ഗുജറാത്തിൽ ഏഴു വിദേശ വിദ്യാർഥികളോട് ഹോസ്റ്റൽ ഒഴിയാൻ നിർദേശം : Deepika.com National News |

Click here for detailed news of all items

ഗുജറാത്തിൽ ഏഴു വിദേശ വിദ്യാർഥികളോട് ഹോസ്റ്റൽ ഒഴിയാൻ നിർദേശം

Monday, April 8, 2024 4:02 AM IST

അഹമ്മദാബാദ്: ഗുജറാത്ത് യൂണിവേഴ്സിറ്റിയിൽ ഏഴു വിദേശ വിദ്യാർഥികളോട് ഹോസ്റ്റൽ മുറി ഒഴിഞ്ഞുകൊടുക്കണമെന്ന് അധികൃതർ. ഹോസ്റ്റൽ മുറിയിൽ പ്രാർഥന നടത്തിയതിനു വിദ്യാർഥികൾ ആക്രമിക്കപ്പെട്ടതിന് ആഴ്ചകൾക്കു ശേഷമാണ് അധികൃതരുടെ തീരുമാനം. ഇവരിൽ ആറു വിദ്യാർഥികൾ അഫ്ഗാനിസ്ഥാനിൽനിന്നും ഒരാൾ കിഴക്കൻ ആഫ്രിക്കയിൽനിന്നുമാണ്.

പഠനം പൂർത്തിയാക്കിയ ഇവർ ഹോസ്റ്റലിൽ അനധികൃതമായാണു താമസിച്ചു വന്നിരുന്നതെന്നും അനുമതികൂടാതെ താമസിച്ചതിനാണ് നോട്ടീസ് നല്കി പുറത്താക്കുന്നതെന്നും വൈസ് ചാൻസലർ നീരജ് ഗുപ്ത പറഞ്ഞു.

അഫ്ഗാനിൽനിന്നും ഗാംബിയയിൽനിന്നുമുള്ള പ്രതിനിധി സംഘം വിദ്യാർഥികൾ ആക്രമിക്കപ്പെട്ടശേഷം ഹോസ്റ്റലിലെത്തിയിരുന്നു. വൈസ് ചാൻസലറുമായി ചർച്ച നടത്തിയ സംഘം വിദ്യാർഥികളുടെ സുരക്ഷാനടപടികളിൽ തൃപ്തി അറിയിച്ചിരുന്നു. ഇവരോട് ഹോസ്റ്റലിൽനിന്ന് ഒഴിഞ്ഞുപോകണമെന്നു നിർദേശിച്ചിരുന്നതായി അതാത് എംബസികളെ അറിയിച്ചിരുന്നു. മുന്നൂറിലധികം വിദേശ വിദ്യാർഥികളാണ് യൂണിവേഴ്സിറ്റിയിൽ എൻ‌റോൾ ചെയ്തിട്ടുള്ളത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.