National News
കേജരിവാളിനു തിരിച്ചടി; അ​റ​സ്റ്റി​നെ ചോ​ദ്യം ചെ​യ്ത ഹ​ർ​ജി ഡ​ൽ​ഹി ഹൈ​ക്കോ​ട​തി ത​ള്ളി
കേജരിവാളിനു തിരിച്ചടി; അ​റ​സ്റ്റി​നെ ചോ​ദ്യം ചെ​യ്ത ഹ​ർ​ജി ഡ​ൽ​ഹി ഹൈ​ക്കോ​ട​തി ത​ള്ളി
Wednesday, April 10, 2024 2:38 AM IST
ജോ​ർ​ജ് ക​ള്ളി​വ​യ​ലി​ൽ

ന്യൂ​ഡ​ൽ​ഹി: മ​ദ്യ​ന​യക്കേസി​ൽ ഡ​ൽ​ഹി മു​ഖ്യ​മ​ന്ത്രി അ​ര​വി​ന്ദ് കേ​ജ​രി​വാ​ളി​നു തി​രി​ച്ച​ടി. എ​ൻ​ഫോ​ഴ്സ്മെ​ന്‍റ് ഡ​യ​റ​ക്‌​ട​റേ​റ്റ് അ​റ​സ്റ്റ് ചെ​യ്ത​തി​നെ​തി​രേ ന​ൽ​കി​യ ഹ​ർ​ജി ഡ​ൽ​ഹി ഹൈ​ക്കോ​ട​തി ത​ള്ളി​യ​തോ​ടെ കേ​ജ​രി​വാ​ൾ ജ​യി​ലി​ൽ തു​ട​രും.

മ​തി​യാ​യ തെ​ളി​വു​ക​ൾ ഹാ​ജ​രാ​ക്കാ​ൻ ഇ​ഡി​ക്കു ക​ഴി​ഞ്ഞെ​ന്നും കേ​ജ​രി​വാ​ളി​ന്‍റെ അ​റ​സ്റ്റും റി​മാ​ൻ​ഡും നി​യ​മ​പ​ര​മാ​ണെ​ന്നും, വി​ധി പ​റ​ഞ്ഞ ഏ​കാം​ഗ ബെ​ഞ്ചി​ലെ ജ​സ്റ്റീ​സ് സ്വ​ർ​ണ​കാ​ന്ത ശ​ർ​മ വ്യ​ക്ത​മാ​ക്കി. എ​ക്സൈ​സ് ന​യം രൂ​പീ​ക​രി​ക്കു​ന്ന​തി​ൽ കേ​ജ​രി​വാ​ൾ ഗൂ​ഢാ​ലോ​ച​ന ന​ട​ത്തു​ക​യും കു​റ്റ​കൃ​ത്യ​ത്തി​ൽ​നി​ന്നു​ള്ള വ​രു​മാ​നം ഉ​പ​യോ​ഗി​ക്കു​ക​യും ചെ​യ്തു​വെ​ന്ന് ഇ​ഡി ശേ​ഖ​രി​ച്ച വി​വ​ര​ങ്ങ​ൾ വെ​ളി​പ്പെ​ടു​ത്തു​ന്നു​വെ​ന്നും വി​ധി​യി​ൽ ചൂ​ണ്ടി​ക്കാ​ട്ടി.

ല​ഭി​ച്ച പ​ണം 2022ലെ ​ഗോ​വ നി​യ​മ​സ​ഭാ തെ​ര​ഞ്ഞെ​ടു​പ്പി​ൽ ചെ​ല​വ​ഴി​ച്ചു​വെ​ന്ന ഇ​ഡി​യു​ടെ വാ​ദം കോ​ട​തി ശ​രി​വ​ച്ചു. എ​എ​പി​യു​ടെ ദേ​ശീ​യ ക​ണ്‍വീ​ന​ർ എ​ന്ന​ നി​ല​യി​ൽ ന​യ​രൂ​പീ​ക​ര​ണ​ത്തി​ലും കോ​ഴ​യി​ലും പ​ങ്കാ​ളി​യാ​ണ്. ഗൂ​ഢാ​ലോ​ച​ന​യ്ക്കു തെ​ളി​വു​ണ്ടെ​ന്നും കോ​ട​തി വ്യ​ക്ത​മാ​ക്കി.

തെ​ര​ഞ്ഞെ​ടു​പ്പു കാ​ല​മാ​ണോ​യെ​ന്ന​തു കോ​ട​തി ക​ണ​ക്കി​ലെ​ടു​ക്കേ​ണ്ട കാ​ര്യ​മ​ല്ല. തെ​ര​ഞ്ഞെ​ടു​പ്പ് മു​ന്നി​ൽ​ക്ക​ണ്ട് കേ​ജ​രി​വാ​ളി​ന് അ​ന്വേ​ഷ​ണ​വു​മാ​യി സ​ഹ​ക​രി​ക്കാ​മാ​യി​രു​ന്നു. മു​ഖ്യ​മ​ന്ത്രി​യെ​ന്ന പ്ര​ത്യേ​ക പ​രി​ഗ​ണ​ന ന​ൽ​കാ​നാ​കി​ല്ല. രാ​ഷ്‌​ട്രീ​യ​ത്തി​ന​ല്ല, നി​യ​മ​ത്തി​നാ​ണു പ്ര​ഥ​മ പ​രി​ഗ​ണ​ന ന​ൽ​കു​ന്ന​ത്. മാ​പ്പു​സാ​ക്ഷി​യു​ടെ മൊ​ഴി രേ​ഖ​പ്പെ​ടു​ത്തു​ന്ന​തി​ൽ തെ​റ്റി​ല്ല. മാ​പ്പു​സാ​ക്ഷി​ക​ളെ അ​വ​ഗ​ണി​ച്ചാ​ൽ നി​യ​മ​വ്യ​വ​സ്ഥ മു​ന്നോ​ട്ടു​ പോ​കി​ല്ലെ​ന്നു കോ​ട​തി പ​റ​ഞ്ഞു.

അ​റ​സ്റ്റ് നി​യ​മ​വി​രു​ദ്ധ​മാ​ണോ​യെ​ന്നു പ​രി​ശോ​ധി​ക്കു​ന്ന​തി​നാ​ണ് ഹ​ർ​ജി. ജാ​മ്യം അ​നു​വ​ദി​ക്കാ​നു​ള്ള​ത​ല്ല. കു​റ്റ​കൃ​ത്യ​ത്തി​ലും ഗൂ​ഢാ​ലോ​ച​ന​യി​ലും കേ​ജ​രി​വാ​ൾ ഉ​ൾ​പ്പെ​ട്ടു​വെ​ന്നു വ്യ​ക്ത​മാ​ക്കു​ന്ന തെ​ളി​വു​ക​ൾ ഇ​ഡി ശേ​ഖ​രി​ച്ചി​ട്ടു​ണ്ട്. 100 കോ​ടി രൂ​പ കോ​ഴ ആ​വ​ശ്യ​പ്പെ​ടു​ന്ന​തി​ലും കേ​ജ​രി​വാ​ൾ ഉ​ൾ​പ്പെ​ട്ടി​ട്ടു​ണ്ടെ​ന്ന് ഇ​ഡി പ​റ​യു​ന്നു.


ഗോ​വ നി​യ​മ​സ​ഭാ തെ​ര​ഞ്ഞെ​ടു​പ്പി​ന് കേ​ജ​രി​വാ​ൾ പ​ണം ന​ൽ​കി​യെ​ന്ന​തി​നു മ​തി​യാ​യ തെ​ളി​വു​ണ്ട്. ഇ​ക്കാ​ര്യ​ത്തി​ൽ കൂ​റു​മാ​റി​യ സാ​ക്ഷി​യു​ടെ മൊ​ഴി​യും എ​എ​പി സ്ഥാ​നാ​ർ​ഥി​യു​ടെ മൊ​ഴി​യും ഹാ​ജ​രാ​ക്കാ​ൻ ഇ​ഡി​ക്കു ക​ഴി​ഞ്ഞി​ട്ടു​ണ്ടെ​ന്നും ജ​ഡ്ജി വി​ശ​ദീ​ക​രി​ച്ചു.

മ​ദ്യ​ന​യ​ക്കേ​സി​ൽ ക​ഴി​ഞ്ഞ മാ​സം 21ന് ​ഇ​ഡി അ​റ​സ്റ്റ് ചെ​യ്ത കേ​ജ​രി​വാ​ളി​നെ തി​ങ്ക​ളാ​ഴ്ച വ​രെ ജു​ഡീ​ഷ​ൽ ക​സ്റ്റ​ഡി​യി​ൽ റി​മാ​ൻ​ഡ് ചെ​യ്തി​രി​ക്കു​ക​യാ​ണ്. അ​റ​സ്റ്റും റി​മാ​ൻ​ഡും ചോ​ദ്യം ചെ​യ്ത ഹ​ർ​ജി ഹൈ​ക്കോ​ട​തി ത​ള്ളി​യ​തോ​ടെ ഇ​നി സു​പ്രീം​കോ​ട​തി​യി​ലാ​ണു കേ​ജ​രി​വാ​ളി​ന്‍റെ പ്ര​തീ​ക്ഷ.

ജ​യി​ലി​ൽ കി​ട​ന്ന് ഡ​ൽ​ഹി​യു​ടെ ഭ​ര​ണം തു​ട​രു​ന്ന കേ​ജ​രി​വാ​ളി​ന് ഇ​നി​യെ​ത്ര നാ​ൾ അ​തു തു​ട​രാ​നാ​കു​മെ​ന്ന​തും സു​പ്രീം​കോ​ട​തി​യു​ടെ വി​ധി​യെ ആ​ശ്ര​യി​ച്ചി​രി​ക്കും. ലോ​ക്സ​ഭാ തെ​ര​ഞ്ഞെ​ടു​പ്പി​ലെ എ​എ​പി​യു​ടെ പ്ര​ചാ​ര​ണ​ത്തെ​യും ജ​യി​ൽ​വാ​സം ബാ​ധി​ച്ചിട്ടുണ്ട്.

എ​എ​പി സു​പ്രീം​കോ​ട​തി​യി​ലേ​ക്ക്

ന്യൂ​ഡ​ൽ​ഹി: മ​ദ്യ​ന​യ​ക്കേ​സി​ൽ ഇ​ഡി​യു​ടെ അ​റ​സ്റ്റ് ചോ​ദ്യം​ചെ​യ്തു അ​ര​വി​ന്ദ് കേ​ജ​രി​വാ​ൾ ഡ​ൽ​ഹി ഹൈ​ക്കോ​ട​തി​യി​ൽ സ​മ​ർ​പ്പി​ച്ച ഹ​ർ​ജി ത​ള്ളി​യ​തി​നു പി​ന്നാ​ലെ സു​പ്രീം​കോ​ട​തി​യെ സ​മീ​പി​ക്കാ​നൊ​രു​ങ്ങി ആം​ആ​ദ്മി പാ​ർ​ട്ടി.

ഹൈ​ക്കോ​ട​തി​യെ ബ​ഹു​മാ​നി​ക്കു​ക​യും അം​ഗീ​ക​രി​ക്കു​ക​യും ചെ​യ്യു​ന്നു. എ​ന്നാ​ൽ, കേ​ജ​രി​വാ​ളി​ന്‍റെ ഹ​ർ​ജി ത​ള്ളാ​ൻ കോ​ട​തി എ​ടു​ത്ത തീ​രു​മാ​ന​ത്തെ അം​ഗീ​ക​രി​ക്കു​ന്നി​ല്ലെ​ന്നും സു​പ്രീം​കോ​ട​തി​യി​ൽ പോ​കാ​നാ​ണു തീ​രു​മാ​ന​മെ​ന്നും ആം​ആ​ദ്മി നേ​താ​വും മ​ന്ത്രി​യു​മാ​യ സൗ​ര​ഭ് ഭ​ര​ദ്വാ​ജ് മാ​ധ്യ​മ​ങ്ങ​ളോ​ട് പ​റ​ഞ്ഞു.

ഇ​ഡി പ​റ​യു​ന്ന "മ​ദ്യ​ന​യ അ​ഴി​മ​തി' പാ​ർ​ട്ടി​യെ​യും കേ​ജ​രി​വാ​ളി​നെ​യും ഇ​ല്ലാ​താ​ക്കാ​നു​ള്ള ഏ​റ്റ​വും വ​ലി​യ രാ​ഷ്‌​ട്രീ​യ ഗൂ​ഢാ​ലോ​ച​ന​യാ​ണെ​ന്നും സൗ​ര​ഭ് ഭ​ര​ദ്വാ​ജ് ചൂ​ണ്ടി​ക്കാ​ട്ടി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.