റാന്നി: നിര്മാണം പൂര്ത്തീകരിച്ച പുതമണ് പാലത്തിന്റെ ഉദ്ഘാടനവും പുതമണ്- കുട്ടത്തോട് റോഡിന്റെയും വിവിധ ഗ്രാമീണ റോഡുകളുടെയും നിര്മാണോദ്ഘാടനവും മന്ത്രി പി.എ. മുഹമ്മദ് റിയാസ് ഓണ്ലൈനായി നിര്വഹിച്ചു. പ്രമോദ് നാരായണ് എംഎല്എ അധ്യക്ഷത വഹിച്ചു.
റാന്നി കോഴഞ്ചേരി റോഡിലെ പുതമണ് പാലം കാലപ്പഴക്കം മൂലം ബലക്ഷയം നേരിട്ടതോടെയാണ് 2.6 കോടി രൂപ ചെലവഴിച്ച് പുതിയ പാലം നിര്മിച്ചത്. ഏഴു കോടി രൂപ ചെലവഴിച്ചാണ് ബിഎം ബിസി നിലവാരത്തില് പുനരുദ്ധരിച്ചത്. കുടിലുമുക്ക് - പന്തളമുക്ക് റോഡ്, പതിയാന് പടി ചാങ്ങേത്തു പടി റോഡ്, അന്ത്യാളന്കാവ് - കണമുക്ക് റോഡ്. കുഴിമണ്ണില് പടി -കൊന്നക്കല് റോഡ്, കച്ചേരിപ്പടി -കണമുക്ക് റോഡ് എന്നിവയാണ് നിര്മാണോദ്ഘാടനം നടത്തിയ ഗ്രാമീണ റോഡുകള്.
പഞ്ചായത്ത് പ്രസിഡന്റ് അജീന നജീബ്, വൈസ് പ്രസിഡന്റ് സാം പി തോമസ്, അന്നമ്മ വര്ഗീസ്, ഒ. പി. സുരേഷ്, എം. ടി. ജെസി , അജിത്ത് കുമാര്, ബാബുരാജന്, ജോര്ജ് ഏബ്രഹാം, ജോസ് ബെന് ജോര്ജ്, സജി തേവര്കാട്ട്, പൊതുമരാമത്ത് വകുപ്പ് അസിസ്റ്റന്റ് എക്സിക്യൂട്ടീവ് എന്ജിനിയര് റോമി ജെ. ചിങ്ങംപറമ്പില് എന്നിവര് പ്രസംഗിച്ചു.