Deepika.com | Largest Malayalam Internet Read

Filter By Tag : Church

സഭയുടെ മിഷനറിദൗത്യം

പരസ്പര ബഹുമാനത്തിലും സാഹോദര്യത്തിലും അധിഷ്ഠിതമായ ഈ സംവാദ സംസ്കാരം സഭയുടെ മിഷനറി ദൗത്യത്തിന് എതിരല്ല; മറിച്ച്, അതിന്‍റെ അവിഭാജ്യ ഘടകമാണ്. സ്വന്തം വിശ്വാസപാരമ്പര്യത്തിൽ പൂർണമായി വേരൂന്നിക്കൊണ്ടുതന്നെ, മറ്റ് പാരമ്പര്യങ്ങളിലുള്ള നന്മയെയും ആദരിക്കാനും സ്നേഹിക്കാനും ഈ പ്രബോധനങ്ങൾ വിശ്വാസികളെ പ്രചോദിപ്പിക്കുന്നതോടൊപ്പം, പൊതുസമൂഹത്തിനും കൃത്യമായ സന്ദേശവും നൽകുന്നു. സമാധാനപരമായ സഹവർത്തിത്വത്തിനും മനുഷ്യരാശിയുടെ പൊതുനന്മയ്ക്കുംവേണ്ടി എല്ലാ മനുഷ്യരും കൈകോർത്തു പ്രവർത്തിക്കേണ്ടതിന്‍റെ ആവശ്യകതയാണ് സഭയുടെ പ്രബോധന രേഖകൾ ഏവരെയും ഓർമിപ്പിക്കുന്നത്. മതാന്തര സംവാദമെന്നാൽ, സ്വന്തം വിശ്വാസം ഉപേക്ഷിക്കലോ മറ്റെല്ലാ വിശ്വാസങ്ങളെയും ഒന്നാക്കി ഒരു പുതിയ മതം സൃഷ്ടിക്കലോ അല്ല എന്ന് ‘പ്രത്യാശയുടെ യാത്ര’ ഊന്നിപ്പറയുന്നുണ്ട്.

എന്നാൽ, ഈ തുറവിയും സാഹോദര്യ മനോഭാവവും ലോകത്തിന്‍റെ എല്ലാ കോണുകളിലും തുല്യമായി പ്രതിഫലിക്കുന്നുണ്ടോ എന്നത് പ്രസക്തമായ ഒരു ചോദ്യമാണ്. ക്രൈസ്തവ ഭൂരിപക്ഷമുള്ള രാജ്യങ്ങളിൽ മറ്റ് മതസ്ഥർക്ക് പൂർണമായ സ്വാതന്ത്ര്യവും ആദരവും നൽകുമ്പോൾതന്നെ, ക്രൈസ്തവർ ന്യൂനപക്ഷമായ രാജ്യങ്ങളിൽ ക്രിസ്തീയ സമൂഹങ്ങളും ഇതേ അവകാശങ്ങളും മതസ്വാതന്ത്ര്യവും അർഹിക്കുന്നുണ്ടെന്ന യാഥാർഥ്യം പുതിയ രേഖ ശക്തമായി ചൂണ്ടിക്കാണിക്കുന്നു. പാശ്ചാത്യരാജ്യങ്ങളിൽ മറ്റുള്ളവർക്കുള്ള മതസ്വാതന്ത്ര്യംപോലെതന്നെ, മറ്റുള്ള രാജ്യങ്ങളിലും ക്രിസ്ത്യാനികൾക്ക് സ്വന്തം വിശ്വാസം ആചരിക്കാനും അതനുസരിച്ച് ജീവിക്കാനുമുള്ള സാഹചര്യം ഒരുക്കപ്പെടേണ്ടതുണ്ട്.

പരസ്പരമുള്ള ഈ നീതിയും ആദരവും ഉറപ്പുവരുത്താതെ യഥാർഥ മാനവിക സൗഹാർദം സാക്ഷാത്കരിക്കപ്പെടുകയില്ലെന്ന് സഭ ഓർമിപ്പിക്കുന്നു. വിദ്വേഷത്തിന്‍റെയും ഭിന്നതകളുടെയും സ്വരങ്ങൾ ലോകത്ത് ശക്തിപ്പെടുന്ന ഇക്കാലത്ത്, മതപരമായ അടിച്ചമർത്തലുകളെയും അക്രമങ്ങളെയും ശക്തമായി അപലപിച്ചുകൊണ്ട്, സ്നേഹത്തിന്‍റെയും ക്ഷമയുടെയും പാതയിലൂടെ സഞ്ചരിക്കാൻ ഈ പുതിയ പ്രബോധനരേഖ ലോകത്തോട് ആഹ്വാനം ചെയ്യുന്നു.

►മതസ്വാതന്ത്ര്യം

രണ്ടാം വത്തിക്കാൻ കൗൺസിലിന്‍റെ മനുഷ്യമാഹാത്മ്യം എന്ന മതസ്വാതന്ത്ര്യ പ്രഖ്യാപനത്തിൽ വ്യക്തമാക്കുന്നതുപോലെ, മനുഷ്യന് അത്യന്താപേക്ഷിതമായ മതസ്വാതന്ത്ര്യം ഭൂരിപക്ഷ വിഭാഗങ്ങളുടെ നിർബന്ധബുദ്ധിയിൽ നിന്നുമുള്ള സ്വാതന്ത്ര്യം അർഹിക്കുന്നു. എന്നാൽ, ആധുനികലോകത്ത് പല രാജ്യങ്ങളിലും ഈ മൗലികാവകാശം ചോദ്യം ചെയ്യപ്പെടുന്ന പ്രവണതകൾ വർധിച്ചുവരുന്നുണ്ട്. ഇന്ത്യയിലെ പുതിയ നിയമനിർമാണങ്ങളെയോ പ്രത്യേക സംഭവങ്ങളെയോ രേഖ നേരിട്ട് പരാമർശിക്കുന്നില്ലെങ്കിലും, വിവിധ സംസ്ഥാനങ്ങളിലെ മതപരിവർത്തനനിരോധന നിയമങ്ങളും അനുബന്ധ പ്രതിസന്ധികളും പരിഗണിക്കുമ്പോൾ, രേഖ മുന്നോട്ടുവയ്ക്കുന്ന മതസ്വാതന്ത്ര്യത്തിന്‍റെ തത്വങ്ങൾക്ക് പ്രത്യേക പ്രസക്തിയുണ്ട്. ഭരണഘടനാപരമായ അവകാശങ്ങൾ ലംഘിക്കപ്പെടുന്നതും വിശ്വാസം ആചരിക്കുന്നതിന്‍റെ പേരിൽ അടിച്ചമർത്തലുകൾ നേരിടേണ്ടിവരുന്നതും യഥാർഥ മാനവിക സൗഹാർദത്തിന് ഏൽക്കുന്ന ആഘാതങ്ങളാണെന്ന് സഭ ഓർമിപ്പിക്കുന്നു.

ലോകത്തിന്‍റെ പല ഭാഗങ്ങളിലും വിവിധ സമൂഹങ്ങൾ നേരിടുന്ന ഇത്തരം പ്രതിസന്ധികളെയും പീഡനങ്ങളെയും അങ്ങേയറ്റം സംയമനത്തോടും എന്നാൽ വ്യക്തമായ നിലപാടുകളോടുംകൂടിയാണ് ഈ പ്രബോധനക്കുറിപ്പ് സമീപിക്കുന്നത്. തീവ്രവാദ ഗ്രൂപ്പുകളുടെയും സങ്കുചിത ചിന്താഗതിക്കാരുടെയും ഭാഗത്തുനിന്ന് ഉണ്ടാകുന്ന ഇത്തരം പീഡനങ്ങൾ മനുഷ്യന്‍റെ അന്തസിനെ നേരിട്ട് ലംഘിക്കുന്നതാണെന്ന് രേഖ ചൂണ്ടിക്കാണിക്കുന്നു. ഇതോടൊപ്പം, മതസ്വാതന്ത്ര്യത്തിന്‍റെ സംരക്ഷണം ഒരു മതസമൂഹത്തിന്‍റെ മാത്രം അവകാശസംരക്ഷണമായി ചുരുക്കരുതെന്നും രേഖ വ്യക്തമാക്കുന്നു. ഏതെങ്കിലുമൊരു മതവിഭാഗത്തിനെതിരായ വിദ്വേഷവും വിവേചനവും മനുഷ്യാന്തസിനെതിരാണ്. മതവിദ്വേഷ പ്രവണതകളെയും ഏതെങ്കിലും മതത്തിന്‍റെ പേരിൽ നടക്കുന്ന അക്രമത്തെയും ഒരുപോലെ നിരാകരിക്കേണ്ടതുണ്ട്. എന്നാൽ, ഒരു മതത്തിലെ ചില തീവ്രവാദ പ്രവണതകളെ വിമർശിക്കുന്നത് ആ മതത്തിലെ മുഴുവൻ വിശ്വാസികളെയും സംശയത്തിന്‍റെ നിഴലിൽ നിർത്തുന്നതിനുള്ള ന്യായീകരണമാകരുത്. അതുപോലെ, മതസ്വാതന്ത്ര്യത്തിന്‍റെ പേരിൽ അക്രമത്തെയോ വിദ്വേഷത്തെയോ ന്യായീകരിക്കാനും കഴിയില്ല. വ്യക്തിയുടെ അന്തസിനെയും മതസ്വാതന്ത്ര്യത്തെയും ഒരുപോലെ സംരക്ഷിക്കുന്നതാണ് സഭ മുന്നോട്ടുവയ്ക്കുന്ന സമീപനം.

ബലപ്രയോഗങ്ങളോ അടിച്ചേൽപിക്കലുകളോ ഇല്ലാതെയുള്ള സമാധാനപരമായ സഹവർത്തിത്വമാണ് കത്തോലിക്കാസഭ എക്കാലവും ആഗ്രഹിക്കുന്നത്. എല്ലാ മതവിശ്വാസികൾക്കും ഒരുപോലെ ബാധകമായ മതസ്വാതന്ത്ര്യത്തിന്‍റെ തത്വമാണ് രേഖ ഉയർത്തിപ്പിടിക്കുന്നത്. അതിനാൽതന്നെ, ഇന്ത്യയിലെയും മറ്റു രാജ്യങ്ങളിലെയും മതപീഡനങ്ങളെ പരോക്ഷമായി ചോദ്യം ചെയ്തുകൊണ്ട്, എല്ലാ മനുഷ്യരുടെയും മതസ്വാതന്ത്ര്യം സംരക്ഷിക്കപ്പെടേണ്ടത് ഒരു സാമൂഹിക ബാധ്യതയാണെന്ന് സഭ ഇവിടെ ഓർമിപ്പിക്കുന്നു. വിദ്വേഷത്തിന്‍റെയും അടിച്ചമർത്തലുകളുടെയും രാഷ്‌ട്രീയത്തിന് മറുപടിയായി, സ്നേഹത്തിന്‍റെയും സംഭാഷണത്തിന്‍റെയും സഹവർത്തിത്വത്തിന്‍റെയും പാതയിലൂടെ മാത്രമേ നീതിയുക്തമായ ഒരു ലോകം കെട്ടിപ്പടുക്കാൻ സാധിക്കൂ എന്ന ശക്തമായ സന്ദേശമാണ് ഇത് നൽകുന്നത്.

►പാവപ്പെട്ടവരിലേക്കുള്ള കടന്നുചെല്ലൽ

മതാന്തര സംവാദത്തിന്‍റെ വിജയത്തെ മതനേതാക്കളുടെ കൂടിക്കാഴ്ചകളുടെ എണ്ണത്തിലൂടെയോ സംയുക്ത പ്രസ്താവനകളുടെ വലുപ്പത്തിലൂടെയോ മാത്രം അളക്കാനാവില്ലെന്ന ഒരു പ്രധാന നിരീക്ഷണവും ‘പ്രത്യാശയുടെ യാത്ര’ മുന്നോട്ടുവയ്ക്കുന്നു. സമൂഹത്തിലെ ഏറ്റവും ദുർബലരും മുറിവേറ്റവരുമായ മനുഷ്യരോടുള്ള സമീപനമാണ് മതവിശ്വാസത്തിന്‍റെ യഥാർഥ ഫലപ്രാപ്തിയുടെ അളവുകോൽ. തളർന്നുകിടക്കുന്ന മനുഷ്യനെ നാം സ്വീകരിക്കുന്നുവോ, അതോ അവഗണിക്കുന്നുവോ എന്ന ചോദ്യമാണ് മതത്തിന്‍റെ സാമൂഹികസാക്ഷ്യത്തെ പരിശോധിക്കുന്ന അടിസ്ഥാന മാനദണ്ഡമാകേണ്ടത്. അതുകൊണ്ടുതന്നെ ദരിദ്രരും പാർശ്വവത്കരിക്കപ്പെട്ടവരും പീഡിതരും മതാന്തര സംവാദത്തിന്‍റെ മുഖ്യധാരയിലേക്കു കടന്നുവരേണ്ടതുണ്ട്. വ്യത്യസ്ത മതവിശ്വാസികൾ ഒരുമിച്ച് മനുഷ്യന്‍റെ അടിസ്ഥാന പ്രതിസന്ധികൾക്ക് പരിഹാരം കണ്ടെത്തുമ്പോഴാണ് സംവാദം യഥാർഥ സാഹോദര്യമായി മാറുന്നത്.

Kottayam

മുണ്ടത്താനം പള്ളിയില്‍ തിരുശേഷിപ്പ് പ്രതിഷ്ഠ തിരുനാളിന് തുടക്കമായി

America

ഡാളസ് സെന്റ് പോൾസ് മാർത്തോമ ചർച്ച് പിക്നിക് സംഘടിപ്പിച്ചു

ജർമനിയിൽ വിശുദ്ധ കുർബാനയ്ക്കിടെ പള്ളിയിലേക്ക് തീപ്പന്തവും പടക്കങ്ങളും എറിഞ്ഞു; വൻ ദുരന്തം ഒഴിവായി

വെറ്റിലപ്പാറയിൽ പള്ളിയിലേക്ക് ഓടിക്കയറി കാട്ടാന; ബഹളംവച്ച് ഓടിച്ച് നാട്ടുകാർ

International

പള്ളിയിൽ കത്തിയുമായി ഭീകരാന്തരീക്ഷം സൃഷ്‌ടിച്ചയാൾ ഫ്രാൻസിൽ പിടിയിൽ

പാരീസ്: ഫ്രാൻസിലെ ഫോർബാക്ക് നഗരത്തിൽ പള്ളിയിൽ കത്തിയുമായി കടന്നുകയറി ഭീകരാന്തരീക്ഷം സൃഷ്‌ടിക്കുകയും മുദ്രാവാക്യം വിളിക്കുകയും ചെയ്ത അക്രമിയെ സുരക്ഷാസേന പിടികൂടി.

ചൊവ്വാഴ്ചയായിരുന്നു സംഭവം.‘അള്ളാഹു അക്ബർ’ എന്ന് ഉറക്കെ വിളിച്ചുകൊണ്ടാണ് 35കാരനായ പ്രതി പള്ളിക്കുള്ളിലേക്ക് അതിക്രമിച്ചുകയറി പ്രാർഥിച്ചുകൊണ്ടിരുന്നവർക്കുനേരേ കത്തി വീശി അക്രമം അഴിച്ചുവിട്ടത്.

വിവരമറിഞ്ഞ് ഉടൻതന്നെ സ്ഥലത്തെത്തിയ പൊലിസ് സംഘം അക്രമിയെ വെടിവച്ച് വീഴ്ത്തുകയും കസ്റ്റഡിയിലെടുക്കുകയുമായിരുന്നു. പരിക്കേറ്റ അക്രമിയെ നിലവിൽ ആശുപത്രിയിൽ പ്രവേശിപ്പിച്ചിരിക്കുകയാണ്. സംഭവത്തെക്കുറിച്ച് ഫ്രഞ്ച് ഭീകരവിരുദ്ധ സേന അന്വേഷണം ആരംഭിച്ചിട്ടുണ്ട്. പ്രതിയെക്കുറിച്ചുള്ള വിവരങ്ങൾ പൊലിസ് പുറത്തുവിട്ടിട്ടില്ല.

നാലു ദിവസത്തെ ഫ്രാൻസ് സന്ദർശനത്തിനായി ലെയോ പതിനാലാമൻ മാർപാപ്പ ഈമാസം 25ന് പാരീസിലെത്താനിരിക്കേയുണ്ടായ ഈ സംഭവത്തെ അത്യന്തം ഗൗരവത്തോടെയാണ് സുരക്ഷാ ഏജൻസികൾ കാണുന്നത്.

സംഭവത്തിന്‍റെ പശ്ചാത്തലത്തിൽ രാജ്യത്തെ ആരാധനാലയങ്ങളിലും പൊതുസ്ഥലങ്ങളിലും സുരക്ഷ ശക്തമാക്കിയതായി അധികൃതർ അറിയിച്ചു.

District News

കുടമാളൂർ പള്ളിയിൽ എട്ടുനോമ്പ് തിരുനാൾ നാളെ മുതൽ

കുടമാളൂർ: സെന്‍റ് മേരീസ് മേജർ ആർക്കിഎപ്പിസ്കോപ്പൽ ദേവാലയത്തിൽ എട്ടുനോമ്പാചരണം നാളെ ആരംഭിക്കും. എല്ലാ ദിവസവും രാവിലെ 5.30നും ഏഴിനും 11നും വിശുദ്ധ കുർബാന. രാവിലെ 5.30 ന്‍റെ വിശുദ്ധ കുർബാനയ്ക്കു ശേഷം വ്യാകുലമാതാവിന്‍റെ തിരുനാൾ തിരുക്കർമങ്ങളും ഉണ്ടായിരിക്കും.

വൈകുന്നേരം 5.00ന് ജപമാല, 5.30ന് ആരാധന, മധ്യസ്ഥപ്രാർഥന, 6.30ന് വിശുദ്ധ കുർബാന എന്നീ ശുശ്രൂഷകളോടെയുമായിരിക്കും എട്ടുനോമ്പ് ആചരണം. ഇടവകയിലെ വിവിധ വാർഡുകൾ ഓരോ ദിവസത്തെയും തിരുനാളിന് നേതൃത്വം നൽകും. ആർച്ച്പ്രീസ്റ്റ് ഫാ.ഡോ. ജോർജ് മംഗലത്തിൽ, ഫാ. ജേക്കബ് കളരിക്കൽ, ഫാ. ജോൺ പുത്തൻപറമ്പിൽ, ഫാ. തോമസ് പാറത്തോട്ടാൽ എന്നിവർ നേതൃത്വം നൽകും.

പാമ്പാടി സെന്‍റ് മേരീസ് കത്തീഡ്രലിൽ

പാമ്പാടി: സെന്‍റ് മേരീസ് സിറിയൻ സിംഹാസന കത്തീഡ്രലിൽ എട്ടുനോമ്പു പെരുന്നാൾ നാളെ മുതൽ എട്ടു വരെ ആചരിക്കും. നാളെ മുതൽ എല്ലാ ദിവസവും രാവിലെ 7.30ന് വിശുദ്ധ കുർബാന.വൈകുന്നേരം ആറിന് സന്ധ്യാ പ്രാർഥന.
ബസേലിയോസ് പൗലോസ് ദ്വിതീയൻ കാതോലിക്കാ ബാവയുടെ ഓർമദിനത്തോടനു ബന്ധിച്ചു നാളെ വിശുദ്ധ കുർബാനയെത്തുടർന്നു മധ്യസ്ഥ പ്രാർഥന, ധൂപപ്രാർഥന, നേർച്ചവിളമ്പ് എന്നിവയുണ്ടാകും.

എട്ടിന് രാവിലെ എട്ടിന് വിശുദ്ധ മൂന്നിൻമേൽ കുർബാന, തുടർന്ന് പ്രസംഗം, പ്രദക്ഷിണം, ആശീർവാദം, നേർച്ചവിളമ്പ് എന്നിവയുണ്ടാകുമെന്ന് ഭാരവാഹികൾ അറിയിച്ചു.

International

സഭയുടെ സംഗീതപാരമ്പര്യം സംരക്ഷിക്കപ്പെടണം: മാർപാപ്പ

വത്തിക്കാൻ സിറ്റി: പ്രാദേശിക പാരമ്പര്യങ്ങളുടെ അനുയോജ്യമായ കൂടിച്ചേരലുകൾ പ്രോത്സാഹിപ്പിക്കുന്നതോടൊപ്പം തന്നെ കത്തോലിക്കാസഭയുടെ പവിത്രമായ സംഗീതപാരമ്പര്യം വരുംതലമുറകൾക്കായി സംരക്ഷിക്കപ്പെടണമെന്നു ലെയോ പതിനാലാമൻ മാർപാപ്പ.

ആരാധനക്രമത്തിൽ വിശുദ്ധ സംഗീതത്തിന് വലിയ പ്രാധാന്യമുണ്ടെന്നും വത്തിക്കാനിലെ സെന്‍റ് പീറ്റേഴ്‌സ് ബസിലിക്കയിൽ നടന്ന പ്രതിവാര കൂടിക്കാഴ്ചയിൽ വിശ്വാസികളെ അഭിസംബോധന ചെയ്യവേ മാർപാപ്പ വ്യക്തമാക്കി.

രണ്ടാം വത്തിക്കാൻ കൗൺസിലിന്‍റെ ‘സാക്രോസാങ്തം കോൺസിലിയം’ എന്ന പ്രമാണരേഖയെ ആസ്പദമാക്കിയുള്ള പ്രബോധന പരമ്പരയുടെ ഭാഗമായാണ് മാർപാപ്പ വിശുദ്ധ സംഗീതത്തിന്‍റെ പ്രാധാന്യത്തെക്കുറിച്ച് വിശദീകരിച്ചത്.

"പാടുന്നത് സ്‌നേഹിക്കുന്നവരുടെ ലക്ഷണമാണ്'' എന്ന വിശുദ്ധ അഗസ്റ്റിന്‍റെ വാക്കുകൾ ഉദ്ധരിച്ച മാർപാപ്പ, സംഗീതം വിശ്വാസികൾക്കിടയിൽ ഐക്യവും ദൈവസ്തുതിയും വളർത്തുന്നുവെന്നും ചൂണ്ടിക്കാട്ടി.

സഭയുടെ സംഗീതപാരമ്പര്യത്തിന് വലിയ വിലയുണ്ട്. ഗ്രിഗോറിയൻ സംഗീതത്തിനും പൈപ്പ് ഓർഗനും ആരാധനക്രമത്തിൽ പ്രത്യേക സ്ഥാനമുണ്ട്. എങ്കിലും പ്രാദേശികവും അനുയോജ്യവുമായ മറ്റ് വാദ്യോപകരണങ്ങളും സംഗീതരൂപങ്ങളും ഉപയോഗിക്കാമെന്നും മാർപാപ്പ കൂട്ടിച്ചേർത്തു.

International

പോളണ്ടിലെ പള്ളിയിൽ തീപിടിത്തം

വാഴ്സോ: പോളണ്ടിലെ സാനോക് നഗരത്തിലുള്ള ചരിത്രപ്രസിദ്ധമായ ഓപ്പൺ എയർ മ്യൂസിയത്തിൽ സ്ഥിതിചെയ്തിരുന്ന പുരാതന പള്ളി കത്തിനശിച്ചു.

പതിനേഴാം നൂറ്റാണ്ടിൽ തടികൊണ്ടു നിർമിച്ച പള്ളിയാണു കത്തിനശിച്ചത്. കഴിഞ്ഞ 16ന് പുലർച്ചെയായിരുന്നു സംഭവം.

പോളണ്ടിലെ ഏറ്റവും പഴക്കം ചെന്ന ഈ പള്ളിയിൽ അടുത്തിടെയാണ് വൻതോതിലുള്ള പുനരുദ്ധാരണ പ്രവർത്തനങ്ങൾ പൂർത്തിയാക്കിയത്.

120 ഓളം അഗ്‌നിരക്ഷ സേനാംഗങ്ങൾ സ്ഥലത്തെത്തി മണിക്കൂറുകളോളം പരിശ്രമിച്ചാണ് തീ നിയന്ത്രണവിധേയമാക്കിയത്. സമീപത്തെ മറ്റു ചരിത്രസ്മാരകങ്ങളിലേക്ക് തീ പടരുന്നത് തടയാനായെങ്കിലും പള്ളി പൂർണമായി കത്തിയമർന്നു.

പള്ളിക്കുള്ളിൽ സൂക്ഷിച്ചിരുന്ന അപൂർവമായ ചരിത്ര-കലാ ശേഖരങ്ങളും തിരുശേഷിപ്പുകളും തീയെടുത്തു.

District News

സഭയെ ഊമയാക്കാതിരിക്കാൻ തിരുഹൃദയ ഭക്തിയുടെ പ്രചാരകരാകണം: മാർ ജോസഫ് കല്ലറങ്ങാട്ട്

കുറവിലങ്ങാട്: സഭയെ ഊമയാക്കാതിരിക്കാൻ തിരുഹൃദയ ഭക്തിയുടെ പ്രചാരകരായി മാറണമെന്ന് പാലാ രൂപതാധ്യക്ഷൻ മാർ ജോസഫ് കല്ലറങ്ങാട്ട്. മേജർ ആർക്കി എപ്പിസ്കോപ്പൽ മർത്ത്മറിയം അർക്കദിയാക്കോൻ തീർഥാടന ഇടവകയിലെ നവീകരിച്ച ചെറുകരപ്പാറ തിരുഹൃദയ കപ്പേളയുടെ ആശീർവാദം നിർവഹിക്കുകയായിരുന്നു ബിഷപ്. സുവിശേഷം പറയാതിരിക്കുന്ന വീടുകൾ മൗനമായി മാറും. സുവിശേഷം നിരന്തരം വായിക്കപ്പെടണം. സുവിശേഷങ്ങളുടെ സാരസംഗ്രഹമാണ് തിരുഹൃദയം. വേദപാഠം ഈശോയുടെ സ്വരമാണ് സമ്മാനിക്കുന്നത്. തിരുസഭയുടെ ആധ്യാത്മികതയുടെ അടിസ്ഥാന ശിലയാണ് തിരുഹൃദയ ഭക്തി എന്നും മാർ ജോസഫ് കല്ലറങ്ങാട്ട് പറഞ്ഞു.

ആർച്ച്പ്രീസ്റ്റ് ഫാ. ഡോ. തോമസ് മേനാച്ചേരി, സീനിയർ അസിസ്റ്റന്‍റ് വികാരി ഫാ. ജോസഫ് മണിയൻചിറ, അസിസ്റ്റന്‍റ് വികാരിമാരായ ഫാ. ജോസഫ് ചൂരക്കൽ, ഫാ. ജോവാനി കുറുവാച്ചിറ , ഫാ. ജോർജ് ചാത്തൻകുന്നേൽ , ഫാ. മാത്യു കവളംമാക്കൽ എന്നിവർ സഹകാർമികരായി.

District News

മാന്ദാമംഗലം പള്ളിയിലേക്ക് പദയാത്ര ഇന്ന്

പുത്തൂർ: പുരോഹിതരുടെ വിശുദ്ധനായ വിശുദ്ധ ജോൺ മരിയ വിയാനിയുടെ തിരുനാളിനോടനുബന്ധിച്ച് തൃശൂർ അതിരൂപത പുത്തൂർ ഫൊറോന കൗൺസിലിന്‍റെ നേത്യത്വത്തിൽ മൂന്നാമത് പദയാത്ര ഇന്ന് നടക്കും. രാവിലെ പത്തിന് വിശുദ്ധ കുർബാനയ്ക്കു ശേഷം പുത്തൂർ ഫൊറോന പള്ളി അങ്കണത്തിൽ നിന്ന് പദയാത്ര ആരംഭിക്കും. മാർ ബോസ്കോ പുത്തൂർ പദയാത്ര ഫ്ലാഗ് ഓഫ് ചെയ്യും.

പുത്തൂർ ഫൊറോന വികാരി ഫാ. ജോജു പനയ്ക്കൽ അധ്യക്ഷത വഹിക്കും. രാജൻ പല്ലൻ എംഎൽഎ, ഫാ. പ്രിൻസ് നായങ്കര തുടങ്ങിയവർ പങ്കെടുക്കും. വിശുദ്ധ ജോൺ മരിയ വിയാനിയുടെ നാമധേയത്തിലുള്ള തൃശൂർ രൂപതയിലെ ഏക ഇടവകയായ മാന്ദാമംഗലം സെന്‍റ് ജോൺ മരിയ വിയാനി പള്ളിയിലേക്കാണ് പദയാത്ര. പദയാത്ര ഉച്ചയ്ക്ക് 12ന് മാന്ദാമംഗലം പള്ളിയിൽ എത്തിച്ചേരും. പുത്തൂർ ഫൊറോന വികാരി ഫാ. ജോജു പനയ്ക്കൽ, മാന്ദാമംഗലം പള്ളി വികാരി ഫാ.സെബി വെളിയൻ, അഡ്വ.ഡേവീസ് കണ്ണൂക്കാടൻ തുടങ്ങിയവർ നേതൃത്വം നൽകും.

District News

ചുറ്റുമുള്ള ഭൂമി അളന്നു, പള്ളിക്ക് നല്‍കിയ സ്ഥലം അളക്കാന്‍ എന്തേ ഇത്ര വിമുഖത?

തൊമ്മന്‍കുത്ത്: കൈവശ ഭൂമിയില്‍ തൊമ്മന്‍കുത്ത് സെന്‍റ് തോമസ് പള്ളി സ്ഥാപിച്ച കുരിശ് വനംവകുപ്പ് പിഴുതുമാറ്റിയ ഭാഗത്തെ സ്ഥലം അളക്കാന്‍ റവന്യു വകുപ്പ് കാണിക്കുന്ന അനാസ്ഥയില്‍ വിശ്വാസികള്‍ക്കിടയില്‍ പ്രതിഷേധം ഉയരുന്നു.

വണ്ണപ്പുറം പഞ്ചായത്തിലെ ആറാം വാര്‍ഡിലാണ് കുരിശ് പിഴുതുമാറ്റിയ അഞ്ചു സെന്‍റ് സ്ഥലം സ്ഥിതിചെയ്യുന്നത്. വര്‍ഷങ്ങളായി സ്വകാര്യവ്യക്തിയുടെ കൈവശത്തിലുള്ള ഈ സ്ഥലം രേഖാമൂലമാണ് പള്ളിക്ക് കൈമാറിയിരുന്നത്. വനംവകുപ്പ് സ്ഥാപിച്ച ജണ്ടയ്ക്ക് പുറത്ത് കര്‍ഷകര്‍ ആറു പതിറ്റാണ്ടായി കൃഷി ചെയ്തു കൈവശം വച്ചിരുന്നതാണ് ഈ ഭൂമി. ഇതേ സ്ഥലത്ത് ഇഎംഎസ് ഭവനപദ്ധതിയില്‍ അനുവദിച്ച വീടും ഉള്‍പ്പെടുന്നു. വാര്‍ഡിലെ ഭൂരിപക്ഷം കുടുംബങ്ങളുടെയും ഭൂമി അളന്നിരുന്നു. എന്നാല്‍ പള്ളിയുടെ സ്ഥലം മാത്രം അളക്കാന്‍ നടപടിയായിട്ടില്ല.

ഇതാണ് പ്രതിഷേധത്തിനു കാരണമായിരിക്കുന്നത്. എന്തു കാരണത്താലാണ് സ്ഥലം അളക്കാത്തതെന്ന് അധികൃതര്‍ വ്യക്തമാക്കുന്നില്ല.പള്ളിക്ക് ഭൂമി നല്‍കിയ കര്‍ഷകന്‍റെ ഭൂമിയും അളന്നിട്ടും പള്ളിയുടെ ഭൂമി മാത്രം അളക്കാതെ റവന്യു വകുപ്പ് മാറ്റിയിട്ടിരിക്കുകയാണ്.

കളക്ടറേറ്റില്‍നിന്നു നിര്‍ദേശം ലഭിച്ചാല്‍ പള്ളിയുടെ ഭൂമിയും അളക്കുമെന്നാണ് ഉദ്യോഗസ്ഥരുടെ നിലപാട്. ഈ ഭൂമി അളക്കാന്‍ ജനപ്രതിനിധികളും രാഷ്‌ട്രീയ നേതൃത്വവും ഇടപെടണമെന്നാണ് നാട്ടുകാര്‍ ആവശ്യപ്പെടുന്നത്.

വനംവകുപ്പിനെ സംരക്ഷിക്കാനാണോ ഈ നടപടിയെന്നും സംശയിക്കുന്നുണ്ട്. ഇതിനുപുറമേ കൈവശ ഭൂമിയില്‍ കുരിശ് സ്ഥാപിച്ചതിന് തൊമ്മന്‍കുത്ത് പള്ളിവികാരിക്കും 35 പേര്‍ക്കുമെതിരേയും കുരിശിന്‍റെ വഴി നടത്തിയതിനു കോതമംഗലം രൂപത വികാരി ജനറാള്‍ ഉള്‍പ്പെടെ 250 പേര്‍ക്കെതിരേയും എടുത്ത കേസുകളും പിന്‍വലിക്കാന്‍ ഒരു നടപടിയും സര്‍ക്കാര്‍ ഭാഗത്തുനിന്നും ഉണ്ടാകാത്തതും പ്രതിഷേധത്തിന് കാരണമായിട്ടുണ്ട്.

District News

കോളങ്ങായി പള്ളിയിൽ തിരുശേഷിപ്പ് പ്രതിഷ്ഠ നാളെ

പിറവം: കളമ്പൂർ കോട്ടപ്പുറം കോളങ്ങായി സെന്‍റ് മൈക്കിൾസ് പള്ളിയിൽ വിശുദ്ധ മിഖായേൽ മാലാഖയുടെ തിരുശേഷിപ്പ് നാളെ പ്രതിഷ്ഠിക്കും. എഡി 492-ൽ ഇറ്റലിയിലെ മോണ്ടേ ഗാർഗാനോ മലനിരയിലെ ഗുഹയിൽ വിശുദ്ധ മിഖായേൽ മാലാഖ പ്രത്യക്ഷപ്പെട്ടതായാണ് സാക്ഷ്യപ്പെടുത്തുന്നത്. പിന്നിട് ഇവിടെ ദേവാലയവും സ്ഥാപിച്ചു. ഈ ഗുഹയിൽ നിന്നും ലഭിച്ച തിരുശേഷിപ്പാണ് എറണാകുളം അതിരുപതയിൽ 1839ൽ സ്ഥാപിച്ച പിറവത്തെ കോളങ്ങായി പള്ളിയിൽ പ്രതിഷ്ഠിക്കുന്നത്.

ഇറ്റലിയിൽ നിന്നും വൈദികർ തിരുശേഷിപ്പ് പിറവത്ത് എത്തിക്കും. നാളെ രാവിലെ 8.30 വരെ പിറവം ഹോളി കിംഗ്സ് ക്നാനായ കത്തോലിക്ക ഫൊറോന പള്ളിയിൽ പൊതുദർശനവും വണക്കവും നടത്തും. തുടർന്ന് 8.30ന് തിരുശേഷിപ്പ് പ്രയാണം ആരംഭിച്ച്, 9.30ന് കോളങ്ങായി സെന്‍റ് മൈക്കിൾസ് പള്ളിയിലെ മാലാഖ സന്നിധിയിൽ തിരുശേഷിപ്പ് പ്രതിഷ്ഠിക്കും. ഇതിനുശേഷം വിശുദ്ധ സെബാസ്ത്യാനോസ്, വിശുദ്ധ ഗീവർഗീസ്, വിശുദ്ധ അൽഫോൻസാമ്മ എന്നിവരുടെ സംയുക്ത തിരുനാൾ നടക്കും. 10ന് ആരംഭിക്കുന്ന വിശുദ്ധ കുർബാനയ്ക്ക് ഫാ. വിപിൻ കുരിശുതറ, ഫാ. വിനിൽ കുരിശുതറ എന്നിവർ കാർമികത്വം വഹിക്കും.

District News

കണ്ടശാംകടവ് പള്ളിയിൽ തിരുനാൾ

കണ്ടശാംകടവ്: സെന്‍റ് മേരീസ് ഫൊറോന പള്ളിയിലെ വിശുദ്ധ യാക്കോബ് ശ്ലീഹായുടെ തിരുനാളിന് കൂടുതുറക്കൽകർമത്തോടെ ഭക്തിസാന്ദ്രമായ തുടക്കമായി. വൈകീട്ട് നടന്ന വിശുദ്ധ കുർബാനയ്ക്ക്ശേഷം നടന്ന കൂടുതുറക്കൽ കർമത്തിന് ഫാ. ജോസ് ചാലയ്ക്കൽ മുഖ്യകാർമികത്വം വഹിച്ചു.

തിരുനാൾ ദിനമായ ഇന്ന് രാവിലെ ആറിനും എട്ടിനും വിശുദ്ധ കുർബാന, ലദീഞ്ഞ്, നൊവേന എന്നിവ നടക്കും. രാവിലെ പത്തിന് ആഘോഷമായ തിരുനാൾ കുർബാനയ്ക്ക് ഫാ. ഡേവിസ് പുലിക്കോട്ടിൽ മുഖ്യകാർമികനാകും. ഫാ. മനോജ് താണിക്കൽ തിരുനാൾ സന്ദേശം നൽകും. തുടർന്ന് ലദീഞ്ഞ്, നൊവേന, തിരുനാൾ പ്രദക്ഷിണം, നേർച്ച വിതരണം എന്നിവ ഉണ്ടായിരിക്കും.

വൈകീട്ട് അഞ്ചുമുതൽ രാത്രി പത്തുവരെ റോയൽ വോയ്സ് ആമ്പല്ലൂർ, കൈരളി ചാലക്കുടി എന്നീ ടീമുകളുടെ പ്രത്യേക ബാൻഡ്മേളം നടക്കുമെന്ന് വികാരി ഫാ. റാഫേൽ ആക്കാമറ്റത്തിൽ അറിയിച്ചു.

അസി. വികാരി ഫാ. ഇലോയ് ചിറമ്മൽ, ട്രസ്റ്റിമാരായ സി.ഒ.ജിന്‍റോ, ജെയ്സൺ പോൾ, ജോസഫ് അറക്കൽ, വി.കെ. വിൻസെൻ എന്നിവർ തിരുനാൾ ആഘോഷങ്ങൾക്ക് നേതൃത്വം നൽകി.

District News

തിടനാട് പള്ളിയിൽ തിരുനാൾ

തിടനാട്: സെന്‍റ് ജോസഫ് തീർഥാടന കേന്ദ്രത്തിൽ വിശുദ്ധ അൽഫോൻസാമ്മയുടെ തിരുനാൾ 26ന് ആഘോഷിക്കും. രാവിലെ 6.45ന് തിരുസ്വരൂപ പ്രതിഷ്ഠ, ഏഴിന് തിരുനാൾ കുർബാന, 8.30ന് പ്രദക്ഷിണം, തുടർന്ന് സ്നേഹവിരുന്ന്.

തിരുനാളിനു മുന്നോടിയായി ഇന്നു വയോജന ദിനമായി ആചരിക്കും. ഉച്ചകഴിഞ്ഞ് 2.30ന് ഇടവകയിലെ 70 വയസിനു മുകളിൽ പ്രായംവരുന്ന ഇരുനൂറോളം വയോജനങ്ങൾക്കായി വിശുദ്ധ കുർബാനയും തുടർന്ന് ആദരിക്കലും നടക്കും. സമ്മേളനത്തിൽ വികാരി ഫാ. സെബാസ്റ്റ്യൻ എട്ടുപറയിൽ അധ്യക്ഷത വഹിക്കും. ഫാ. ജോർജ് മുളങ്ങാട്ടിൽ, അസിസ്റ്റന്‍റ് വികാരി ഫാ. പോൾ ഇരട്ടമാക്കിൽഎന്നിവർ പ്ര സംഗി ക്കും.

International

അയർലൻഡിൽ പള്ളിക്കുള്ളിൽ സ്ത്രീക്ക് കുത്തേറ്റു

ഡബ്ലിൻ: അയർലൻഡിൽ പള്ളിക്കുള്ളിൽ പ്രാർഥിച്ചുകൊണ്ടിരിക്കേ സ്ത്രീയെ കുത്തിപ്പരിക്കേൽപ്പിച്ചു.

കൗണ്ടി വാട്ടർഫോർഡിലുള്ള ട്രാമോർ ഹോളിക്രോസ് പള്ളിയിൽ ചൊവ്വാഴ്ച രാവിലെയായിരുന്നു സംഭവം.

രാവിലെ വിശുദ്ധ കുർബാനയ്ക്കുമുന്പ് അൾത്താരയ്ക്കു സമീപം ജപമാല ചൊല്ലിക്കൊണ്ടിരുന്ന മേരി മക്‌നമാറ (50) എന്ന സ്ത്രീക്കാണു കുത്തേറ്റത്.

ഗുരുതരമായി പരിക്കേറ്റ ഇവരെ വാട്ടർഫോർഡ് യൂണിവേഴ്സിറ്റി ആശുപത്രിയിൽ പ്രവേശിപ്പിച്ചു. ഇവരുടെ പരിക്ക് ഗുരുതരമാണെങ്കിലും അപകടനില തരണം ചെയ്തതായി അധികൃതർ അറിയിച്ചു. സംഭവവുമായി ബന്ധപ്പെട്ട് 36 വയസുകാരനെ പോലീസ് അറസ്റ്റ് ചെയ്തു.

National

പശ്ചിമബംഗാളിൽ നിർമാണത്തിലിരുന്ന പള്ളി തകർത്തു

കോൽക്കത്ത: പശ്ചിമബംഗാളിൽ നിർമാണത്തിലിരുന്ന പള്ളിക്കു നേരേ തീവ്രഹിന്ദുത്വവാദികളുടെ ആക്രമണം.

കോൽക്കത്തയിൽനിന്നു 30 കിലോമീറ്റർ അകലെ സൗത്ത് 24 പർഗാനാസ് ജില്ലയിലെ സോനാർപുർ പോലീസ് സ്റ്റേഷൻ പരിധിയിലുള്ള സുഭാഷ് ഗ്രാമിൽ പ്രസ്ബിറ്റീരിയൻ ചർച്ച് ഓഫ് ഇന്ത്യയുടെ കീഴില്‍ നിർമിക്കുന്ന പള്ളിക്കു നേരേ കഴിഞ്ഞ ഞായറാഴ്ചയായിരുന്നു ആക്രമണം. ഉച്ചകഴിഞ്ഞ് മൂന്നോടെ നൂറോളം വരുന്ന ‘ഹിന്ദു ജാഗരൺ മഞ്ച് ’ പ്രവർത്തകർ, നിർമാണത്തിലിരുന്ന പള്ളിയിലേക്ക് അതിക്രമിച്ചു കയറുകയായിരുന്നുവെന്ന് പ്രദേശവാസികൾ പറയുന്നു.

പെയിന്‍റിംഗ് ജോലികൾ നടക്കുകയായിരുന്ന പള്ളിയുടെ തടിവാതിൽ അക്രമികൾ ചവിട്ടിപ്പൊളിച്ചു. തൊഴിലാളികൾ ഉപയോഗിച്ചിരുന്ന ഏണി ഉപയോഗിച്ച് പള്ളിക്കു മുകളിൽ കയറി മേൽക്കൂരയിലുണ്ടായിരുന്ന മൂന്ന് കുരിശുകൾ തകർത്തു. കുരിശ് തകര്‍ത്തപ്പോള്‍ താഴെ നിന്ന തീവ്ര ഹിന്ദുത്വവാദികള്‍ കരഘോഷം മുഴക്കുന്ന ദൃശ്യങ്ങളും പുറത്തു വന്നിട്ടുണ്ട്.

പ്രദേശത്തു പണം നൽകി മതപരിവർത്തനം നടത്തുന്നുവെന്ന് ആരോപിച്ചായിരുന്നു ആക്രമണം. എന്നാൽ, തങ്ങൾ 2017 മുതൽ ഇവിടെ താമസിക്കുന്നവരാണെന്നും പാവപ്പെട്ട കുടുംബങ്ങളായ തങ്ങൾക്ക് മതപരിവർത്തനം നടത്താൻ എവിടെനിന്നാണു പണമെന്നും വിശ്വാസികൾ ചോദിക്കുന്നു. സംഭവത്തില്‍ സോനാർപുർ പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.

ആക്രമണങ്ങൾ വർധിക്കുന്നതിൽ ആശങ്ക

പശ്ചിമബംഗാളിൽ ബിജെപി സർക്കാർ അധികാരമേറ്റതിനു പിന്നാലെ ക്രൈസ്തവ സമൂഹത്തിനും പള്ളികൾക്കും സ്ഥാപനങ്ങൾക്കും നേരേ ആക്രമണം വർധിച്ചതായാണു റിപ്പോർട്ട്.

കഴിഞ്ഞ നാലിന് പശ്ചിമ മേദിനിപുരിലെ പാൽബാരി പ്രദേശത്തു നടത്തിയ പ്രാർഥനാസമ്മേളനം തീവ്ര ഹിന്ദുത്വ സംഘടന തടസപ്പെടുത്തിയിരുന്നു. സ്ഥലത്തു പോലീസ് ഉണ്ടായിരുന്നിട്ടും അക്രമികളെ തടയുന്നതിൽ പരാജയപ്പെട്ടുവെന്നും പകരം സഭയിലെ പാസ്റ്ററായ അനൂപ് ഘോഷിനെ അടിസ്ഥാനരഹിതമായ ആരോപണങ്ങൾ ഉന്നയിച്ച് കസ്റ്റഡിയിലെടുക്കുകയാണു ചെയ്തതെന്നും സംഘടനകൾ ആരോപിച്ചു.

കഴിഞ്ഞ അഞ്ചിന് കത്വ സബ്ഡിവിഷനു കീഴിലുള്ള ഫരീദ്പുർ കോളനിയിലെ ഗ്രേസ് പള്ളിയിൽ ആരാധനയ്ക്കിടെ സായുധസംഘം ആക്രമണം നടത്തി. ആക്രമണത്തിന് ഒരു ദിവസം മുന്പ് പള്ളിയിലെത്തി രണ്ടു ലക്ഷം രൂപ ഗുണ്ടാപ്പിരിവ് ആവശ്യപ്പെട്ടിരുന്നുവെന്നും പോലീസിനെ അറിയിച്ചിട്ടും നടപടിയുണ്ടായില്ലെന്നും ബന്ധപ്പെട്ടവർ പറഞ്ഞു.

14ന് കോൽക്കത്തയിൽ പ്രതിഷേധപ്രകടനം

പള്ളികൾക്കും വിശ്വാസികൾക്കും നേരേയുണ്ടാകുന്ന അതിക്രമങ്ങളിൽ പ്രതിഷേധിച്ച് ഈ മാസം 14ന് തലസ്ഥാനമായ കോൽക്കത്തയിൽ പ്രകടനം നടത്താൻ ബംഗാൾ ക്രിസ്ത്യൻ കൗൺസിൽ തീരുമാനിച്ചിട്ടുണ്ട്.

Kerala

വാണിയപ്പാറ പള്ളി കല്ലറയിലെ ദുരൂഹത നീങ്ങി; മൂന്നാമതൊരു മൃതദേഹമില്ല

കണ്ണൂർ: വാണിയപ്പാറ ഇൻഫന്‍റ് ജീസസ് പള്ളി സെമിത്തേരിയിലെ ദുരൂഹതകൾ നീങ്ങി. കല്ലറയിൽ രേഖകളിലില്ലാത്ത മൃതദേഹം അടക്കിയിട്ടില്ലെന്ന് കല്ലറ തുറന്നുള്ള പരിശോധനയിൽ വ്യക്തമായി.

വൻ പോലീസ് സംഘത്തിന്‍റെയും, ഫോറൻസിക് ഉദ്യോഗസ്ഥരുടെയും, പോലീസ് സർജന്‍റെയും പള്ളി വികാരി ഉൾപ്പെടെയുള്ളവരുടെയും സാന്നിധ്യത്തിലായിരുന്നു 38-ാം നമ്പർ കല്ലറ തുറന്നത്. കല്ലറയിൽ നിന്ന് ലഭിച്ച മൃതദേഹാവശിഷ്ടങ്ങൾ ഡിഎൻഎ പരിശോധനയ്ക്ക് വിധേയമാക്കുമെന്ന് പോലീസ് പറഞ്ഞു.

കല്ലറയിലെ പെട്ടി 2015 ൽ അടക്കം ചെയ്ത ജെയിംസ് കൂമ്പുക്കലിന്‍റേതാണെന്നും കല്ലറയിൽ കണ്ട പായ 2006ൽ സംസ്കരിച്ച മറിയത്തിന്‍റേതാണെന്നുമാണ് പോലീസ് കണ്ടെത്തിയത്.

അതേസമ‍യം, സെമിത്തേരിയിലെ ദുരൂഹതകൾ നീങ്ങിയതിൽ സന്തോഷമെന്ന് പള്ളി വികാരി ഫാ. ജിൽബർട്ട് കൊന്നയിൽ പ്രതികരിച്ചു. കല്ലറയിൽ രണ്ടുപേരെ ഇതുവരെ അടക്കം ചെയ്തിട്ടുണ്ടെന്ന് തങ്ങൾ നേരത്തെ തന്നെ ഉറപ്പിച്ചിരുന്നു. അത് പോലീസ് പരിശോധനയ്ക്കു ശേഷം സ്ഥിരീകരിച്ചു. നാട്ടുകാരുടെ ആശങ്ക പരിഹരിക്കപ്പെട്ടതിൽ ആശ്വാസമുണ്ടെന്നും അദ്ദേഹം കൂട്ടിച്ചേർത്തു.

District News

ചെറിയനാട് ലൂർദ് മാതാ പള്ളി കൂദാശ നാളെെ

ചെങ്ങന്നൂർ: ഒൻപത് പതിറ്റാണ്ടിന്‍റെ ധന്യമായ വിശ്വാസ പാരമ്പര്യമുള്ള ചെറിയനാട് ലൂർദ് മാതാ ദേവാലയത്തിൽ നവീകരണ പ്രവർത്തനങ്ങൾ പൂർത്തിയായി. നവതി ആഘോഷങ്ങളുടെ ഭാഗമായി, പൗരാണികത നിലനിർത്തിക്കൊണ്ട് പുനരുദ്ധരിച്ച ദേവാലയത്തിന്‍റെ കൂദാശ കർമങ്ങൾ നാളെ നടക്കും.

വൈകിട്ട് അഞ്ചിന് പുനലൂർ രൂപതാധ്യക്ഷൻ ബിഷപ് ഡോ. സെൽവിസ്റ്റർ പൊന്നുമുത്തന്‍റെ മുഖ്യകാർമികത്വത്തിലാണ് വിശുദ്ധ തിരുക്കർമങ്ങൾ നടക്കുക. വൈകിട്ട് നാലിന് ജപമാല സമർപ്പണം. പുതുതായി നിർമിച്ച, മണിമാളിക, കൊടിമരം, പ്രധാന വാതിൽ എന്നിവയുടെ ആശീർവാദവും നടക്കും. തുടർന്ന് നടക്കുന്ന വിശുദ്ധ കുർബാനയ്ക്ക് ബിഷപ് ഡോ. സെൽവിസ്റ്റർ പൊന്നുമുത്തൻ മുഖ്യകാർമികത്വം വഹിക്കും. വികാരി ഫാ. ജോസ് വർഗീസ് സഹകാർമികനായിരിക്കും. 6.30ന് പൊതുസമ്മേളനം. ഫാ. ജോസ് വർഗീസ് അധ്യക്ഷത വഹിക്കും. സമ്മേളനത്തിൽ സ്കോളർഷിപ്പുകൾ വിതരണം ചെയ്യും.

District News

ചെമ്മലമറ്റം പള്ളിയിൽ ആദ്യാക്ഷരം കുറിക്കല്‍

ചെമ്മലമറ്റം: പന്ത്രണ്ട് ശ്ലീഹന്മാരുടെ പള്ളിയില്‍ വിശുദ്ധ ശ്ലീഹന്‍മാരുടെ തിരുനാളിനോടനുബന്ധിച്ച് ആദ്യാക്ഷരം കുറിക്കല്‍ ഇന്നു നടത്തും.രാവിലെ ആറിന് വിശുദ്ധ കുര്‍ബാന, തുടര്‍ന്ന് ആദ്യാക്ഷരം കുറിക്കല്‍.വികാരി ഫാ. സെബാസ്റ്റ്യന്‍ കൊല്ലംപറമ്പില്‍, ഫാ. ജേക്കബ് കടുതോടില്‍ എന്നിവര്‍ നേതൃത്വം നൽകും.

District News

മഞ്ഞപ്ര മാര്‍ സ്ലീവാ ഫൊറോന പള്ളിയില്‍ ജൂബിലി ആഘോഷം

മഞ്ഞപ്ര: 625 വര്‍ഷം പൂര്‍ത്തിയാക്കിയ മഞ്ഞപ്ര മാര്‍ സ്ലീവാ ഫൊറോന പള്ളിയുടെ (1401-2026) ജൂബിലി ആഘോഷം(നന്ദനീയ 2കെ26) സമാപിച്ചു. ഇടവകയുടെ സംയുക്തവാര്‍ഷികം, സമര്‍പ്പിത സംഗമം എന്നിവയും ഇതോടൊപ്പം നടന്നു. സീറോ മലബാര്‍ സഭാ മേജര്‍ ആര്‍ച്ച്ബിഷപ് മാര്‍ റാഫേല്‍ തട്ടില്‍ ഉദ്ഘാടനം ചെയ്തു. ബിഷപ് മാര്‍ തോമസ് ചക്യത്ത് അധ്യക്ഷത വഹിച്ചു.

ബെന്നി ബഹനാന്‍ എംപി, റോജി എം. ജോണ്‍ എംഎല്‍എ, വികാരി ഫാ. ഡോ. വര്‍ഗീസ് പൊട്ടയ്ക്കല്‍, ഗ്രാമപഞ്ചായത്ത് പ്രസിഡന്‍റ് സണ്ണി പൈനാടത്ത്, സെന്‍റ് ജോര്‍ജ് യാക്കോബായ പള്ളി വികാരി ഫാ. വര്‍ഗീസ് അറയ്ക്കല്‍, ജില്ലാ പഞ്ചായത്തംഗം ജിന്‍റോ ജോണ്‍, ബ്ലോക്ക് പഞ്ചായത്തംഗം സിജു ഈരാളി, മുന്‍ വികാരി ഫാ. സെബാസ്റ്റ്യന്‍ വാഴപ്പിള്ളി, ഫാ. ജോസ് മാടന്‍, സിസ്റ്റര്‍ ഡോ. ഗീത മരിയ, ഫാ. ജിന്‍സ് ഞാണയ്ക്കല്‍, സരിത സുനില്‍, ടോമി മൈപ്പാന്‍, സെബി വടക്കുംചേരി എന്നിവര്‍ പ്രസംഗിച്ചു. കലാസന്ധ്യയും ഉണ്ടായിരുന്നു.

NRI

ഹൂസ്റ്റൺ സെന്‍റ് മേരീസ് ക്നാനായ കത്തോലിക്കാ ഫൊറോന പള്ളിയിൽ മാതൃദിനം ആഘോഷിച്ചു

ഹൂസ്റ്റൺ, മിസ്സോറി സിറ്റി: മാതൃത്വത്തിന്‍റെ മഹത്വവും സ്നേഹവും വാഴ്ത്തിക്കൊണ്ട് ഹൂസ്റ്റൺ സെന്റ് മേരീസ് ക്നാനായ കത്തോലിക്കാ ഫൊറോന ദൈവാലയത്തിൽ മാതൃദിനം (Mother's Day) വിപുലമായ പരിപാടികളോടെ ആഘോഷിച്ചു. മേയ് 10 ഞായറാഴ്ച ദൈവാലയത്തിൽ നടന്ന ഭക്തിനിർഭരമായ വിശുദ്ധ കുർബാനയ്ക്ക് ശേഷം അമ്മമാരെ ആദരിക്കുന്നതിനായി പ്രത്യേക ചടങ്ങുകൾ സംഘടിപ്പിച്ചു.

ഇടവക വികാരി റവ. ഫാ. എബ്രഹാം മുത്തോലത്ത്, അസിസ്റ്റന്‍റ് വികാരി ഫാ. ജോഷി വലിയവീട്ടിൽ എന്നിവർ പരിപാടികൾക്ക് നേതൃത്വം നൽകി. കുടുംബത്തിന്‍റെയും സഭയുടെയും അടിസ്ഥാന ശിലകളായ അമ്മമാർക്ക് വൈദികർ മാതൃദിന ഉപഹാരങ്ങൾ കൈമാറി. സ്നേഹത്തിന്‍റെയും ത്യാഗത്തിന്‍റെയും പ്രതീകമായ അമ്മമാരെ ആദരിക്കേണ്ടത് വിശ്വാസസമൂഹത്തിന്‍റെ കടമയാണെന്ന് വൈദികർ തങ്ങളുടെ സന്ദേശത്തിൽ ഓർമ്മിപ്പിച്ചു.

ഇടവക ട്രസ്റ്റിമാരായ സജി മരങ്ങാട്ടിൽ, സാബു കറുകപ്പറമ്പിൽ, ജെയിംസ് വടക്കേക്കര, ജിജോ വട്ടമറ്റം, പാരിഷ് എക്സിക്യൂട്ടീവ് അംഗങ്ങളായ ജോസ് പുളിക്കത്തൊട്ടിയിൽ, സിസ്റ്റർ ലിസിൻ SJC, ബിബി തെക്കനാട്ട് എന്നിവരും പാരിഷ് കൗൺസിൽ അംഗങ്ങളും ആഘോഷപരിപാടികൾക്ക് നേതൃത്വം നൽകി.

ഭാരവാഹികളുടെ സജീവ സാന്നിധ്യം പരിപാടിയുടെ വിജയത്തിന് മാറ്റുകൂട്ടി.ഇടവകയിലെ സീനിയർ മിനിസ്ട്രി അംഗങ്ങളായ മാത്യു തറയിൽ, ജോസ് തറയിൽ, തോമസ് കണിച്ചാട്ടുതറ, സെലിൻ പച്ചിക്കര, ജിജി കുളക്കാട്ട് എന്നിവരുടെ നേതൃത്വത്തിൽ വിശ്വാസികൾക്കായി സ്നേഹവിരുന്നും ഒരുക്കിയിരുന്നു.

ചടങ്ങുകൾക്ക് ശേഷം നടന്ന ലഘുഭക്ഷണ വിതരണത്തിന് സീനിയർ മിനിസ്ട്രി അംഗങ്ങൾ നേതൃത്വം നൽകി. ഹൂസ്റ്റണിലെ ക്നാനായ സമൂഹത്തിന്‍റെ ഐക്യവും സ്നേഹവും വിളിച്ചോതുന്നതായിരുന്നു പള്ളി ഹാളിൽ നടന്ന ഈ ആഘോഷങ്ങൾ.

മാതാപിതാക്കളും കുട്ടികളും ഉൾപ്പെടെ നൂറുകണക്കിന് വിശ്വാസികൾ പങ്കെടുത്ത ഈ മാതൃദിന ആഘോഷം, ഇടവകയുടെ ആത്മീയവും സാമൂഹികവുമായ ഒത്തുചേരലിന്‍റെ മറ്റൊരു നാഴികക്കല്ലായി മാറി. കുടുംബത്തിന്‍റെയും സഭയുടെയും ഐക്യത്തിന് കരുത്തേകുന്ന എല്ലാ അമ്മമാർക്കും വികാരി ഫാ. എബ്രഹാം മുത്തോലത്ത്, അസിസ്റ്റന്റ് വികാരി ഫാ. ജോഷി വലിയവീട്ടിൽ എന്നിവർ ആശംസകൾ നേർന്നു.

NRI

ന്യൂസിറ്റി സെന്‍റ് ജോർജ് പള്ളിയിൽ ഗീവർഗീസ് സഹദായുടെ പെരുന്നാൾ ശനി, ഞായർ ദിവസങ്ങളിൽ

ന്യൂയോർക്ക്: ന്യൂസിറ്റി സെന്‍റ് ജോർജ് സിറിയൻ ഓർത്തഡോക്സ് പള്ളിയിൽ ഇടവകയുടെ കാവൽപിതാവായ വിശുദ്ധ ഗീവർഗീസ് സഹദായുടെ ഓർമപ്പെരുന്നാൾ ഈ മാസം 25, 26 (ശനി, ഞായർ) തീയതികളിൽ ഭക്ത്യാദരപൂർവം നടത്തപ്പെടുന്നു.

അമേരിക്കൻ അതിഭദ്രാസനാധിപനും പാത്രിയാർക്കൽ വികാരിയുമായ യെൽദോ മോർ തീത്തോസ് മെത്രാപ്പോലീത്ത പെരുന്നാൾ ചടങ്ങുകൾക്ക് മുഖ്യകാർമികത്വം വഹിക്കും. പെരുന്നാളിനോട് അനുബന്ധിച്ച് പുണ്യശ്ലോകനായ മോർ അത്താനാസ്യോസ് യേശു സാമുവൽ മെത്രാപ്പോലീത്തയുടെ അനുസ്മരണവും നടക്കും.

ശനിയാഴ്ച വൈകുന്നേരം 6.30ന് കൊടിയേറ്റത്തോടെ പെരുന്നാൾ ചടങ്ങുകൾക്ക് തുടക്കമാകും. തുടർന്ന് നടക്കുന്ന സന്ധ്യാനമസ്കാരത്തിന് ശേഷം റവ.ഫാ. ബെൽസൺ കുര്യാക്കോസ് വചനപ്രഘോഷണം നടത്തും. ഭക്തിനിർഭരമായ റാസ, ആശീർവാദം, സ്നേഹവിരുന്ന് എന്നിവയോടെ ഒന്നാം ദിവസത്തെ ചടങ്ങുകൾ സമാപിക്കും.

പ്രധാന ദിവസമായ ഞായറാഴ്ച രാവിലെ മെത്രാപ്പോലീത്തയെ 8.45ന് സ്വീകരിച്ചാനയിക്കുന്നതും തുടർന്നു ഒമ്പതിന് പ്രഭാത നമസ്കാരവും യെൽദോ മോർ തീത്തോസ് മെത്രാപ്പോലീത്തയുടെ മുഖ്യകാർമികത്വത്തിൽ വിശുദ്ധ മൂന്നിന്മേൽ കുർബാനയും. വിശുദ്ധ ഗീവർഗീസ് സഹദായോടുള്ള പ്രത്യേക മധ്യസ്ഥ പ്രാർഥന, റാസ, ആശീർവാദവും സ്നേഹവിരുന്നും തുടർന്ന് കൊടിയിറക്കത്തോടുകൂടി ഈ വർഷത്തെ പെരുന്നാൾ സമാപിക്കും.

വികാരി ഗീവർഗീസ് തോമസ് ചട്ടത്തിൽ കോറെപ്പിസ്കോപ്പ, അസിസ്റ്റന്‍റ് വികാരി റവ.ഫാ. വിവേക് അലക്സ് എന്നിവരുടെ നേതൃത്വത്തിൽ പള്ളി ഭാരവാഹികളും ആത്മീയ സംഘടനകളും പെരുന്നാൾ ഒരുക്കങ്ങൾ പൂർത്തിയാക്കി വരുന്നു.

ഷോൺ വെള്ളാവള്ളിൽ, സോണിയ വെള്ളാവള്ളിൽ എന്നിവരാണ് ഈ വർഷത്തെ പെരുന്നാൾ ഏറ്റെടുത്തു നടത്തുന്നത്. ആത്മീയ അനുഗ്രഹങ്ങൾ നിറഞ്ഞ ഈ പെരുന്നാൾ ചടങ്ങുകളിൽ നേർച്ചകാഴ്ചകളോടെ പങ്കുചേരാൻ എല്ലാ വിശ്വാസികളെയും സ്വാഗതം ചെയ്യുന്നതായി ഭാരവാഹികൾ അറിയിച്ചു.

കൂടുതൽ വിവരങ്ങൾക്ക്: സെക്രട്ടറി സണ്ണി പൗലോസ് - 845 598 5094, ട്രസ്റ്റി ലാൻസ് പൗലോസ് - 845 521 4151 എന്നിവരുമായി ബന്ധപ്പെടാവുന്നതാണ്.

Kerala

ക്രൈസ്തവ സഭകൾക്കെതിരേ വിമർശനവുമായി ഷോണും പി.സി. ജോർജും

കോട്ടയം: ക്രൈസ്തവ സഭകൾക്കും ദീപിക പത്രത്തിനുമെതിരെ വിമർശനവുമായി ബിജെപി സംസ്ഥാന വൈസ് പ്രസിഡന്‍റ് ഷോൺ ജോർജും നിർവാഹക സമിതിയംഗം പി.സി.ജോർജും രംഗത്ത്. എഫ്സിആർഎ വിഷയത്തിൽ ക്രൈസ്തവ സഭ പങ്കുവച്ച ആശങ്കകളാണ് ഇരുവരെയും പ്രകോപിച്ചത്.

കേന്ദ്രസർക്കാർ കൊണ്ടവുന്ന എഫ്സിആർഎ ബില്ലിൽ ഉൾപ്പെട്ട സ്വത്ത് പിടിച്ചെടുക്കുന്നതു പോലെയുള്ള വകുപ്പുകളിലുള്ള ആശങ്ക സിബിസിഐയും കെസിബിസിയും പങ്കുവച്ചിരുന്നു. ഇക്കാര്യം സഭ കേന്ദ്രമന്ത്രിമാരെ അറിയിക്കുകയുംചെയ്തു. ഇതേത്തുടർന്നു കേന്ദ്രസർക്കാർ ബില്ലിന്മേലുള്ള ചർച്ച മാറ്റിവച്ചിരുന്നു. സഭയുടെ ആശങ്ക പരിഗണിക്കുന്നുവെന്നും കേന്ദ്രമന്ത്രി പറഞ്ഞു. തുടർന്ന് കഴിഞ്ഞ ദിവസം സിബിസിഐ പ്രതിനിധികളുമായി കേന്ദ്രമന്ത്രി കിരൺ റിജിജു സംസാരിച്ചു. ബിൽ സംബന്ധിച്ച സഭയുടെ ആശങ്കകൾ കേന്ദ്രസർക്കാരിനെ ധരിപ്പിക്കുകയും ചെയ്തിരുന്നു.

ഇതിനു ശേഷമാണ് തെരഞ്ഞെടുപ്പു കഴിഞ്ഞതിനു തൊട്ടുപിന്നാലെ ക്രൈസ്തവ സഭകൾക്കും ദീപിക പത്രത്തിനുമെതിരേ വിമർശനവുമായി ഷോൺ ജോർജും പി.സി. ജോർജും രംഗത്തുവന്നത്. കെ.സി. വേണുഗോപാലിനെയും ജോസ് കെ. മാണിയെയും കൊണ്ട് സഭയ്ക്ക് എന്തു പ്രയോജനം ഉണ്ടായി? എഫ്സിആർഎ ബിൽ മാറ്റിവച്ചത് തങ്ങളുടെ സമ്മർദപ്രകാരമാണെന്നും സഭയ്ക്കു വേണ്ടെങ്കിൽ സഭയെയും വേണ്ടെന്നു വയ്‌ക്കേണ്ടി വരുമെന്നും ഷോൺ ജോർജ് പറഞ്ഞു.

മാണി സി. കാപ്പനെയും ഷോൺ പരിഹസിച്ചു. 65000ൽ പരം വോട്ട് കാപ്പന് എവിടന്നു കിട്ടുമെന്നു പറഞ്ഞാൽ നന്നായിരുന്നു. കാപ്പന്‍റെ വോട്ട് 35000ൽ താഴരുതേയെന്നാണ് പ്രാർഥന. കാപ്പനു ബൂത്തിലിരിക്കാൻ പോലും ആളില്ലായിരുന്നു. 55000ൽ പരം വോട്ട് തനിക്കു കിട്ടുമെന്നും ഭൂരിപക്ഷം എത്രയെന്നു പറയില്ലെന്നും ഷോൺ കൂട്ടിച്ചേര്‍ത്തു.

Kerala

ത്യാഗ സ്മരണയിൽ ഇന്ന് ദുഃഖവെള്ളി; ദേവാലയങ്ങളിൽ പീഡാനുഭവ ശുശ്രൂഷകൾ, കുരിശിന്‍റെ വഴി

കോട്ടയം: മാനവരക്ഷയ്ക്കായി കുരിശില്‍ ജീവന്‍ അര്‍പ്പിച്ച ക്രിസ്തുവിന്‍റെ ഉദാത്തമായ സ്‌നേഹത്തിന്‍റെയും ത്യാഗത്തിന്‍റെയും സ്മരണ പുതുക്കി ലോകമെങ്ങുമുള്ള ക്രൈസ്തവർ ഇന്ന് ദുഃഖവെള്ളി ആചരിക്കുന്നു.

ദേവാലയങ്ങളില്‍ ദുഃഖവെള്ളിയുടെ തിരുക്കര്‍മങ്ങള്‍ നടക്കും. തിരുവനന്തപുരം പാളയത്ത് രാവിലെ 6.30ന് സംയുക്ത കുരിശിന്‍റെ വഴിയിൽ കർദിനാൾ മാർ ബസേലിയോസ് ക്ലീമിസ് കാതോലിക്കാ ബാവയും തോമസ് ജെ. നെറ്റോയും മാർ തോമസ് തറയിലും പങ്കെടുത്തു.

സെന്‍റ് മേരീസ് കത്തീഡ്രലിലെ ശുശ്രൂഷകൾക്ക് സീറോ മലബാർ സഭ മേജർ ആര്‍ച്ച് ബിഷപ്പ് റാഫേല്‍ തട്ടില്‍ നേതൃത്വം നൽകും. ഓർത്തഡോക്സ് സഭാധ്യക്ഷൻ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ പാമ്പാടി മാർ കുറിയാക്കോസ് ദയറായിൽ ദുഃഖവെള്ളി ചടങ്ങുകൾക്ക് മുഖ്യ കാർമ്മികത്വം വഹിക്കും.

നോമ്പിന്‍റെയും ഉപവാസത്തിന്‍റെയും ദിനങ്ങളിലൂടെ ആത്മവിശുദ്ധീകരണത്തിലേക്ക് കടന്നുവന്ന വിശ്വാസസമൂഹം ക്രൂശിതനു പിന്നാലെ പ്രാര്‍ഥനാമന്ത്രങ്ങളുമായി കുരിശിന്‍റെ വഴിയിലെ 14 സ്ഥലങ്ങള്‍ ധ്യാനിച്ച് പരിഹാര പ്രദക്ഷിണം നടത്തും.

പ്രമുഖ തീർഥാടക കേന്ദ്രങ്ങളായ മലയാറ്റൂർ, എഴുകുംവയല്‍, തുമ്പച്ചി, വല്യച്ചൻ മല തുടങ്ങിയവയടക്കം വിവിധ ജില്ലകളിലെ കുരിശുമലകളിലേക്ക് ആയിരങ്ങള്‍ കുരിശിന്‍റെ വഴിയുമായി നടന്നുനീങ്ങും.

District News

കോവിലകവും പള്ളിയും സന്ദർശിച്ച് എൽഡിഎഫ് സ്ഥാനാർഥി

മങ്കട: മങ്കട എൽഡിഎഫ് സ്വതന്ത്ര സ്ഥാനാർഥി കുന്നത്ത് മുഹമ്മദ് കടന്നമണ്ണ കോവിലകവും പരിയാപുരം ഫാത്തിമ മാതാ ഫൊറോന പള്ളിയും സന്ദർശിച്ചു. കോവിലകത്തെ മുതിർന്ന അംഗമായ വിലാസിനി തന്പുരാട്ടി, രവീന്ദ്രരാജ, മുരളി തന്പുരാൻ, രേഖ തന്പുരാട്ടി തുടങ്ങിയവർ സ്ഥാനാർഥിയെ സ്വീകരിച്ചു.

ഇടതുമുന്നണി നേതാക്കളായ മോഹനൻ പുളിക്കൽ, സി. അരവിന്ദൻ, കുട്ടാനു, സി. ജയരാജൻ, കെ.കെ. സ്വാമിനാഥൻ, പുളിക്കൽ വേലായുധൻ, സി. ജലജ, വി.പി. ഉഷ, സി. പ്രദീപ് എന്നിവരും സ്ഥാനാർഥിക്കൊപ്പമുണ്ടായിരുന്നു.

ഓശാന ഞായർ ദിനത്തിൽ പരിയാപുരം ഫാത്തിമ മാതാ ഫൊറോന പള്ളിയിലായിരുന്നു അടുത്ത സന്ദർശനം. വികാരി ഫാ. ജോർജ് കളപ്പുരയ്ക്കൽ, ഇടവകാംഗങ്ങൾ സ്ഥാനാർഥിയെ സ്വീകരിച്ചു. നേതാക്കളായ സൽമാനുൽ ഫാരിസ്, ഏലിയാമ്മ തോമസ് എന്നിവരും കൂടെയുണ്ടായിരുന്നു. കൂട്ടിൽ, ചേരിയം, നെച്ചിനിക്കോട്, മങ്കട വേരുംപിലാക്കൽ, കോഴിക്കോട്ട്പറന്പ്, കോഴിപ്പറന്പ്, കൊളപ്പറന്പ്, പാറടി, പനന്പറ്റ, പടിഞ്ഞാറ്റുംമുറി വള്ളിക്കാപറ്റ എന്നിവിടങ്ങളിലും പര്യടനം നടത്തി.

International

തിരുവുത്ഥാന പള്ളിയിൽ പ്രാർഥന നടത്താൻ അനുമതി നൽകുമെന്ന് ഇസ്രയേൽ

ജറൂസലെം: ജറൂസലെമിലെ തിരുവുത്ഥാന പള്ളിയിൽ വിശുദ്ധ വാരത്തിലെ വരുംദിവസങ്ങളിലും ഉയിർപ്പുതിരുനാൾ ദിനത്തിലും തിരുക്കർമങ്ങൾ നടത്താൻ ലാറ്റിൻ പാത്രിയാർക്കീസ് കർദിനാൾ പിയർബതിസ്ത പിസബല്ലയുടെ നേതൃത്വത്തിലുള്ള സഭാധികൃതർക്ക് അനുമതി നൽകുമെന്ന് ഇസ്രേലി സർക്കാർ അറിയിച്ചു.

സുരക്ഷാ കാരണങ്ങളാൽ വിശ്വാസികൾക്കു പ്രവേശനമുണ്ടായിരിക്കില്ല. പകരം, തിരുക്കർമങ്ങൾ തത്‌സമയം സംപ്രേഷണം ചെയ്യും. ഇതു സംബന്ധിച്ച് ഇന്നലെ കർദിനാൾ പിയർബതിസ്ത പിസബല്ലയുടെ നേതൃത്വത്തിൽ സഭാധികൃതരും ഇസ്രേലി പോലീസും തമ്മിൽ ചർച്ച നടത്തിയിരുന്നു. ഈ ചർച്ചയിലാണ് വരുംദിവസങ്ങളിൽ വിശുദ്ധ സ്ഥലത്തെ പള്ളികളിൽ പ്രാർഥന നടത്താൻ അനുമതി നൽകുമെന്ന് സർക്കാർ അറിയിച്ചത്.

ലാറ്റിൻ പാത്രിയാർക്കീസും ജറൂസലെമിലെ പോലീസ് കമാൻഡറും തമ്മിൽ ഇന്നലെ രാവിലെ നടന്ന ചർച്ച ഊഷ്മളമായിരുന്നുവെന്ന് ഇസ്രേലി പ്രസിഡന്‍റ് ഐസക് ഹെർസോഗ് പറഞ്ഞു.

സുരക്ഷാ കാരണങ്ങളാലാണു പള്ളിക്കുള്ളിൽ പൊതുജനങ്ങളെ പങ്കെടുപ്പിച്ചുള്ള തിരുക്കർമങ്ങൾക്ക് അനുമതി നൽകാതിരുന്നതെന്നും കഴിഞ്ഞദിവസവും തിരുവുത്ഥാന പള്ളിക്കു സമീപം ഇറാനിൽനിന്നുള്ള മിസൈലിന്‍റെ അവശിഷ്‌ടം പതിച്ചതായും പ്രധാനമന്ത്രി ബെഞ്ചമിൻ നെതന്യാഹു ചൂണ്ടിക്കാട്ടി.

ലാറ്റിൻ പാത്രിയാർക്കീസിനെയും സംഘത്തെയും പള്ളിക്കുള്ളിൽ പ്രവേശിക്കുന്നതിൽനിന്നു തടഞ്ഞ സംഭവത്തിൽ ഇറ്റാലിയൻ പ്രധാനമന്ത്രി ജോർജിയ മെലോണി, ഫ്രഞ്ച് പ്രസിഡന്‍റ് എമ്മാനുവൽ മക്രോൺ തുടങ്ങി നിരവധി പാശ്ചാത്യ നേതാക്കൾ പ്രതിഷേധം അറിയിച്ചിരുന്നു.

ഇസ്രേലി സ്ഥാനപതിയെ വിളിച്ചുവരുത്തി വിശദീകരണം തേടാൻ ഇറ്റാലിയൻ സർക്കാർ തീരുമാനിക്കുകയും ചെയ്തിരുന്നു. യുഎസ് പ്രസിഡന്‍റ് ഡോണൾഡ് ട്രംപ് വിഷയത്തിൽ ഇസ്രേലി പ്രധാനമന്ത്രി ബെഞ്ചമിൻ നെതന്യാഹുവുമായി സംസാരിക്കുകയും ചെയ്തു.

നൂറ്റാണ്ടുകൾക്കിടെ ഇതാദ്യമായാണു തിരുവുത്ഥാന പള്ളിയിൽ വിശുദ്ധ നാടിന്‍റെ ചുമതലയുള്ള സഭാധ്യക്ഷന്മാർക്ക് ഓശാന ഞായറാഴ്ച പ്രവേശനം നിഷേധിക്കുന്നത്.

ലാറ്റിൻ പാത്രിയാർക്കീസ് ഓശാന ഞായറാഴ്ചത്തെ തിരുകർമ്മങ്ങൾ നടത്തിയത് കെദ്രോൻ തോടിനു സമീപം ഗത്‌സമേനിയിലുള്ള ‘സർവരാജ്യങ്ങളുടെയും പള്ളി’യിലാണ്. പതിനായിരങ്ങൾ പങ്കെടുക്കാറുള്ള കുരുത്തോല പ്രദക്ഷിണവും ഇത്തവണ റദ്ദാക്കേണ്ടിവന്നിരുന്നു.

International

ലെയോ മാർപാപ്പ മൊണാക്കോ സന്ദർശിച്ചു

വത്തിക്കാന്‍ സിറ്റി: വത്തിക്കാന്‍ കഴിഞ്ഞാല്‍ ലോകത്തിലെ ഏറ്റവും ചെറിയ രണ്ടാമത്തെ രാജ്യമെന്ന വിശേഷണമുള്ള മൊണാക്കോയില്‍ ലെയോ മാർപാപ്പ സന്ദർശനം നടത്തി. ഇന്ന് രാവിലെ ഹെലികോപ്റ്ററിൽ യാത്രതിരിച്ച മാർപാപ്പ പ്രാദേശികസമയം രാവിലെ ഒന്പതിനാണ് 500 കിലോമീറ്റര്‍ അകലെയുള്ള പടിഞ്ഞാറൻ യൂറോപ്യൻ രാജ്യമായ മൊണാക്കോയിലെത്തിയത്.

ആൽബർട്ട് രണ്ടാമൻ രാജകുമാരനും കുടുംബാംഗങ്ങളും ഉദ്യോഗസ്ഥരും ചേർന്ന് മാർപാപ്പയെ സ്വീകരിച്ചു. പ്രിൻസസ് പാലസിന്‍റെ ബാൽക്കണിയിൽ നിന്ന് മാർപാപ്പ വിശ്വാസികളെ അഭിസംബോധന ചെയ്യവെ, സമ്പന്നരുടെ പറുദീസ എന്നറിയപ്പെടുന്ന മൊണാക്കോയിലെ ജനങ്ങളോട് തങ്ങളുടെ സമ്പത്തും സ്വാധീനവും ലോകനന്മയ്ക്കായി ഉപയോഗിക്കാൻ മാർപാപ്പ ആഹ്വാനം ചെയ്തു.

ആയുധങ്ങളേക്കാൾ കൂടുതൽ ചർച്ചകൾക്ക് മുൻഗണന നൽകണമെന്ന് അദ്ദേഹം ലോകരാജ്യങ്ങളോട് ആവശ്യപ്പെട്ടു. യുദ്ധവും സംഘർഷങ്ങളും ലോകത്തെ തകർക്കുന്ന ഈ കാലഘട്ടത്തിൽ സമാധാനത്തിന്‍റെ പാത പിന്തുടരണം. പരിസ്ഥിതി സംരക്ഷണത്തെക്കുറിച്ചും ഗർഭച്ഛിദ്രം പോലുള്ള വിഷയങ്ങളിലെ സഭയുടെ നിലപാടുകളെക്കുറിച്ചും മാർപാപ്പ തന്‍റെ പ്രസംഗത്തിൽ പരാമർശിച്ചു. ആധുനികകാലത്തെ വെല്ലുവിളികൾക്കിടയിലും വിശ്വാസം മുറുകെ പിടിക്കാൻ അദ്ദേഹം യുവാക്കളെ ഉപദേശിച്ചു.

തുടർന്ന് മൊണാക്കോയിലെ കത്തീഡ്രൽ ഓഫ് ദ ഇമ്മാക്കുലേറ്റ് കൺസെപ്ഷൻ സന്ദർശിച്ച മാർപാപ്പ അവിടെ പ്രാർഥനകൾക്കു നേതൃത്വം നൽകി. പിന്നീട് ലൂയിസ് രണ്ടാമൻ സ്റ്റേഡിയത്തിൽ നടന്ന വിശുദ്ധ കുർബാനയിൽ മുഖ്യകാർമികത്വം വഹിച്ചു. ആൽബർട്ട് രാജകുമാരനുമായി നടത്തിയ സ്വകാര്യ കൂടിക്കാഴ്ചയിൽ ആഗോള സമാധാന ചർച്ചകളും വിഷയമായി. ഒന്പത് മണിക്കൂർ നീണ്ട സന്ദർശനത്തിനുശേഷം വൈകുന്നേരത്തോടെ മാർപാപ്പ വത്തിക്കാനിലേക്കു മടങ്ങി.

കത്തോലിക്കാവിശ്വാസം ഔദ്യോഗിക മതമായി നിലനിൽക്കുന്ന ചുരുക്കം യൂറോപ്യൻ രാജ്യങ്ങളിൽ ഒന്നാണു മൊണാക്കോ. ഈ വർഷത്തെ ആദ്യത്തെ അപ്പസ്തോലിക യാത്ര, ലോകത്തെ രണ്ടാമത്തെ ചെറു രാജ്യത്തേക്ക് നടത്തുന്ന സന്ദര്‍ശനം, വിശുദ്ധ വാരത്തിന് മുന്നോടിയായുള്ള അപ്പസ്തോലിക സന്ദര്‍ശനം എന്നിങ്ങനെ നിരവധി വിശേഷണങ്ങള്‍ ഒരു ദിവസം മാത്രം നീണ്ടുനിന്ന ഈ യാത്രയ്ക്കുണ്ട്.

"വഴിയും സത്യവും ജീവനും ഞാനാണ്" എന്ന തിരുവചനഭാഗമാണ് ഈ അപ്പസ്തോലികയാത്രയിൽ ആപ്തപവാക്യമായി തെരഞ്ഞെടുക്കപ്പെട്ടിരിക്കുന്നത്. 1982ൽ ജോൺ പോൾ രണ്ടാമൻ മാര്‍പാപ്പയാണ് ഇതിനുമുന്പ് മൊണാക്കോ സന്ദര്‍ശിച്ചിട്ടുള്ളത്. മൊണാക്കോയിലെ ആകെ ജനസംഖ്യ 40,000ത്തിൽ താഴെയാണ്. ഇതില്‍ 80 ശതമാനവും കത്തോലിക്കാ വിശ്വാസികളാണ്.

ഏപ്രിൽ 13 മുതൽ 23 വരെ പത്തു ദിവസം ആഫ്രിക്കൻ രാജ്യങ്ങളായ അൾജീരിയ, കാമറൂൺ, അങ്കോള, ഇക്വാറ്റോറിയൽ ഗിനിയ എന്നീ രാജ്യങ്ങൾ സന്ദർശിക്കുന്ന മാർപാപ്പ ജൂൺ ആറു മുതൽ 12 വരെ സ്പെയിനും സന്ദർശിക്കും.

International

ജറൂസലെമിലെ തിരുവുത്ഥാന പള്ളിക്കു സമീപം മിസൈൽ വീണു

ജറൂസലെം: പുണ്യനഗരമായ ജറൂസലെമിലെ തിരുവുത്ഥാന പള്ളിക്കു സമീപം മിസൈലിന്‍റെ അവശിഷ്‌ടം വീണത് ആശങ്കയ്ക്കിടയാക്കി.

പള്ളിക്കു സമീപമുള്ള ഗ്രീക്ക് ഓർത്തഡോക്സ് പാത്രിയാർക്കേറ്റ് കെട്ടിടത്തിനുമുകളിലാണ് ഇന്നലെ പുലർച്ചെ മിസൈലിന്‍റെ അവശിഷ്‌ടം പതിച്ചത്. ഇതിനുപുറമെ അൽ-അഖ്സ മോസ്കിനു സമീപമുള്ള ടെമ്പിൾ മൗണ്ടിലും മിസൈൽ വീണതായി ഇസ്രയേൽ വിദേശകാര്യ മന്ത്രാലയം അറിയിച്ചു.

ഇസ്രേലി പ്രധാനമന്ത്രി ബെഞ്ചമിൻ നെതന്യാഹുവിന്‍റെ ജറൂസലെമിലെ ഓഫീസിനു സമീപവും മിസൈൽ പതിച്ചതായി റിപ്പോർട്ടുണ്ട്. ജറൂസലെമിലെ പുണ്യസ്ഥലങ്ങളിൽ മിസൈലുകൾ വിക്ഷേപിച്ച ഇറാന്‍റെ നടപടിയെ ഇസ്രയേൽ സർക്കാർ അപലപിച്ചു.

ജറൂസലെം പാത്രിയാർക്കീസ് തിയോഫിലോസ് മൂന്നാമനുമായി താൻ സംസാരിച്ചെന്നും ഇറാൻ കരുതിക്കൂട്ടി രാഷ്‌ട്രീയലക്ഷ്യങ്ങൾക്കുനേരേയും ക്രൈസ്‌തവ, മുസ്‌ലിം, യഹൂദ ആരാധനാലയങ്ങൾക്കുനേരേയും ആക്രമണം നടത്തുകയാണെന്നും ഇസ്രേലി വിദേശകാര്യമന്ത്രി ഗിദെയോൻ സാർ പറഞ്ഞു.

കഴിഞ്ഞ ഫെബ്രുവരി 28ന് ഇറാനെതിരേ യുഎസ്-ഇസ്രേലി ആക്രമണം ആരംഭിച്ചതോടെ സുരക്ഷ മുൻനിർത്തി തിരുവുത്ഥാന പള്ളി അടച്ചിട്ടിരിക്കുകയാണ്.

ചരിത്രത്തിലാദ്യമായാണ് ഇത്രയും ദിവസം ഈ തീർഥാടനദേവാലയം അടച്ചിടുന്നത്. വിശുദ്ധവാരത്തിലെങ്കിലും പള്ളി തുറക്കണമെന്ന ആവശ്യം ശക്തമായിട്ടുണ്ട്.

National

ഒഡീഷയില്‍ പള്ളിക്കു നേരേ ആക്രമണം; മുഖവാരം തകർത്തു, വിശുദ്ധ വസ്തുക്കൾക്കു തീയിട്ടു

ഭുവനേശ്വർ: ഒഡീഷയിൽ കത്തോലിക്കാ ദേവാലയത്തിനുനേരേ ആക്രമണം. റായഗഡ ജില്ലയിലെ ദെംഗാസ്വാർഗി ഗ്രാമത്തിലെ സെന്‍റ് പൗള മോണ്ടെൽ പള്ളിക്കു നേരേയാണ് കഴിഞ്ഞദിവസം തീവ്ര ഹിന്ദുത്വവാദികളായ ഗ്രാമവാസികൾ ആക്രമണം നടത്തിയത്.

പള്ളിയുടെ മുഖവാരം തകർത്ത അക്രമിസംഘം വാതിൽ തല്ലിത്തകർത്ത് അകത്തുകയറി അൾത്താരയും തിരുസ്വരൂപങ്ങളും നശിപ്പിക്കുകയും വിശുദ്ധ വസ്തുക്കൾ പുറത്തേക്കു കൊണ്ടുപോയി തീയിടുകയും ചെയ്തു.

സംഭവദിവസം രാത്രി ഏഴോടെ ഒരുസംഘം ഗ്രാമവാസികൾ സംഘടിച്ചെത്തി ഗ്രാമത്തിൽ താമസിക്കുന്ന മൂന്ന് കത്തോലിക്കാ കുടുംബങ്ങൾ വീടുകളിൽനിന്ന് പുറത്തിറങ്ങണമെന്ന് ആവശ്യപ്പെട്ടുവെന്ന് റായഗഡയിലെ കത്തീഡ്രൽ ഇടവക വികാരി ഫാ. അബേദ് കുമാർ പറഞ്ഞു.

ഭയപ്പെട്ട കുടുംബാംഗങ്ങൾ തങ്ങൾ ആക്രമിക്കപ്പെടുമെന്ന ഭയത്താൽ വീടുകൾക്കു പുറത്തിറങ്ങാൻ തയാറായില്ല. ഇതോടെ പിന്തിരിഞ്ഞുപോയ അക്രമിസംഘം രാത്രി ഒന്പതോടെ സ്ഥലത്തെ പള്ളിയിൽ സംഘടിച്ചെത്തി അതിക്രമം നടത്തുകയായിരുന്നു.

പള്ളിയുടെ പ്രധാന വാതിൽ തല്ലിത്തകർത്ത് അകത്തു കടന്ന സംഘം അൾത്താരയിൽ അതിക്രമം നടത്തുകയും മൂന്നു തിരുസ്വരൂപങ്ങളും കുരിശും കുരിശിന്‍റെ വഴിയുടെ ചിത്രങ്ങളും തകർക്കുകയും ചെയ്തു. വിശുദ്ധ വസ്ത്രങ്ങളും ബൈബിളും മറ്റ് പൂജ്യവസ്തുക്കളും പുറത്തേക്ക് കൊണ്ടുപോയി തീയിടുകയും ചെയ്തു. പള്ളിക്കുള്ളിലെ കസേരകൾ, ഫാനുകൾ, ലൈറ്റുകൾ എന്നിവ തല്ലിത്തകർത്ത അക്രമിസംഘം പള്ളിപ്പരിസരത്തെ കുഴൽക്കിണർ അശുദ്ധമാക്കി.

റായഗഡ് ബിഷപ് ആപ്ലിനാർ സേനാപതിയുടെ പരാതി പ്രകാരം പോലീസ് സ്ഥലത്തെത്തി അന്വേഷണം നടത്തി. ജില്ലാ പോലീസ് സൂപ്രണ്ടും സ്ഥലത്തെത്തി സ്ഥിതിഗതികൾ വിലയിരുത്തി.

പള്ളി സ്ഥിതിചെയ്യുന്ന സ്ഥലം ഒരു ക്രൈസ്തവ വിശ്വാസി സംഭാവന ചെയ്തതാണെങ്കിലും പള്ളി നിർമിച്ചത് അനധികൃതമായാണെന്ന് നേരത്തേ മുതൽ ഒരുസംഘം ഹിന്ദുത്വവാദികൾ ആരോപണമുന്നയിച്ചിരുന്നു. കൂടാതെ ക്രൈസ്തവർ വാഹനങ്ങൾ ഉപയോഗിക്കുന്നതും മിഷൻ പ്രദേശത്തെ സിസ്റ്റേഴ്സ് അടുത്തിടെ തങ്ങളുടെ പ്രവർത്തനത്തിന്‍റെ രജതജൂബിലി ആഘോഷിച്ചതുമാണ് തീവ്ര ഹിന്ദുത്വവാദികളെ ചൊടിപ്പിച്ചത്.

പോലീസിന്‍റെ നേതൃത്വത്തിൽ ഇരു സമുദായങ്ങളുടെയും പ്രതിനിധികൾ ചേർന്നു സമാധാനസമിതി രൂപീകരിച്ചിട്ടുണ്ട്.

ക്രൈസ്തവ കുടുംബങ്ങൾക്ക് സംരക്ഷണം നൽകുമെന്ന് അധികൃതർ ഉറപ്പു നൽകിയതായി സഭാ വൃത്തങ്ങൾ അറിയിച്ചു. ഇതിന്‍റെ ഭാഗമായി ഗ്രാമത്തിൽ പോലീസ് സാന്നിധ്യം തുടരും.

ക്രൈസ്തവർക്ക് പള്ളിയിൽ ആരാധന നടത്താൻ അനുമതി നൽകുമെന്നും അധികൃതർ ഉറപ്പുനൽകി. താത്കാലിക ക്രമീകരണമെന്ന നിലയിൽ ഗ്രാമത്തിലെ തെരുവിലൂടെയുള്ള വാഹന ഗതാഗതത്തിന് നിയന്ത്രണങ്ങൾ ഏർപ്പെടുത്തിയിട്ടുണ്ട്.

District News

മലങ്കര ഓര്‍ത്തഡോക്‌സ് സഭ വിശുദ്ധ മൂറോന്‍ കൂദാശയ്ക്കായി ഒരുങ്ങുന്നു

കോട്ടയം: നീണ്ട എട്ടു വര്‍ഷത്തിനുശേഷം മലങ്കര ഓര്‍ത്തഡോക്‌സ് സഭ വിശുദ്ധ മൂറോന്‍ കൂദാശയ്ക്കായി ഒരുങ്ങുന്നു. വലിയ നോമ്പിലെ നാല്‍പ്പതാം വെള്ളിയാഴ്ചയായ 27ന് സഭാ ആസ്ഥാനമായ ദേവലോകം കാതോലിക്കേറ്റ് അരമന ചാപ്പല്‍ ശുശ്രൂഷകള്‍ക്ക് വേദിയാകും.

സഭാചരിത്രത്തിലെ 11-ാം മൂറോന്‍ കൂദാശയ്ക്ക് ബസേലിയോസ് മാര്‍ത്തോമ്മാ മാത്യൂസ് തൃതീയന്‍ ബാവ മുഖ്യകാര്‍മികത്വം വഹിക്കും. സഭയുടെ മെത്രാപ്പോലീത്താമാര്‍ സഹകാര്‍മികരാകും. ഇവര്‍ക്കൊപ്പം അര്‍ക്കദിയാക്കോന്‍, 12 വൈദികര്‍, 12 പൂര്‍ണശെമ്മാശന്മാര്‍, 12 ഉപ ശെമ്മാശന്മാര്‍ എന്നിവര്‍ ഏഴ് മണിക്കൂര്‍ നീണ്ടുനില്‍ക്കുന്ന വിശുദ്ധ കര്‍മങ്ങളുടെ ഭാഗമാകും.

സ്വയം ശീര്‍ഷക സഭകളുടെ തലവന്‍മാരായ പാത്രിയര്‍ക്കീസും കാതോലിക്കായും മാത്രമാണ് ഓര്‍ത്തഡോക്‌സ് വിശ്വാസ പാരമ്പര്യപ്രകാരം വിശുദ്ധ മൂറോന്‍ കൂദാശ നടത്തുന്നത്. കാതോലിക്കായായി നിയോഗിതനായശേഷം ബസേലിയോസ് മാര്‍ത്തോമ്മാ മാത്യൂസ് തൃതീയന്‍ ബാവ പ്രധാന കാര്‍മികനാകുന്ന ആദ്യ മൂറോന്‍ കൂദശയാണിത്.

മൂറോന്‍ എന്ന വാക്കിന്‍റെ അര്‍ഥം ‘സുഗന്ധതൈലം’ എന്നാണ്. മലങ്കരസഭയുടെ ലോകമെമ്പാടുമുള്ള ദേവാലയങ്ങളില്‍ മാമ്മോദീസ, പള്ളികളുടെ കൂദാശ എന്നിവയ്ക്കായി ഈ വിശുദ്ധതൈലം ഉപയോഗിക്കുന്നു.

മലങ്കരസഭാ ആസ്ഥാനത്ത് ചേര്‍ന്ന എപ്പിസ്‌കോപ്പല്‍ സുന്നഹദോസ് വിശുദ്ധ മൂറോന്‍ കൂദാശയുടെ ഒരുക്കങ്ങള്‍ വിലയിരുത്തി. വിശുദ്ധ മൂറോന്‍ കൂദാശയുടെ ക്രമീകരണങ്ങള്‍ക്ക് കൊല്ലം ഭദ്രാസനാധിപന്‍ ഡോ. ജോസഫ് മാര്‍ ദിവന്നാസിയോസ് മെത്രാപ്പോലീത്താ അധ്യക്ഷനായ സമിതിയെ കാതോലിക്കാ ബാവ ചുമതലപ്പെടുത്തി.. 2018 മാര്‍ച്ചിലാണ് മലങ്കരസഭയില്‍ ഇതിന് മുന്‍പ് വിശുദ്ധ മൂറോന്‍ കൂദാശ നടന്നത്.

District News

ബിലീവേഴ്സ് ചർച്ച് സിനഡ് തുടങ്ങി

തിരുവല്ല : ബിലീവേഴ്‌സ് ഈസ്റ്റേൺ ചർച്ച് ജനറൽ സിനഡ് ഡൽഹി അതിഭദ്രാസന ആസ്ഥാനത്ത് സഭാ അധ്യക്ഷൻ സാമുവൽ മാർ തിയോഫിലോസ് മെത്രാപ്പോലീത്ത ഉദ്ഘാടനം ചെയ്തു. രാജ്യങ്ങൾ തമ്മിൽ യുദ്ധങ്ങൾ, മാനവഹൃദയങ്ങൾ അകന്നു പോകുന്ന ഈ കാലഘട്ടത്തിൽ സ്നേഹത്തിന്‍റെ വാഹകരായി മാറാൻ സഭക്കും സഭാമക്കൾക്കും കഴിയണമെന്ന് അദ്ദേഹം പറഞ്ഞു.

22 വരെ ഗുഡ്ഗാവിലെ ഡൽഹി അതിഭദ്രാസന അസ്ഥാനത്താണ് ജനറൽ സിനഡ് നടക്കുന്നത്. ഡൽഹി അതിഭദ്രാസന ആർച്ബിഷപ് ജോൺ മാർ ഐറേനിയസ് അധ്യക്ഷത വഹിച്ചു. പരിശുദ്ധ സുന്നഹദോസ് സെക്രട്ടറി ജോഷ്വാ മാർ ബർണബാസ്‌ എപ്പിസ്കോപ്പ സ്വാഗതം ആശംസിച്ചു. സഭയിലെ എപ്പിസ്കോപ്പാമാർ, ഭദ്രാസന സെക്രട്ടറിമാർ, വിവിധ പോഷക സഘടനകളുടെ ഭാരവാഹികൾ തുടങ്ങി 500 ഓളം പ്രതിനിധികൾ ജനറൽ സിനഡിന്‍റെ ഭാഗമാണ് .

District News

നീറിക്കാട് ലൂര്‍ദ്മാതാ പള്ളിയില്‍ തിരുനാള്‍

നീറിക്കാട്: ലൂര്‍ദ്മാതാ ക്‌നാനായ കത്തോലിക്ക പള്ളിയില്‍ ലൂര്‍ദ് മാതാവിന്‍റെയും വിശുദ്ധ സെബസ്ത്യാനോസിന്‍റെയും തിരുനാളിനു തുടക്കമായി. ഇന്നു വൈകുന്നേരം 4.30ന് വിശുദ്ധ കുര്‍ബാന -ഫാ. ജിസ്മോന്‍ പുത്തന്‍പറമ്പില്‍, തുടര്‍ന്നു ഫാ. ജോര്‍ജി കാട്ടൂര്‍ നയിക്കുന്ന കുടുംബ നവീകരണ ധ്യാനം.

നാളെ രാവിലെ ഒമ്പതു മുതല്‍ ഒന്നുവരെ കഴുന്ന് പ്രതിഷ്ഠ. വൈകുന്നേരം 4.30നു വിശുദ്ധ കുര്‍ബാന -ഫാ. ഷിബു വള്ളിയാംതടം, തുടര്‍ന്നു ധ്യാനം. 12നു രാവിലെ 6.15ന് വിശുദ്ധ കുര്‍ബാന -ഫാ. പോള്‍ മുത്തൂറ്റില്‍. രാത്രി ആറു മുതല്‍ വാര്‍ഡുകള്‍തോറും ലൂര്‍ദ് മാതാവിന്‍റെ തിരുസ്വരൂപവുമായി പ്രയാണം, 7.30നു കിഴക്കേ കുരിശുപള്ളിയില്‍ ലദീഞ്ഞ്, തുടര്‍ന്നു ജപമാല പ്രദക്ഷിണം: ഫാ. ഷാജി പുല്ലാട്ടുമഠത്തില്‍.

13നു വൈകുന്നേരം 5.30നു വിശുദ്ധ കുര്‍ബാന, സെമിത്തേരി സന്ദര്‍ശനം -ഫാ. ബിബിന്‍ കണ്ടോത്ത്. 14നു രാവിലെ 6.30നു ഗ്രോട്ടോയില്‍ വിശുദ്ധ കുര്‍ബാന, വൈകുന്നേരം 4.45നു പ്രദക്ഷിണം -ഫാ. ലിജു മുളകുമറ്റത്തില്‍, ഫാ. ഷൈജു കല്ലുവെട്ടാംകുഴി, ഫാ. ജോണി കാഞ്ഞിരംപറമ്പില്‍. രാത്രി ഒമ്പതിനു തിരുനാള്‍ സന്ദേശം: ഫാ. തോമസ് ആനിമൂട്ടില്‍, വിശുദ്ധ കുര്‍ബാനയുടെ വാഴ്‌വ് -ഫാ. സൈമണ്‍ പുല്ലാട്ട്.

15നു രാവിലെ 6.45നു വിശുദ്ധ കുര്‍ബാന, 9.45ന് ആഘോഷമായ റാസയ്ക്ക് ഫാ. ആല്‍ബിന്‍ പുത്തന്‍പറമ്പില്‍ മുഖ്യകാര്‍മികത്വം വഹിക്കും. ഫാ. ലിജു മുളകുമറ്റത്തില്‍. ഫാ. ലിവിന്‍ തെക്കേതുരുത്തുവേലില്‍, ഫാ. തോമസ് താഴത്തുവെട്ടത്ത് എന്നിവര്‍ സഹകാര്‍മികത്വം വഹിക്കും. സന്ദേശം -ഫാ. ജിനു ആവണിക്കുന്നേല്‍, 12.30നു വിശുദ്ധ കുര്‍ബാനയുടെ ആശീര്‍വാദം- ഫാ. മാത്യു ഏറ്റിയേപ്പള്ളില്‍. തുടര്‍ന്നു പ്രദക്ഷിണം -ഫാ. ഏബ്രഹാം തറത്തട്ടേല്‍, രാത്രി എട്ടിനു നാടകം.

കരിമ്പാനി പള്ളിയില്‍ തിരുനാള്‍

കരിമ്പാനി: ദിവ്യകാരുണ്യ ദേവാലയത്തില്‍ ദിവ്യകാരുണ്യനാഥന്‍റെ തിരുനാള്‍ 12, 13, 14, 15 തീയതികളില്‍ ആഘോഷിക്കും. 12ന് വൈകുന്നേരം 5.15ന് കൊടിയേറ്റ്. 5.30ന് വിശുദ്ധ കുര്‍ബാന. 6.30 ദിവ്യകാരുണ്യ പ്രദക്ഷിണം. 13ന് വൈകുന്നേരം 5.15ന് സെമിത്തേരി സന്ദര്‍ശനം, വിശുദ്ധ കുര്‍ബാന. രാത്രി ഏഴിന് സംഗീതസായാഹ്നം.

14ന് വൈകുന്നേരം അഞ്ചിന് വിശുദ്ധ കുര്‍ബാന 6.15ന് പ്രദക്ഷിണം. രാത്രി ഒമ്പതിന് ഫ്യൂഷന്‍. പ്രധാന തിരുനാള്‍ ദിനമായ 15ന് രാവിലെ ഏഴിനും വൈകുന്നേരം അഞ്ചിനും വിശുദ്ധ കുര്‍ബാന 6.30ന് പ്രദക്ഷിണം. രാത്രി 7.30ന് മാജിക് ഷോ.

District News

ചെറിയനാട് ലൂർദ്മാതാ പള്ളിയിൽ തിരുനാളിന് കൊടിയേറി

ചെങ്ങന്നൂർ: ചെറിയനാട് ലൂർദ്മാതാ റോമൻ കത്തോലിക്ക ദേവാലയത്തിലെ പാദുകാവൽ തിരുനാളിന് ഭക്തിസാന്ദ്രമായ തുടക്കം. വികാരി ഫാ. ജോസ് വർഗീസ് കൊടിയേറ്റി. ഇന്ന് വിശുദ്ധ കുർബാന - പുനലൂർ രൂപത ചീഫ് കോ-ഓർഡിനേറ്റർ ഫാ. ബെനഡിക്ട് ജെ . തെക്കുവിള കാർമികനാകും. തുടർന്ന് ദൈവാനുഭവ ധ്യാനം. നാളെ വിശുദ്ധ കുർബാന മലങ്കര റീത്തിൽ - ചെറിയനാട് സെന്‍റ് ജൂഡ് മലങ്കര കത്തോലിക്ക തീർഥാടന പള്ളി വികാരി ഫാ. വർഗീസ് കൊച്ചുകളീക്കൽ കാർമികനാകും. തുടർന്ന് ദൈവാനുഭവ ധ്യാനം.

പത്തിനു രാവിലെ 7.30ന് ജപമാല, എട്ടിന് വിശുദ്ധ കുർബാന, വചനസന്ദേശം - കൊഴുവല്ലൂർ ലിറ്റിൽ ഫ്ളവർ പള്ളി വികാരി ഫാ. സഹായ റൂബിൻസ് മുഖ്യകാർമികനാകും. കടയിക്കാട് അറയ്ക്കലിൽ വൈകിട്ട് അഞ്ചിന് ജപമാല, ലിറ്റനി, നൊവേന. 5.30ന് ആഘോഷമായ വേസ്പര - ബിഷപ് സെക്രട്ടറി ഫാ. ജസ്റ്റിൻ സക്കറിയ മുഖ്യകാർമികനാകും. പുനലൂർ രൂപത കെസിവൈഎം ഡയറക്ടർ ഫാ. വിപിൻ സെബാസ്റ്റ്യൻ വചനസന്ദേശം നല്കും. തുടർന്ന് ദേവാലയത്തിലേക്ക് ആഘോഷമായ പ്രദക്ഷിണം.

പ്രധാന തിരുനാളായ 11നു രാവിലെ പത്തിന് ജപമാല ലിറ്റിനി, നൊവേന, പ്രസുദേന്തി വാഴിക്കൽ. തുടർന്ന് ആഘോഷമായ തിരുനാൾ സമൂഹബലി - പുനലൂർ രൂപത വികാരി ജനറാൾ ഫാ. സെബാസ്റ്റ്യൻ വാസ് മുഖ്യകാർമികനാകും. പുനലൂർ രൂപത വൈസ് ചാൻസിലർ ഫാ. ക്രിസ്റ്റി ജോസഫ് വചനസന്ദേശം നല്കും. തുടർന്ന് കൊടിയിറക്ക് , സ്നേഹവിരുന്ന്. വൈകിട്ട് ആറിന് ലൂർദ് ഫെസ്റ്റ് , എട്ടിന് കരോക്ക ഗാനമേള. 12നു വൈകുന്നേരം അഞ്ചിന് ജപമാല, 5.30 ന് വി. കുർബാന - പരേതരുടെ ആത്മാക്കൾക്ക് വേണ്ടി, സെമിത്തേരി വെഞ്ചിരിപ്പ് എന്നിവ നടക്കുമെന്ന് വികാരി ഫാ. ജോസ് വർഗീസ്, തിരുനാൾ കൺവീനർ ജയിംസ് തേവരുമണ്ണിൽ, സെക്രട്ടറി ഡേവിഡ് മാനുവേൽ ഉദയഗിരി എന്നിവർ പറഞ്ഞു.

District News

വെള്ളരിവയൽ വ്യാകുലമാതാ പള്ളിയിൽ തിരുനാളിന് കൊടിയേറി

ഇരിട്ടി: വെള്ളരിവയൽ വ്യാകുലമാതാ പള്ളിയിൽ തിരുനാളിന് ഇടവക വികാരി ഫാ. ആന്‍റണി അറയ്ക്കൽ കൊടിയേറ്റി. തുടർന്ന് നടന്ന ദിവ്യബലിക്ക് ഫാ. ബെന്നി മണപ്പാട്ട് കാർമികത്വം വഹിച്ചു. ഇന്നു വൈകുന്നേരം അഞ്ചിന് ദിവ്യബലിക്ക് ഫാ. മാത്യു സെബാസ്റ്റ്യൻ കാർമികത്വം വഹിക്കും. തുടർന്ന് ഏഴിന് കലാസന്ധ്യ.
പ്രധാന തിരുനാൾ ദിനമായ ഏഴിനു വൈകുന്നേരം അഞ്ചിന് ദിവ്യബലിക്ക് ഫാ. സനോജ് പ്ലാംതോട്ടത്തിൽ കാർമികത്വം വഹിക്കും. തുടർന്ന് പ്രദക്ഷിണം. സമാപന ദിവസമായ എട്ടിനു രാവിലെ 10ന് ദിവ്യബലി. ഫാ. റോണി പീറ്റർ കാർമികത്വം വഹിക്കും. തുടർന്ന് പ്രദക്ഷിണം. ഊട്ടുനേർച്ച.

District News

മലമ്പുഴ സെന്‍റ് ജൂഡ്സ് പളളി ഇടവകദിനാഘോഷം

മലമ്പുഴ: മലമ്പുഴ സെന്‍റ് ജൂഡ്സ് പള്ളി ഇടവക ദിനാഘോഷം ഫാ. ജസ്റ്റീൻ കോലംകണ്ണി ഉദ്ഘാടനം ചെയ്തു. പ്രോവിഡൻസ് ഹോം മദർ സുപ്പീരിയർ സിസ്റ്റർ മേരി ജയിംസ് അധ്യക്ഷയായി. വികാരി ഫാ. ബിജു മുരിങ്ങക്കുടിയിൽ, കൈക്കാരൻ ബാബു രാജകുലം, തിരുനാൾ കമ്മിറ്റി കൺവീനർ ജോയ് പട്ടാശേരി എന്നിവർ പ്രസംഗിച്ചു. ജൂബിലിയേറിയൻസിനെ ആദരിച്ചു. വിവിധ മത്സരങ്ങളിലെ വിജയികൾക്ക് സമ്മാനങ്ങൾ വിതരണം ചെയ്തു. വിവിധ കലാപരിപാടികളും അത്താഴവിരുന്നുമുണ്ടായിരുന്നു

Kerala

പള്ളി മ്യൂസിയത്തിലെ പ്രതിമകൾ തകർത്തു; 50 ലക്ഷം രൂപയുടെ നഷ്ടം, പ്രതിക്കായി തെരച്ചിൽ

കൊച്ചി: പറവൂരിൽ നിർമാണം നടക്കുന്ന ചരിത്ര മ്യൂസിയത്തിലെ 15ൽ അധികം പ്രതിമകൾ തകർത്തു. 50 ലക്ഷം രൂപയുടെ പ്രതിമകളാണ് അജ്ഞാതൻ തകർത്തത്. കോട്ടയ്ക്കാവ് സെന്‍റ് തോമസ് ഫൊറോന പള്ളിയിൽ നിർമാണത്തിലിരിക്കുന്ന മ്യൂസിയത്തിലാണ് വ്യാഴാഴ്ച ഉച്ചയോടെ ആക്രമണം നടന്നത്.

അമ്പത് ലക്ഷം രൂപയുടെ നഷ്ടമുണ്ടായതായി പള്ളി ഭാരവാഹികൾ പോലീസിൽ നൽകിയ പരാതിയിൽ വ്യക്തമാക്കി. പള്ളിയിൽ അടുത്തു നടക്കാനിരിക്കുന്ന തിരുന്നാളുമായി ബന്ധപ്പെട്ട കാര്യങ്ങൾക്കായി എത്തിയ തിരുന്നാൾ കമ്മിറ്റി ഭാരാവാഹികളാണ് സംഭവം കാണുന്നത്.

മ്യൂസിയത്തിലേയ്ക്കുള്ള ഗേറ്റ് പൂട്ടിയിരിക്കുകയായിരുന്നു. അധികം ഉയരമില്ലാത്ത മതിൽ ചാടി കടന്നാണ് അക്രമി ഉള്ളിൽ കടന്നിട്ടുള്ളത്. പ്രതിമകളുടെ കാലുകളിൽ ഏതോ ആയുധം ഉപയോഗിച്ച് അടിച്ചു പൊട്ടിച്ച ശേഷം ചവിട്ടി മറിച്ചിട്ടതായിട്ടാണ് കരുതപ്പെടുന്നത്. പോലീസ് സ്ഥലത്തെത്തി പരിശോധന നടത്തി.

District News

നവീകരിച്ച കോളയാട് സെന്‍റ് കൊർണേലിയൂസ് പള്ളി ആശീർവാദകർമം 21ന്

കോളയാട്: നവീകരിച്ച കോളയാട് സെന്‍റ് കൊർണേലിയൂസ് പള്ളിയുടെ ആശീർവാദകർമം 21ന് വൈകുന്നേരം അഞ്ചിന് കണ്ണൂർ ബിഷപ് ഡോ. അലക്സ് വടക്കുംതലയുടെ മുഖ്യകാർമികത്വത്തിൽ നടക്കും. കണ്ണൂർ രൂപത സഹായമെത്രാൻ ഡോ. ഡെന്നിസ് കുറുപ്പശേരി, മഞ്ഞുമ്മൽ നിഷ്പാദുക കർമലീത്ത സഭ പ്രൊവിൻഷ്യൽ സുപ്പീരിയർ ഫാ. അഗസ്റ്റിൽ മുള്ളൂർ ഒസിഡി എന്നിവർ സഹകാർമികരാകും. മലബാറിലെ കുടിയേറ്റ മേഖലയിലെ ആദ്യത്തെ പള്ളിയാണ് കോളയാട് സെന്‍റ് കൊർണേലിയൂസ് പള്ളി. 1921ൽ കൊർണേലിയൂസ് മിഷനാണ് പള്ളി സ്ഥാപിച്ചത്.

മംഗലാപുരം രൂപതയുടെ കീഴിൽ 1921ൽ ഫാ. പോൾ റൊസാരിയോ ഫെർണാണ്ടസ് എന്ന ഈശോ സഭാ വൈദികനാണ് മിഷന് തുടക്കം കുറിച്ചത്. ഒരു നൂറ്റാണ്ടിലേറെ പാരന്പര്യമുള്ള പള്ളി ഇന്ന് നാനാജാതി മതസ്ഥരുടെയും ആരാധനാകേന്ദ്രം കൂടിയാണ്. 1923ൽ കോഴിക്കോട് രൂപതയുടെ കീഴിലായ പള്ളി 1952ൽ മഞ്ഞുമ്മൽ നിഷ്പാദുക കർമലീത്ത സന്യാസ സമൂഹത്തിന് ഔദ്യോഗികമായി കൈമാറി. കുടിയേറ്റക്കാർ വർധിച്ചുവന്നപ്പോൾ അവരവരുടെ റീത്തിൽ പള്ളി പണിതുകൊടുക്കാൻ മുൻകൈയെടുത്തത് ദേവാലയമാണ്.

പുന്നപ്പാലം, പേരാവൂർ (തൊണ്ടിയിൽ), ആലച്ചേരി, ആര്യപ്പറമ്പ്, പോത്തുകുഴി എന്നീ ഇടവകകളുടെ മാതൃദേവാലയം കൂടിയാണ് കോളയാട് സെന്‍റ് കൊർണേലിയൂസ് പള്ളിയെന്ന് സെന്‍റ് കൊർണേലിയൂസ് ആശ്രമത്തിലെ ഫാ. ജോജോ ആന്‍റണി ഒസിഡി, ഫാ. സ്റ്റാലിൻ ഒസിഡി എന്നിവർ പത്രസമ്മേളനത്തിൽ അറിയിച്ചു. പത്രസമ്മേളനത്തിൽ പാരിഷ് സെക്രട്ടറി ബാബു, തിരുനാൾ കമ്മിറ്റി ജനറൽ സെക്രട്ടറി ഹെന്‍‌റി തയ്യിൽ എന്നിവരും പങ്കെടുത്തു.

District News

പടിമരുത് സെന്‍റ് സെബാസ്റ്റ്യൻസ് പള്ളിയിൽ തിരുനാളാഘോഷം

പടിമരുത്: സെന്‍റ് സെബാസ്റ്റ്യൻസ് പള്ളിയിൽ വിശുദ്ധ സെബസ്ത്യാനോസിന്‍റെയും പരിശുദ്ധ കന്യകാമറിയത്തിന്‍റെയും നവനാൾ പ്രാർഥനയ്ക്കും തിരുനാളിനും വികാരി ഫാ. ജോൺസൺ വേങ്ങപറമ്പിൽ കൊടിയേറ്റി. ഇന്നലെ നടന്ന തിരുക്കർമങ്ങൾക്ക് ഫാ. സുനിൽ കായംകാട്ടിൽ നേതൃത്വം നൽകി.

ഇന്നു രാവിലെ 10 ന് നടക്കുന്ന തിരുക്കർമങ്ങൾക്ക് വികാരി ജനറാൾ മോൺ. മാത്യു ഇളംതുരുത്തിപടവിൽ കാർമികത്വം വഹിക്കും. നാളെ മുതൽ 23 വരെ തീയതികളിൽ വൈകുന്നേരം 4.30 ന് നടക്കുന്ന തിരുക്കർമങ്ങൾക്ക് ഫാ. ജോസഫ് പൂവത്തോലിൽ, ഫാ. സണ്ണി ഉപ്പൻ, ഫാ. ബിജു മാളിയേക്കൽ, ഫാ. നോബിൾ പന്തലാടിക്കൽ, ഫാ. ബിജു മുട്ടത്തുകുന്നേൽ എന്നിവർ കാർമികത്വം വഹിക്കും. 24 ന് വൈകുന്നേരം 4.30 ന് ആർച്ച്ബിഷപ് എമരിറ്റസ് മാർ ജോർജ് ഞറളക്കാട്ടിന്‍റെ കാർമികത്വത്തിൽ തിരുക്കർമങ്ങൾ. തുടർന്ന് വർണ ശബളമായ പ്രദക്ഷിണം. 25ന് രാവിലെ 10ന് ആർച്ച്ബിഷപ് മാർ ജോസഫ് പാംപ്ലാനിയുടെ നേതൃത്വത്തിൽ ആഘോഷമായ തിരുനാൾ കുർബാന, വചന സന്ദേശം. തുടർന്ന് ലദീഞ്ഞ്, സമാപനാശീർവാദം, സ്നേഹവിരുന്ന്.

District News

ദേവാലയങ്ങളിൽ തിരുനാൾ

ആളൂർ സെന്‍റ് സെബാസ്റ്റ്യൻസ്

മറ്റം: ആളൂർ സെന്‍റ് സെബാസ്റ്റ്യൻസ് പള്ളിയിലെ വിശുദ്ധ സെബസ്ത്യാനോസിന്‍റെയും വിശുദ്ധ യൗസേപ്പ് പിതാവിന്‍റെയും വിശുദ്ധ അന്തോണീസിന്‍റെയും സംയുക്ത തിരുനാളിനു കൊടിയേറി. പാലക്കാട് രൂപത വികാരി ജനറാൾ ഫാ. ജിജോ ചാലക്കൽ കൊടിയേറ്റം നിർവഹിച്ചു. 24, 25 തിയതികളിലാണ് തിരുനാൾ.
24 ന് രാവിലെ 6.15 ന് വിശുദ്ധ കുർബാന, ലദീഞ്ഞ്, നൊവേന, രൂപം എഴുന്നള്ളിച്ചുവയ്ക്കൽ. തുടർന്ന് വീടുകളിലേക്ക് അന്പ് എഴുന്നള്ളിപ്പ്. രാത്രി 11 ന് കുടുംബക്കൂട്ടായ്മകളിൽനിന്നുള്ള അന്പ് എഴുന്നള്ളിപ്പ് സമാപനം. 25 ന് രാവിലെ ആറിന് വിശുദ്ധ കുർബാന, രാവിലെ 10.30 ന് ആഘോഷമായ തിരുനാൾ പാട്ടുകുർബാന, ഉച്ചതിരിഞ്ഞ് അഞ്ചിന് വിശുദ്ധ കുർബാന തുടർന്ന് പ്രദക്ഷിണം.
തിരുനാളാഘോഷങ്ങൾക്ക് ഇടവക വികാരി ഫാ. ജാക്സൻ ചാലക്കൽ, ജനറൽ കണ്‍വീനർ റാഫേൽ തട്ടിൽ, ജോയിന്‍റ് കണ്‍വീനർ ജോബി പാലയൂർ, ട്രസ്റ്റിമാരായ സേവി പുലിക്കോട്ടിൽ, ജീസൻ ചാലക്കൽ, സിംസൻ കൂത്തൂർ എന്നിവർ നേതൃത്വം നൽകും.

പഴുവിൽ സെന്‍റ് ആന്‍റണീസ്

പഴുവിൽ: സെന്‍റ് ആന്‍റണീസ് ഫൊറോന ദേവാലയത്തിൽ പരിശുദ്ധ കന്യകാമറിയത്തിന്‍റെയും വിശുദ്ധ സെബസ്ത്യാനോസിന്‍റെയും വിശുദ്ധ അന്തോണീസിന്‍റെയും സംയുക്ത തിരുനാളിനു തുടക്കമായി. ഇതോടനുബന്ധിച്ച് വൈകീട്ട് നടന്ന വിശുദ്ധ കുർബാനയ്ക്കുശേഷം, പ്രസുദേന്തി വാഴ്ച, കൂട് തുറക്കൽ ശുശ്രൂഷ എന്നിവ നടന്നു.

പഴുവിൽ സെന്‍റ്് ആന്‍റണീസ് ഫോറോന വികാരി റവ. ഡോ. വിൻസെന്‍റ് ചെറുവത്തൂർ, അസി. വികാരി ഫാ. ഡേവിസ് പുലിക്കോട്ടിൽ, ട്രസ്റ്റിമാരായ സുനിൽ കുറ്റിക്കാടൻ, മാത്യു ഇരിമ്പൻ, ജെയിംസ് തട്ടിൽ, ആന്‍റോ ചാലിശേരി, തിരുനാൾ ജനറൽ കൺവീനർ ബാബു ജോർജ് വടക്കൻ, വിവിധ കമ്മറ്റി അംഗങ്ങൾ എന്നിവർ പരിപാടികൾക്കു നേതൃത്വം നൽകി.

തിരുനാൾ ദിനമായ ഇന്ന് രാവിലെ ആറിനും 8.30 നും വിശുദ്ധ കുർബാന. 10.30 നുള്ള ആഘോഷമായ തിരുനാൾ പാട്ടുകുർബാനയ്ക്ക് ഫാ. ജോബ് വടക്കൻ മുഖ്യകാർമികനനാകും. ഫാ. അലക്സ് മരോട്ടിക്കൽ തിരുനാൾ സന്ദേശം നൽകും. ഫാ. ഡേവിസ് പുലിക്കോട്ടിൽ സഹകാർമികനാകും. വൈകീട്ട് നാലിന് വിശുദ്ധ കുർബാന. തുടർന്ന് തിരുനാൾ പ്രദക്ഷിണം. എട്ടാമിടം 25ന്.

ചേർപ്പ് സെന്‍റ് ആന്‍റണീസ്

ചേർപ്പ്: സെന്‍റ്് ആന്‍റണീസ് പള്ളിയിലെ വിശുദ്ധ അന്തോണീസിന്‍റെയും വിശുദ്ധ സെബസ്ത്യാനോസിന്‍റെയും സംയുക്ത തിരുനാൾ ഇന്നു മുതൽ 22 വരെ ആഘോഷിക്കും. ഇന്നു രാവിലെ 6.30നും വൈകീട്ടും ലദീഞ്ഞ്, നൊവേന, വിശുദ്ധ കുർബാന, രാത്രി 7.30 ന് ദീപാലങ്കാര സ്വിച്ചോൺ വികാരി ജനറാൾ ഫാ. ജെയ്സൻ കൂനംപ്ലാക്കൽ നിർവഹിക്കും.

നാളെ രാവിലെ 6.30 ന് ലദീഞ്ഞ്, നൊവേന, കുർബാന, അമ്പ്, വള എഴുന്നള്ളിപ്പ്, 5.30ന് രൂപം എഴുന്നള്ളിപ്പ്. രാത്രി 11ന് അമ്പ്, വള സമാപനം. 20ന് രാവിലെ 6.30ന് വിശുദ്ധ കുർബാന,10ന് തിരുനാൾ പാട്ടുകുർബാന, വൈകിട്ട് 3.30ന് കുർബാന, തിരുനാൾ പ്രദക്ഷിണം, ഏഴിന് ആകാശ വിസ്മയം.

21ന് വൈകീട്ട് അഞ്ചിന് കുർബാന, ആറിന് ഇടവക ദിനം ചേർപ്പ് പഞ്ചായത്ത് പ്രസിഡന്‍റ് സിജോ ജോർജ് ഉദ്ഘാടനംചെയ്യും, ജീവകാരുണ്യ ഫണ്ട് കൈമാറൽ, വിവിധ യൂണിറ്റുകളുടെ കലാപരിപാടികൾ. 22 ന് വൈകീട്ട് ആറിന് കുർബാന, ഗാനമേള.

വാർത്താസമ്മേളനത്തിൽ പള്ളി വികാരി ഫാ. സെബാസ്റ്റ്യൻ വെട്ടത്ത്, കൈക്കാരന്മാരായ കെ.ഡി. ജോമി , മാർട്ടിൻ ഇ. ജോസ്, ജനറൽ കൺവീനർ ജോജോ ഇഞ്ചോടിക്കാരൻ, പബ്ലിസിറ്റി കൺവീനർ കെ.എൽ. ആന്‍റണി എന്നിവർ പങ്കെടുത്തു.

NRI

കുവൈറ്റിലെ ഔവർ ലേഡി ഓഫ് അറേബ്യ പള്ളി വെള്ളിയാഴ്ച മൈനർ ബസിലിക്കയായി ഉയർത്തും

കുവൈറ്റ് സിറ്റി: കുവൈറ്റിലെ അഹ്‌മദിയിലുള്ള ഔവർ ലേഡി ഓഫ് അറേബ്യ പള്ളി വെള്ളിയാഴ്ച മൈനർ ബസിലിക്കയായി ഉയർത്തും. പ്രാദേശികസമയം രാവിലെ പത്തിനു നടക്കുന്ന തിരുക്കർമങ്ങളുടെ മധ്യേ വത്തിക്കാൻ സ്റ്റേറ്റ് സെക്രട്ടറി കർദിനാൾ പിയെത്രോ പരോളിൻ പ്രഖ്യാപനം നടത്തും. തുടർന്ന് ആഘോഷമായ വിശുദ്ധ കുർബാനയും ഉണ്ടായിരിക്കും.

ചടങ്ങിൽ പങ്കെടുക്കുന്നതിനായി കർദിനാൾ പിയെത്രോ പരോളിൻ ഇന്നലെ കുവൈറ്റിലെത്തി. ത്രിദിനസന്ദർശനത്തിനിടെ കുവൈറ്റ് ഭരണാധികാരികളുമായും പ്രാദേശിക സഭാസമൂഹവുമായും അദ്ദേഹം കൂടിക്കാഴ്ച നടത്തും. കുവൈറ്റ് സിറ്റിയിലെ ഹോളി ഫാമിലി കോ-കത്തീഡ്രലിലാണ് കത്തോലിക്കാസമൂഹവുമായി കൂടിക്കാഴ്ച നടത്തുക.

ബഹറിൻ, കുവൈറ്റ്, ഖത്തർ, സൗദി അറേബ്യ എന്നീ രാജ്യങ്ങൾ ഉൾപ്പെടുന്നതാണ് നോർത്തേൺ അറേബ്യ വികാരിയത്ത്. ബിഷപ് ആൽദോ ബെറാർഡി ഒഎസ്‌എസ്‌ടിയാണ് ഇപ്പോഴത്തെ അപ്പസ്തോലിക് വികാരി.

1948 ഡിസംബർ എട്ടിന് പരിശുദ്ധ കന്യാമറിയത്തിന്‍റെ നാമധേയത്തിൽ ചെറിയ ചാപ്പലായാണ് ഔർ ലേഡി ഓഫ് അറേബ്യ പള്ളിയുടെ ഉത്ഭവം. കർമലീത്താ വൈദികരുടെ നേതൃത്വത്തിലാണ് ഇതു നിർമിച്ചത്. വർധിച്ചുവരുന്ന പ്രവാസി കത്തോലിക്കരുടെ ആത്മീയ ആവശ്യങ്ങൾ നിറവേറ്റുന്നതിനായി 1957ൽ കുവൈറ്റ് ഓയിൽ കമ്പനിയാണ് ഇപ്പോഴത്തെ പള്ളി നിർമിച്ചത്.

അറേബ്യൻ ഉപദ്വീപിലെ രണ്ട് അപ്പസ്തോലിക് വികാരിയത്തുകളെയും ഉൾപ്പെടുത്തി ഔർ ലേഡി ഓഫ് അറേബ്യയെ പിന്നീട് ഗൾഫിന്‍റെ പ്രധാന പള്ളിയായി പ്രഖ്യാപിച്ചു. പതിറ്റാണ്ടുകളായി കുവൈറ്റിലും ഗൾഫിലുടനീളവുമുള്ള കത്തോലിക്കർക്ക് ഈ പള്ളി ഒരു ആത്മീയഭവനമായും ഐക്യത്തിന്‍റെ പ്രതീകമായും മാറി.

1949ൽ പന്ത്രണ്ടാം പീയൂസ് മാർപാപ്പ ആശീർവദിച്ച കർമലമാതാവിന്‍റെ തിരുസ്വരൂപമാണ് ഇവിടെ പ്രതിഷ്ഠിച്ചിരിക്കുന്നത്.

International

കുവൈറ്റിലെ ഔവർ ലേഡി ഓഫ് അറേബ്യ പള്ളി നാളെ മൈനർ ബസിലിക്കയായി ഉയർത്തും

കുവൈറ്റ്: കുവൈറ്റിലെ അഹ്‌മദിയിലുള്ള ഔവർ ലേഡി ഓഫ് അറേബ്യ പള്ളി നാളെ മൈനർ ബസിലിക്കയായി ഉയർത്തും. പ്രാദേശികസമയം രാവിലെ പത്തിനു നടക്കുന്ന തിരുക്കർമങ്ങളുടെ മധ്യേ വത്തിക്കാൻ സ്റ്റേറ്റ് സെക്രട്ടറി കർദിനാൾ പിയെത്രോ പരോളിൻ പ്രഖ്യാപനം നടത്തും. തുടർന്ന് ആഘോഷമായ വിശുദ്ധ കുർബാനയും ഉണ്ടായിരിക്കും.

അറേബ്യൻ ഉപദ്വീപിൽ ഇതാദ്യമായാണ് ഒരു പള്ളിക്ക് മൈനർ ബസിലിക്ക പദവി ലഭിക്കുന്നത്. ചരിത്രപരവും ആധ്യാത്മികപരവും അജപാലനപരവുമായ പ്രത്യേകതകൾ പരിഗണിച്ച് കഴിഞ്ഞ വർഷം ജൂൺ 28നാണ് ലെയോ പതിനാലാമൻ മാർപാപ്പ പള്ളിയെ മൈനർ ബസിലിക്കയായി പ്രഖ്യാപിക്കാൻ തീരുമാനിച്ചത്. ബഹറിൻ, കുവൈറ്റ്, ഖത്തർ, സൗദി അറേബ്യ എന്നീ രാജ്യങ്ങൾ ഉൾപ്പെടുന്നതാണ് നോർത്തേൺ അറേബ്യ വികാരിയത്ത്. ബിഷപ് ആൽദോ ബെറാർഡി ഒഎസ്‌എസ്‌ടിയാണ് ഇപ്പോഴത്തെ അപ്പസ്തോലിക് വികാരി.

District News

കല്ലേറ്റുംകര പള്ളിനട മേൽപ്പാലം: നിര്‌മാണത്തിനു നടപടികളായി

കല്ലേറ്റുംകര: കല്ലേറ്റുംകര - പാറേക്കാട്ടുകര പിഡബ്ല്യുഡി റോഡിലെ മേൽപ്പാല നിർമാണത്തിന്‍റെ നടപടികൾ പൂർത്തിയാകുന്നു. ഇതുസംബന്ധിച്ച് ജില്ല കളക്ടറുടെ നിർദേശപ്രകാരം ഇരിങ്ങാലക്കുട ആർഡിഒ പി. ഷിബുവിന്‍റെ അധ്യക്ഷതയിൽ ജനപ്രതിനിധികളുടെയും ഉദ്യോഗസ്ഥരുടെയും യോഗം ചേർന്നു.

മേൽപ്പാലനിർമാണം ആരംഭിക്കുമ്പോൾ നിലവിലെ ഗേറ്റ് അടയ്ക്കുന്നതിനും ഗതാഗതത്തിന് ബദൽസംവിധാനം ഏർപ്പെടുത്താനും യോഗത്തിൽ ധാരണയായി. വലിയ വാഹനങ്ങൾ കൊടകര - കൊപ്രക്കളം വഴിയും വല്ലക്കുന്ന് മുരിയാട് വഴിയും പോകണം. മറ്റു വാഹനങ്ങൾ കല്ലേറ്റുംകര ബൈപാസ് വഴിയും തിരിച്ചുവിടും.
മേൽപ്പാലത്തിന്‍റെ നിർമ്മാണച്ചുമതല കേരള റെയിൽ ഡെവലപ്മെന്‍റ് കോർപറേഷനാണ്. നിലവിലെ റോഡിന്‍റെ സ്ഥലത്തിനുപുറമെ സമീപത്തുള്ളവരിൽനിന്ന് വാങ്ങിയ ഭൂമിക്ക് 3 .12 കോടി രൂപ സംസ്ഥാന സർക്കാരാണ് നൽകിയത്. ഫെബ്രുവരി ആദ്യവാരം പ്രവർത്തനങ്ങൾ ആരംഭിക്കും.

ആലോചനായോഗത്തിൽ ആളൂർ ഗ്രാമപഞ്ചായത്ത് പ്രസിഡന്‍റ് റോസ്‌ലി ഫ്രാൻസിസ്, വൈസ് പ്രസിഡന്‍റ് പി.സി. ഷണ്‍മുഖൻ, കേരള ഫീഡ്സ് ചെയർമാൻ കെ. ശ്രീകുമാർ, കേരള റെ യിൽ ഡവലപ്മെന്‍റ്് കോർപറേഷൻ എൻജിനീയർ മിഥുൻ ജോസഫ്, കല്ലേറ്റുംകര ഉണ്ണിമിശിഹ പള്ളി ട്രസ്റ്റി ജോബി തണ്ട്യേക്കൽ, ബിവിഎം ഹൈസ്കൂൾ ഫസ്റ്റ് അസിസ്റ്റന്‍റ് ജിജി തോമസ്, ആളൂർ ഗ്രാമപഞ്ചായത്ത് വികസന ആക്‌ഷൻ കമ്മിറ്റി കണ്‍വീനർ ഡേവിസ് തുളുവത്ത് തുടങ്ങിയവർ പങ്കെടുത്തു.

മേൽപ്പാലനിർമാണത്തിനു നടപടികൾ ആരംഭിച്ചതോടെ സഫലമായത് ആളൂർ ഗ്രാമപഞ്ചായത്ത് വികസന ആക്‌ഷൻകമ്മിറ്റിയുടെ 13 വർഷത്തെ പ്രവർത്തനമാണ്. 2012ൽ ആളൂർ ഗ്രാമപഞ്ചായത്ത് വികസന ആക്‌ഷൻ കമ്മിറ്റി കണ്‍വീനർ ഡേവിസ് തുളുവത്തിന്‍റെ നേതൃത്വത്തിൽ പതിനായിരത്തിയൊന്നുപേർ ഒപ്പിട്ട ഭീമഹർജി അന്നത്തെ മുഖ്യമന്ത്രി ഉമ്മൻ ചാണ്ടിക്കു നൽകിയിരുന്നു.

District News

ചൊവ്വന്നൂർ സെന്‍റ്് തോമസ് പള്ളിയിൽ തിരുനാളിനു കൊടിയേറി

കുന്നംകുളം: വിശുദ്ധ സെബസ്ത്യാനോസിന്‍റെയും വിശുദ്ധ റപ്പായേൽ മാലാഖയുടെയും സംയുക്ത തിരുനാളിന്‍റെ കൊടിയേറ്റം നവ വൈദികൻ ഫാ. ഏക്റ്റൻ പെല്ലിശേരി നിർവഹിച്ചു.

രാവിലെ നടന്ന വിശുദ്ധ കുർബാന, ലദീഞ്ഞ്, നൊവേന എന്നിവയ്ക്കുശേഷമാണ് കൊടിയേറ്റം നടന്നത്. വികാരി ഫാ. തോമസ് ചുണ്ടൽ സഹകാർമികനായി.
17, 18, 19, 20 തീയതികളിലാണ് തിരുനാൾ ആഘോഷം. കൈക്കാരന്മാരായ ജോസ് താണിക്കൽ, ജോജി പേരാമംഗലത്ത്, ടാബു ചെറുവത്തൂർ പ്രതിനിധി സെക്രട്ടറി എം. ജെ. ജോഫി, ജനറൽ കൺവീനർ എം.ജി. ഡോണി, ജോയിന്‍റ് കൺവീനർ വി.എ. ജോസഫ് തുടങ്ങിയവർ നേതൃത്വം നൽകി.

District News

സീറോമലബാർ സഭാ സമുദായ ശക്തീകരണ വര്‍ഷം:വിളംബരദീപം തെളിച്ചു

ചങ്ങനാശേരി: കുറുമ്പനാടം ഫൊറോന പള്ളിയില്‍ 18ന് മാര്‍ ജോസഫ് പൗവ്വത്തില്‍ നഗറില്‍ നടക്കുന്ന സീറോമലബാര്‍ സഭ സമുദായ ശക്തീകരണ വര്‍ഷത്തിന്‍റെ ചങ്ങനാശേരി അതിരൂപതതല ഉദ്ഘാടനത്തിന് മുന്നോടിയായി നടന്ന വിളംബരദിനം ഫൊറോന വികാരി റവ. ഡോ. ചെറിയാന്‍ കറുകപ്പറമ്പില്‍ വിളംബര ദീപം തെളിച്ച് ഉദ്ഘാടനം ചെയ്തു.

സമുദായ ശക്തീകരണ വര്‍ഷം അതിരൂപത കോ- ഓർഡിനേറ്റര്‍ റവ.ഡോ. സാവിയോ മാനാട്ട് അധ്യക്ഷത വഹിച്ചു. ജനറല്‍ കണ്‍വീനര്‍ ബിജു സെബാസ്റ്റ്യന്‍ സന്ദേശം നല്‍കി. ഫാ. ജയിംസ് അത്തിക്കളം, വിവിധ കമ്മിറ്റികളുടെ കണ്‍വീനര്‍മാരായ ഡോ. ജാന്‍സന്‍ ജോസഫ്, ബിനു ഡൊമിനിക് നടുവിലേഴം, ഡെന്നീസ് ജോസഫ്, ബിനു കുര്യാക്കോസ്, ഡോ. സിജോ ജേക്കബ്, ജോയല്‍ ജോണ്‍ റോയി, റിന്‍സ് വര്‍ഗീസ്, ജോര്‍ജ്കുട്ടി മുക്കത്ത്, ജസ്റ്റിന്‍ പാറുകണ്ണില്‍, അമല തൂമ്പുങ്കല്‍, മാത്തുക്കുട്ടി മറ്റത്തില്‍, ജോയിച്ചന്‍ മറ്റത്തില്‍ എന്നിവര്‍ പ്രസംഗിച്ചു

District News

മാലാപറന്പ് സെന്‍റ് ജോസഫ്സ് ദേവാലയ തിരുനാൾ

മാലാപറന്പ്: മാലാപറന്പ് സെന്‍റ് ജോസഫ്സ് ദേവാലയത്തിൽ വിശുദ്ധ യൗസേപ്പിതാവിന്‍റെയും പരിശുദ്ധ കന്യാമറിയത്തിന്‍റെയും വിശുദ്ധ സെബസ്റ്റ്യാനോസിന്‍റെയും സംയുക്ത തിരുനാൾ കഴിഞ്ഞ രണ്ടുദിവസങ്ങളിലായി ആഘോഷിച്ചു.

വികാരി ഫാ. ജോസഫ് മുകളേപ്പറന്പിൽ തിരുനാളിന് കൊടിയുയർത്തി. മലപ്പുറം ഫൊറോന വികാരി ഫാ. ബിജു ചെന്നിക്കര ദിവ്യബലിയർപ്പിച്ച് വചന സന്ദേശം നൽകി.

തുടർന്ന് സെമിത്തേരി സന്ദർശനവും മരിച്ചവർക്കായി പ്രാർഥനയും നടത്തി. ഞായറാഴ്ച രാവിലെ ഇടവക അംഗവും എംഎസ്ടി സഭാ വൈദികനുമായ ഫാ. ജോസുകുട്ടി കാലായിൽ ദിവ്യബലിയർപ്പിച്ചു.

തുടർന്ന് പൗരോഹിത്യ രജതജൂബിലി ആഘോഷിക്കുന്ന ബിജു ചെന്നിക്കരയച്ചനും കാലായിൽ ജോസുകുട്ടിയച്ചനും മാലാപറന്പ് ഇടവക ഉൗഷ്മള സ്വീകരണം നൽകി. പരിയാപുരം ഫൊറോന വികാരി ഫാ. ജോർജ് കളപ്പുരയ്ക്കൽ അധ്യക്ഷത വഹിച്ചു. ഫാ. ജോമോൻ ഐയ്യംകനാൽ, ജിമ്മി തെക്കേകടുമം, ഇടവക പ്രതിനിധി ജോയി കൊച്ചീത്ര, അസിസി കോണ്‍വെന്‍റ് മദർ സിസ്റ്റർ ജോസ്‌ലിൻ, സെന്‍റ് തോമസ് മദർ സിസ്റ്റർ പ്രേമ എന്നിവർ പ്രസംഗിച്ചു. വികാരി ഫാ. ജോസഫ് മുകളേപ്പറന്പിൽ സ്വാഗതം പറഞ്ഞു.

ഇടവകയുടെ ഉപഹാരം രണ്ടു വൈദികർക്കും കൈക്കാരൻമാരും പാരീഷ് സെക്രട്ടറി, ജനറൽ കണ്‍വീനർ എന്നിവർ ചേർന്ന് നൽകി. സണ്‍ഡേ സ്കൂൾ വിദ്യാർഥികളുടെ കലാപരിപാടികൾക്ക് ശേഷം കാലായിൽ കുടുംബത്തിന്‍റെ സ്നേഹവിരുന്നോടെ തിരുനാൾ സമാപിച്ചു.

പരിപാടികൾക്ക് ജോമോൻ വേടംപറന്പിൽ, ജോയി കൊച്ചീത്ര, ഷാജി പൂവ്വത്തിങ്കൽ, സോജി കുന്പുളുവേലി, സെക്രട്ടറി സേവ്യർ കുരിശുംമൂട്ടിൽ, ജോർജ് ചിറത്തലയാട്ട്, ജനറൽ കണ്‍വീനർ ബെന്നി കരിയംപള്ളി എന്നിവർ നേതൃത്വം നൽകി.

District News

തെക്കേക്കര ഈസ്റ്റ് സെന്‍റ് സെബാസ്റ്റ്യൻസ് പള്ളിയിൽ തിരുനാൾ ഇന്നുമുതൽ

ചമ്പക്കുളം: തെക്കേക്കര ഈസ്റ്റ് സെന്‍റ് സെബാസ്റ്റ്യൻസ് പള്ളിയിൽ മാർ സെബസ്ത്യാനോസ് സഹദായുടെ തിരുനാൾ ഇന്നു മുതൽ 18 വരെ. കുടുംബദിനമായ ഇന്ന് വൈകുന്നേരം 5 ന് പരിശുദ്ധ കുർബാന ഫാ വർഗീസ് താനമാവുങ്കൽ, തുടർന്ന് കുടുംബ സംഗമം. തിങ്കൾ, ചൊവ്വാ, ബുധൻ, ദിവസങ്ങളിൽ വൈകുന്നേരം 4.30ന് ജപമാല, 5ന് മദ്ധ്യസ്ഥ പ്രാർത്ഥന, പരിശുദ്ധ കുർബാന.15വ്യാഴം രാവിലെ 6.10ന് സപ്രാ, മദ്ധ്യസ്ഥ പ്രാർത്ഥന, 6.30 പരിശുദ്ധ കുർബാന, സന്ദേശം, ഫാ ഐസക് ആലഞ്ചേരി 7.30 മുതൽ കഴുന്ന് പ്രദക്ഷിണം ഭവനങ്ങളിലേക്ക്.

16 വെള്ളി വൈകുന്നേരം 4.30 ജപമാല 5 ന് കൊടിയേറ്റ് ഫാ ജോജോ പുതുവേലിൽ (വികാരി). മദ്ധ്യസ്ഥപ്രാർത്ഥന പരിശുദ്ധ കുർബാന, ഫാ. ക്രിസ്റ്റി കുട്ടുമ്മേൽ. സെമിത്തേരി സന്ദർശനം17ശനി വൈകുന്നേരം 4.30 ന് ജപമാല, പ്രസുദേന്തി വാഴ്ച, മദ്ധ്യസ്ഥ പ്രാർത്ഥന, 5ന് പരിശുദ്ധ കുർബാന, സന്ദേശം ഫാ മെൽബിൻ കഴുന്നുകണ്ടത്തിൽ, കുരിശടിയിലേയ്ക്ക് പ്രദക്ഷിണം. ലദീഞ്ഞ്, പ്രസംഗം, ഫാ റ്റോബി പുളിക്കാശേരി.

18 തിരുനാൾ ദിനം 9.45 ന് സപ്രാ, 10 ന് ആഘോഷമായ പരിശുദ്ധ കുർബാന, സന്ദേശം ഫാ ജോജോ പള്ളിച്ചിറ ,പള്ളി ചുറ്റി പ്രദക്ഷിണം.അൻപത്തി അഞ്ച് പ്രസുദേന്തിമാർ ഒന്ന് ചേർന്ന് നടത്തുന്ന ഇടവക തിരുനാളിന്‍റെ നടത്തിപ്പിന് വികാരി ഫാ ജോജോ പുതുവേലിൽ കൈക്കാരൻമാരായ പി റ്റി ജോൺ പെരുമ്പള്ളിൽ, ജോബ് ആൻറണി മുപ്പത്തഞ്ചിൽചിറ എന്നിവരുടെ നേതൃത്വത്തിൽ വിപുലമായ ഒരുക്കങ്ങൾ നടത്തി വരുന്നു.

Kerala

അർത്തുങ്കൽ തിരുനാൾ: സുരക്ഷയ്ക്ക് മഫ്തി പോലീസിനെ വിന്യസിക്കും

ആലപ്പുഴ: അർത്തുങ്കൽ സെന്‍റ് ആൻഡ്രൂസ് ബസിലിക്കയിലെ തിരുനാളിനോടനുബന്ധിച്ച് കൂടുതൽ സൗകര്യങ്ങളൊരുക്കാൻ എഡിഎം ആശാ സി. ഏബ്രഹാമിന്‍റെ അധ്യക്ഷതയിൽ കൂടിയ അവലോകന യോഗത്തിൽ തീരുമാനം.

ജനുവരി 10 മുതൽ 27 വരെയാണ് തിരുനാൾ. ഈ ദിവസങ്ങളിൽ ബീച്ചിലും പരിസരങ്ങളിലും സുരക്ഷയ്ക്കായി മഫ്തി പോലീസിനെ വിന്യസിക്കാനും വ്യാപാരികൾക്കായി പ്രത്യേക നിബന്ധനകൾ ഏർപ്പെടുത്താനും ഉദ്യോഗസ്ഥർക്ക് എഡിഎം നിർദ്ദേശം നൽകി.

തിരക്ക് നിയന്ത്രിക്കുന്നതിന് ചേർത്തലയിൽ നിന്നും വരുന്ന വാഹനങ്ങൾ പിഎച്ച്സിയുടെ മുന്നിലുള്ള മൈതാനത്തും ആലപ്പുഴയിൽ നിന്നു വരുന്ന വാഹനങ്ങൾ സെന്‍റ് ജോർജ് പള്ളി മൈതാനത്തും പാർക്ക് ചെയ്യാൻ സൗകര്യമൊരുക്കും. തീർഥാടകരുടെ ആരോഗ്യസുരക്ഷ കണക്കിലെടുത്ത് ആരോഗ്യവകുപ്പിന്‍റെ നേതൃത്വത്തിൽ പ്രതിദിന അണുനശീകരണവും ഫോഗിംഗും നടപ്പാക്കും.

പ്രധാന തിരുനാൾ ദിനങ്ങളായ ജനുവരി ഒമ്പത്, 17, 18, 19, 20, 27 എന്നീ ദിവസങ്ങളിൽ റവന്യൂ, പോലീസ്, എക്സൈസ്, ഹെൽത്ത്, കെഎസ്ആർടിസി, ഇലക്ട്രിക്കൽ ഇൻസ്‌പെക്ടറേറ്റ്, ഫയർ ഫോഴ്സ്, ലൈഫ് ഗാർഡ് എന്നിവ ഉൾപ്പെടുത്തി രൂപീകരിച്ച ഏകോപന സമിതി യോഗം ചേർന്ന് സ്ഥിതിഗതികൾ വിലയിരുത്താനും തീരുമാനിച്ചു.

District News

മീനടം പള്ളിയില്‍ പെരുന്നാള്‍

മീനടം: സെന്‍റ് ജോണ്‍സ് യാക്കോബായ സുറിയാനി പള്ളിയില്‍ വിശുദ്ധ സ്‌നാപക യോഹന്നാന്‍റെ ശിരഛേദനപ്പെരുന്നാളിനും 136-ാമത് ബൈബിള്‍ കണ്‍വന്‍ഷനും തുടക്കമായി. റവ. കുര്യാക്കോസ് റമ്പാന്‍ കൊടിയേറ്റി.
നാളെ രാവിലെ ഏഴിനു വിശുദ്ധ കുര്‍ബാന: റവ. തോമസ് കോര്‍എപ്പിസ്‌കോപ്പ വേങ്കടത്ത്. രണ്ടിനു രാവിലെ 10നു ധ്യാനം. മൂന്നിനു വൈകുന്നേരം ആറിന് നമസ്‌കാരം.

നാലിനു രാവിലെ ഏഴിന് നമസ്‌കാരം, എട്ടിന് വിശുദ്ധ കുര്‍ബാന: റവ. സാബു കോര്‍ എപ്പിസ്‌കോപ്പ ചോറാറ്റില്‍, വൈകുന്നേരം 6.30ന് നമസ്‌കാരം, 7.15ന് ഗാനശുശ്രൂഷ, 7.30ന് പ്രസംഗം: ഫാ. യൂഹാനോന്‍ വേലിക്കകത്ത്.

അഞ്ചിന് വൈകുന്നേരം 6.30ന് നമസ്‌കാരം, 7.15നു ഗാനശുശ്രൂഷ, 7.30ന് പ്രസംഗം: ഫാ. എമിന്‍ വര്‍ഗീസ് പൊന്‍പള്ളി.ആറിനു ദനഹാ പെരുന്നാള്‍. രാവിലെ 6.30ന് നമസ്‌കാരം, ഏഴിന് ദനഹായുടെ ശുശ്രൂഷ: റവ. കുര്യന്‍ കോര്‍ എപ്പിസ്‌കോപ്പ മാലിയില്‍. വൈകുന്നേരം ആറിന് നമസ്‌കാരം, 7.15ന് സെമിത്തേരി പ്രാര്‍ഥന, 7.45നു മര്‍ത്ത്ശ്മൂനി കുരിശുപള്ളിയിലേക്ക് റാസ. 10ന് ചെണ്ടമേളം.

പ്രധാന പെരുന്നാള്‍ ദിനമായ ഏഴിനു രാവിലെ 7.30ന് നമസ്‌കാരം, 8.30ന് വിശുദ്ധ കുര്‍ബാന-മര്‍ക്കോസ് മാര്‍ ക്രിസോസ്റ്റമോസ് മെത്രാപ്പോലീത്ത. ഉച്ചകഴിഞ്ഞ് സെന്‍റ് മേരീസ് കുരിശുപള്ളിയിലേക്ക് പ്രദക്ഷിണം. ആറിന് കൊടിയിറക്ക്.

District News

വല്യയന്തി പള്ളിയിൽ കുടുംബസംഗമം

വല്യയന്തി: സെന്‍റ് തോമസ് മലങ്കര കത്തോലിക്കാ ദേവാലയത്തിന്‍റെ പ്ലാറ്റിനം ജൂബിലിയോടനുബന്ധിച്ചു നടന്ന കുടുംബസംഗമം നഗരസ‌ഭാ കൗൺസിലർ സജി കെ. സൈമൺ ഉദ്ഘാടനം ചെയ്തു.

വികാരി ഫാ. വർഗീസ് വിളയിലിന്‍റെ അധ്യക്ഷതയിൽ കൂടിയ യോഗത്തിൽ പുതുതായി നിർമിച്ച ഭവനത്തിന്‍റെ താക്കോൽദാനം പത്തനംതിട്ട രൂപതാധ്യക്ഷൻ ഡോ. സാമുവേൽ മാർ ഐറേനിയോസ് മെത്രാപ്പോലീത്ത നിർവഹിച്ചു. തദ്ദേശ തെരഞ്ഞെടുപ്പിൽ വിജയിച്ച ജനപ്രതിനിധികളെ ആദരിച്ചു. യോഗത്തിൽ മൈലപ്ര ഗ്രാമപഞ്ചായത്തംഗം ജോൺ എം. സാമുവേൽ, ഇടവക ട്രസ്റ്റി ജോർജ് തോമസ് മേക്കാലായിൽ, സെക്രട്ടറി കെ. സി. മാത്യു, ജോയിന്‍റ് സെക്രട്ടറി സജിൻ ജോൺ വർഗീസ്, സുനിൽ മാത്യു കൊരട്ടിക്കൽ, സിസ്റ്റർ ഡോണ മരിയ എസ് സിവി, ഷിനു സി. റ്റോം എന്നിവർ പ്രസംഗിച്ചു. മില്ലേനിയം ബീറ്റ്സിന്‍റെ ഗാനമേളയും നടത്തി.

National

ക്രിസ്മസ് ദിനത്തിൽ ഡൽഹിയിലെ ദേവാലയത്തിലെത്തി പ്രധാനമന്ത്രി; പ്രാർഥനാ ചടങ്ങുകളിൽ പങ്കെടുത്തു

ന്യൂഡൽഹി: ക്രിസ്മസ് ദിനത്തിൽ ഡൽഹിയിലെ ക്രൈസ്തവ ദേവാലയത്തിലെത്തി പ്രധാനമന്ത്രി നരേന്ദ്ര മോദി. ചർച്ച് ഓഫ് നോർത്ത് ഇന്ത്യയുടെ ആസ്ഥാനമായ കത്തീഡ്രൽ ചർച്ച് ഓഫ് റിഡംപ്ഷനിലെ ക്രിസ്മസ് ചടങ്ങുകളിലാണ് പ്രധാനമന്ത്രി പങ്കെടുത്തത്.

ബിഷപ്പ് പോൾ സ്വരൂപ് മോദിക്ക് വേദ പുസ്തകം സമ്മാനിച്ചു. തുടർന്ന് രാജ്യത്തിനും പ്രധാനമന്ത്രിക്കും വേണ്ടി പ്രത്യേക പ്രാർഥനയും നടത്തി.

സ്നേഹം, സമാധാനം, കാരുണ്യം എന്നിവയുടെ കാലാതീതമായ സന്ദേശം പ്രതിഫലിപ്പിച്ചാണ് ഈ ശുശ്രൂഷ നടത്തിയതെന്നും ക്രിസ്മസിന്‍റെ ആത്മാവ് നമ്മുടെ സമൂഹത്തിൽ ഐക്യവും സത്‌സ്വഭാവവും പ്രചോദിപ്പിക്കട്ടെയെന്നും പ്രധാനമന്ത്രി എക്സിൽ കുറിച്ചു.

രാജ്യത്ത് പലയിടങ്ങളിലും ക്രിസ്മസ് കാരൾ സംഘങ്ങൾക്കും വിശ്വാസികൾക്കും നേരെ അക്രമസംഭവങ്ങൾ റിപ്പോർട്ട് ചെയ്ത സാഹചര്യത്തിൽ കൂടിയാണ് പ്രധാനമന്ത്രിയുടെ ദേവാലയസന്ദർശനമെന്നതും ശ്രദ്ധേയമാണ്.

District News

അതിരമ്പുഴ പള്ളിയിൽ ഭീമൻ നക്ഷത്രമൊരുക്കി യുവജനങ്ങൾ

അതിരമ്പുഴ: ക്രിസ്മസിനെ വരവേൽക്കാൻ ഭീമൻ നക്ഷത്രമൊരുക്കി അതിരമ്പുഴ സെന്‍റ് മേരീസ് ഫൊറോനാ പള്ളി. യുവദീപ്‌തി-എസ്എംവൈഎമ്മിന്‍റെ നേതൃത്വത്തിലാണ് വലിയപള്ളിയുടെ മണി ഗോപുരത്തിൽ 50 അടി ഉയരം വരുന്ന ക്രിസ്മസ് നക്ഷത്രം ഉയർത്തിയത്.

സ്റ്റീൽ കമ്പിയിൽ ഫ്രെയിം നിർമിച്ച് തുണിചുറ്റി തയ്യാറാക്കിയ ഭീമൻ നക്ഷത്രത്തിന് 1200 കിലോയോളം ഭാരമുണ്ട്. വലിയ ക്രെയിൻ ഉപയോഗിച്ചാണ് നക്ഷത്രം ഉയർത്തിയത്.

വികാരി ഫാ. മാത്യു പടിഞ്ഞാറേക്കുറ്റ്, യുവദീപ്തി ഡയറക്ടർ ഫാ. അലൻ മാലിത്തറ എന്നിവരുടെ നേതൃത്വത്തിലാണ് യുവജനങ്ങൾ നക്ഷത്രമൊരുക്കിയത്.

ഇടവകയിലെ യുവജനങ്ങൾ ഇത് 26-ാമത് വർഷമാണ് ഭീമൻ നക്ഷത്രം സ്ഥാപിക്കുന്നത്. 2000ൽ ആർച്ച്ബിഷപ് മാർ തോമസ് തറയിൽ അതിരമ്പുഴ പള്ളിയിൽ അസിസ്റ്റന്‍റ വികാരിയും യുവദീപ്തി ഡയറക്ടറും ആയിരിക്കുമ്പോഴാണ് യുവദീപ്തിയുടെ നേതൃത്വത്തിൽ യുവജനങ്ങൾ ആദ്യമായി ഭീമൻ നക്ഷത്രം ഉയർത്തിയത്.

Kerala

പുന്നപ്ര ഐഎംഎസ് ധ്യാനഭവന്‍ ഡയറക്ടര്‍ ഫാ. പ്രശാന്ത് അന്തരിച്ചു

ആലപ്പുഴ: പ്രശസ്ത വചന പ്രഘോഷകനും പുന്നപ്ര ഐഎംഎസ് ധ്യാനഭവന്‍ ഡയറക്ടറുമായ ഫാ. പ്രശാന്ത് ഐഎംഎസ് (70) അന്തരിച്ചു. എറണാകുളത്തെ സ്വകാര്യ ആശുപത്രിയിലായിരുന്നു അന്ത്യം. സംസ്കാരം 23ന് വൈകുന്നേരം മൂന്നിന് ഐഎംഎസ് ധ്യാനഭവനിൽ നടക്കും.

ധ്യാനഭവനൊപ്പം പുന്നപ്രയില്‍ 1988, 1999 കളില്‍ സ്ഥാപിച്ച മരിയധാം, മരിയഭവന്‍, മരിയാലയം പള്ളിത്തോട്ടിലെ മരിയ സദന്‍ എന്നീ നാല് അനാഥാലയങ്ങളും മാനസിക പരിമിതിയുള്ളവര്‍ക്കായി അദ്ദേഹത്തിന്‍റെ നേതൃത്വത്തില്‍ തുടങ്ങി. 400 ഓളം മാനസിക പരിമിതിയുള്ളവരെ ഇവിടെ സംരക്ഷിക്കുന്നു.

പള്ളിത്തോട് അറുകുലശേരി വീട്ടില്‍ ഉമ്മച്ചന്‍റെയും എര്‍ണമ്മയുടെയും മകനായി 1955 ഏപ്രില്‍ 11 ജനിച്ച ഫാ. പ്രശാന്ത്, 1981 ഡിസംബര്‍ 28ന് ആലപ്പുഴ രൂപതാധ്യക്ഷന്‍ ഡോ. മൈക്കിള്‍ ആറാട്ടുകുളത്തില്‍ നിന്നാണ് തിരുപ്പട്ടം സ്വീകരിച്ചത്. 1967-ല്‍ യുപി സ്‌കൂള്‍ പഠനത്തിനു ശേഷം ഇന്ത്യന്‍ മിഷണറി സൊസൈറ്റിയിലെ വൈദീക വിദ്യാര്‍ഥിയായി.

1966-ല്‍ ആലപ്പുഴയിലെ പറവൂരില്‍ ഭാരതറാണി പ്രേഷിത്ഭവന്‍ എന്ന പേരിലാണ് ഇന്നത്തെ ഐഎംഎസ് ധ്യാനഭവന്‍ തുടങ്ങുന്നത്. ഇവിടത്തെ അപ്പോസ്‌തോലിക് സ്‌കൂളിലെ രണ്ടാം ബാച്ചുകാരനായി വൈദിക പഠനത്തിലേക്കു പ്രവേശിച്ചു.

ഉത്തര്‍പ്രദേശിലെ വാരണാസിയിലുള്ള ക്രൈസ്റ്റ് നഗറിലെ മൈനര്‍ സെമിനാരിയിലായിരുന്നു വൈദിക പഠനത്തിന്‍റെ തുടക്കം. ഇവിടെ പോസ്റ്റുലന്‍സി പൂര്‍ത്തിയാക്കിയ ശേഷം നൊവിഷ്യേറ്റും, അലഹബാദില്‍ ഫിലോസഫി പഠനവും പൂര്‍ത്തിയാക്കി. 1974 ല്‍ അലഹബാദ് റീജണല്‍ സെമിനാരിയിലായിരുന്നു വ്രതവാഗ്ദാനം.

1975 മുതല്‍ 76 വരെ വാരാണസിയിലെ ക്രൈസ്റ്റ് നഗറില്‍ ഫിലോസഫിയും 1977 മുതല്‍ ഹരിയാനയിലെ കര്‍ണ്ണാക്കിലും മണിപ്പൂരിലെ താന്‍ലോണിലും റിജന്‍സിയും പൂര്‍ത്തിയാക്കി. 1978 മുതല്‍ ബിഹാര്‍ റാഞ്ചിയിലെ സെന്‍റ് ആല്‍ബര്‍ട്‌സ് കോളജില്‍ ദൈവശാസ്ത്രം പഠിച്ചു. 1982 ല്‍ മണിപ്പൂരിലെ പള്ളിയിലായിരുന്നു ആദ്യ നിയമനം.

1982 മുതല്‍ 89 വരെ ആദിവാസികളുടെ ഇടയിലെ പ്രേഷിത പ്രവര്‍ത്തനത്തിനു ശേഷമാണ് ആലപ്പുഴ ഐഎംഎസ് ധ്യാനഭവന്‍റെ സുപ്പീരിയറായി സ്ഥാനമേല്‍ക്കുന്നത്. പിന്നീട് ഡയറക്ടറുമായി. പ്ലാസിഡ് എന്ന പേരാണ് വ്രതവാഗ്ദാന സമയത്ത് ഫാ. പ്രശാന്ത് സ്വീകരിച്ചത്. ഇതിന്‍റെ മലയാള അര്‍ഥമായ "പ്രശാന്തം' എന്നതില്‍ നിന്നാണ് ഫാ. പ്രശാന്ത് എന്ന മലയാളം പേര് സ്വീകരിച്ചത്.

Kerala

കാട്ടാന പള്ളി ആക്രമിച്ചു; വാതിലുകൾ തകർത്ത് അകത്തു കയറി

കൊച്ചി: കാലടി പ്ലാന്‍റേഷനിലെ വെറ്റിലപ്പാറ സെന്‍റ് സെബാസ്റ്റ്യന്‍ പള്ളിക്ക് നേരെ കാട്ടാന ആക്രമണം. പളളിയിലെ വാതിലുകളും ഗ്രില്ലും തകര്‍ത്തു.

പ്ലാന്‍റേഷനിലെ ഒന്നാം ബ്ലോക്കിലെ പള്ളിയില്‍ വെള്ളിയാഴ്ച രാത്രിയോടെയായിരുന്നു സംഭവം. കുട്ടി ആനകളടങ്ങുന്ന കാട്ടാനക്കൂട്ടം പള്ളിക്ക് പിറകിലെ ഗ്രില്ല് തകര്‍ത്ത ശേഷം മൂന്നോളം വാതിലുകള്‍ തകര്‍ത്ത് പള്ളിക്കകത്ത് കടന്ന് നിരവധി ബെഞ്ചും ഡെസ്‌കുകളും നശിപ്പിച്ചു.

സംഭവത്തില്‍ ആളപായമില്ല. വനം വകുപ്പ് ഉദ്യോഗസ്ഥര്‍ സ്ഥലത്തെത്തി പരിശോധന നടത്തി.

District News

യാക്കോബായ സഭ ഭദ്രാസന പ്രാർഥനാസമാജം സില്‍വര്‍ ജൂബിലി സമാപന സമ്മേളനം

കോട്ടയം: യാക്കോബായ സഭ ഭദ്രാസന പ്രാര്‍ഥനാ സമാജം സില്‍വര്‍ ജൂബിലി സമാപന സമ്മേളനവും ധ്യാനസംഗമവും എപ്പിസ്‌കോപ്പല്‍ സുന്നഹദോസ് സെക്രട്ടറി തോമസ് മാര്‍ തിമോത്തിയോസ് ഉദ്ഘാടനം ചെയ്തു. കുര്യാക്കോസ് മാര്‍ ക്ലിമീസ് വചനസന്ദേശം നല്‍കി.

ഭദ്രാസന സെക്രട്ടറി ഫാ. ഷൈജു ജോസ് ചെന്നിക്കര, തോമസ് ഇട്ടി കോര്‍എപ്പിസ്‌കോപ്പ കുന്നത്തൈയ്യേട്ട്, എ. തോമസ് കോര്‍എപ്പിസ്‌കോപ്പ വേങ്കടത്ത്, ഫാ. സാമൂവേല്‍ ടി. വര്‍ഗീസ്, ഫാ. കുര്യന്‍ മാത്യു വടക്കേപ്പറമ്പില്‍ എന്നിവര്‍ പ്രസംഗിച്ചു.

അമ്പതാം വര്‍ഷ പൗരോഹിത്യ ജൂബിലി ആചരിക്കുന്ന തോമസ് മാര്‍ തിമോത്തിയോസ് സ്നേഹ ഉപഹാരം നല്‍കി. കോര്‍എപ്പിസ്‌കോപ്പ സ്ഥാനം ലഭിച്ച വേങ്കടത്ത് തോമസ് കോര്‍എപ്പിസ്‌കോപ്പായെയും പ്രാര്‍ഥനാ സമാജം ഡയറക്ടര്‍ ഫാ. പി.ടി. തോമസ് പള്ളിയമ്പില്‍, 25 വര്‍ഷ ശുശ്രൂഷ ചെയ്ത ഭദ്രാസന അല്‍മായ സുവിശേഷകന്‍ ബ്രദര്‍ സണ്ണി പോട്ടേത്തറ എന്നിവര്‍ക്ക് ഉപഹാരം നല്‍കി ആദരിച്ചു.

ഫാ. കുര്യന്‍ മാത്യു വടക്കേപ്പറമ്പില്‍, ഫാ. ജോര്‍ജ് കരിപ്പാല്‍, ഫാ. എബി ജോണ്‍ കുറിച്ചിമ, ഫാ. സോബിന്‍ ഏലിയാസ് അറയ്ക്കലൊഴത്തില്‍, ഫാ. വിപിന്‍ വെള്ളാപ്പള്ളി, ഫാ. എമില്‍ വര്‍ഗീസ് വേലിക്കകത്ത്, ഫാ. അലക്സ് ഫിലിപ്പ് കടവുംഭാഗം എന്നിവര്‍ പ്രസംഗിച്ചു.

SPACE FOR ADVERTISEMENT

17

E Paper

DeepikaE-Paper

NEWS

SECTIONS

FEATURED

PUBLICATIONS

Important Links

Follow

NEWS

SECTIONS

FEATURED

PUBLICATIONS

Important Links

Follow

Filter By Tag : Church

സ​​​​​​​ഭ​​​​​​​യു​​​​​​​ടെ മി​​​​​​​ഷ​​​​​​​ന​​​​​​​റിദൗ​​​​​​​ത്യം

മു​ണ്ട​ത്താ​നം പ​ള്ളി​യി​ല്‍ തി​രു​ശേ​ഷി​പ്പ് പ്ര​തി​ഷ്ഠ തി​രു​നാ​ളി​ന് തു​ട​ക്ക​മാ​യി

ഡാ​ളസ് സെ​ന്റ് പോ​ൾ​സ് മാ​ർ​ത്തോ​മ ച​ർ​ച്ച് പി​ക്നി​ക് സം​ഘ​ടി​പ്പി​ച്ചു​

വെ​റ്റി​ല​പ്പാ​റ​യി​ൽ പ​ള്ളി​യി​ലേ​ക്ക് ഓ​ടി​ക്ക​യ​റി കാ​ട്ടാ​ന; ബ​ഹ​ളം​വ​ച്ച് ഓടി​​ച്ച് നാട്ടുകാർ

പ​ള്ളി​യി​ൽ ക​ത്തി​യു​മാ​യി ഭീ​ക​രാ​ന്ത​രീ​ക്ഷം സൃ​ഷ്‌​ടി​ച്ച​യാ​ൾ ഫ്രാ​ൻ​സി​ൽ പി​ടി​യി​ൽ

കു​ട​മാ​ളൂർ പള്ളിയിൽ എ​ട്ടു​നോ​മ്പ് തി​രു​നാ​ൾ നാ​ളെ മു​ത​ൽ

സഭയുടെ സംഗീതപാരമ്പര്യം സംരക്ഷിക്കപ്പെടണം: മാർപാപ്പ

പോ​​​​ള​​​​ണ്ടി​​​​ലെ പ​ള്ളി​യി​ൽ തീ​പി​ടി​ത്തം

മാ​ന്ദാ​മം​ഗ​ലം പ​ള്ളി​യി​ലേ​ക്ക് പ​ദ​യാ​ത്ര ഇ​ന്ന്

ചുറ്റു​മു​ള്ള ഭൂ​മി അ​ള​ന്നു, പ​ള്ളി​ക്ക് ന​ല്‍​കി​യ സ്ഥ​ലം അ​ള​ക്കാ​ന്‍ എ​ന്തേ ഇ​ത്ര വി​മു​ഖ​ത?

കോ​ള​ങ്ങാ​യി പ​ള്ളി​യി​ൽ തി​രു​ശേ​ഷി​പ്പ് പ്ര​തി​ഷ്ഠ നാ​ളെ

കണ്ട​ശാം​ക​ട​വ് പ​ള്ളി​യി​ൽ തി​രു​നാ​ൾ

തി​ട​നാ​ട് പ​ള്ളിയി​ൽ തി​രുനാ​ൾ

അയർലൻഡിൽ പള്ളിക്കുള്ളിൽ സ്ത്രീക്ക് കുത്തേറ്റു

പശ്ചിമബംഗാളിൽ നിർമാണത്തിലിരുന്ന പള്ളി തകർത്തു

വാണിയപ്പാറ പള്ളി കല്ലറയിലെ ദുരൂഹത നീങ്ങി; മൂന്നാമതൊരു മൃതദേഹമില്ല

ചെ​റി​യ​നാ​ട് ലൂ​ർ​ദ് മാ​താ പള്ളി കൂ​ദാ​ശ നാ​ളെെ​

ചെ​മ്മ​ല​മ​റ്റം പ​ള്ളി​യി​ൽ ആ​ദ്യാ​ക്ഷ​രം കു​റി​ക്ക​ല്‍

മ​ഞ്ഞ​പ്ര മാ​ര്‍ സ്ലീ​വാ ഫൊ​റോ​ന പ​ള്ളി​യി​ല്‍ ജൂ​ബി​ലി ആ​ഘോ​ഷം

ഹൂ​സ്റ്റ​ൺ സെ​ന്‍റ് മേ​രീ​സ് ക്നാ​നാ​യ ക​ത്തോ​ലി​ക്കാ ഫൊ​റോ​ന പ​ള്ളി​യി​ൽ മാ​തൃ​ദി​നം ആ​ഘോ​ഷി​ച്ചു

ക്രൈസ്തവ സഭകൾക്കെതിരേ വിമർശനവുമായി ഷോണും പി.സി. ജോർജും

ത്യാഗ സ്മരണയിൽ ഇന്ന് ദുഃഖവെള്ളി; ദേവാലയങ്ങളിൽ പീഡാനുഭവ ശുശ്രൂഷകൾ, കുരിശിന്‍റെ വഴി

കോ​വി​ല​ക​വും പ​ള്ളി​യും സ​ന്ദ​ർ​ശി​ച്ച് എ​ൽ​ഡി​എ​ഫ് സ്ഥാ​നാ​ർ​ഥി

തി​രു​വു​ത്ഥാ​ന പ​ള്ളി​യി​ൽ പ്രാ​ർ​ഥ​ന ന​ട​ത്താ​ൻ അ​നു​മ​തി ന​ൽ​കു​മെ​ന്ന് ഇസ്രയേൽ

ലെയോ മാർപാപ്പ മൊണാക്കോ സന്ദർശിച്ചു

ജറൂസലെമിലെ തിരുവുത്ഥാന പള്ളിക്കു സമീപം മിസൈൽ വീണു

ഒഡീഷയില്‍ പള്ളിക്കു നേരേ ആക്രമണം; മു​​​​ഖ​​​​വാ​​​​രം ത​​​​ക​​​​ർ​​​​ത്തു, വിശുദ്ധ വസ്തുക്കൾക്കു തീയിട്ടു

മ​ല​ങ്ക​ര ഓ​ര്‍​ത്ത​ഡോ​ക്‌​സ് സ​ഭ വി​ശു​ദ്ധ മൂ​റോ​ന്‍ കൂ​ദാ​ശ​യ്ക്കാ​യി ഒ​രു​ങ്ങു​ന്നു

ബി​ലീ​വേ​ഴ്സ് ച​ർ​ച്ച് സി​ന​ഡ് തു​ട​ങ്ങി

നീ​റി​ക്കാ​ട് ലൂ​ര്‍ദ്മാ​താ പ​ള്ളി​യി​ല്‍ തി​രു​നാ​ള്‍

ചെ​റി​യ​നാ​ട് ലൂ​ർ​ദ്മാ​താ പള്ളിയിൽ തി​രു​നാ​ളി​ന് കൊ​ടി​യേ​റി

വെ​ള്ള​രി​വ​യ​ൽ വ്യാ​കു​ല​മാ​താ പ​ള്ളി​യി​ൽ തി​രു​നാ​ളി​ന് കൊ​ടി​യേ​റി

മ​ല​മ്പു​ഴ സെ​ന്‍റ് ജൂ​ഡ്സ് ​പളളി ഇ​ട​വ​കദി​നാ​ഘോ​ഷം

പള്ളി മ്യൂസിയത്തിലെ പ്രതിമകൾ തകർത്തു; 50 ലക്ഷം രൂപയുടെ നഷ്ടം, പ്രതിക്കായി തെരച്ചിൽ

ന​വീ​ക​രി​ച്ച കോ​ള​യാ​ട് സെ​ന്‍റ് കൊ​ർ​ണേ​ലി​യൂ​സ് പ​ള്ളി ആ​ശീ​ർ​വാ​ദ​ക​ർ​മം 21ന്

പ​ടി​മ​രു​ത് സെ​ന്‍റ് സെ​ബാ​സ്റ്റ്യ​ൻ​സ് പ​ള്ളി​യി​ൽ തിരുനാളാഘോഷം

ദേ​വാ​ല​യ​ങ്ങ​ളി​ൽ തി​രു​നാ​ൾ

കു​വൈ​റ്റി​ലെ ഔ​വ​ർ ലേ​ഡി ഓ​ഫ് അ​റേ​ബ്യ പ​ള്ളി വെ​ള്ളി​യാ​ഴ്ച മൈ​ന​ർ ബ​സി​ലി​ക്ക​യാ​യി ഉ​യ​ർ​ത്തും

കു​വൈ​റ്റി​ലെ ഔ​വ​ർ ലേ​ഡി ഓ​ഫ് അ​റേ​ബ്യ പ​ള്ളി നാ​ളെ മൈ​ന​ർ ബ​സി​ലി​ക്ക​യാ​യി ഉ​യ​ർ​ത്തും

ക​ല്ലേ​റ്റും​ക​ര പ​ള്ളി​ന​ട മേ​ൽ​പ്പാ​ലം: നിര്‌മാണത്തിനു ന​ട​പ​ടി​ക​ളായി

ചൊ​വ്വ​ന്നൂ​ർ സെ​ന്‍റ്് തോ​മ​സ് പ​ള്ളി​യി​ൽ തി​രു​നാ​ളി​നു കൊ​ടി​യേ​റി

സീറോമലബാർ സഭാ സമുദായ ശ​​ക്തീ​​ക​​ര​​ണ വ​​ര്‍​ഷം:വി​ളം​ബ​ര​ദീ​പം തെ​ളി​ച്ചു

മാ​ലാ​പ​റ​ന്പ് സെ​ന്‍റ് ജോ​സ​ഫ്സ് ദേ​വാ​ല​യ തി​രു​നാ​ൾ

തെ​ക്കേ​ക്ക​ര ഈ​സ്റ്റ് സെ​ന്‍റ് സെ​ബാ​സ്റ്റ്യ​ൻ​സ് പ​ള്ളി​യി​ൽ തി​രു​നാ​ൾ ഇന്നുമുതൽ

അർത്തുങ്കൽ തിരുനാൾ: സുരക്ഷയ്ക്ക് മഫ്തി പോലീസിനെ വിന്യസിക്കും

മീ​ന​ടം പ​ള്ളി​യി​ല്‍ പെ​രു​ന്നാ​ള്‍

വ​ല്യ​യ​ന്തി പ​ള്ളി​യി​ൽ കു​ടും​ബ​സം​ഗ​മം

ക്രിസ്മസ് ദിനത്തിൽ ഡൽഹിയിലെ ദേവാലയത്തിലെത്തി പ്രധാനമന്ത്രി; പ്രാർഥനാ ചടങ്ങുകളിൽ പങ്കെടുത്തു

അ​തി​ര​മ്പു​ഴ പ​ള്ളി​യി​ൽ ഭീ​മ​ൻ ന​ക്ഷ​ത്ര​മൊ​രു​ക്കി യു​വ​ജ​ന​ങ്ങ​ൾ

പു​ന്ന​പ്ര ഐ​എം​എ​സ് ധ്യാ​ന​ഭ​വ​ന്‍ ഡ​യ​റ​ക്ട​ര്‍ ഫാ. ​പ്ര​ശാ​ന്ത് അ​ന്ത​രി​ച്ചു

കാ​ട്ടാ​ന പ​ള്ളി​ ആ​ക്രമിച്ചു; വാതിലുകൾ തകർത്ത് അകത്തു കയറി

യാ​​ക്കോ​​ബാ​​യ സ​​ഭ ഭ​​ദ്രാ​​സ​​ന പ്രാർഥനാസമാജം സി​​ല്‍​വ​​ര്‍ ജൂ​​ബി​​ലി സ​​മാ​​പ​​ന സ​​മ്മേ​​ള​​നം

LOAD MORE

Latest News

CATEGORIES

FEATURING

IMPORTANT LINKS

FOLLOW US

📰 Subscribe to E-Paper

CATEGORIES

FEATURING

RASHTRA DEEPIKA LTD

Dr. Francis Cleetus

Michael Vettickatt

Deepika
E-Paper

സഭയുടെ മിഷനറിദൗത്യം

മുണ്ടത്താനം പള്ളിയില്‍ തിരുശേഷിപ്പ് പ്രതിഷ്ഠ തിരുനാളിന് തുടക്കമായി

ഡാളസ് സെന്റ് പോൾസ് മാർത്തോമ ചർച്ച് പിക്നിക് സംഘടിപ്പിച്ചു

വെറ്റിലപ്പാറയിൽ പള്ളിയിലേക്ക് ഓടിക്കയറി കാട്ടാന; ബഹളംവച്ച് ഓടിച്ച് നാട്ടുകാർ

പള്ളിയിൽ കത്തിയുമായി ഭീകരാന്തരീക്ഷം സൃഷ്‌ടിച്ചയാൾ ഫ്രാൻസിൽ പിടിയിൽ

കുടമാളൂർ പള്ളിയിൽ എട്ടുനോമ്പ് തിരുനാൾ നാളെ മുതൽ

പോളണ്ടിലെ പള്ളിയിൽ തീപിടിത്തം

മാന്ദാമംഗലം പള്ളിയിലേക്ക് പദയാത്ര ഇന്ന്

ചുറ്റുമുള്ള ഭൂമി അളന്നു, പള്ളിക്ക് നല്‍കിയ സ്ഥലം അളക്കാന്‍ എന്തേ ഇത്ര വിമുഖത?

കോളങ്ങായി പള്ളിയിൽ തിരുശേഷിപ്പ് പ്രതിഷ്ഠ നാളെ

കണ്ടശാംകടവ് പള്ളിയിൽ തിരുനാൾ

തിടനാട് പള്ളിയിൽ തിരുനാൾ

ചെറിയനാട് ലൂർദ് മാതാ പള്ളി കൂദാശ നാളെെ

ചെമ്മലമറ്റം പള്ളിയിൽ ആദ്യാക്ഷരം കുറിക്കല്‍

മഞ്ഞപ്ര മാര്‍ സ്ലീവാ ഫൊറോന പള്ളിയില്‍ ജൂബിലി ആഘോഷം

ഹൂസ്റ്റൺ സെന്‍റ് മേരീസ് ക്നാനായ കത്തോലിക്കാ ഫൊറോന പള്ളിയിൽ മാതൃദിനം ആഘോഷിച്ചു

കോവിലകവും പള്ളിയും സന്ദർശിച്ച് എൽഡിഎഫ് സ്ഥാനാർഥി

തിരുവുത്ഥാന പള്ളിയിൽ പ്രാർഥന നടത്താൻ അനുമതി നൽകുമെന്ന് ഇസ്രയേൽ

ഒഡീഷയില്‍ പള്ളിക്കു നേരേ ആക്രമണം; മുഖവാരം തകർത്തു, വിശുദ്ധ വസ്തുക്കൾക്കു തീയിട്ടു

മലങ്കര ഓര്‍ത്തഡോക്‌സ് സഭ വിശുദ്ധ മൂറോന്‍ കൂദാശയ്ക്കായി ഒരുങ്ങുന്നു

ബിലീവേഴ്സ് ചർച്ച് സിനഡ് തുടങ്ങി

നീറിക്കാട് ലൂര്‍ദ്മാതാ പള്ളിയില്‍ തിരുനാള്‍

ചെറിയനാട് ലൂർദ്മാതാ പള്ളിയിൽ തിരുനാളിന് കൊടിയേറി

വെള്ളരിവയൽ വ്യാകുലമാതാ പള്ളിയിൽ തിരുനാളിന് കൊടിയേറി

മലമ്പുഴ സെന്‍റ് ജൂഡ്സ് പളളി ഇടവകദിനാഘോഷം

നവീകരിച്ച കോളയാട് സെന്‍റ് കൊർണേലിയൂസ് പള്ളി ആശീർവാദകർമം 21ന്

പടിമരുത് സെന്‍റ് സെബാസ്റ്റ്യൻസ് പള്ളിയിൽ തിരുനാളാഘോഷം

ദേവാലയങ്ങളിൽ തിരുനാൾ

കുവൈറ്റിലെ ഔവർ ലേഡി ഓഫ് അറേബ്യ പള്ളി വെള്ളിയാഴ്ച മൈനർ ബസിലിക്കയായി ഉയർത്തും

കുവൈറ്റിലെ ഔവർ ലേഡി ഓഫ് അറേബ്യ പള്ളി നാളെ മൈനർ ബസിലിക്കയായി ഉയർത്തും

കല്ലേറ്റുംകര പള്ളിനട മേൽപ്പാലം: നിര്‌മാണത്തിനു നടപടികളായി

ചൊവ്വന്നൂർ സെന്‍റ്് തോമസ് പള്ളിയിൽ തിരുനാളിനു കൊടിയേറി

സീറോമലബാർ സഭാ സമുദായ ശക്തീകരണ വര്‍ഷം:വിളംബരദീപം തെളിച്ചു

മാലാപറന്പ് സെന്‍റ് ജോസഫ്സ് ദേവാലയ തിരുനാൾ

തെക്കേക്കര ഈസ്റ്റ് സെന്‍റ് സെബാസ്റ്റ്യൻസ് പള്ളിയിൽ തിരുനാൾ ഇന്നുമുതൽ

മീനടം പള്ളിയില്‍ പെരുന്നാള്‍

വല്യയന്തി പള്ളിയിൽ കുടുംബസംഗമം

അതിരമ്പുഴ പള്ളിയിൽ ഭീമൻ നക്ഷത്രമൊരുക്കി യുവജനങ്ങൾ

പുന്നപ്ര ഐഎംഎസ് ധ്യാനഭവന്‍ ഡയറക്ടര്‍ ഫാ. പ്രശാന്ത് അന്തരിച്ചു

കാട്ടാന പള്ളി ആക്രമിച്ചു; വാതിലുകൾ തകർത്ത് അകത്തു കയറി

യാക്കോബായ സഭ ഭദ്രാസന പ്രാർഥനാസമാജം സില്‍വര്‍ ജൂബിലി സമാപന സമ്മേളനം