മാള: ഡോ. രാജു ഡേവിസ് ഇന്റർനാഷണൽ സ്കൂളിൽ നടക്കുന്ന സിബിഎസ്ഇ സൗത്ത് ഇന്ത്യ സോൺ 2 സ്വിമ്മിംഗ് ചാമ്പ്യൻഷിപ്പിൽ രണ്ടാം ദിനത്തിൽ അങ്കമാലി വിശ്വജ്യോതി പബ്ലിക് സ്കൂൾ ഒന്നാം സ്ഥാനത്തെത്തി.
പെൺകുട്ടികളുടെ വിഭാഗത്തിലെ 60 ഇനങ്ങൾ പൂർത്തിയായപ്പോഴാണ് 107 പോയിന്റുമായി വിശ്വജ്യോതി പബ്ലിക് സ്കൂൾ മുന്നിട്ടുനിൽക്കുന്നത്.
97 പോയിന്റുമായി ബംഗളൂരു കൊമ്പാപുര ജെയിൻ ഹെറിറ്റേജ് സ്കൂൾ രണ്ടാം സ്ഥാനത്തും 77 പോയിന്റുമായി ബംഗളൂരു വൊന്നപ്പെണ്ണു ഡൽഹി പബ്ലിക് സ്കൂൾ മൂന്നാം സ്ഥാനത്തുമാണ്.
അണ്ടർ 11 ഗേൾസ് വിഭാഗത്തിൽ ബംഗളൂരു സൗന്ദര്യ സെൻട്രൽ സ്കൂളിലെ എസ്. പവനി വ്യക്തിഗത ചാമ്പ്യനായി. 50 മീറ്റർ ബാക്ക്സ്ട്രോക്ക്, 50 മീറ്റർ ഫ്രീസ്റ്റൈൽ, 200 മീറ്റർ മെഡ്ലേ ഇനങ്ങളിൽ ഒന്നാം സ്ഥാനംനേടിയ മികച്ച പ്രകടനമാണ് പവനിക്കു വ്യക്തിഗത ചാമ്പ്യൻഷിപ്പ് നേടിക്കൊടുത്തത്.
E-paper LOGIN
LOGIN
