ഇ​ന്ത്യ-​പാ​ക് വി​ഭ​ജ​ന​ത്താ​ല്‍ വേ​ര്‍​പി​രി​ഞ്ഞ ബാ​ല്യ​കാ​ല സു​ഹൃ​ത്തു​ക്ക​ള്‍; 90-ാം വ​യ​സി​ല്‍ ക​ണ്ടു​മു​ട്ടു​മ്പോ​ള്‍
Monday, March 11, 2024 3:16 PM IST
"വി​ഭ​ജ​നം', "വേ​ര്‍​പി​രി​യ​ല്‍' ഇ​ത്ര​യും ആ​ഴ​ത്തി​ല്‍ വേ​ദ​ന​യു​ള​വാ​ക്കു​ന്ന മ​റ്റൊ​ന്നു​മി​ല്ല. അ​തു​വ​രെ പ്രി​യ​മാ​യി​രു​ന്ന ഇ​ട​വും മ​ന​സു​ക​ളു​മൊ​ക്കെ വി​ട്ട് അ​റി​യാ​ത്ത കോ​ണി​ലേ​ക്ക് ഒ​രു ഇ​രു​ട്ട് ഉ​രു​ണ്ട് മാ​റും നേ​രം​കൊ​ണ്ട് എ​ത്തേ​ണ്ടി​വ​രു​ന്ന​ത് വ​ലി​യ സ​ങ്ക​ട​ക​ര​മാ​ണ്.

അ​ത്ത​ര​മൊ​രു വി​ട​പ​റ​ച്ചി​ല്‍ ന​ട​ത്തു​ന്ന​വ​രു​ടെ ഒ​രാ​യു​ഷ്‌​കാ​ലം മു​ഴു​വ​ന്‍ നീ​ണ്ടു​നി​ല്‍​ക്കു​ന്ന സ്വ​പ്‌​ന​മാ​ണ് തി​രി​കെ​യെ​ത്തു​ക എ​ന്ന​ത്. എ​ന്നാ​ല്‍ എ​ല്ലാ​വ​ര്‍​ക്കും ആ ​മോ​ഹം സ​ഫ​ല​മാ​കി​ല്ല.

വി​ഭ​ജ​ന​ങ്ങ​ളു​ടെ നോ​വി​ല്‍ ഏ​റ്റ​വും മു​ന്‍​പ​ന്തി​യി​ല്‍ ഉ​ള്ള ഒ​ന്നാ​ണ് ഇ​ന്ത്യ -പാ​ക് വി​ഭ​ജ​നം. ദ​ശ​ല​ക്ഷ​ക്ക​ണ​ക്കി​ന് ആ​ളു​ക​ള്‍ കൊ​ല്ല​പ്പെ​ടു​ക​യും പ​ലാ​യ​നം ചെ​യ്യു​ക​യും ചെ​യ്ത ആ ​സം​ഭ​വം അ​ന്ന​തി​ന് സാ​ക്ഷി​യാ​യ​വ​രു​ടെ ഉ​ള്ളം ഇ​ന്നും ഉ​ല​യ്ക്കു​ന്നു. പ്രി​യ​പ്പെ​ട്ട സു​ഹൃ​ത്തു​ക്ക​ളി​ല്‍ നി​ന്നും സ്‌​നേ​ഹ​മു​ള്ള അ​യ​ല്‍​ക്കാ​രി​ല്‍ നി​ന്നും ഒ​രൊ​റ്റ രാ​ത്രി​യി​ല്‍ അ​ക​ന്നു​പോ​യ എ​ത്ര​യെ​ത്ര ആ​ളു​ക​ള്‍.

വി​ഭ​ജ​ന​ത്തി​ന്‍റെ ബാ​ക്കി​പ​ത്ര​മാ​യി ഇ​പ്പോ​ഴും ഇ​ന്ത്യ-പാ​ക് "മ​ത്‌​സ​രം' പ​ല​രും ന​ട​ത്തു​ന്നു. പ്ര​ധാ​ന​മാ​യും ക്രി​ക്ക​റ്റ് മ​ത്‌​സ​ര​ങ്ങ​ളി​ല്‍ അ​ത് കാ​ണാ​നാ​കും. വി​ഭ​ജ​ന​ത്തി​ന്‍റെ ശ​രി​തെ​റ്റു​ക​ളേ​ക്കാ​ള്‍ പ​റ​യാ​നാ​ഗ്ര​ഹി​ക്കു​ന്ന​ത് നി​സ​ഹാ​യ​രാ​യി​പ്പോ​യ ചി​ല മ​നു​ഷ്യ​രു​ടെ കാ​ര്യ​മാ​ണ്.

സ​മൂ​ഹ മാ​ധ്യ​മ​ങ്ങ​ളു​ടെ സഹായത്തോടെ പ​ല​രും ഇ​രു രാ​ജ്യ​ങ്ങ​ളി​ലു​മു​ള്ള ത​ങ്ങ​ളു​ടെ പ്രി​യ​പ്പെ​ട്ട ബ​ന്ധു​ക്ക​ളെ​യും അ​യ​ല്‍​ക്കാ​രേ​യും ക​ണ്ട കാ​ഴ്ച ഏ​റെ വൈ​കാ​രി​ക​മാ​യി​രു​ന്നു. അ​ത്ത​ര​ത്തി​ലു​ള്ള മ​റ്റൊ​രു കൂ​ടി​ക്കാ​ഴ്ച​യു​ടെ കാ​ര്യ​മാ​ണി​ത്.

1947-ലെ ​ഇ​ന്ത്യ-​പാ​ക് വി​ഭ​ജ​ന​ത്തി​ന് മു​മ്പ് ഗു​ജ​റാ​ത്തി​ലെ ദീ​സ​യി​ല്‍ ഒ​രു​മി​ച്ച് വ​ള​ര്‍​ന്ന​വ​രാ​യി​രു​ന്നു സു​രേ​ഷ് കോ​ത്താ​രി​യും എ.​ജി. ഷാ​ക്കി​റും. 12-ാം വ​യ​സു​വ​രെ ആ ​ആ​ത്മി​ത്ര​ങ്ങ​ള്‍ ഒ​രു​മി​ച്ചു ക​ളി​ച്ചു​ന​ട​ന്നു.

എ​ന്നാ​ല്‍ വി​ഭ​ജ​ന​ത്തി​ന്‍റെ ഒ​റ്റ​രാ​ത്രി​കൊ​ണ്ട് ഷാ​ക്കീ​ര്‍ പാ​ക്കി​സ്ഥാ​നി​ലേ​ക്ക് പോ​യി. യ​ഥാ​ര്‍​ഥ​ത്തി​ല്‍ ഗു​ജ​റാ​ത്തി​ല്‍ നി​ന്നും ഏ​റെ അ​ക​ലെ​യ​ല്ലാ​യി​രു​ന്നു ഈ ​അ​തി​ര്‍​ത്തി. എ​ന്നാ​ല്‍ പീ​ന്നീ​ട​വ​ര്‍​ക്ക് ത​മ്മി​ല്‍ വ​ര്‍​ഷ​ങ്ങ​ളോ​ളം കാ​ണാ​ന്‍ ക​ഴി​ഞ്ഞി​ല്ല.

റാ​വ​ല്‍​പി​ണ്ടി​യി​ലാ​ണ് താ​നെ​ന്നും കാ​ട്ടി ഷാ​ക്കീ​ര്‍ തന്‍റെ പ്രി​യ​പ്പെ​ട്ട സു​രേ​ഷി​ന് ഒരു ക​ത്തെ​ഴു​തി. ആ ​വി​ലാ​സ​ത്തി​ല്‍ സു​രേ​ഷ് മ​റു​പ​ടി​യും എ​ഴു​തി. അവരുടെ ക​ത്തി​ട​പാ​ടു​ക​ള്‍ കു​റേ നാ​ളു​ക​ള്‍ തു​ട​ര്‍​ന്നു.

എ​ന്നാ​ല്‍ അ​ക്കാ​ല​ത്ത് ഇ​ന്ത്യ-പാ​ക് രാ​ജ്യ​ങ്ങ​ള്‍ ത​മ്മി​ലെ സം​ഘ​ര്‍​ഷ​ങ്ങ​ള്‍ മൂ​ര്‍​ച്ചി​ക്കു​ക​യു​ണ്ടാ​യി. അ​തോ​ടെ ഇ​വ​രു​ടെയും ക​ത്തു​ക​ള്‍​ക്ക് അ​തി​ര്‍​ത്തി ക​ട​ക്കാ​നാ​കാ​തെ വ​ന്നു. 1948 മു​ത​ല്‍ 1981 വ​രെ ഇ​വ​ര്‍ ത​മ്മി​ല്‍ യാ​തൊ​രു ബ​ന്ധ​വും ഇ​ല്ലാ​യി​രു​ന്നു.

പക്ഷേ യ​ഥാ​ര്‍​ഥ സൗ​ഹൃ​ദ​ങ്ങ​ളി​ല്‍ കാ​ല​വും ഭാ​ഷ​യും അ​തി​ര്‍​ത്തി​യു​മൊ​ക്കെ ഒ​രു ത​ട​സ​മ​ല്ല​ല്ലൊ. 1982ല്‍ ​ന്യൂ​യോ​ര്‍​ക്കി​ലെ ഒ​രു പൊ​തു​സു​ഹൃ​ത്തു​വ​ഴി ഇ​വ​ര്‍ ര​ണ്ടാ​ളും ക​ണ്ടു​മു​ട്ടി. ഏ​റെ വെെ​കാ​രി​ക​മാ​യ ഒ​രു കൂ​ടി​ക്കാ​ഴ്ച​യാ​യി​രു​ന്നു അ​ത്.

ഷാ​ക്കീ​ര്‍ സു​രേ​ഷി​നെ അ​ദ്ദേ​ഹ​ത്തി​ന്‍റെ ബാ​ല്യ​കാ​ല​ത്തു​ള്ള വി​ളി​പ്പേ​രാ​യ "ബാ​ബു' എ​ന്ന് വി​ളി​ച്ചു. ഇ​രു​വ​രു​ടെ​യും ക​ണ്ണ് നി​റ​ഞ്ഞു​തു​ളു​മ്പി. ക​ണ്ടു നി​ന്ന​വ​രി​ലും മൂ​ന്നു​ശ​ത​ക​ങ്ങ​ള്‍​ക്കി​പ്പു​റ​മു​ള്ള ആ ​കൂ​ടി​ച്ചേ​ര​ല്‍ നോ​വു​ണ​ര്‍​ത്തി. ശേ​ഷം അ​വ​ര്‍ മ​ട​ങ്ങി.

41 വ​ര്‍​ഷ​ത്തി​ന് ശേ​ഷം 2023 ഒ​ക്ടോ​ബ​റി​ല്‍ അ​വ​ര്‍ വീ​ണ്ടും ക​ണ്ടു​മു​ട്ടി. സു​രേ​ഷ് കോ​ത്താ​രി​യു​ടെ ചെ​റു​മ​ക​ള്‍ മേ​ഗ​ന്‍ കോ​ത്താ​രി​യാ​ണ് ഇ​ത്ത​വ​ണ ഇ​രു​വ​രേ​യും ഒ​ന്നി​പ്പി​ച്ച​ത്. അ​മേ​രി​ക്ക​യി​ല്‍​വ​ച്ചാ​യി​രു​ന്നു ഈ ​കൂ​ടി​ക്കാ​ഴ്ച.

അ​വ​ര്‍ ത​മ്മി​ല്‍ ക​ണ്ടു​മു​ട്ടു​ന്ന​തി​ന്‍റേ​യും ആ​ലിം​ഗ​നം ചെ​യ്യ​യു​ന്ന​തി​ന്‍റേ​യും ദൃ​ശ്യ​ങ്ങ​ള്‍ സ​മൂ​ഹ മാ​ധ്യ​മ​ങ്ങ​ളി​ല്‍ വ്യാ​പ​ക​മാ​യി പ്ര​ച​രി​ച്ചി​രു​ന്നു. കാ​ല​ത്തി​ന് മു​ന്നി​ല്‍ സ്‌​നേ​ഹ​വും സൗ​ഹൃ​ദ​വും തോ​ല്‍​ക്കി​ല്ലെ​ന്ന് അ​വ​ര്‍ ന​മ്മ​ളോ​ട് പ​റ​ഞ്ഞു​കൊ​ണ്ടി​രി​ക്കു​ന്നു...

ഇ​പ്പോ​ള്‍ 2024ല്‍ ​അ​വ​രെ വീ​ണ്ടും ഒ​രി​ട​ത്ത് വ​രു​ത്തു​വാ​നു​ള്ള ശ്ര​മ​ത്തി​ലാ​ണ് ചെ​റു​മ​ക​ള്‍. ത​ന്‍റെ മു​ത്ത​ച്ഛ​ന് 90 തി​ക​യു​ക​യു​ന്ന ഈ ​ഏ​പ്രി​ലി​ല്‍ ആ ​കൂ​ടി​ക്കാ​ഴ്ച സാ​ധ്യ​മാ​ക്കാ​നാ​ണ് മേ​ഗ​ന്‍റെ പ​ദ്ധ​തി.

നി​ര​വ​ധി​പേ​ര്‍ ഈ ​സൗ​ഹൃ​ദ​ത്തി​ന്‍റെ കാ​ര്യ​മ​റി​ഞ്ഞ് ഏ​റെ വി​കാ​ര​ഭ​രി​ത​രാ​യി പ്ര​തി​ക​രി​ച്ചു. "കാ​ല​ങ്ങ​ളി​ല്‍ ഞാ​ന്‍ ക​ണ്ടി​ട്ടു​ള്ള​തി​ല്‍ വ​ച്ച് ഏ​റ്റ​വും മ​നോ​ഹ​ര​മാ​യ കാ​ര്യ​മാ​ണി​ത്' എ​ന്നാ​ണൊ​രാ​ള്‍ കു​റി​ച്ച​ത്. "ഈ ​മ​നോ​ഹ​ര​മാ​യ നി​മി​ഷം ഞ​ങ്ങ​ളു​മാ​യി പ​ങ്കി​ട്ട​തി​ന് വ​ള​രെ ന​ന്ദി. ദൈ​വം അ​വ​രെ ര​ണ്ടു​പേ​രെ​യും അ​നു​ഗ്ര​ഹി​ക്ക​ട്ടെ' എ​ന്നാ​ണ് മ​റ്റൊ​രാ​ള്‍ കു​റി​ച്ച​ത്.

"ഞാ​ന്‍ വ​ള​രെ സ​ന്തോ​ഷ​ത്തി​ലാ​ണ്. എ​ന്‍റെ ആ​ത്മ സു​ഹൃ​ത്തി​ന്‍റെ അ​ടു​ത്തേ​ക്ക് വേ​ഗ​ത്തി​ല്‍ ന​ട​ക്കു​മ്പോ​ള്‍ ക​ണ്ണു​നീ​ര്‍ പൊ​ട​യു​ന്നു; ന​ന്ദി' എ​ന്നാ​ണ് മൂ​ന്നാ​മ​തൊ​രാ​ള്‍ കു​റി​ച്ച​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.