കല്പ്പറ്റ: വയനാട് പ്രകൃതി സംരക്ഷണ സമിതി, ഹ്യൂം സെന്റര് ഫോര് ഇക്കോളജി ആന്ഡ് വൈല്ഡ് ലൈഫ് ബയോളജി, നന്മമരം കൂട്ടായ്മ എന്നിവ സയുക്തമായി സംഘടിപ്പിച്ച ത്രിദിന സഹ്യാദ്രി പരിസ്ഥിതി സമ്മേളനം ശനിയാഴ്ച വയനാട് തൃക്കൈപ്പറ്റ ഉറവ് ബാംബു ഗ്രോവില് ആരംഭിക്കും.
സംസ്ഥാനത്തിന്റെ വിവിധ ഭാഗങ്ങളില്നിന്നുള്ള പരിസ്ഥിതി സംഘടനാ പ്രതിനിധികള്, ശാസ്ത്രജ്ഞര് തുടങ്ങിയവര് പങ്കെടുക്കും. രാവിലെ 9.30ന് ഗോവ പീസ് ഫൗണ്ടെഷന് ഡയറക്ടര് കുമാര് കലാനന്ദ് മണി ഉദ്ഘാടനം ചെയ്യും.
പശ്ചിമഘട്ടത്തിന്റെ നാശവും പുനരുജ്ജീവനവും, ഇന്ത്യയില് അതിവേഗം മാറ്റുന്ന പരിസ്ഥിതി നിയമങ്ങള്, വികസന നയങ്ങള്, തീരദേശ പരിസ്ഥിതിയും വെല്ലുവിളികളും, നാടന് മരുന്നുകളുടെ നാശം, തണ്ണീര്ത്തടങ്ങള്, മനുഷ്യ-വന്യജീവി സംഘര്ഷം തുടങ്ങിയ വിഷയങ്ങള് സമ്മേളനം ചര്ച്ച ചെയ്യും.
സെന്ട്രല് എംപവേഡ് കമ്മിറ്റി മുന് അംഗം മഹേന്ദ്ര വ്യാസ്, നാഷണല് വൈല്ഡ് ലൈഫ് ബോര്ഡ് മുന് അംഗം പ്രവീണ് ഭാര്ഗവ്, മുന് ചീഫ് വൈല്ഡ് ലൈഫ് വാര്ഡന് പ്രകൃതി ശ്രീവാസ്തവ, കെഎഫ്ആര്ഐ മുന് ഡയറക്ടര് ഡോ. സി.എസ്. ഈസ, കെഎഫ്ആര്ഐ ചീഫ് സയന്റിസ്റ്റ് ഡോ.ടി.വി. സജീവ്, കുഫോസ് വൈസ് ചാന്സലര് ഡോ.കെ. ബിജുകുമാര്, ഡോ.കെ.വി. തോമസ്, ഫോറസ്ട്രി കോളജ് മേധാവി ഡോ.നമീര്, സീക്ക് ഡയറക്ടര് ടി.പി. പദ്മനാഭന്, കെ. സഹദേവന്, ഫിഷ് എക്സ്പേര്ട്ട് ഡോ.സി.പി. ഷാജി, ഡോ. ജാഫര് പാലോട്, ഡോ. ഉഷ, ഡോ.ശ്രീധര് രാധാകൃഷ്ണന്, ഡോ.എബി ജോര്ജ് തുടങ്ങിയവര് വിവിധ സെഷനുകള്ക്ക് നേതൃത്വം നല്കും.
Deepika
E-paper LOGIN
LOGIN