Cinema
‘അഭിയുടെ കഥ, അനുവിന്‍റെയും’ റിയൽ ലൈഫ് സ്റ്റോറി - ബി. ​ആ​ർ.​വി​ജ​യ​ല​ക്ഷ്മി
Wednesday, March 7, 2018 6:59 PM IST
ഏ​ഷ്യ​യി​ലെ ആ​ദ്യ​ത്തെ ഛായാ​ഗ്രാ​ഹ​ക​യും ക​ന്ന​ട ച​ല​ച്ചി​ത്ര​പ്ര​തി​ഭ ബി. ​ആ​ർ.​പ​ന്ത​ലു​വി​ന്‍റെ മ​ക​ളു​മാ​യ ബി.​ആ​ർ.​വി​ജ​യ​ല​ക്ഷ്മി സം​വി​ധാ​നം ചെ​യ്ത ര​ണ്ടാ​മ​തു ചി​ത്രം ‘അ​ഭി​യു​ടെ ക​ഥ, അ​നു​വി​ന്‍റെ​യും’ തി​യ​റ്റ​റു​ക​ളി​ലേ​ക്ക്. പ്ര​ശ​സ്ത ഛായാ​ഗ്രാ​ഹ​ക​ൻ അ​ശോ​ക് കു​മാ​റി​ന്‍റെ അ​സി​സ്റ്റ​ന്‍റാ​യി സി​നി​മ​യി​ലെ​ത്തി​യ വി​ജ​യ​ല​ക്ഷ്മി 1985ൽ ​കെ.​ഭാ​ഗ്യ​രാ​ജി​ന്‍റെ ചി​ന്ന​വീ​ടി​ലൂ​ടെ​യാ​ണ് സ്വ​ത​ന്ത്ര ഛായാ​ഗ്രാ​ഹ​കയായ​ത്. തു​ട​ർ​ന്ന് 1995 വ​രെ 22 സി​നി​മ​ക​ൾ​ക്കു ഛായാ​ഗ്ര​ണ​ണം നി​ർ​വ​ഹി​ച്ചു. 1995ൽ ​’പാ​ട്ടു പാ​ട​വ’ എ​ന്ന ത​മി​ഴ് ചിത്രം സം​വി​ധാ​നം ചെ​യ്തു. അ​തി​ന്‍റെ സ്ക്രി​പ്റ്റിം​ഗും ഛായാ​ഗ്ര​ഹ​ണ​വും വി​ജ​യ​ല​ക്ഷ്മി​യു​ടേ​താ​യി​രു​ന്നു. തു​ട​ർ​ന്നു ടെ​ലി​വി​ഷ​ൻ ഇ​ൻ​ഡ​സ്ട്രി​യി​ൽ പ്ര​വ​ർ​ത്തി​ച്ചു തു​ട​ങ്ങി. സ​രി​ഗ​മ ഇ​ന്ത്യ എ​ന്ന നി​ർ​മാ​ണ​ക്കമ്പ​നി​യു​ടെ ഭാ​ഗ​മാ​യി. ഇ​പ്പോ​ൾ സരിഗമ സൗത്ത് ഫിലിംസിന്‍റെ സീനിയർ വൈസ് പ്രസിഡന്‍റാണ് വിജയലക്ഷ്മി.

“മ​ല​യാ​ള​ത്തി​ലും ത​മി​ഴി​ലു​മാ​യി ഒ​രു സി​നി​മ ചെ​യ്യാ​ൻ ക​മ്പനി എ​ന്നോ​ട് ആ​വ​ശ്യ​പ്പെ​ട്ടു. അ​ങ്ങ​നെ​യാ​ണ് അ​ഭി​യു​ടെ ക​ഥ, അ​നു​വി​ന്‍റെ​യും എ​ന്ന സി​നി​മ​യി​ലേ​ക്ക് എ​ത്തി​യ​ത്. ഇ​തു റി​യ​ൽ ലൈ​ഫ് സ്റ്റോ​റി​യാ​ണ്. യ​ഥാ​ർ​ഥ ജീ​വി​ത​ക​ഥ​ക​ളി​ൽ നി​ന്നാ​ണ് സരിഗമ സംരംഭമായ യൂ​ഡ്‌‌ലി ഫി​ലിം​സ് സി​നി​മ​യു​ണ്ടാ​ക്കു​ന്ന​ത്. അ​തു​കൊ​ണ്ടു ത​ന്ന അ​തു റി​യ​ലി​സ്റ്റി​ക് ആ​യി​രി​ക്കും. സ​ത്യ​സ​ന്ധ​മാ​യി​രി​ക്കും. സ​മാ​ന​ത​ക​ളി​ല്ലാ​ത്ത​തും അ​സാ​ധാ​ര​ണ​വു​മാ​യ ക​ഥ​യാ​യ​തു​കൊ​ണ്ടാ​ണ് ഇ​തു സി​നി​മ​യാ​ക്കാ​ൻ തീ​രു​മാ​നി​ച്ച​ത്. മി​ക​ച്ച ആ​ക്ടേ​ഴ്സി​നു മാ​ത്രം ചെ​യ്യാ​ൻ പ​റ്റു​ന്ന റോ​ളു​ക​ളാ​ണ് ഇ​തി​ലു​ള്ള​ത്. അ​തി​ൽ സം​ശ​യ​മി​ല്ല. അ​തി​നാ​ലാ​ണ് ടോവി​നോ തോ​മ​സ്, പി​യ ബാ​ജ്പേ​യി എ​ന്നി​വ​രി​ലേ​ക്ക് എ​ത്തി​യ​ത്. ടോവി​നോ​യും പി​യ​യും എ​ന്‍റെ സെ​ല​ക്‌ഷ​നാ​ണ്. ‘അ​ഭി​യും അ​നു​വും’ എ​ന്നാ​ണ് ത​മി​ഴ് വേ​ർ​ഷ​ന്‍റെ പേ​ര്... സം​വി​ധാ​യി​ക ബി.​ആ​ർ.​വി​ജ​യ​ല​ക്ഷ്മി സം​സാ​രി​ക്കു​ന്നു..



അ​ഭി​യു​ടെ ക​ഥ, അ​നു​വി​ന്‍റെ​യും - ര​ച​ന..?

ഞ​ങ്ങ​ളു​ടെ പ​ക്ക​ൽ യ​ഥാ​ർ​ഥ​ത്തി​ൽ സം​ഭ​വി​ച്ച ഒ​രു ക​ഥ​യു​ണ്ടാ​യി​രു​ന്നു. അ​തി​ൽ നി​ന്നാ​ണ് ഉ​ദ​യ​ഭാ​നു മ​ഹേ​ശ്വ​രൻ തി​ര​ക്ക​ഥ​ തയാറാക്കിയത്. ഒ​റി​ജി​ന​ൽ സ്ക്രി​പ്റ്റ് ത​മി​ഴി​ലാ​ണ് എ​ഴു​തി​യ​ത്. അ​തു മ​ല​യാ​ള​ത്തി​ലേ​ക്കു പ​രി​ഭാ​ഷ​പ്പെ​ടു​ത്തു​ക​യാ​യി​രു​ന്നു. പ്ര​ശ​സ്ത ഗാ​ന​ര​ച​യി​താ​വ് ബി.​കെ. ഹ​രി​നാ​രാ​യ​ണ​നാ​ണ് ഈ സിനിമയ്ക്ക് ഏറെ അനുയോജ്യമായ ‘അ​ഭി​യു​ടെ ക​ഥ, അ​നു​വി​ന്‍റെ​യും’ എ​ന്ന ടൈ​റ്റി​ൽ നി​ർ​ദേ​ശി​ച്ച​ത്.



ഈ ​സി​നി​മ​ എ​ന്താ​ണു പറയുന്നത്..?

യുവതീയുവാക്കളുടെ പ്ര​ണ​യ​വും പ്ര​ണ​യം ത​ന്നെ ഒ​രു പ്ര​ശ്ന​മാ​കു​ന്ന​തും ര​ക്ഷി​താ​ക്ക​ളു​ടെ എ​തി​ർ​പ്പും അ​തി​നെ​ത്തു​ട​ർ​ന്നു​ണ്ടാ​കു​ന്ന സം​ഘ​ർ​ഷ​ങ്ങ​ളും ഒ​ടു​വി​ൽ പ്ര​ശ്ന​ങ്ങ​ളെ​ല്ലാ​മൊ​ഴി​ഞ്ഞ് ഇ​രു​വ​രും വി​വാ​ഹി​ത​രാ​വു​ന്ന​തു​മൊ​ക്കെ​യാ​ണ് സാ​ധാ​ര​ണ ലൗ ​സ്റ്റോ​റി​ക​ളു​ടെ പ്ര​മേ​യം. പ​ക്ഷേ, എ​ന്‍റെ സി​നി​മ​യി​ൽ ഇ​രു​വ​രു​ടെ​യും പ്ര​ണ​യ​ത്തി​ൽ യാ​തൊ​രു​വി​ധ പ്ര​ശ്ന​ങ്ങ​ളും ഉ​ണ്ടാ​കു​ന്നി​ല്ല. അ​വ​ർ പ്ര​ണ​യ​ത്തി​ലാ​വു​ക​യും മാ​താ​പി​താ​ക്ക​ളു​ടെ അ​നു​മ​തി​യോ​ടെ വി​വാ​ഹി​ത​രാ​വു​ക​യും ചെ​യ്യു​ന്നു. വി​വാ​ഹ​ത്തി​നു​ശേ​ഷ​മാ​ണ് പ്ര​ശ്ന​ങ്ങ​ൾ തു​ട​ങ്ങു​ന്ന​ത്. അ​വ​രു​ടെ വി​വാ​ഹം നി​യ​മ​വി​രു​ദ്ധ​മാ​ണ് എ​ന്നു സ​മൂ​ഹം പ​റ​യു​ന്ന അ​വ​സ്ഥ​യി​ലേ​ക്ക് കാ​ര്യ​ങ്ങ​ൾ എ​ത്തി​ച്ചേ​രു​ന്നു. ഇ​രു​വ​രും ആ ​അ​സാ​ധാ​ര​ണ അ​വ​സ്ഥ​യെ എ​ങ്ങ​നെ ഫ​ല​പ്ര​ദ​മാ​യി നേ​രി​ടു​ന്നു എ​ന്ന​തി​ൽ നി​ന്നാ​ണ് തു​ട​ർ​ന്നു ക​ഥാ​സ​ഞ്ചാ​രം.



ത​മി​ഴി​ലും മ​ല​യാ​ള​ത്തി​ലും ചി​ത്രീ​ക​രി​ച്ച സി​നി​മ...‍?

ഒ​രേസ​മ​യം മ​ല​യാ​ള​ത്തി​ലും ത​മി​ഴി​ലും ചി​ത്രീ​ക​രി​ച്ച സി​നി​മ​യാ​ണി​ത്. ഈ ​സി​നി​മ​യ്ക്കു മ​ല​യാ​ളം നേ​റ്റി​വി​റ്റി​യോ ത​മി​ഴ് നേ​റ്റി​വി​റ്റി​യോ ഇ​ല്ല. ഈ ​സി​നി​മ പ​റ​യു​ന്ന​ത് പൊ​തു സ്വ​ഭാ​വ​മു​ള്ള ഒ​രു വി​ഷ​യ​മാ​ണ്. മ​ല​യാ​ളം വേ​ർ​ഷ​നി​ൽ ചെ​ന്നൈ​യി​ൽ വ​ർ​ക്ക് ചെ​യ്യു​ന്ന ഒ​രു മ​ല​യാ​ളി​പ്പ​യ്യ​നാ​ണ് ടൊ​വി​നോ​യു​ടെ ക​ഥാ​പാ​ത്രം അ​ഭി. ത​മി​ഴ് വേ​ർ​ഷ​നി​ൽ ചെ​ന്നൈ​യി​ൽ വ​ർ​ക്ക് ചെ​യ്യു​ന്ന ഒ​രു ത​മി​ഴ് പ​യ്യ​നും. മ​ല​യാ​ളം വേ​ർ​ഷ​നി​ലെ പ​ല ഭാ​ഗ​ങ്ങ​ളി​ലും ടൊ​വി​നോ ത​മി​ഴ് സം​സാ​രി​ക്കു​ന്നു​ണ്ട്. ഈ ​സി​നി​മ​യി​ൽ ത​മി​ഴ് ക​ഥാ​പാ​ത്ര​ങ്ങ​ൾ ഏ​റെ​യാ​ണ്. പ്ര​ഭു​വും സു​ഹാ​സി​നി​യും ത​മി​ഴ് ദ​ന്പ​തി​ക​ളു​ടെ വേ​ഷ​മാ​ണു ചെ​യ്തി​രി​ക്കു​ന്ന​ത്. മ​നോ​ബാ​ല, രോ​ഹി​ണി എ​ന്നി​വ​രും പ്ര​ധാ​ന വേ​ഷ​ങ്ങ​ളി​ൽ വ​രു​ന്നു.



ടോ​വിനോ​യെ നാ​യ​ക വേ​ഷ​ത്തി​ലേ​ക്കു പ​രി​ഗ​ണി​ച്ച​തി​നു പി​ന്നി​ൽ...?

വ​ള​രെ മി​ക​ച്ച പെ​ർ​ഫോ​ർ​മ​റാ​ണ് ടോവിനോ. ടോവി​നോ​യു​ടെ ‘ഗ​പ്പി’ സി​നി​മ ക​ണ്ടി​രു​ന്നു. അ​തി​ൽ അ​തി​മ​നോ​ഹ​ര​മാ​യ, അ​തി​ശ​യി​പ്പി​ക്കു​ന്ന പ്ര​ക​ട​ന​മാ​ണ് ടോവി​നോ കാ​ഴ്ച​വ​ച്ച​ത്. അ​തു​കൊ​ണ്ടാ​ണ് ടോവിനോ​യെ തെ​ര​ഞ്ഞെ​ടു​ത്ത​ത്. വ​ള​രെ സാ​ധാ​ര​ണ​മാ​യ ഒ​രു വി​ഷ​യ​മ​ല്ല ഈ ​സി​നി​മ പ​റ​യു​ന്ന​ത്. അ​തീ​വ​ശ്ര​ദ്ധ​യോ​ടെ ചെ​യ്യേ​ണ്ട റോ​ളാ​ണ്. ടോവിനോ അ​തു ന​ല്ല രീ​തി​യി​ൽ ചെ​യ്യു​മെ​ന്ന് എ​നി​ക്കു​റ​പ്പു​ണ്ടാ​യി​രു​ന്നു. എ​ന്ന് നി​ന്‍റെ മൊ​യ്തീ​ൻ, സ്റ്റൈ​ൽ തു​ട​ങ്ങി​യ സി​നി​മ​ക​ളും ക​ണ്ടി​രു​ന്നു. ടോവി​നോ​യ്ക്കു സൂ​പ്പ​ർ​താ​ര​പ​ദ​വി സ​മ്മാ​നി​ച്ച ഒ​രു മെ​ക്സി​ക്ക​ൻ അ​പാ​ര​ത റി​ലീ​സാ​കു​ന്ന​തി​നു മു​ന്പാ​ണ് ഈ ​പ​ട​ത്തി​നു വേ​ണ്ടി സ​മീ​പി​ച്ച​ത്. അ​ന്നു ഗോ​ദ​യു​ടെ ചി​ത്രീ​ക​ര​ണം ക​ഴി​യു​ന്ന സ​മ​യ​മാ​യി​രു​ന്നു. പി​ന്നീ​ടാ​ണ് ടോവി​നോ​യു​ടെ താ​ര​മൂ​ല്യം ഉ​യ​ർ​ത്തി​യ ഒ​രു മെ​ക്സി​ക്ക​ൻ അ​പാ​ര​ത, ഗോ​ദ, ത​രം​ഗം, മാ​യാ​ന​ദി തു​ട​ങ്ങി​യ ചി​ത്ര​ങ്ങ​ൾ തി​യ​റ്റ​റു​ക​ളി​ലെ​ത്തി​യ​ത്. ടോ​വി​നോ​യു​ടെ വി​സ്മ​യി​പ്പി​ക്കു​ന്ന പ്ര​ക​ട​ന​ങ്ങ​ൾ​ക്കാ​ണ് ക​ഴി​ഞ്ഞ വ​ർ​ഷം സാ​ക്ഷ്യം​വ​ഹി​ച്ച​ത്. ഇ​പ്പോ​ൾ ടോവിനോ വ​ലി​യ താ​ര​മാ​ണ്. വ​ള​രെ വ്യ​ത്യ​സ്ത​മാ​യ സ്ക്രി​പ്റ്റു​ക​ൾ മാ​ത്ര​മാ​ണ് ഇ​പ്പോ​ൾ ടോ​വി​നോ ക​മി​റ്റ് ചെ​യ്യു​ന്ന​തും.



ടോവി​നോ​യു​ടെ ക​ഥാ​പാ​ത്രം അ​ഭി​യെ​ക്കു​റി​ച്ച്...‍?

അ​ഭി ഒ​രു സോ​ഫ്റ്റ്‌വെ​യ​ർ എ​ൻ​ജി​നി​യ​റാ​ണ്. ചെ​ന്നൈ​യി​ൽ വ​ർ​ക്ക് ചെ​യ്യു​ന്നു. അ​ച്ഛ​നും അ​മ്മ​യും വി​ദേ​ശ​ത്താ​ണ്. ചെ​ന്നൈ​യി​ൽ ഒ​റ്റ​യ്ക്കാ​ണു താ​മ​സം. സു​ഹൃ​ത്തു​ക്ക​ളും കു​റ​വാ​ണ്. ഫേ​സ്ബു​ക്കി​ലാ​ണ് അ​ഭി അ​നു​വി​നെ ആ​ദ്യം കാ​ണു​ന്ന​ത്. ഊട്ടിയിൽ ഓർഗാനിക് ഫാർമറാണ് അനു. വാ​ട്സാ​പ്പി​ലും അ​വ​ർ സൗ​ഹൃ​ദം പ​ങ്കി​ടു​ന്നു. അ​തി​നു​ശേ​ഷ​മാ​ണ് അ​വ​ർ പ്ര​ണ​യ​ത്തി​ലാ​കു​ന്ന​ത്. പി​ന്നീ​ട് അ​വ​ർ വി​വാ​ഹി​ത​രാ​കു​ന്നു. അ​തി​നു​ശേ​ഷ​മാ​ണ് പ്ര​ശ്ന​ങ്ങ​ൾ തു​ട​ങ്ങു​ന്ന​ത്. അ​തി​നെ അ​വ​ർ എ​ങ്ങ​നെ നേ​രി​ടു​ന്നു എ​ന്ന​താ​ണു ക​ഥ.



പി​യ ബാ​ജ്പേ​യി​യെ നാ​യി​കാ​വേ​ഷ​ത്തി​ലേ​ക്കു പ​രി​ഗ​ണി​ച്ച​തി​നു പി​ന്നി​ൽ...‍‍?

പി​യ ബാ​ജ്പേ​യി മ​ല​യാ​ള​ത്തി​ൽ ര​ണ്ടു മൂ​ന്നു പ​ട​ങ്ങ​ൾ ചെ​യ്തി​ട്ടു​ണ്ട്. ത​മി​ഴി​ലും അ​റി​യ​പ്പെ​ടു​ന്ന താ​ര​മാ​ണു പി​യ. മൂ​ന്നാ​ലു വ​ർ​ഷ​മാ​യി പി​യ സൗ​ത്തി​ന്ത്യ​ൻ പ​ട​ങ്ങ​ളി​ൽ വ​ർ​ക്ക് ചെ​യ്തി​രു​ന്നി​ല്ല. ഹി​ന്ദി​ചി​ത്ര​ങ്ങ​ൾ മാ​ത്ര​മാ​ണു ചെ​യ്തു​കൊ​ണ്ടി​രു​ന്ന​ത്. 'വ​ർ​ജി​ൻ’ എ​ന്ന ഷോ​ർ​ട്ട്ഫി​ലി​മി​ലാ​ണ് പി​യ​യെ ഞാ​ൻ ആ​ദ്യ​മാ​യി ശ്ര​ദ്ധി​ച്ച​ത്. അ​തി​ൽ പി​യ​യു​ടെ പ്ര​ക​ട​നം മി​ക​ച്ച​താ​യി​രു​ന്നു. അ​നു​വി​ന്‍റെ റോ​ൾ പി​യ​യ്ക്ക് അ​നു​യോ​ജ്യ​മാ​ണെ​ന്ന് എ​നി​ക്കു തോ​ന്നി. ക​ഥ കേ​ട്ട നി​മി​ഷം മു​ത​ൽ പി​യ ആ ​ക​ഥാ​പാ​ത്ര​ത്തെ സ്നേ​ഹി​ച്ചു തു​ട​ങ്ങി. ടോവി​നോ​യും പി​യ​യും ഫ്ര​ഷ് പെ​യ​റു​മാ​ണ്.



മ്യൂ​സി​ക്ക​ൽ ല​വ് സ്റ്റോ​റി​യാ​ണോ... ‍?

ഇ​തൊ​രു മ്യൂ​സി​ക്ക​ൽ ല​വ് സ്റ്റോ​റി​യ​ല്ല. ര​ണ്ടു പാ​ട്ടു​ക​ൾ മാ​ത്ര​മാ​ണ് ഈ ​ചി​ത്ര​ത്തി​ലു​ള്ള​ത്. ര​ണ്ടു ഗാ​ന​ങ്ങ​ളും മൊ​ണ്ടാ​ഷ് സോംഗുക​ളാ​ണ്. സം​ഗീ​ത​വി​ഭാ​ഗം കൈ​കാ​ര്യം ചെ​യ്ത​ത് ധ​ര​ൻ കു​മാ​ർ. ഗാനരചന ബി. കെ. ഹരിനാരായണൻ. "നി​ന്‍റെ​യോ​മ​ൽ മി​ഴി​ക​ളോ...' എ​ന്ന ഗാ​നം ഹ​രി​ച​ര​ണും സാ​ഷാ തി​രു​പ്പ​തി​യും ചേ​ർ​ന്നു പാ​ടി​യി​രി​ക്കു​ന്നു. "എ​ന്തി​നോ ക​ണ്ണേ, എ​ങ്ങു നീ ​ക​ണ്ണേ...' എ​ന്ന ഗാ​നം ഹ​രി​ച​ര​ണും ശ്വേ​താ​മോ​ഹ​നും ചേ​ർ​ന്നു പാ​ടി​യി​രി​ക്കു​ന്നു.




പ്ര​ഭു, സു​ഹാ​സി​നി, മ​നോ​ബാ​ല, രോ​ഹി​ണി...

ചെ​ന്നൈ​യി​ൽ അ​ഭി​യു​ടെ ഫ്ളാ​റ്റി​ന്‍റെ തൊ​ട്ട​ടു​ത്ത ഫ്ളാ​റ്റി​ൽ താ​മ​സി​ക്കു​ന്ന മ​ക്ക​ളി​ല്ലാ​ത്ത ത​മി​ഴ് ദ​ന്പ​തി​ക​ളു​ടെ വേ​ഷ​മാ​ണ് പ്ര​ഭു​വി​നും സു​ഹാ​സി​നി​ക്കും. ഇ​രു​വ​രും അ​ഭി​ക്ക് അ​ച്ഛ​ന​മ്മ​മാ​രെ​ന്ന​തു​പോ​ലെ​യാ​ണ്. അ​വ​ർ​ക്കു സ്വ​ന്തം മ​ക​നെ​ന്ന​പോ​ലെ​യാ​ണ് അ​ഭി. വി​വാ​ഹ​ശേ​ഷം അ​ഭി​യും അ​നു​വും ചി​ല പ്ര​ശ്ന​ങ്ങ​ളെ നേ​രി​ടു​ന്പോ​ൾ അ​വ​ർ​ക്കു സ​പ്പോ​ർ​ട്ടാ​യി നി​ൽ​ക്കു​ന്ന​ത് സു​ഹാ​സി​നി​യു​ടെ​യും പ്ര​ഭു​വി​ന്‍റെ​യും ക​ഥാ​പാ​ത്ര​ങ്ങ​ളാ​ണ്. ഓ​ഫീ​സി​ൽ അ​ഭി​യു​ടെ ബോ​സി​ന്‍റെ വേ​ഷ​ത്തി​ലാ​ണ് മ​നോ​ബാ​ല വ​രു​ന്ന​ത്. കോ​മ​ഡി ട്രാ​ക്കി​ലു​ള്ള ഒ​രു വേ​ഷ​മാ​ണ​ത്. അ​നു​വി​ന്‍റെ അ​മ്മ​വേ​ഷ​ത്തി​ലാ​ണു രോ​ഹി​ണി വ​രു​ന്ന​ത്. വ​ള​രെ നി​ർ​ണാ​യ​ക പ്രാ​ധാ​ന്യ​മു​ള്ള വേ​ഷ​മാ​ണ് രോ​ഹി​ണി ചെ​യ്യു​ന്ന​ത്.



സ​ന്തോ​ഷ് ശി​വ​ന്‍റെ സ​പ്പോ​ർ​ട്ട്...?

ഈ ​സി​നി​മ​യു​ടെ എ​ക്സി​ക്യൂ​ട്ടീ​വ് പ്രൊ​ഡ്യൂ​സ​റാ​ണ് എ​ന്‍റെ അ​ടു​ത്ത സു​ഹൃ​ത്തു​കൂ​ടി​യാ​യ സ​ന്തോ​ഷ് ശി​വ​ൻ. 22 വ​ർ​ഷ​ത്തി​നു​ശേ​ഷം ഞാ​ൻ സം​വി​ധാ​ന​ത്തി​ലേ​ക്കു തി​രി​ച്ചു​വ​ന്ന​പ്പോ​ൾ അ​ദ്ദേ​ഹം ന​ല്കി​യ സ​പ്പോ​ർ​ട്ട് എ​ടു​ത്തു​പ​റ​യേ​ണ്ട​തു ത​ന്നെ. എ​ല്ലാ ദി​വ​സ​വും വി​ളി​ച്ചു ഷൂ​ട്ടിം​ഗ് കാ​ര്യ​ങ്ങ​ൾ സം​സാ​രി​ച്ചി​രു​ന്നു. പ്ലാ​ൻ ചെ​യ്തി​രു​ന്ന​തു​പോ​ലെ തൃ​പ്തി​ക​ര​മാ​യി സീ​നു​ക​ൾ ഷൂ​ട്ട് ചെ​യ്യാ​നാ​കു​ന്നു​ണ്ടോ എ​ന്നു തി​ര​ക്കി​യി​രു​ന്നു. യോ​ദ്ധ​യു​ടെ കാ​ലം മു​ത​ൽ തു​ട​ങ്ങി​യ സൗ​ഹൃ​ദ​മാ​ണ​ത്. ആ ​സി​നി​മ​യു​ടെ സ്ക്രി​പ്റ്റെ​ഴു​ത്തി​ൽ ഞാ​ൻ പ​ങ്കാ​ളി​യ​ല്ലെ​ങ്കി​ലും അ​തി​ന്‍റെ ച​ർ​ച്ച​ക​ളി​ൽ എ​ന്‍റെ സാ​ന്നി​ധ്യ​മു​ണ്ടാ​യി​രു​ന്നു. ആ ​സി​നി​മ​യി​ൽ അ​വ​ർ എ​നി​ക്കു താ​ങ്ക്സ് കാ​ർ​ഡ് ത​ന്നി​ട്ടു​ണ്ട്. അ​ദ്ദേ​ഹ​ത്തി​ന്‍റെ സ​ഹോ​ദ​ര​ൻ സം​ഗീ​ത് ശി​വ​നും എ​ന്‍റെ അ​ടു​ത്ത സു​ഹൃ​ത്താ​ണ്. സം​ഗീ​ത് ശി​വ​ൻ സം​വി​ധാ​നം ചെ​യ്ത ‘ഡാ​ഡി​’ക്കു ഞാ​നാ​ണു തി​ര​ക്ക​ഥ​യെ​ഴു​തി​യ​ത്.



ചി​ത്രീ​ക​ര​ണ​ത്തി​ൽ നേ​രി​ട്ട വെ​ല്ലു​വി​ളി​ക​ൾ..‍?

ഈ ​സി​നി​മ​യി​ലൂ​ടെ ഞാ​ൻ പ​റ​യു​ന്ന ആ ​സി​റ്റ്വേ​ഷ​ൻ...​അ​തു ത​ന്നെ​യാ​യി​രു​ന്നു പ്ര​ധാ​ന വെ​ല്ലു​വി​ളി. അ​ത്ത​രം ഒ​ര​വ​സ്ഥ ആ​ർ​ക്കു​മു​ണ്ടാ​വാം. പ​ക്ഷേ, അ​ത്ത​രം ഒ​ര​വ​സ്ഥ എ​നി​ക്കോ എ​ന്‍റെ അ​റി​വി​ൽ​പ്പെ​ട്ട​വ​ർ​ക്കോ ഉ​ണ്ടാ​യി​ട്ടി​ല്ല. അ​തി​നാ​ൽ ആ ​അ​വ​സ്ഥ​യെ എ​ങ്ങ​നെ ട്രീ​റ്റ് ചെ​യ്യ​ണ​മെ​ന്ന് എ​നി​ക്ക​റി​യി​ല്ലാ​യി​രു​ന്നു. അ​താ​യി​രു​ന്നു വെ​ല്ലു​വി​ളി. റൊ​മാ​ൻ​സ്, കോ​മ​ഡി... ഇ​വ​യെ എ​ങ്ങ​നെ സ​മീ​പി​ക്ക​ണ​മെ​ന്ന് ന​മു​ക്ക​റി​യാം. പ​ക്ഷേ, ഇ​വി​ടെ ഞാ​ൻ നേ​രി​ട്ട​ത് തി​ക​ച്ചും അ​സാ​ധാ​ര​ണ ഒരു സ​ന്ദ​ർ​ഭം ത​ന്നെ​യാ​യി​രു​ന്നു. സ്ക്രീ​നി​ൽ എ​ന്താ​ണോ നി​ങ്ങ​ൾ കാ​ണാ​ൻ പോ​കു​ന്ന​ത് അ​ത് പൂ​ർ​ണ​മാ​യും എ​ന്‍റെ മ​ന​സി​ൽ നി​ന്ന് ഉ​രു​ത്തി​രി​ഞ്ഞ​തും പു​തു​മ​യു​ള്ള​തു​മാ​യി​രി​ക്കും. എ​നി​ക്ക് റ​ഫ​ർ ചെ​യ്യാ​ൻ ഒ​ന്നു​മി​ല്ലാ​യി​രു​ന്നു. അ​താ​യ​ത് പൂ​ർ​ണ​മാ​യും പു​തു​മ​യു​ള്ള​തും അ​ന്യാ​ദൃ​ശ്യ​വു​മാ​യ ഒ​രു വി​ഷ​യ​മാ​ണ് ഈ ​സി​നി​മ​യി​ലൂ​ടെ ഞാ​ൻ അ​വ​ത​രി​പ്പി​ക്കു​ന്ന​ത്.



ഈ ​സി​നി​മ​യു​ടെ ഛായാ​ഗ്ര​ഹ​ണ​ത്തി​ൽ നി​ന്നു വി​ട്ടു​നി​ന്ന​തി​നു പി​ന്നി​ൽ...?

ബോ​ധ​പൂ​ർ​വ​മാ​ണ് ഇ​ത്ത​വ​ണ ഞാ​ൻ ഛായാ​ഗ്ര​ഹ​ണ​ത്തി​ൽ നി​ന്നു മാ​റി​നി​ന്ന​ത്. സം​വി​ധാ​ന​ത്തി​ൽ പൂ​ർ​ണ​ശ്ര​ദ്ധ കൊ​ടു​ക്കു​ന്ന​തി​നാ​ണ് ഛായാ​ഗ്ര​ഹ​ണം മ​റ്റൊ​രാ​ളെ ഏ​ൽ​പ്പി​ക്കാം എ​ന്ന് തീ​രു​മാ​നി​ച്ച​ത്. സ​ൽ​മാ​ൻ​ഖാ​ൻ നാ​യ​ക​നാ​യ പ്രേം​ര​ത്ത​ൻ ധ​ൻ പാ​വോ​യു​ടെ സെ​ക്ക​ൻ​ഡ് യൂ​ണി​റ്റ് കാ​മ​റാ​മാ​ൻ ആ​യി​രു​ന്ന ക​ല്യാ​ണ്‍(​അ​ഖി​ല​ൻ) ആ​ണ് ഈ ​സി​നി​മ​യു​ടെ കാ​മ​റ ചെ​യ്ത​ത്. അ​ഖി​ല​ൻ ധാ​രാ​ളം സി​നി​മ​ക​ൾ​ക്കു കാ​മ​റ ചെ​യ്തി​ട്ടു​ണ്ട്.



മ​ല​യാ​ളി പ്രേ​ക്ഷ​ക​രി​ൽ നി​ന്നു പ്ര​തീ​ക്ഷി​ക്കു​ന്ന​ത്...?

പ്രേ​ക്ഷ​ക​രു​ടെ പി​ന്തു​ണ​യും സ്നേ​ഹ​വും ഞാ​ൻ പ്ര​തീ​ക്ഷി​ക്കു​ന്നു. ത​മി​ഴ് സം​വി​ധാ​യി​ക​യാ​യ ഞാ​ൻ ചെ​യ്യു​ന്ന മ​ല​യാ​ളം സി​നി​മ എ​ന്ന നി​ല​യി​ൽ എ​ന്‍റെ തെ​റ്റു​കു​റ്റ​ങ്ങ​ൾ ക്ഷ​മി​ക്കു​മെ​ന്നു വി​ശ്വ​സി​ക്കു​ന്നു. ദ്വി​ഭാ​ഷാ ചി​ത്ര​മാ​ണു ചെ​യ്യു​ന്ന​തെ​ന്നു ക​ന്പ​നി തീ​രു​മാ​നി​ച്ച​പ്പോ​ൾ ത​മി​ഴി​നൊ​പ്പം എ​നി​ക്കു മു​ന്നി​ൽ ക​ന്ന​ട​യും തെ​ലു​ങ്കു​മൊ​ക്കെ ഉ​ണ്ടാ​യി​രു​ന്നു. പ​ക്ഷേ, ഞാ​ൻ തെ​ര​ഞ്ഞെ​ടു​ത്ത​തു മ​ല​യാ​ള​മാ​ണ്. സാം​സ്കാ​രി​ക​മാ​യി പു​രോ​ഗ​മ​ന​ചി​ന്താ​ഗ​തി​യു​ള്ള​വ​രാ​ണ് മ​ല​യാ​ളി പ്രേ​ക്ഷ​ക​ർ. മ​റ്റു​ള്ള​വ​രെ ന​ന്നാ​യി മ​ന​സി​ലാ​ക്കു​ന്ന​വ​രാ​ണ്. മ​ല​യാ​ള​ത്തി​ൽ വ്യ​ത്യ​സ്ത​യു​ള്ള ധാ​രാ​ളം വി​ഷ​യ​ങ്ങ​ൾ സി​നി​മ​യാ​കു​ന്നു​ണ്ട്. ഈ ​സി​നി​മ​യി​ലൂ​ടെ ഞാ​ൻ പ​റ​യു​ന്ന വി​ഷ​യം മ​ല​യാ​ളി​പ്രേ​ക്ഷ​ക​ർ അം​ഗീ​കാ​രി​ക്കു​മെ​ന്നു ഞാ​ൻ വി​ചാ​രി​ക്കു​ന്നു. സ​ന്പൂ​ർ​ണ സാ​ക്ഷ​ര​ത​നേ​ടി​യ ആ​ളു​ക​ളാ​ണ് മ​ല​യാ​ളി​ക​ൾ. മ​ല​യാ​ളി​പ്രേ​ക്ഷ​ക​രു​ടെ സി​നി​മാ​സാ​ക്ഷ​ര​ത​യും എ​ടു​ത്തു​പ​റ​യേ​ണ്ട​താ​ണ്. അ​തി​ശ​യ​ജ​ന​ക​മാ​യ റി​യ​ലി​സ്റ്റി​ക് ചി​ത്ര​ങ്ങ​ളാ​ണ് മ​ല​യാ​ള​ത്തി​ൽ ഉ​ണ്ടാ​യി​ക്കൊ​ണ്ടി​രി​ക്കു​ന്ന​ത്. അ​തി​ന് ഉ​ത്ത​മോ​ദാ​ഹ​ര​ണ​മാ​ണ് മാ​യാ​ന​ദി. അ​തു​കൊ​ണ്ടാ​ണ് മ​ല​യാ​ളം തെ​ര​ഞ്ഞെ​ടു​ത്ത​ത്.



മ​ല​യാ​ള​ത്തി​ൽ വീ​ണ്ടും സി​നി​മ ചെ​യ്യാ​ൻ ആ​ലോ​ച​ന​യു​ണ്ടോ...?

ഞ​ങ്ങ​ളു​ടെ സി​നി​മാ നി​ർ​മാ​ണ​ക​ന്പ​നി യൂ​ഡ്‌ലി ഫി​ലിം​സി​ന് മ​ല​യാ​ളം ഉ​ൾ​പ്പെ​ടെ​യു​ള്ള ഭാ​ഷ​ക​ളി​ൽ സി​നി​മ​ക​ൾ ചെ​യ്യാ​ൻ ആ​ലോ​ച​ന​യു​ണ്ട്. മി​ക​ച്ച പ്രോ​ജ​ക്ടു​ക​ൾ ഉ​ള്ള ആ​ർ​ക്കും ഞ​ങ്ങ​ളെ സ​മീ​പി​ക്കാ​വു​ന്ന​താ​ണ്. ന​ല്ല പ്രൊ​പ്പോ​സ​ൽ ആ​ണെ​ങ്കി​ൽ യൂ​ഡ്‌ലി ഫി​ലിം​സ് അ​തു നി​ർ​മി​ക്കും. സ​ബ്ജ​ക്റ്റി​ൽ സ​ത്യ​മു​ണ്ടാ​വ​ണം. അത് ആ​ധി​കാ​രി​കമാ​വ​ണം. റി​യ​ലി​സ്റ്റി​ക് ആ​വ​ണം.



മെ​ന്‍റ​ർ, ഗു​രു എ​ന്നൊ​ക്കെ കാണുന്നത്...?

എ​ന്‍റെ അ​ച്ഛ​ൻ ബി. ​ആ​ർ.​പ​ന്ത​ലു ത​ന്നെ​യാ​ണ് എ​ന്‍റെ മെ​ന്‍റ​റും ഗു​രു​വും. 52 സി​നി​മ​ക​ൾ അ​ച്ഛ​ൻ നി​ർ​മി​ച്ചു. തി​ക്കു​റി​ശ്ശി​യെ നാ​യ​ക​നാ​ക്കി അ​ദ്ദേ​ഹം സ്കൂ​ൾ​മാ​സ്റ്റ​ർ എ​ന്ന മ​ല​യാ​ളം സി​നി​മ നി​ർ​മി​ച്ചി​ട്ടു​ണ്ട്. മ​റാ​ത്തി ക​ഥ അ​ടി​സ്ഥാ​ന​മാ​ക്കി 1958ൽ ​അ​ച്ഛ​ൻ നി​ർ​മാ​ണ​വും സം​വി​ധാ​ന​വും നി​ർ​വ​ഹി​ച്ച അ​തേ പേ​രി​ലു​ള്ള ക​ന്ന​ട ചി​ത്ര​ത്തി​ന്‍റെ റീ​മേ​ക്കാ​യി​രു​ന്നു അ​ത്. സ്കൂ​ൾ​മാ​സ്റ്റ​ർ ക​ന്ന​ട പ​തി​പ്പ് ദേ​ശീ​യ​പു​ര​സ്കാ​രം നേ​ടി​യി​രു​ന്നു. ത​മി​ഴ്, തെ​ലു​ങ്ക്, ഹി​ന്ദി ഭാ​ഷ​ക​ളി​ലും സ്കൂ​ൾ മാ​സ്റ്റ​ർ റിലീസായി. അ​ച്ഛ​നാ​ണ് ജ​യ​ല​ളി​ത​യെ ക​ർ​ണ​ൻ എ​ന്ന സി​നി​മ​യി​ലൂ​ടെ ത​മി​ഴ് സി​നി​മ​യി​ൽ അ​വ​ത​രി​പ്പി​ച്ച​ത്. ത​ന്‍റെ വ​ർ​ക്കി​ൽ മാ​ത്രം ശ്ര​ദ്ധി​ച്ച് ആ​ത്മാ​ർ​പ്പ​ണ​ത്തോ​ടെ പ്ര​വ​ർ​ത്തി​ച്ച ലാ​ളി​ത്യ​ത്തോ​ടെ ജീ​വി​ച്ച ഒ​രു പ്ര​തി​ഭ​യാ​യി​രു​ന്നു അ​ദ്ദേ​ഹം. ആ ​പേ​ര് ഞാ​ൻ മോ​ശ​മാ​ക്കി​യി​ട്ടി​ല്ല എ​ന്നു ക​രു​ത​ട്ടെ. അ​ദ്ദേ​ഹ​ത്തി​ന്‍റെ പേ​ര് ഞാ​ൻ കാ​ത്തു​സൂ​ക്ഷി​ക്കു​ന്നു എ​ന്നാ​ണ് എ​ന്‍റെ വി​ശ്വാ​സം.



അ​ശോ​ക് കുമാ​റി​നെ​ക്കു​റി​ച്ച്...?

അ​ദ്ദേ​ഹം തീ​ർ​ച്ച​യാ​യും ഛായാ​ഗ്ര​ഹ​ണ​ത്തി​ൽ എ​ന്‍റെ ഗു​രു​വാ​ണ്. നാ​ല​ര വ​ർ​ഷം ഞാ​ൻ അ​ദ്ദേ​ഹ​ത്തി​ന്‍റെ അ​സി​സ്റ്റ​ന്‍റാ​യി പ്ര​വ​ർ​ത്തി​ച്ചു. സ്വ​ത​ന്ത്ര ഛായാ​ഗ്രാ​ഹ​ക ആ​കു​ന്ന​തി​നു മു​ന്പ് 30 സി​നി​മ​ക​ളി​ൽ അ​ദ്ദേ​ഹ​ത്തോ​ടൊ​പ്പം വ​ർ​ക്ക് ചെ​യ്തു. അ​ശോ​ക്‌കു​മാ​റി​ന്‍റെ ഛായാ​ഗ്ര​ഹ​ണ സ​ഹാ​യി​യാ​യി പ്ര​വ​ർ​ത്തി​ച്ചി​രു​ന്ന കാ​ല​ത്ത് ധാ​രാ​ളം മ​ല​യാ​ള​ചി​ത്ര​ങ്ങ​ളി​ലും വ​ർ​ക്ക് ചെ​യ്തി​ട്ടു​ണ്ട്. പ​ദ്മ​രാ​ജ​ന്‍റെ ന​വം​ബ​റി​ന്‍റെ ന​ഷ്ടം, ഫാ​സി​ൽ ചി​ത്ര​ങ്ങ​ളാ​യ​ എ​ന്‍റെ മാ​മാ​ട്ടി​ക്കു​ട്ടി​യ​മ്മ​യ്ക്ക്, നൊ​ക്കെ​ത്താ ദൂ​ര​ത്ത് ക​ണ്ണും​ന​ട്ട്, ജി​ജോ സം​വി​ധാ​നം ചെ​യ്ത മൈ ​ഡി​യ​ർ കു​ട്ടി​ച്ചാ​ത്ത​ൻ തു​ട​ങ്ങി​യ സി​നി​മ​ക​ളി​ലൊക്കെ. സ്വ​ത​ന്ത്ര ഛായാ​ഗ്രാ​ഹ​ക​യാ​യ​പ്പോ​ൾ ത​മി​ഴി​ലാ​ണ് ഏ​റെ​യും വ​ർ​ക്ക് ചെ​യ്ത​ത്.



വീ​ട്ടു​വി​ശേ​ഷ​ങ്ങ​ൾ...

ഭ​ർ​ത്താ​വ് മ​ല​യാ​ളി​യാ​യ സു​നി​ൽ ​ശ്രീ നാ​യ​ർ. അ​ദ്ദേ​ഹ​മാ​ണ് ഈ ​സി​നി​മ​യു​ടെ എ​ഡി​റ്റ​ർ. തി​രു​വ​ന​ന്ത​പു​രം ക​ര​മ​ന സ്വ​ദേ​ശി. പൂ​നെ ഫി​ലിം ഇ​ൻ​സ്റ്റി​റ്റ്യൂ​ട്ടി​ൽ നി​ന്നാ​ണ് അ​ദ്ദേ​ഹം സൗ​ണ്ട് എ​ൻ​ജി​നി​യ​റിം​ഗ് പാ​സാ​യ​ത്. പി​ന്നീ​ട് അ​ദ്ദേ​ഹം എ​ഡി​റ്റിം​ഗി​ൽ വ​ർ​ക്ക് ചെ​യ്യു​ന്പോ​ഴാ​ണ് ഞാ​ൻ അ​ദ്ദേ​ഹ​ത്തെ പ​രി​ച​യ​പ്പെ​ട്ട​തും ഞ​ങ്ങ​ൾ വി​വാ​ഹി​ത​രാ​യ​തും. ഞ​ങ്ങ​ളു​ടെ മ​ക​ൻ ഹൃ​ദ​യ് പ​ന്ത്ര​ണ്ടാം ക്ലാ​സി​ൽ പ​ഠി​ക്കു​ന്നു.

ടി.ജി. ബൈജുനാഥ്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.