേ ഇക്കാര്യം സ്ഥിരീകരിക്കാനാകൂ.

ക​ഠി​നം​കു​ളം: തി​രു​വ​ന​ന്ത​പു​രം ക​ഠി​നം​കു​ള​ത്ത് ബൈ​ക്കി​ടി​ച്ച് കാ​ൽ​ന​ട യാ​ത്ര​ക്കാ​രി​ക്ക് ദാ​രു​ണാ​ന്ത്യം. മ​ര്യ​നാ​ട് സ്വ​ദേ​ശി സെ​ൽ​വെ​റ്റ് മേ​രി (51) ആ​ണ് മ​രി​ച്ച​ത്. ക​ഠി​നം​കു​ളം ആ​റാ​ട്ട് വ​ഴി​യി​ൽ റോ​ഡ് മു​റി​ച്ച് ക​ട​ക്കു​ന്ന​തി​നി​ടെ ആ​യി​രു​ന്നു അ​പ​ക​ടം.

ഉ​ച്ച​യ്ക്ക് മൂ​ന്ന​ര​യോ​ടെ​യാ​യി​രു​ന്നു അ​പ​ക​ടം ന​ട​ന്ന​ത്. ആ​റാ​ട്ട് വ​ഴി​യി​ൽ സെ​ൽ​വെ​റ്റ് മേ​രി റോ​ഡ് മു​റി​ച്ച് ക​ട​ക്കാ​ൻ ശ്ര​മി​ക്കു​ന്ന​തി​നി​ടെ അ​മി​ത വേ​ഗ​ത്തി​ലെ​ത്തി​യ ബൈ​ക്ക് ഇ​ടി​ച്ചു​തെ​റി​പ്പി​ക്കു​ക​യാ​യി​രു​ന്നു.

അ​പ​ക​ട​ത്തി​ൽ സെ​ൽ​വെ​റ്റി​ന് ത​ല​യ്ക്ക് ഗു​രു​ത​ര​മാ​യി പ​രി​ക്കേ​റ്റി​രു​ന്നു. ബൈ​ക്കോ​ടി​ച്ചി​രു​ന്ന യു​വാ​വി​നും അ​പ​ക​ട​ത്തി​ൽ ഗു​രു​ത​ര പ​രി​ക്കു​ണ്ട്. ഇ​രു​വ​രെ​യും ഉ​ട​ൻ​ത​ന്നെ മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ചെ​ങ്കി​ലും സെ​ൽ​വെ​റ്റി​ന്‍റെ ജീ​വ​ൻ ര​ക്ഷി​ക്കാ​നാ​യി​ല്ല.

കൊ​ച്ചി: ക​ലൂ​ര്‍ സ്റ്റേ​ഡി​യം ലി​ങ്ക് റോ​ഡി​ല്‍ കാ​റി​ടി​ച്ച് ഗു​രു​ത​ര​മാ​യി പ​രി​ക്കേ​റ്റ​യാ​ളെ ആ​ശു​പ​ത്രി​യി​ല്‍ ത്രീ​വ്ര​പ​രി​ച​ര​ണ വി​ഭാ​ഗ​ത്തി​ല്‍ പ്ര​വേ​ശി​പ്പി​ച്ചു.

തി​രു​വ​ന​ന്ത​പു​രം ക​ര​മ​ന സ്വ​ദേ​ശി പ്ര​ദീ​പ്കു​മാ​റി​നാ(47)​ണ് പ​രി​ക്കേ​റ്റ​ത്. ഇ​ന്ന​ലെ രാ​വി​ലെ ജോ​ലി​സ്ഥ​ല​ത്തേ​ക്ക് ന​ട​ന്നു പോ​വുക​യാ​യി​രു​ന്ന പ്ര​ദീ​പ്കു​മാ​റി​നെ അ​മി​തവേ​ഗ​ത​യി​ല്‍ എ​ത്തി​യ കാ​റി​ടി​ക്കു​ക​യാ​യി​രു​ന്നു. നി​യ​ന്ത്ര​ണം നഷ്ടപ്പെട്ട കാർ സ​മീ​പ​ത്തെ വൈ​ദ്യു​തി തൂ​ണി​ല്‍ ഇ​ടി​ച്ചു മ​റി​ഞ്ഞു.

കാ​ര്‍ ഓ​ടി​ച്ചി​രു​ന്ന പു​ല്ലേ​പ്പ​ടി സ്വ​ദേ​ശി ബി​ലാ​ലി​നും പ​രി​ക്കേ​റ്റു. ഇ​യാ​ളെ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചു. സം​ഭ​വ​ത്തി​ല്‍ പാ​ലാ​രി​വ​ട്ടം പോ​ലീ​സ് കേ​സെ​ടു​ത്തു.

കാ​ഞ്ഞ​ങ്ങാ​ട്: പ്ല​സ്ടു വി​ദ്യാ​ര്‍​ഥി ഓ​ടി​ച്ച ബൈ​ക്ക് കാ​ല്‍​ന​ട​യാ​ത്രി​ക​നെ ഇ​ടി​ച്ച് ര​ണ്ടു​പേ​രും മ​രി​ച്ചു. കാ​ഞ്ഞ​ങ്ങാ​ട് മീ​നാ​പ്പീ​സ് സ്വ​ദേ​ശി നാ​ഫി​ഫ് (17), കാ​ഞ്ഞ​ങ്ങാ​ട് ചി​ത്താ​രി സ്വ​ദേ​ശി അ​ബ്ദു​ള്‍ മ​ജീ​ദ് (56) എ​ന്നി​വ​രാ​ണ് മ​രി​ച്ച​ത്.

ബൈ​ക്ക് യാ​ത്രി​ക​നാ​യ മീ​നാ​പ്പീ​സി​ലെ അ​മ​ന്‍ ഹാ​ഷിം (17) പ​രി​ക്കേ​റ്റ് കാ​ഞ്ഞ​ങ്ങാ​ട്ടെ സ്വ​കാ​ര്യ ആ​ശു​പ​ത്രി​യി​ല്‍ ചി​കി​ത്സ​യി​ലാ​ണ്. ഞാ​യ​റാ​ഴ്ച പു​ല​ര്‍​ച്ചെ 2.45ഓ​ടെ കാ​ഞ്ഞ​ങ്ങാ​ട് മ​ഡി​യ​ന്‍ സം​സ്ഥാ​ന​പാ​ത​യി​ലാ​ണ് അ​പ​ക​ട​മു​ണ്ടാ​യ​ത്. നാ​ഫി​ഫും ഹാ​ഷി​മും ഭ​ക്ഷ​ണം ക​ഴി​ക്കാ​നാ​യി ബൈ​ക്കി​ല്‍ പോ​കു​മ്പോ​ഴാ​ണ് റോ​ഡ് മു​റി​ച്ചു​ക​ട​ക്കു​ക​യാ​യി​രു​ന്ന മ​ജീ​ദി​നെ ഇ​ടി​ച്ച​ത്.

ഇ​രു​വ​രും സം​ഭ​വ​സ്ഥ​ല​ത്ത് ത​ന്നെ മ​ര​ിച്ചു. റ​ഹീം-​വ​ഹീ​ദ ദ​മ്പ​തി​ക​ളു​ടെ മ​ക​നാ​യ നാ​ഫി​ഫ് അ​മ്പ​ല​ത്ത​റ ജി​വി​എ​ച്ച്എ​സ്എ​സ് വി​ദ്യാ​ര്‍​ഥി​യാ​ണ്. സ​ഹോ​ദ​രി: നൂ​റി. ആ​മി​ന​യാ​ണ് മ​രി​ച്ച മ​ജീ​ദി​ന്‍റെ സ​ഹോ​ദ​രി. സം​ഭ​വ​ത്തി​ല്‍ ഹൊ​സ്ദു​ര്‍​ഗ് പോ​ലീ​സ് മ​രി​ച്ച നാ​ഫി​ഫി​നെ​തി​രെ അ​ശ്ര​ദ്ധ​മാ​യ ഡ്രൈ​വിം​ഗി​നും ജീ​വ​ഹാ​നി​ വ​രു​ത്തി​യ​തി​നും കേ​സെ​ടു​ത്തി​ട്ടു​ണ്ട്.

പേരൂർക്കട: റോഡ് മുറിച്ചുകടന്ന കാൽനടയാത്രികനെ രക്ഷിക്കാനുള്ള ശ്രമത്തിനിടെ നാലു വാഹനങ്ങൾ അപകടത്തിൽപ്പെട്ടു. കെഎസ്ആർടിസി ബസും രണ്ടു കാറും ഒരു സ്കൂട്ടറുമാണ് കൂട്ടിയിടിച്ചത്.

മണ്ണന്തല ആനന്ദവല്ലീശ്വരം ക്ഷേത്രത്തിനു സമീപത്തെ പെട്രോൾ പമ്പിന് മുന്നിൽ രാവിലെ 9.30 ഓടു കൂടിയായിരുന്നു അപകടം.

നാലു വാഹനങ്ങളും എം.സി റോഡിൽ നാലാഞ്ചിറ ഭാഗത്തേക്ക് പോകുകയായിരുന്നു. പൊടുന്നനെ കാൽനടയാത്രികൻ കുറുകെ ചാടിയതുകണ്ട് ഇരുചക്ര വാഹനം ഓടിച്ചിരുന്നയാൾ പെട്ടെന്ന് ബ്രേക്കിട്ടു. പിന്നാലെ വന്ന ബിഎംഡബ്ല്യു കാർ ഇരുചക്രവാഹന യാത്രികനെ ഇടിച്ചുതെറിപ്പിച്ചു. കൈക്ക് സാരമായി പരിക്കേറ്റ ഇദ്ദേഹം തിരുവനന്തപുരം മെഡിക്കൽ കോളജ് ആശുപത്രിയിൽ ചികിത്സ തേടി.

ബിഎംഡബ്ല്യു കാറിനു പിന്നിൽ ടാറ്റ പഞ്ച് കാർ വന്നിടിക്കുകയായിരുന്നു. കാറുകൾ സഡൻ ബ്രേക്ക് ഇട്ടതിനെ തുടർന്ന് പിറകെ വരികയായിരുന്ന വികാസ് ഭവൻ ഡിപ്പോയിലെ ബസ് ടാറ്റാ പഞ്ച് കാറിനു പിന്നിലിടിച്ചു. മൂന്നു വാഹനങ്ങളും തകർന്നിട്ടുണ്ട്. ബസിന്‍റെ മുൻഭാഗവും തകർന്നു.

മണ്ണന്തല പോലീസ് സ്ഥലത്തെത്തി മേൽനടപടികൾ സ്വീകരിച്ചു. അപകടത്തിൽപ്പെട്ട ഇരുചക്ര വാഹന യാത്രികന്‍റെ വിവരങ്ങൾ ലഭ്യമായിട്ടില്ല.

കൊച്ചി: പൈങ്ങോട്ടൂരില്‍ നിയന്ത്രണം വിട്ട പിക്അപ് വാനിടിച്ച് കാല്‍നട യാത്രക്കാരിക്ക് ദാരുണാന്ത്യം. പനങ്കര കന്നാരത്തൊട്ടി മറ്റക്കോടിയില്‍ ബേബിയുടെ ഭാര്യ ശോഭന (58) ആണ് മരിച്ചത്.

ഇന്ന് രാവിലെ 7.15ന് ആണ് സംഭവം. ദിവസക്കൂലിക്ക് ജോലി ചെയ്യുന്ന വീട്ടിലേക്ക് പോവുകയായിരുന്ന ശോഭന, മൂവാറ്റുപുഴ-കാളിയാര്‍ റൂട്ടില്‍ മടത്തോത്ത്പാറയില്‍ ബസ് ഇറങ്ങി നടന്നു പോകവെയാണ് അപകടമുണ്ടായത്. നിയന്ത്രണം വിട്ട പിക്അപ് വാന്‍ ശോഭനയെ പിന്നില്‍ നിന്നും ഇടിക്കുകയായിരുന്നു.

പിക്അപ് വാന്‍ തലകീഴായി സമീപത്തുള്ള പുരയിടത്തിലേക്ക് മറിഞ്ഞു. എന്നാല്‍ ഡ്രൈവര്‍ക്കും വാഹനത്തിലുണ്ടായിരുന്ന സഹായിക്കും സാരമായ പരിക്കുകളില്ല.

വാഹനം മറിയുന്നതിന്‍റെ ശബ്ദം കേട്ട് ഓടിയെത്തിയ നാട്ടുകാരും പോത്താനിക്കാട് പോലീസും ചേര്‍ന്ന് ശോഭനയെ ഉടന്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സംഭവത്തില്‍ പോലീസ് കേസെടുത്തു. സംസ്‌കാരം നാളെ രാവിലെ 11ന് ഞാറക്കാട് സെന്‍റ് ജോസഫ്‌സ് പള്ളിയില്‍.

സു​ൽ​ത്താ​ൻ ബ​ത്തേ​രി: ദേ​ശീ​യ​പാ​ത​യി​ൽ കൊ​ള​ഗ​പ്പാ​റ​യി​ൽ കാ​ൽ​ന​ട​യാ​ത്ര​ക്കാ​ര​ൻ കാ​റി​ടി​ച്ച് മ​രി​ച്ചു. ഛത്തീ​സ്ഗ​ഡ് ക​ദ​മാ​ന്ദോ​ന്ദി റാ​യി​ഗ്രാ​ഹ് സ്വ​ദേ​ശി വ​സ​ന്ത​റാം(23) ആ​ണ് മ​രി​ച്ച​ത്.

ഇ​ന്ന​ലെ രാ​വി​ലെ 10.30 ഓ​ടെ​യാ​യി​രു​ന്നു അ​പ​ക​ടം. കു​ഴ​ൽ​ക്കി​ണ​ർ ജോ​ലി​ക്കാ​ര​നാ​യ വ​സ​ന്ത​റാം താ​മ​സ​സ്ഥ​ല​ത്ത് നി​ന്ന് റോ​ഡി​ലേ​ക്കി​റ​ങ്ങി​യ​താ​യി​രു​ന്നു​വെ​ന്നാ​ണ് വി​വ​രം. ബ​ത്തേ​രി​യി​ൽ നി​ന്നും കോ​ഴി​ക്കോ​ട് ഭാ​ഗ​ത്തേ​ക്ക് പോ​കു​ക​യാ​യി​രു​ന്നു കാ​റാ​ണ് ഇ​ദ്ദേ​ഹ​ത്തെ ഇ​ടി​ച്ച​ത്.

ത​ല​യ്ക്ക് പ​രി​ക്കേ​റ്റ യു​വാ​വി​നെ ബ​ത്തേ​രി താ​ലൂ​ക്ക് ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല. മീ​ന​ങ്ങാ​ടി എ​സ്ഐ കെ.​എ. പൗ​ലോ​സി​ന്‍റെ നേ​തൃ​ത്വ​ത്തി​ൽ ഇ​ൻ​ക്വ​സ്റ്റ് ന​ട​ത്തി പോ​സ്റ്റ്മോ​ർ​ട്ട​ത്തി​നു​ശേ​ഷം മൃ​ത​ദേ​ഹം ബം​ഗ​ളൂ​രൂ​വി​ലേ​ക്ക് കൊ​ണ്ടു​പോ​യി. അ​വി​ടെ നി​ന്ന് വി​മാ​ന​ത്തി​ൽ നാ​ട്ടി​ലെ​ത്തി​ക്കും. ഇ​ടി​ച്ച​ശേ​ഷം നി​ർ​ത്താ​തെ പോ​യ കാ​ർ മീ​ന​ങ്ങാ​ടി​യി​ൽ നി​ന്ന് ക​ണ്ടെ​ത്തി.

 മും​ബൈ: മ​ഹാ​രാ​ഷ്ട്ര​യി​ൽ കാ​ൽ​ന​ട​യാ​ത്ര​ക്കാ​ർ​ക്കി​ട​യി​ലേ​ക്ക് ബ​സ് ഇ​ടി​ച്ചു​ക​യ​റി നാ​ലു പേ​ർ മ​രി​ച്ചു. മും​ബൈ​യി​ലെ ഭാ​ണ്ഡൂ​പി​ൽ തി​ങ്ക​ളാ​ഴ്ച രാ​ത്രി​യാ​ണ് സം​ഭ​വം. ബൃ​ഹ​ൻ​മും​ബൈ ഇ​ല​ക്ട്രി​ക് സ​പ്ലൈ ആ​ൻ​ഡ് ട്രാ​ൻ​സ്‌​പോ​ർ​ട്ടി​ന്‍റെ (ബെ​സ്റ്റ്) ബ​സാ​ണ് അ​പ​ക​ട​മു​ണ്ടാ​ക്കി​യ​ത്.

ബ​സ് പി​ന്നി​ലോ​ട്ട് എ​ടു​ക്കു​ന്ന​തി​നി​ടെ കാ​ൽ​ന​ട​യാ​ത്ര​ക്കാ​ർ​ക്കി​ട​യി​ലേ​ക്ക് ഇ​ടി​ച്ചു​ക​യ​റു​ക​യാ​യി​രു​ന്നു. അ​പ​ക​ട​ത്തി​ൽ ഒ​മ്പ​ത് പേ​ർ​ക്ക് പ​രി​ക്കേ​റ്റു. ഇ​വ​രെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

അ​പ​ക​ട​ത്തി​ന് പി​ന്നാ​ലെ സ്ഥ​ല​ത്ത് വ​ലി​യ പോ​ലീ​സ് സം​ഘ​മെ​ത്തി തു​ട​ർ​ന​ട​പ​ടി​ക​ൾ സ്വീ​ക​രി​ക്കു​ക​യും ഗ​താ​ഗ​തം നി​യ​ന്ത്രി​ക്കു​ക​യും ചെ​യ്തു.