Deepika
ADVERTISEMENT
Kerala
തിരുവനന്തപുരം: കോണ്ഗ്രസ് മുഖ്യമന്ത്രി തർക്കം തെരുവിലേക്ക്. മുഖ്യമന്ത്രിയെ കണ്ടെത്താൻ ഹൈക്കമാൻഡ് പ്രതിനിധികൾ കേരളത്തിൽ എത്തി ചർച്ചകൾ നടത്തിയതിനു പിന്നാലെ സംസ്ഥാനത്തിന്‍റെ വിവിധ സ്ഥലങ്ങളിൽ മുഖ്യമന്ത്രിക്കായി പ്രകടനങ്ങൾ നടന്നു. ജനപിന്തുണ ഒപ്പമുള്ള വി.ഡി. സതീശനെ മുഖ്യമന്ത്രിയാക്കണമെന്ന ആവശ്യവുമായാണ് സംസ്ഥാനത്തെ പലയിടങ്ങളിലും കോണ്ഗ്രസ് പ്രകടനങ്ങൾ നടന്നത്.
മുഖ്യമന്ത്രി തർക്കം തെരുവിലേക്കു വലിച്ചിഴയ്ക്കാൻ ഇടയാക്കിയതിലെ അതൃപ്തി ഹൈക്കമാൻഡ് നിരീക്ഷകരുമായുള്ള കൂടിക്കാഴ്ചയിൽ ഘടകകക്ഷി നേതാക്കൾ തുറന്നടിച്ചു.
മുഖ്യമന്ത്രി പ്രഖ്യാപനം വേഗത്തിൽ വേണമെന്നും കൂടുതൽ പ്രതിസന്ധി സൃഷ്ടിച്ച് വിജയത്തിന്‍റെ മാറ്റു കുറയ്ക്കരുതെന്നുമായിരുന്നു ഘടകകക്ഷി നേതാക്കളുടെ ആവശ്യം. നിലവിലുള്ള എംഎൽഎമാരിൽ ഒരാളെ മുഖ്യമന്ത്രിയാക്കണമെന്ന ആവശ്യവും ഘടകകക്ഷി നേതാക്കൾ ഉന്നയിച്ചു.
പൊതുജനവികാരംകൂടി കണക്കിലെടുത്തുള്ള തീരുമാനമാകണം കൈക്കൊള്ളേണ്ടതെന്ന ആവശ്യമാണ് പി.കെ. കുഞ്ഞാലിക്കുട്ടിയുടെ നേതൃത്വത്തിലെത്തിയ മുസ്‌ലിം ലീഗ് പ്രതിനിധി സംഘം ഉന്നയിച്ചത്.
ലീഗിനെതിരേ പരസ്യവിമർശനം നടത്തിയ കോണ്ഗ്രസ് നേതാവ് മാത്യു കുഴൽനാടന്‍റെ പ്രതികരണത്തിലെ അതൃപ്തിയും ലീഗ് പ്രകടിപ്പിച്ചതായാണ് വിവരം. കോണ്ഗ്രസിന്റെ ആഭ്യന്തര കാര്യങ്ങളിൽ മുസ്‌ലിം ലീഗ് അഭിപ്രായം പറയേണ്ടതില്ലെന്ന കുഴൽനാടന്‍റെ പ്രസ്താവനയ്ക്കെതിരേ യൂത്ത് ലീഗും ചില സ്ഥലങ്ങളിൽ പ്രതിഷേധിച്ചു.
എംഎൽഎമാർ, എംപിമാർ, ഘടകകക്ഷി നേതാക്കൾ എന്നിവരെ കണ്ട് അഭിപ്രായം തേടിയ നിരീക്ഷകസംഘം ഇന്നലെ രാത്രിയോടെ ഡൽഹിക്കു മടങ്ങി. ഇന്നു കോണ്ഗ്രസ് പ്രസിഡന്‍റിന് റിപ്പോർട്ട് നൽകും. പിന്നീട് കെ.സി. വേണുഗോപാൽ, വി.ഡി. സതീശൻ, രമേശ് ചെന്നിത്തല എന്നിവരുമായി ഡൽഹിയിൽ നടത്തുന്ന ചർച്ചയ്ക്കു ശേഷം ഞായറാഴ്ച മുഖ്യമന്ത്രി പ്രഖ്യാപനം വരുമെന്നാണു സൂചന.
ഇന്നലെ ഹൈക്കമാൻഡ് നിരീക്ഷകസംഘം കോണ്ഗ്രസ് എംഎൽഎമാരുമായി നടത്തിയ കൂടിക്കാഴ്ചയിൽ മൂന്നു പക്ഷവും എംഎൽഎമാരുടെ പിന്തുണ തങ്ങൾക്കാണെന്ന അവകാശവാദവുമായി രംഗത്തെത്തി. ഏറ്റവും കൂടുതൽ എംഎൽഎമാരുടെ പിന്തുണ കെ.സി. വേണുഗോപാലിനാണെന്നാണ് അദ്ദേഹത്തെ അനുകൂലിക്കുന്നവർ പറയുന്നത്. മറ്റുള്ളവരും തൊട്ടടുത്തുള്ള സംഖ്യകളിൽ അവകാശവാദമുന്നയിച്ചു. എംഎൽഎമാരുമായുള്ള കൂടിക്കാഴ്ചയാണ് മുഖ്യമന്ത്രിയെ നിശ്ചയിക്കുന്നതിൽ പ്രധാനമെന്ന് ഹൈക്കമാൻഡ് നിരീക്ഷകസംഘം പറഞ്ഞു.
ഇന്നലെ ഹൈക്കമാൻഡ് പ്രതിനിധികളുമായുള്ള കൂടിക്കാഴ്ചയ്ക്കു മുന്പും ശേഷവുമായി ഘടകകക്ഷി നേതാക്കൾ കന്‍റോണ്‍മെന്‍റ് ഹൗസിലെത്തി വി.ഡി. സതീശനുമായി കൂടിക്കാഴ്ച നടത്തി. ചില ഘടകകക്ഷി നേതാക്കൾ രാത്രിയിലും വി.ഡി. സതീശനുമായി കൂടിക്കാഴ്ച നടത്തി. ഒറ്റ അംഗമുള്ളവർക്ക് അഞ്ചു വർഷവും മന്ത്രിസ്ഥാനം നൽകണമെന്നും പ്രധാനപ്പെട്ട വകുപ്പുകൾ വേണമെന്ന ആവശ്യവും കൂടിക്കാഴ്ചയിൽ ചിലർ ഉന്നയിച്ചതായാണ് വിവരം.
Kerala
കൊച്ചി: എറണാകുളം സുഭാഷ് പാര്‍ക്കില്‍ അപകടകാരിയായ വളര്‍ത്തുനായയെ പിടികൂടി. ഒരു ലക്ഷത്തോളം രൂപ വില വരുന്ന പിറ്റ്ബുള്‍ ഇനത്തില്‍ പെട്ട നായയെയാണ് ആനിമല്‍ റെസ്‌ക്യൂ സംഘമെത്തി പിടികൂടിയത്. രണ്ടു ദിവസമായി ഈ പിറ്റ്ബുള്‍ കൊച്ചി നഗരത്തില്‍ അലഞ്ഞു നടക്കുകയായിരുന്നു. ഞായറാഴ്ചയാണ് നായ സുഭാഷ് പാര്‍ക്കില്‍ എത്തിയത്.
പാര്‍ക്ക് അധികൃതര്‍ പോലീസില്‍ വിവരം അറിയിച്ചതോടെയാണ് നായയെ പിടികൂടിയത്. നായയെ ഷെല്‍ട്ടര്‍ ഹോമിലേക്ക് മാറ്റിയിട്ടുണ്ട്. എങ്ങനെയാണ് നായ ഇവിടെ എത്തിയതെന്ന് പോലീസ് പരിശോധിക്കുന്നുണ്ട്. നായയെ ഉപേക്ഷിച്ചയാളെ കണ്ടെത്താനായി സിസിടിവി ദൃശ്യങ്ങളടക്കം പരിശോധിക്കുകയാണ്.
തെരുവുനായ ശല്യം എറണാകുളത്ത് വര്‍ധിക്കുന്ന സാഹചര്യത്തിനിടെയാണ് അപകടകാരിയായ വളര്‍ത്തു നായയും പൊതുവിടത്തില്‍ എത്തുന്നത്. അതേസമയം, കേന്ദ്ര സര്‍ക്കാര്‍ ഇറക്കുമതിയും വില്‍പ്പനയും നിരോധിച്ച ഇനമാണ് പിറ്റ്ബുള്‍.
National
കോല്ക്കത്ത: പശ്ചിമബംഗാളില് കേന്ദ്ര ഏജന്സിയായ ഇഡിക്കെതിരേ തുറന്ന യുദ്ധം പ്രഖ്യാപിച്ച് തൃണമൂല് കോണ്ഗ്രസ് നേതാവ് മമത ബാനര്ജി.
നിയമസഭാ തെരഞ്ഞെടുപ്പിലേക്കു നീങ്ങുന്ന സംസ്ഥാനത്ത് തൃണമൂല് കോണ്ഗ്രസിന്റെ രാഷ്ട്രീയതന്ത്രങ്ങള് രൂപപ്പെടുത്തുന്നതിനു നിയോഗിച്ചിരിക്കുന്ന തെരഞ്ഞെടുപ്പ് ഏജന്സിയായ ഐ-പാക്കിന്റെ ഓഫീസിലും തലവൻ പാര്ഥിക് ജയിനിന്റെ വസതിയിലും ഇഡി നടത്തിയ പരിശോധനയാണു മുഖ്യമന്ത്രിയെ രോഷാകുലയാക്കിയത്. ഇഡിക്കെതിരേ കോടതിയിൽ നിയമപോരാട്ടത്തിനും തൃണമൂൽ തുടക്കമിട്ടു.
മുഖ്യമന്ത്രി നൽകിയ പരാതികളുടെ അടിസ്ഥാനത്തിൽ കോൽക്കത്ത പോലീസ് കേന്ദ്ര ഏജൻസിക്കെതിരേ കേസെടുത്തിട്ടുണ്ട്. ഇതിനു പുറമേയാണു ജാധവ്പുരിലെ ബിബി ബസ് സ്റ്റാന്ഡ് പരിസരത്തുനിന്നും ഇഡിക്കെതിരേ നടന്ന കാൽനട പ്രതിഷേധ റാലി.
കേന്ദ്ര ഏജന്സികളെ ദുരുപയോഗം ചെയ്യുന്നതിനെതിരേ പ്രവര്ത്തകര് മുദ്രാവാക്യവുമായി മുഖ്യമന്ത്രിയുടെ പിന്നാലെ തടിച്ചുകൂടി. ക്രമസമാധാന പാലനത്തിനായി വന് പോലീസ് സന്നാഹമാണു മേഖലയിൽ വിന്യസിച്ചിരുന്നത്. ആഭ്യന്തര രഹസ്യവും തെരഞ്ഞെടുപ്പ് തന്ത്രങ്ങളും ചോര്ത്താനാണ് ഇഡിയുടെ പരിശോധനയെന്ന് തൃണമൂല് പ്രവര്ത്തകര് ആരോപിച്ചു.
നിയമസഭ തെരഞ്ഞെടുപ്പ് ജയിക്കുകയെന്നതാണ് ബിജെപിയുടെ ആവശ്യമെന്നും അതിനായി അവര് സാധ്യമായ എല്ലാ മാര്ഗങ്ങളും ഉപയോഗിക്കുകയാണെന്നും മമത ആരോപിച്ചു. മുഖ്യമന്ത്രിക്കെതിരേ കടുത്ത ആക്രമണമാണു ബിജെപിയും അഴിച്ചുവിട്ടത്. തൃണമൂലും മമതാ ബാനര്ജിയും അഴിമതിയില് മുങ്ങിയിരിക്കുകയാണെന്ന് ബിജെപി നേതാവ് രവിശങ്കര് പ്രസാദ് ആരോപിച്ചു.
അതേസമയം റെയ്ഡിനെതിരേ സംസ്ഥാനസർക്കാർ നൽകിയ ഹർജി കല്ക്കട്ട ഹൈക്കോടതി ഇന്നലെ പരിഗണിച്ചില്ല. ഹര്ജികള് പരിഗണിക്കാനിരിക്കെ ഹൈക്കോടതിയില് നാടകീയരംഗങ്ങളും അരങ്ങേറി. കോടതിമുറിയിലെ നിയന്ത്രണാതീതമായ ജനത്തിരക്ക് ചൂണ്ടിക്കാട്ടി ഹര്ജികള് പരിഗണിക്കേണ്ടിയിരുന്ന ജസ്റ്റീസ് സുവ്രഘോഷ് ഇറങ്ങിപ്പോയി. കേസ് അടുത്ത ബുധനാഴ്ച പരിഗണിക്കുമെന്നാണു സൂചന.
തൃണമൂല് കോണ്ഗ്രസിനായി തിരഞ്ഞെടുപ്പ് തന്ത്രങ്ങളൊരുക്കുന്ന കണ്സള്ട്ടന്സിയാണ് ഐപാക്ക്. തെ രഞ്ഞെടുപ്പ് തന്ത്രജ്ഞനും ജന്സുരാജ് പാര്ട്ടി നേതാവുമായ പ്രശാന്ത് കിഷോറാണ് ഐപാക്കിന്റെ സ്ഥാപകന്.
Kerala
കോഴിക്കോട്: കക്ഷി രാഷ്ട്രീയത്തിന്റെയും തെരഞ്ഞെടുപ്പിന്റെയും പേരില് മത ചിഹ്നങ്ങളെ അവഹേളിക്കുന്നതും മതത്തിന്റെ ആചാരങ്ങളെയും സംസ്കാരങ്ങളെയും അവമതിക്കുന്നതും അപലപനീയമാണെന്ന് സമസ്ത കേരള ജംഇയ്യത്തുല് ഉലമ ജനറല് സെക്രട്ടറി കാന്തപുരം എ.പി. അബൂബക്കര് മുസ്ലിയാര്.
മുസ്‌ലിം സമുദായത്തിന്റെ പേരില് സംഘടിക്കുന്ന രാഷ്ട്രീയ സംഘടനകളുടെ തെരഞ്ഞെടുപ്പ് വിജയാഘോഷത്തിന്റെ ഭാഗമായി അന്യസ്ത്രീ - പുരുഷന്മാര് കൂടിച്ചേര്ന്നും കെട്ടിപ്പിടിച്ചും പരസ്പരം കൈകൊട്ടിയും തെരുവിലിറങ്ങി പ്രകടനം നടത്തുന്നതും അഴിഞ്ഞാടുന്നതും മതം അനുവദിക്കാത്ത രീതിയിലുള്ള ആഭാസങ്ങള് നടത്തുന്നതും അംഗീകരിക്കില്ലെന്നും കാന്തപുരം പ്രസ്താവനയില് കുറ്റപ്പെടുത്തി.
സ്ത്രീകള്ക്ക് അവരുടേതായ സമ്പൂര്ണ സ്വാതന്ത്ര്യവും മാന്യതയും ഇസ്ലാം വകവച്ചു നല്കിയിട്ടുണ്ട് അതെല്ലാം അവഗണിച്ച് മാനുഷിക മൂല്യങ്ങള്ക്കുപോലും വിലകല്പ്പിക്കാതെയുള്ള പ്രവര്ത്തനങ്ങള് പ്രതിഷേധാര്ഹമാണ്. ഇത്തരം പ്രവണതകള് മേലില് ഉണ്ടാകാതിരിക്കാന് ബന്ധപ്പെട്ടവര് ജാഗ്രത കാണിക്കണമെന്നും ആവശ്യപ്പെട്ടു.
ADVERTISEMENT
ADVERTISEMENT
SPACE FOR ADVERTISEMENT
Copyright © 2026, Rashtra Deepika Ltd. All Rights Reserved.
Design and Development 
Corehub Solutions
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN