സഹോദരങ്ങൾ നേർക്കുനേർ : Deepika.com National News |

Click here for detailed news of all items

സഹോദരങ്ങൾ നേർക്കുനേർ

Monday, April 8, 2024 4:19 AM IST

ബെർഹാംപുർ: ഒഡീഷയിലെ ഗഞ്ചാം ജില്ലയിലെ ചികിതി മണ്ഡലത്തിൽ പരസ്പരം പോരാടുന്നത് സഹോദരങ്ങൾ. രവീന്ദ്രനാഥ് ധ്യാൻ സാമന്തറായി കോൺഗ്രസ് ടിക്കറ്റിൽ മത്സരിക്കുന്പോൾ ഇളയ സഹോദരൻ മനോരഞ്ജൻ ധ്യാൻ സാമന്തറായി ബിജെപി സ്ഥാനാർഥിയാണ്.

മുൻ ഒഡീഷ സ്പീക്കർ ചിന്താമണി ധ്യാൻ സാമന്തറായിയുടെ മക്കളാണിവർ. ചികിതിയിൽനിന്ന് മൂന്നു തവണ ചിന്താമണി തെരഞ്ഞെടുക്കപ്പെട്ടിട്ടുണ്ട്. എൺപത്തിനാലുകാരൻ ചിന്താമണി കോൺഗ്രസ് നേതാവാണ്. ഇളയ മകൻ ബിജെപി സ്ഥാനാരർഥിയായത് സ്വന്തം ഇഷ്ടപ്രകാരമാണെന്ന് അദ്ദേഹം പറഞ്ഞു.

മനോരഞ്ജൻ മുന്പു രണ്ടു തവണ മത്സരിച്ചിട്ടുണ്ട്. രവീന്ദ്രനാഥിന്‍റേത് കന്നിയങ്കമാണ് ഒഡീഷ മന്ത്രി ഉഷാ ദേവിയുടെ മകൻ ചിന്മയാനന്ദ ശ്രീരൂപ് ദേബ് ആണ് ബിജെഡി സ്ഥാനാർഥി. ചികിതിയിൽനിന്ന് അഞ്ചു തവണ ഉഷാ റാണി തെരഞ്ഞെടുക്കപ്പെട്ടു.

നബരംഗ്പുരിൽ അമ്മായിയും മരുമകനും ഇരു പാർട്ടികളിലായി മത്സരിക്കുന്നു. ബിജെഡി ടിക്കറ്റിൽ കൗസല്യ പ്രധാൻ ജനവിധി തേടുന്പോൾ മരുമകൻ ദിലീപ് കോൺഗ്രസ് സ്ഥാനാർഥിയാണ്. തെരഞ്ഞെടുപ്പ് കുടുംബബന്ധത്തെ ബാധിക്കില്ലെന്ന് കൗസല്യയും ദിലീപും പറയുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.