ന്യൂഡല്ഹി: വിദ്യാര്ഥികള്ക്കെതിരേ നടന്ന പോലീസ് അതിക്രമങ്ങളിലും അയോധ്യ ശ്രീരാമക്ഷേത്രത്തിലെ സംഭാവനക്കൊള്ളയിലും പ്രതിഷേധിച്ച് പ്രതിപക്ഷ ഇന്ത്യാ സഖ്യത്തിലെ എംപിമാര് പാര്ലമെന്റ് വളപ്പില് മാര്ച്ച് നടത്തി.
ഗാന്ധിപ്രതിമയ്ക്കു മുന്നില്നിന്ന് ആരംഭിച്ച മാര്ച്ചിന് കോണ്ഗ്രസ് അധ്യക്ഷനും രാജ്യസഭയിലെ പ്രതിപക്ഷനേതാവുമായ മല്ലികാര്ജുന് ഖാര്ഗെയും ലോക്സഭയിലെ പ്രതിപക്ഷനേതാവ് രാഹുല് ഗാന്ധിയും നേതൃത്വം നല്കി.
അമിത് ഷാ മറുപടി നല്കുക (അമിത് ഷാ ജവാബ് ദോ) എന്നെഴുതിയ പ്ലാക്കാര്ഡുകളുമായി ആരംഭിച്ച മാര്ച്ച് പാര്ലമെന്റിന്റെ മകര കവാടത്തില് അവസാനിപ്പിച്ചു. പിന്നീട് സഭയ്ക്കുള്ളിലായിരുന്നു പ്രതിഷേധം.
വിദ്യാര്ഥികള്ക്കുണ്ടായ ദുരനുഭവത്തില് കുറ്റക്കാരനായതുകൊണ്ടാണ് ആഭ്യന്തരമന്ത്രി മുഖം മറച്ചു നടക്കുന്നതെന്ന് പ്രതിപക്ഷനേതാവ് രാഹുല് ഗാന്ധി കുറ്റപ്പെടുത്തി. രാജ്യത്തെ ഗൗരവതരമായ വിഷയങ്ങള് ചര്ച്ച ചെയ്യാനുള്ള ഏകവേദി പാര്ലമെന്റാണെന്ന് ഖാര്ഗെ ചൂണ്ടിക്കാട്ടി.
മോദിയുടെയും ഷായുടെയും അഹങ്കാരമാണു സഭയില് വരുന്നതില്നിന്ന് അവരെ തടയുന്നതെന്ന് അദ്ദേഹം ആരോപിച്ചു. പ്രതിപക്ഷം ചര്ച്ചയ്ക്കു തയാറാണെന്നും ഖാര്ഗെ വ്യക്തമാക്കി.
Deepika
E-paper LOGIN
LOGIN