4

ച​ണ്ഡീ​ഗ​ഡ്: ഹ​രി​യാ​ന​യി​ലെ ഫ​രീ​ദാ​ബാ​ദി​ൽ 17 കാ​രി​യു​മാ​യി ഒ​ളി​ച്ചോ​ടി​യ യു​വാ​വി​നെ പെ​ൺ​കു​ട്ടി​യു​ടെ വീ​ട്ടു​കാ​ർ ത​ട്ടി​ക്കൊ​ണ്ടു​പോ​യി മ​ർ​ദി​ച്ച് കൊ​ല​പ്പെ​ടു​ത്തി. രാ​ജ​സ്ഥാ​നി​ലെ ഭി​വാ​ഡി സ്വ​ദേ​ശി​യും ബാ​ഡ്മി​ന്‍റ​ൺ താ​ര​വു​മാ​യ മോ​നു (21) ആ​ണ് കൊ​ല്ല​പ്പെ​ട്ട​ത്.

ഒ​രു മാ​സം മു​മ്പ് മോ​നു​വും തി​ഗാ​വ് സ്വ​ദേ​ശി​യാ​യ പ​തി​നേ​ഴു​കാ​രി​യും ഒ​ളി​ച്ചോ​ടി​യി​രു​ന്നു. ഇ​തേ തു​ട​ർ​ന്ന് പെ​ൺ​കു​ട്ടി​യു​ടെ കു​ടും​ബം മോ​നു​വി​നെ​തി​രെ ത​ട്ടി​ക്കൊ​ണ്ടു​പോ​യെ​ന്നാ​രോ​പി​ച്ച് പോ​ലീ​സി​ൽ ന​ൽ​കി​യി​രു​ന്നു. തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ൽ പോ​ലീ​സ് പെ​ൺ​കു​ട്ടി​യെ ക​ണ്ടെ​ത്തു​ക​യും, മ​ജി​സ്‌​ട്രേ​റ്റി​ന് മു​ന്നി​ൽ ഹാ​ജ​രാ​ക്കു​ക​യും ചെ​യ്തു. ത​ന്നെ ആ​രും ത​ട്ടി​ക്കൊ​ണ്ടു​പോ​യ​ത​ല്ലെ​ന്നാ​ണ് പെ​ൺ​കു​ട്ടി മ​ജി​സ്ട്രേ​റ്റി​ന് മൊ​ഴി ന​ൽ​കി​യ​ത്.

കേ​സി​ന്‍റെ അ​ന്വേ​ഷ​ണ​വു​മാ​യി ബ​ന്ധ​പ്പെ​ട്ട് പോ​ലീ​സ് സ്റ്റേ​ഷ​നി​ൽ ഹാ​ജ​രാ​കാ​ൻ പോ​വു​ക​യാ​ണെ​ന്ന് വീ​ട്ടു​കാ​രെ അ​റി​യി​ച്ച് ര​ണ്ട് ദി​വ​സം മു​മ്പ് ഇ​റ​ങ്ങി​യ മോ​നു​വി​നെ പി​ന്നീ​ട് കാ​ണാ​തി. ബു​ധ​നാ​ഴ്ച പെ​ൺ​കു​ട്ടി​യു​ടെ കു​ടും​ബം ത​ന്നെ​യാ​ണ് മോ​നു​വി​നെ ത​ങ്ങ​ൾ പി​ടി​കൂ​ടി​യ വി​വ​രം പോ​ലീ​സി​നെ അ​റി​യി​ച്ചു.

പോ​ലീ​സ് സം​ഭ​വ​സ്ഥ​ല​ത്ത് എ​ത്തി​യ​പ്പോ​ൾ യു​വാ​വ് മ​ർ​ദ​ന​ത്തി​ന് ഇ​ര​യാ​യ​താ​യും ഗു​രു​ത​ര​മാ​യ പ​രി​ക്കു​ക​ളോ​ടെ അ​ബോ​ധാ​വ​സ്ഥ​യി​ലാ​ണെ​ന്നും ക​ണ്ടെ​ത്തു​ക​യാ​യി​രു​ന്നു. മൂ​ന്ന് ദി​വ​സ​ത്തോ​ളം യു​വാ​വി​നെ പെ​ൺ​കു​ട്ടി​യു​ടെ വീ​ട്ടു​കാ​ർ ബ​ന്ധി​യാ​ക്കി ക്രൂ​ര​മാ​യി പീ​ഡി​പ്പി​ച്ച​താ​യാ​ണ് വി​വ​രം. ഉ​ട​ൻ ത​ന്നെ യു​വാ​വി​നെ ആ​ശു​പ​ത്രി​ല്‍ എ​ത്തി​ച്ചു​വെ​ങ്കി​ലും വെ​ള്ളി​യാ​ഴ്ച പു​ല​ർ​ച്ചെ​യോ​ടെ മ​ര​ണ​ത്തി​ന് കീ​ഴ​ട​ങ്ങു​ക​യാ​യി​രു​ന്നു.

സം​ഭ​വ​വു​മാ​യി ബ​ന്ധ​പ്പെ​ട്ട് പെ​ൺ​കു​ട്ടി​യു​ടെ കു​ടും​ബ​ത്തി​ലെ ര​ണ്ട് പേ​രെ ക​സ്റ്റ​ഡി​യി​ലെ​ടു​ത്തി​ട്ടു​ണ്ട്. കൂ​ടു​ത​ൽ അ​ന്വേ​ഷ​ണം ന​ട​ന്നു​വ​രി​ക​യാ​ണ്.