മലങ്കര യാക്കോബായ സഭയുടെ കുടുംബമേളയുടെ ഒരുക്കങ്ങൾ പൂർത്തിയായി
പെൻസിൽവാനിയ : വടക്കെ അമേരിക്കയിലെ മലങ്കര യാക്കോബായ സഭ ജൂലൈ 25 മുതൽ 28 വരെ പോക്കനോസിലുള്ള കലഹാരി റിസോർട്ട് ആൻഡ് കൺവൻഷൻ സെന്‍ററിൽ നടത്തുന്ന 32–ാമത് കുടുംബമേളയുടെ പ്രവർത്തനങ്ങൾ ഊർജിതമായി നടന്നു വരുന്നതായി ഭദ്രാസന മെത്രാപ്പോലീത്ത യൽദോ മോർ തീത്തോസ് അറിയിച്ചു.

ഈ വർഷത്തെ കുടുംബ മേളയുടെ ചിന്താവിഷയം ‘ലീവ് എ ലൈഫ് വർത്തി ഓഫ് ദി ലോർഡ് കൊലൊസ്സ്യർ 1:10’ എന്നതാണ്. ഭദ്രാസനത്തിന്‍റെ ആഭിമുഖ്യത്തിൽ പതിവുപോലെ എല്ലാ വർഷവും നടത്തി വരാറുള്ള കുടുംബമേള ഈ വർഷം വളരെയധികം പുതമകൾ നിറഞ്ഞതായിരിക്കും. വിവിധ പ്രായക്കാർക്ക് ഒരുപോലെ ആത്മീയാന്തരീക്ഷത്തിലൂടെ തന്നെ വിനോദത്തിനുള്ള ധാരാളം കാര്യപരിപാടികൾ ഒരുക്കിയിട്ടുണ്ട്. സ്ത്രീകൾക്കും കുട്ടികൾക്കും പ്രത്യേകിച്ച് കുടുംബമായി പങ്കെടുക്കുവാനായിട്ടുള്ള രീതിയിൽ വ്യത്യസ്ത നിറഞ്ഞ പരിപാടികൾ സമയബന്ധിതമായിട്ട് തന്നെ ക്രമീകരിച്ചിട്ടുണ്ടെന്ന് റവ. ഡോ. ജെറി ജേക്കബ് (സെക്രട്ടറി) അറിയിച്ചു. മറ്റൊരു പ്രത്യേകത പ്രതീക്ഷിച്ചതിലും അധികം ആളുകൾ ഇപ്പോഴും കുടുംബമേളയിൽ പങ്കെടുക്കുവാനായി താത്പര്യം കാണിക്കുന്നതാണെന്ന് ട്രഷറർ ബോബി കുര്യാക്കോസ് പറഞ്ഞു.

ഈ വർഷത്തെ കുടുംബമേളയിൽ മലങ്കര യാക്കോബായ സഭയിലെ ധ്യാന ഗുരു സഖറിയാസ് മോർ ഫീലക്സിനോസ് മെത്രാപ്പൊലീത്തായും ഫാ. പൗലൂസ് പാറേക്കര കോർ എപ്പിസ്കോപ്പായും യൂത്തിനായി പ്രത്യേകം പ്രഭാഷകനായി എത്തുന്ന ഫാ. വാസകൻ മോവ് സേഷ്യൻ തുടങ്ങിയവരുടെ സാന്നിധ്യം അനുഗ്രഹദായകമായിരിക്കും.

കുടുംബമേളയുടെ ഗ്രാൻഡ് സ്പോൺസേഴ്സായി മുന്നോട്ടു വന്നിരിക്കുന്നത് നടയിൽ ചാരിറ്റി ഫൗണ്ടേഷനും അവനീർ സോലൂഷൻസ് ഫോർ നഴ്സിംഗ് എഡ്യൂക്കേഷൻ എന്നിവരാണ്. കൂടാതെ റാഫിൾ ടിക്കറ്റിന്‍റെ സ്പോൺസർ ഷൈലോ റ്റൂഴ്സ് ആൻഡ് ട്രാവൽസ് ആണ്. റാഫിൾ ടിക്കറ്റിന്‍റെ വൻ വിജയത്തിനായി എല്ലാവരും സഹകരിക്കണമെന്ന് അറിയിച്ചു. കുടുംബ മേളയോടനുബന്ധിച്ച് ഒരുക്കിയിട്ടുള്ള സുവനീറിന്‍റെ പ്രവർത്തനങ്ങളും പുരോഗമിക്കുന്നതായി സിമി ജോസഫ് (ചീഫ് എഡിറ്റർ, മലങ്കര ദീപം) പറഞ്ഞു.

ഫാ. ഡോ. ജെറി ജേക്കബ് (ജനറൽ കൺവീനർ), ബോബി കുര്യാക്കോസ് (ജോയിന്‍റ് കൺവീനർ), ഫാ. രാജൻ മാത്യു, ബിനോയ് വർഗീസ് (ഫെസിലിറ്റീസ്), ഫാ. ആകാശ് പോൾ, ചാണ്ടി തോമസ് (രജിസ്ട്രേഷൻ), ഫാ. മത്തായി പുതുക്കുന്നത്ത്, ഫാ. എബി മാത്യു (വിശുദ്ധ കുർബാന ക്രമീകരണം), ഏലിയാസ് ജോർജ് (പ്രൊസിഷൻ), ജെറിൽ സാജു മോൻ (യൂത്ത്) , ഷെ. സി. ജി. വർഗീസ് (സെക്യൂരിറ്റി), ജയിംസ് ജോർജ് (ഫുഡ്), ജോയി ഇട്ടൻ (ഗതാഗതം), ജീമോൻ ജോർജ് (കൾച്ചറൽ പ്രോഗ്രാം), സജി ജോൺ (പിആർഒ) തുടങ്ങിയ ഭദ്രാസന കൗൺസിൽ അംഗങ്ങളുടെ മേൽനോട്ടത്തിലുള്ള വിപുലമായ കമ്മിറ്റിയുടെ നേതൃത്വത്തിലാണ് കുടുംബമേളയുടെ പ്രവർത്തനങ്ങൾ പുരോഗമിച്ചുകൊണ്ടിരിക്കുന്നതെന്ന് സുനിൽ മഞ്ഞണിക്കര അറിയിച്ചു.
ഗാർലൻഡ് സെന്‍റ് തോമസ് ദേവാലയത്തിൽ ദുക്റാന തിരുനാൾ
ഗാർലൻഡ് (ഡാളസ്) : ഗാർലൻഡ് സെന്‍റ് തോമസ് സീറോ മലബാർ ഫൊറോനാ ദേവാലയത്തിന്‍റെ ഇടവക മധ്യസ്ഥനും ഭാരതത്തിന്‍റെ അപ്പസ്തോലനായ മാർതോമാശ്ലീഹായുടെ തിരുനാളിനു തുടക്കം കുറിച്ച് ജൂണ്‍ 22നു കൊടിയേറ്റും.

തോമാശ്ലീഹായുടെ രക്തസാക്ഷിത്വത്തിന്‍റെ ഓർമദിനം ആഗോള സീറോ മലബാർ ക്രിസ്ത്യാനികൾ സഭാദിനമായി ആചരിക്കുന്ന ജൂലൈ 3 നു ദുക്റാന തിരുനാളോടെ ആഘോഷങ്ങൾക്ക് സമാപനമാകും.

ഫൊറോനാ വികാരി. ഫാ. ജോഷി എളന്പാശേരിൽ കൈക്കാര·ാരായ മഞ്ജിത് കൈനിക്കര, ജോസഫ് വലിയവീട്, തിരുനാൾ കോഓർഡിനേറ്റർ ജോർജ് ജോസഫ് വിലങ്ങോലിൽ തുടങ്ങിയവരുടെ നേതൃത്വത്തിൽ തിരുനാളിന്‍റെ ഒരുക്കങ്ങൾ പൂർത്തിയായി. ഫൊറോനായിലെ നാലു കുടുംബ യൂണിറ്റുകളാണ് ഈ വർഷം തിരുനാൾ പ്രസുദേന്തിമാരാവുന്നത്.

22 നു (വെള്ളി) വൈകുന്നേരം 5:30 നു ദിവ്യ കാരുണ്യ ആരാധനയും തുടർന്നു 6:15 നു ഫാ. ജോഷി എളന്പാശേരിൽ തിരുനാളിനു തുടക്കം കുറിച്ച് കൊടിയേറ്റ് നിർവഹിക്കും. തുടർന്നുള്ള എല്ലാ ദിവസങ്ങളിലും ആരാധനയും നൊവേനയും ലദ്ദേഞ്ഞും വിശുദ്ധ കുർബാനയും ഉണ്ടായിരിക്കും. മാർ ജോസഫ് അരുമച്ചാടത്ത് (ഭദ്രാവതി രൂപത), മാർ ജോർജ് രാജേന്ദ്രൻ (തക്കല രൂപത) എന്നിവർ നിരുനാളിൽ പങ്കെടുക്കും. ഷിക്കാഗോ രൂപതയിൽ നിന്ന് ഈ വർഷം തിരുപട്ടം സ്വീകരിച്ച നവവൈദികരായ ഫാ. കെവിൻ മുണ്ടക്കൽ , ഫാ. രാജീവ് വലിയവീട്ടിൽ ഉൾപ്പെടെ നിരവധി വൈദികരും തിരുനാൾ ശുശ്രൂഷകളിൽ പങ്കെടുക്കും.

കലാപരിപാടികളുടെ ഭാഗമായി ജൂലൈ 29, 30 ദിവങ്ങളിൽ ഗാനമേള , സെന്‍റ് തോമസ് നൈറ്റ് സ്റ്റേജ് ഷോ തുടങ്ങിയവ ഇടവക കലാകാരമാരുടെ നേതൃത്വത്തിൽ അരങ്ങേറും.

റിപ്പോർട്ട്: മാർട്ടിൻ വിലങ്ങോലിൽ
ഫൊക്കാന സാഹിത്യസമ്മേളനം: കെ.പി. രാമനുണ്ണി പങ്കെടുക്കും
ന്യൂയോർക്ക്: ഫിലഡൽഫിയായിലെ വാലി ഫോർജ് കണ്‍വൻഷൻ സെന്‍റർ ആൻഡ് കസിനോയിൽ ജൂലൈ 5 മുതൽ 7 വരെ നടക്കുന്ന ഫൊക്കാനാ നാഷണൽ കണ്‍വൻഷനോടനുബന്ധിച്ച് നടക്കുന്ന 18 മത് ഫൊക്കാന സാഹിത്യസമ്മേളനത്തിൽ ദേശീയ പുരസ്കാര ജേതാവ് എഴുത്തുകാരൻ കെ. പി. രാമനുണ്ണി പങ്കെടുക്കുന്നു.

നിരവധി ദേശിയ അന്തർദേശിയ സെമിനാറുകളിൽ മലയാളഭാഷയെ പ്രീതിനിധികരിച്ചു പങ്കെടുത്ത രാമനുണ്ണി, ഫൊക്കാനയുടെ അതിഥിയായി രണ്ടുതവണ അമേരിക്കയിൽ വന്നിട്ടുണ്ട്. 4 നോവലുകളും 11 കഥാസമാഹാരങ്ങളും 5 ലേഖനസമാഹാരങ്ങളും രചിച്ചിട്ടുള്ള അദ്ദേഹത്തിന്‍റെ തെരഞ്ഞെടുത്ത കഥകളുടെ സമാഹാരത്തിന് സി.വി. ശ്രീരാമൻ അയനം അവാർഡും ടി.വി. കൊച്ചുബാവ അവാർഡും പുതിയ നോവലായ ദെവത്തിന്‍റെ പുസ്തകത്തിന് 2016 ലെ ശക്തി അവാർഡും ലഭിച്ചു. ആദ്യ നോവലായ സൂഫി പറഞ്ഞ കഥ സിനിമയാക്കിയിട്ടുണ്ട്.

കേന്ദ്ര സാഹിത്യ അക്കാദമിയുടെ മലയാളം അഡ്വൈസറി ബോർഡ് മെംബറും കേരള സാഹിത്യ അക്കാദമിയുടെ മെംബറായിരുന്ന രാമനുണ്ണി, ഇപ്പോൾ തുഞ്ചൻ സ്മാരകത്തിന്‍റെ അഡ്മിനിസ്ട്രേറ്റർ ആണ്.

സാഹിത്യ സെമിനാറിൽ കവിയരങ്ങും അവാർഡ് ദാനവും പുസ്തക പ്രകാശനവും ഉണ്ടായിരിക്കും. ഓരോ വിഭാഗത്തിലും പങ്കെടുക്കാൻ താത്പര്യപ്പെടുന്നവർ സാഹിത്യ ചെയർപേഴ്സണ്‍ അബ്ദുൾ പുന്നയൂർക്കുളവുമയിൽ 586994 1805 എന്ന നന്പരിൽ ബന്ധപെടുക.

റിപ്പോർട്ട്: ശ്രീകുമാർ ഉണ്ണിത്താൻ
ഡോ. ശ്രീധർ കാവിൽ കറകളഞ്ഞ പ്രവാസി ധീരൻ
ഹൂസ്റ്റണ്‍: വേൾഡ് മലയാളി കൗണ്‍സിൽ അമേരിക്ക റീജണ്‍ ജൂണ്‍ 21 നു നടത്തിയ റീജണൽ ടെലി കോണ്‍ഫറൻസിൽ കൗണ്‍സിലിന്‍റെ ഫൗണ്ടർമാരിൽ ഒരാളും ഉന്നത നേതാവും യൂണിഫൈഡ് അമേരിക്ക റീജണ്‍ അഡ്വൈസറി ചെയർമാനുമായ പ്രഫ. ഡോ. ശ്രീധർ കാവിലിനെ അനുസ്മരിച്ചു.

റീജണ്‍ പ്രസിഡന്‍റ് ജയിംസ് കൂടലിന്‍റെ അധ്യക്ഷതയിൽ കൂടിയ യോഗം റീജണ്‍ ചെയർമാൻ പി. സി. മാത്യു ഉത്ഘാടനം ചെയ്തു. പ്രവാസികൾക്കുവേണ്ടി നിലകൊണ്ട ആദർശം കൈമുതലാക്കിയ ഡോ. കാവിൽ കറകളഞ്ഞ പ്രവാസി ധീരനായിരുന്നുവെന്ന് പി.സി. പറഞ്ഞു.

വേൾഡ് മലയാളി കൗണ്‍സിലിന്‍റെ ഉപജ്ഞാതാക്കളിൽ ഒരാളായ അദ്ദേഹം സത്യത്തിനുവേണ്ടി നിലകൊണ്ട ധീരൻ ആയിരുന്നുവെന്നു അടുത്ത ബന്ധം പുലർത്തിയിരുന്ന ഹൂസ്റ്റണ്‍ പ്രൊവിൻസ് പ്രസിഡന്‍റ് എസ്.കെ. ചെറിയാൻ പറഞ്ഞു.

ഡോ. കാവിലിന്‍റ ജീവിതത്തിൽ നിന്നും പാഠങ്ങൾ പഠിക്കാനുണ്ടെന്നും അദ്ദേഹത്തിന്‍റെ ഓർമകൾ മായാതെ നിൽക്കട്ടെ എന്നും ഗ്ലോബൽ കോണ്‍ഫറൻസ് കമ്മിറ്റിക്കുവേണ്ടി ചെയർമാൻ തോമസ് മൊട്ടക്കൽ പറഞ്ഞു. അദ്ദേഹത്തിന്‍റെ ഓർമ നിലനിർത്തുവാൻ ഡബ്ല്യുഎംസി മുന്നോട്ടു വരണമെന്ന് ഒക് ലഹോമ പ്രൊവിൻസ് ചെയർമാൻ എബ്രഹാം ജോണ്‍, റീജണ്‍ ട്രഷറർ ഫിലിപ്പ് മാരേട്ട്, എസ്.കെ. ചെറിയാൻ എന്നിവർ ആവശ്യപ്പെട്ടു.

ഡോ. രുഗ്മിണി പദ്മകുമാർ ഡോ. കാവിലുമായി ഒന്നിച്ചു പ്രവർത്തിച്ച അനുഭവങ്ങൾ പങ്കുവച്ചു. ഡോ. കാവിൽ അസാമാന്യ കഴിവുള്ള ചുരുക്കം ചില വ്യക്തികളിൽ ഒരാളായിരുന്നുവെന്ന് റീജണ്‍ സെക്രട്ടറി സുധീർ നന്പ്യാർ അനുസ്മരിച്ചു. മുൻ റീജണ്‍ ചെയർമാൻ ജോർജ്് പനക്കൽ, ഗ്ലോബൽ ചെയർമാൻ ഐസക് പട്ടാണിപ്പറന്പിൽ, ഗ്ലോബൽ പ്രസിഡന്‍റ് ഡോ. എ.വി. അനൂപ്, അലക്സ് കോശി, ഡോ. ജോർജ് ജേക്കബ്, സോമൻ തോമസ്, പിന്േ‍റാ ചാക്കോ, സാബു ജോസഫ് സിപിഎ, സിറിയക് തോമസ്, ടി.പി. വിജയൻ മുതലായവർ ആശംസ നേർന്നു പ്രസംഗിച്ചു. ന്യൂയോർക്ക് പ്രൊവിൻസ് പ്രസിഡന്‍റ് കോശി ഉമ്മൻ, എബ്രഹാം മാലിക്കറുകയിൽ, രാജൻ മാത്യു തുടങ്ങിയവർ ചടങ്ങിൽ പങ്കെടുത്തു.

റിപ്പോർട്ട് : പി.സി. മാത്യു
ബഥേൽ പി. സ്റ്റാൻലി മെമ്മോറിയൽ സർവീസ് ജൂണ്‍ 22ന്
ഡാളസ്: ഡാളസിൽ നിര്യാതനായ അടൂർ കടന്പനാട്ട് പരേതനായ പാസ്റ്റർ എ.കെ. പാപ്പച്ചന്‍റെ (ബഥേൽ ഹൗസ്) മകൻ ബഥേൽ പി. സ്റ്റാൻലി (75) യുടെ സംസ്കാരം ജൂണ്‍ 23 നു (ശനി) രാവിലെ 10 മുതൽ മാറാനാഥാ ഫുൾ ഗോസ്പൽ ചർച്ചിലെ ശുശ്രൂഷകൾക്കുശേഷം സണ്ണിവെയ്ൽ ന്യൂഹോപ് ഫ്യൂണറൽ ഹോമിൽ.

മെമ്മോറിയൽ സർവീസ് ജൂണ്‍ 22നു (വെള്ളി) വൈകുന്നേരം 6.30 മുതൽ ടെക്സസ് 2206 വെസ്റ്റ് ബ്രൂട്ടണ്‍ റോഡ്, മാറാനാഥാ ഫുൾ ഗോസ്പൽ ചർച്ചിൽ.

വിവരങ്ങൾക്ക്: ബഥേൽ പി. ജേക്കബ് 214 450 4169.

റിപ്പോർട്ട്: പി.പി. ചെറിയാൻ
സർഗ സന്ധ്യ താരനിശയിലെ താരങ്ങൾ അമേരിക്കയിൽ
ന്യൂജേഴ്സി: മലയാളികളുടെ മനസിൽ തങ്ങിനിൽക്കുന്ന ഒട്ടനവധി കലാസന്ധ്യകൾ അമേരിക്കൻ മലയാളികൾക്ക് സമ്മാനിച്ച ത്രിവേണി മൂവീസ് ഒരുക്കുന്ന “സർഗ സന്ധ്യ 2018” താരനിശയുടെ ആദ്യ ഷോ ഹൂസ്റ്റണിൽ അരങ്ങേറും. താരങ്ങൾ എല്ലാം ഹൂസ്റ്റണിൽ എത്തിചേർന്നു.

സോമർസെറ്റ് സെന്‍റ് തോമസ് സീറോ മലബാർ കാത്തോലിക് ഫൊറോനാ ദേവാലയത്തിന്‍റെ ആഭിമുഖ്യത്തിൽ ജൂണ്‍ 30ന് (ശനി) വൈകുന്നേരം 4.30 ന് ന്യൂ ജേഴ്സിയിലെ സോമർസെറ്റ് ഫ്രാങ്ക്ളിൻ ടൗണ്ഷിപ് ഹൈസ്കൂളിലാണ് താരനിശ അരങ്ങേറുക.

മലയാള സിനിമയിൽ ഏറ്റവും കൂടുതൽ സിനിമകളിൽ നായികയായി അഭിനയിച്ചു റിക്കാർഡ് നേടിയ മുൻ ചലച്ചിത്ര ദേശീയ അവാർഡ് ജേതാവ് പ്രശസ്ത നടി ഷീലയും ഹാസ്യതാരം ജഗദീഷും നയിക്കുന്ന ഷോയിൽ മലയാളത്തിലെ പ്രമുഖ ചലച്ചത്ര ടെലിവിഷൻ താരങ്ങളും സംഗീത ലോകത്തെ പ്രശസ്ത ഗായിക ഗായകരും മിമിക്രി താരങ്ങളും ഒരുമിക്കുന്നു.

ഡെയിലി ഡിലൈറ്റും റിയാ ട്രാവൽസും ആണ് ഗ്രാൻഡ് സ്പോണ്‍സർമാർ.

വിവരങ്ങൾക്ക്: സെബാസ്റ്റ്യൻ ആന്‍റണി (732)6943934,സുനിൽ പോൾ (732)3974451, ടോം പെരുംപായിൽ (646)3263708, മിനേഷ് ജോസഫ് (ട്രസ്റ്റി) (201)9789828, മേരീദാസൻ തോമസ് (ട്രസ്റ്റി) (201)9126451, ജസ്റ്റിൻ ജോസഫ് (ട്രസ്റ്റി) (732)7626744, സാബിൻ മാത്യു (ട്രസ്റ്റി) (848)3918461. ടിക്കറ്റുകൾ ഓണ്‍ലൈനിലൂടെയും ലഭ്യമാണ്.

റിപ്പോർട്ട്: ജോയിച്ചൻ പുതുക്കുളം
ഫൊക്കാന തെരഞ്ഞെടുപ്പ് സമവായത്തിലൂടെയും സമാധാനപരമായും വേണം:ജോണ്‍ പി. ജോണ്‍
ടൊറന്‍റോ: ഫൊക്കാനയിൽ സമാധാനപരമായ തെരെഞ്ഞെടുപ്പ് നടത്തണമെന്നാണ് താൻ ആഗ്രഹിക്കുന്നതെന്ന് ഫൊക്കാനയുടെ മുൻ പ്രസിഡന്‍റും ടൊറന്േ‍റാ മലയാളി സമാജം ജനറൽ സെക്രട്ടറിയുമായ ജോണ്‍ പി. ജോണ്‍. ഫൊക്കാനയുടെ 2018-20 വർഷത്തെ ഭാരവാഹികൾ സമവായത്തിലൂടെ ആയിരിക്കണം തെരഞ്ഞെടുക്കപ്പെടേണ്ടതെന്നും ഫ്രാൻസിസ് തടത്തിലുമായി നടത്തിയ അഭിമുഖത്തിൽ അഭിപ്രായപ്പെട്ടു.

2016ൽ ടൊറന്േ‍റാ കണ്‍വെൻഷനോടനുബന്ധിച്ചു നടന്ന തെരെഞ്ഞെടുപ്പിൽ പ്രസിഡന്‍റ് സ്ഥാനാർഥിയായിരുന്ന മാധവൻ ബി. നായർ തന്നെയാണ് ഇപ്പോഴും ഒരു പാനലിന്‍റെ പ്രസിഡന്‍റ് സ്ഥാനാർഥി. അന്ന് അനായാസം ജയിക്കാമായിരിന്നിട്ടും ഇപ്പോഴത്തെ പ്രസിഡന്‍റ് തന്പി ചാക്കോയ്ക്ക് വേണ്ടി മാറി കൊടുക്കുകയായിരുന്നു. ഇത്തരം ആരോഗ്യകരമായ സമവായങ്ങൾ ഉണ്ടാക്കിയാൽ തെരഞ്ഞെടുപ്പ് സമാധാനപരമായി നടക്കുകയും ഭരണം ഒത്തൊരുമയോടെ നടത്താൻ കഴിയുകയും ചെയ്യും. കണ്‍വൻഷന്‍റെ സുഗമമായ നടത്തിപ്പിനും ഇത്തരം സംഘർഷങ്ങൾ ഒഴിവാക്കാൻ ശ്രമിക്കേണ്ടതാണെന്നും അദ്ദേഹം കൂട്ടിച്ചേർത്തു. അഭിമുഖത്തിന്‍റെ പ്രസക്ത ഭാഗങ്ങൾ ചുവടെ:

ടൊറന്‍റോ തെരഞ്ഞെടുപ്പിൽ എന്താണ് നടന്നത്?

തന്പി ചാക്കോയും മാധവൻ ബി. നായരുമായിരുന്നു പ്രസിഡന്‍റ് സ്ഥാനാർത്ഥികൾ. മാധവൻ നായരുടെ പാനലിൽ ഇപ്പോഴത്തെ എതിർ സ്ഥാനാർഥി ലീല മാരേട്ട് ഉൾപ്പെടെയുള്ളവർ ജയിച്ചുകയറിപ്പോഴാണ് തന്പി ചാക്കോ പ്രസിഡന്‍റ് ആകണമെന്ന് ആഗ്രഹം പ്രകടിപ്പിച്ചത്. അദ്ദേഹത്തെപോലുള്ള മുതിർന്ന നേതാക്കൾ ഇങ്ങനെയൊരു ആവശ്യം ശക്തമായി ഉയർത്തിയാൽ സമവായമല്ലാതെ മറ്റു വഴികളില്ല. പല മുതിർന്ന നേതാക്കളും മാധവനോട് മത്സരത്തിൽ നിന്ന് പിന്മാറണമെന്ന് വ്യക്തിപരമായും അവശ്യപ്പെട്ടതിന്‍റെ വെളിച്ചത്തിൽ മാധവൻ സ്വമേധയാൽ പിന്മാറി. അദ്ദേഹം ഒഴികെ കൂടെയുണ്ടായിരുന്നവർ എല്ലാവരും തന്നെ ജയിച്ചു കയറി.

പിന്മാറിയാൽ ഇത്തവണത്തേക്ക് എന്തെങ്കിലും ഉറപ്പു നൽകിയിരുന്നോ?

ചിലർ വാക്കാൽ ഉറപ്പു നൽകിയിരുന്നു. എന്ന് വച്ച് ഒരാൾക്കുവേണ്ടി സ്ഥാനം റിസർവ് ചെയ്യുന്ന ഏർപ്പാട് ഫൊക്കാനയിലില്ല. ഇതു ജനാധിപത്യപരമായ രീതിയിൽ തെരഞ്ഞെടുപ്പ് നടത്തുന്ന സംഘടനയാണ്. അംഗ സംഘടനകളിൽപ്പെട്ട ആർക്കും തെരഞ്ഞെടുപ്പിൽ മത്സരിക്കാം. എന്തുകൊണ്ട് മാധവൻ മാത്രം സ്ഥാനാർഥി ആയാൽ മതി എന്നൊന്നും പറയാൻ പാടില്ല. മാധവനും സ്ഥാനാർഥിയാകാം ലീലക്കോ മറ്റാർക്കുവേണമെങ്കിലും സ്ഥാനാർഥിയാകാം. വാക്ക് കൊടുത്തിട്ടുണ്ടങ്കിൽ ധാരണയുണ്ടാക്കിയവരുമായി ആവാം.


താങ്കൾ പ്രസിഡന്‍റ് ആയിരുന്നപ്പോഴാണ് ഈ ധാരണയോ തർക്കമോ ഒക്കെ നടക്കുന്നത്. താങ്കൾ മാനസികമായി ആർക്കൊപ്പമാണ്?

രണ്ടു പേരും നല്ല സുഹൃത്തുക്കൾ. ഉത്തരവാദിത്വമുള്ള ഒരു പാനലിലനെയും പരസ്യമായി പിന്തുണക്കാനാവില്ല. രണ്ടിലൊരാൾക്കു വോട്ടു ചെയ്യും.

മാധവനോ? ലീലയോ?

രണ്ടു പേരും നല്ല കഴിവുള്ള വ്യക്തികൾ. ലീല എന്‍റെ കൂടെ ഒരുപാടു കാലം പ്രവർത്തിച്ചിട്ടുള്ള വ്യക്തിയാണ്. മാധവൻ നായരെയും വളരെ കാലമായിട്ടറിയാം. സൗമ്യമായ ഇടപെടലുകളും നല്ല ക്ഷമാശീലനും ഏതു കാര്യങ്ങളും ഏറെ ലാഘവത്തോടെ കൈകാര്യം ചെയ്യുന്ന വ്യക്തി.


ഫൊക്കാനയിലെ തല മുതിർന്ന നേതാക്ക·ാരിൽ ഒരാളാണ് താങ്കൾ. പിളർപ്പ് അനിവാര്യമായിരുന്നുവോ?

അനിവാര്യമോ? തികച്ചും അനാവശ്യമായ സംഭവങ്ങൾ ആയിരുന്നു പിളർപ്പിലേക്ക് നയിച്ചത്. ചില നേതാക്ക·ാരുടെ താൽപര്യങ്ങൾ സംരക്ഷിക്കാൻ വേണ്ടി നടത്തിയ നാടകങ്ങൾ മാത്രം. പക്ഷേ ഇതൊന്നും ഫൊക്കാനയുടെ വളർച്ചയ്ക്കു ഒരു കോട്ടവും വരുത്തിയിട്ടില്ല. ഓരോ വർഷങ്ങൾ കഴിയും തോറും ലോകമെന്പാടുമുള്ള മലയാളികളുടെ മനസിൽ ഫൊക്കാന ചിരപ്രതിഷ്ഠ നേടിക്കഴിഞ്ഞു, ഫൊക്കാനായാണ് വടക്കേ അമേരിക്കയിയലെയും കാനഡയിലെയും ആദ്യത്തെ സംഘടനകളുടെ സംഘടന. ഇത്തവണത്തെ കണ്‍വൻഷൻ തന്നെ നോക്കുക, ഏറ്റവും കൂടുതൽ വിഐപികൾ ഫൊക്കാന കണ്‍വൻഷനു മാത്രമാണ് നാട്ടിൽ നിന്ന് വരുന്നത്. ഫോമാക്കാകട്ടെ അത്ര ജനപ്രിയരായ ആരും തന്നെ വരുന്നതായി അറിയുന്നില്ല. ഫൊക്കാന കോണ്‍വൻഷനിൽ മുഖ്യമന്ത്രിയടക്കം മൂന്നു മന്ത്രിമാരും എംഎൽഎ മാരും നിരവധി സാഹിത്യ,സാംസ്കാരിക രംഗത്തെ പലരും എത്തിചേരുന്നുണ്ട്.

ഫൊക്കാന ഫോമാ ലയന സാധ്യത കാണുന്നുണ്ടോ?

സാധ്യത കുറവാണ്. രണ്ടു വർഷം മുന്പ് ഒരു ശ്രമം നടത്തി നോക്കി. ഒരു വിധത്തിലും യോജിച്ചു പോകാൻ പറ്റാത്ത സാഹചര്യമായി. പിളർപ്പിനെ തുടർന്ന് രണ്ടു സംഘടനകളിലും പുതിയ നേതാക്കൾ കയറി വന്നു. മുൻപ് നേതൃനിരയിൽ എത്താൻ കഴയാതെ വന്നവർ പല സുപ്രധാന പദവികളിൽ എത്തിപ്പെടാൻ കഴിഞ്ഞു. അവരും ഒരു വലിയ സംഘടനയായി വളർന്നു കഴിഞ്ഞു. അമേരിക്കൻ മലയാളികളുടെ പൊതുവായ കാര്യങ്ങളിൽ രണ്ടു സംഘടനകളും യോജിച്ചു പ്രവർത്തിക്കുകയാണ് ഇനി വേണ്ടത്.

ഫൊക്കാനയിൽ താങ്കൾ വഹിച്ച പദവികൾ?

43 വർഷമായി കാനഡയിൽ വന്നിട്ട്. 1975 ൽ എത്തിയ നാളു മുതൽ ടൊറേന്േ‍റാ മലയാളി സമാജത്തിൽ പ്രവർത്തിക്കാൻ തുടങ്ങി. അവിടെ 10 തവണ, പ്രസിഡന്‍റ്, ട്രസ്റ്റി ബോർഡ് ചെയർമാൻ, ബിൽഡിംഗ് കമ്മിറ്റി ചെയർമാൻ തുടങ്ങി നിരവധി പദവികൾ വഹിച്ചു. 1983 ഫൊക്കാനയുടെ ആരംഭകാലം മുതൽ സജീവ പ്രവർത്തകനായിരുന്ന ഞാൻ 2014-16 ഫൊക്കാന പ്രസിഡന്‍റ് ആയി. ചരിത്ര സംഭവമായ ഫൊക്കാന ടൊറന്േ‍റാ കണ്‍വൻഷന്‍റെ നടത്തിപ്പിൽ സുപ്രധാന പങ്കു വഹിക്കാനും കഴിഞ്ഞു. ഫൊക്കാന ട്രസ്റ്റി ബോർഡ് വൈസ് ചെയർമാൻ, മൂന്നു തവണ റീജണൽ വൈസ് പ്രസഡന്‍റ് തുടങ്ങിയ പദവികൾ വഹിച്ചു.

കുടുംബം? ജോലി?

കോട്ടയം കളത്തിപ്പടിയാണ് സ്വദേശം. പിതാവ് പി.ഐ. ജോണും അമ്മ മേരിക്കുട്ടിയും നേരത്തെ തന്നെ മരിച്ചു, ഭാര്യ: അന്നമ്മ. പാലക്കാട് വിക്ടോറിയാ കോളജിൽ നിന്ന് ബിഎസ്സിയും കാണ്‍പൂർ യൂണിവേഴ്സിറ്റിയിൽ നിന്ന് സുവോളജിയിൽ മാസ്റ്റേഴ്സും എടുത്ത ശേഷം സർക്കാർ സർവീസിൽ കയറി. കാനഡയിൽ എത്തിയപ്പോൾ മുതൽ മാനുഫാക്ചറിംഗ് രംഗത്ത് പ്രവർത്തിക്കുന്നു. മക്കൾ: റോഷൻ ഏബ്രഹാം (ബിസിനസ്) സാമന്ത ജോണ്‍ കെപിഎംജിയിൽ ഇമിഗ്രേഷൻ വിഭാഗത്തിൽ പ്രവർത്തിക്കുന്നു.

റിപ്പോർട്ട്: ഫ്രാൻസിസ് തടത്തിൽ
സിഎം ജേക്കബിന് ഡോക്ടറേറ്റ്
ഹൂസ്റ്റണ്‍: സിഎം ജേക്കബിന് ഡോക്ടറേറ്റു ലഭിച്ചു. കുണ്ടറ വൈരമണ്‍ ഗാർഡൻസിൽ കുടുംബാഗമായ സി.എം. ജേക്കബ്, യുഎഇയിലെ ഉയരം കൂടിയ കെട്ടിടങ്ങളുടെ പ്രോജക്ട് മാനേജ്മെന്‍റിൽ ജയ്പുർ ദേശീയ സർവകലാശാലയിൽനിന്നാണ് പിഎച്ച്ഡി നേടിയത്.

ദുബായിലുള്ള കന്പനിയിൽ വോൾ ടെക്നോളജിയിൽ ടെക്നിക്കൽ ആൻഡ് കൊമേഴ്സിൽ ഡയറക്ടറായ സി.എം. ജേക്കബ്, ഇപ്പോൾ അമേരിക്കയിലാണ്.

കുന്പനാട് മേലത്തേതിൽ കുടുംബാംഗമായ ലെനിയാണ് ഭാര്യ: മക്കൾ: ജൊവാന, ജെനിഫർ, ജാനിസ്. ഡോ. മാത്യു വൈരമണ്‍ ജേഷ്ഠ സഹോദരനാണ്.
ക്നാനായ കണ്‍വൻഷന് ഒരു തിലകക്കുറി “ക്നാനായ ഐഡോൾ”
അറ്റ്ലാന്‍റ: ക്നാനായ കണ്‍വൻഷന് ഒരു തിലകക്കുറിയായി, ഈ വർഷം ക്നാനായ ശറീഹഅരങ്ങേറുന്നു.ഇതുവരെ മറ്റു സമുദായ പരിപാടികളിലോ അസോസിയേഷനുകളിലോ നടക്കാത്ത രീതിയിൽ ന്യൂയോർക്കിൽ നിന്നും വരുന്ന ലൈവ് ബാൻഡോടുകൂടി തികച്ചും നൂതനമായ രീതിയിലാണ് പരിപാടി നടത്തുന്നത്.

14 വയസിൽ താഴെ, 15 ഉം അതിനു മുകളിലേക്കും,ഇങ്ങനെ രണ്ട് ഗ്രൂപ്പുകളായി തിരിച്ചാണ് മത്സരങ്ങൾ നടത്തുന്നത്. മൂന്നു റൗണ്ടുകളിൽ ആയിട്ടാണ് മത്സരങ്ങൾ നടത്തുന്നത്. ഓരോ റൗണ്ടിലേയും വിജയികൾക്ക് കാഷ് അവാർഡുകൾ സമ്മാനമായി ലഭിക്കും. പരിചയസന്പന്നരായ ഇംഗ്ലീഷ് മ്യൂസിക് വിദഗ്ധരുടെ നേതൃത്വത്തിലാണ് വിജയികളെ തെരഞ്ഞെടുക്കുക.

റിപ്പോർട്ട്: ജോയിച്ചൻ പുതുക്കുളം
ഷിക്കാഗോയിൽ മാധ്യമ സെമിനാർ
ഷിക്കാഗോയിൽ നടക്കുന്ന ഫോമാ അന്തർദേശീയ കണ്‍വൻഷനോടനുബന്ധിച്ച് ഇന്ത്യ പ്രസ് ക്ലബ് ഓഫ് നോർത്ത് അമേരിക്കയുടെ ആഭിമുഖ്യത്തിൽ മാധ്യമ സെമിനാർ സംഘടിപ്പിക്കുമെന്ന് മീഡിയ സെമിനാർ കോ-ഓർഡിനേറ്റർ സണ്ണി പൗലോസ് അറിയിച്ചു. കണ്‍വൻഷന്‍റെ രണ്ടാം ദിവസം ശനിയാഴ്ച രാവിലെ 11.30 നാണ് സെമിനാർ.

മീഡിയ സെമിനാർ ചെയർ വിനോദ് കൊണ്ടൂർ അധ്യക്ഷത വഹിക്കുന്ന സെമിനാറിൽ മുൻ മന്ത്രി മോൻസ് ജോസഫ് എംഎൽഎ , രാജു എബ്രഹാം എംഎൽഎ , അഡ്വ: ആർ.സനൽ കുമാർ, അഡ്വ: സുമേഷ് അച്യുതൻ ,ഫോമാ പ്രസിഡണ്ട് ബെന്നി വാച്ചാച്ചിറ, ജനറൽ സെക്രട്ടറി ജിബി തോമസ്, ഇന്ത്യ പ്രസ് ക്ലബ് പ്രസിഡന്‍റ് മധു കൊട്ടാരക്കര, ജനറൽ സെക്രട്ടറി സുനിൽ തൈമറ്റം, അഡ്വൈസറി ബോർഡ് ചെയർമാൻ ശിവൻ മുഹമ്മ , നിയുകത പ്രസിഡണ്ട് ജോർജ് കാക്കനാട്,, ഇന്ത്യ പ്രസ് ക്ലബ് മുൻ പ്രസിഡന്‍റുമാരായ ജോർജ് ജോസഫ്, ജോസ് കണിയാലി,രജി ജോർജ്, മാത്യു വർഗീസ് താജ് മാത്യു തുടങ്ങിയവർ പ്രസംഗിക്കും.

ഫൊക്കാന മുൻ പ്രസിഡന്‍റ് മറിയാമ്മ പിള്ള , ഫോമാ മുൻ പ്രസിഡന്‍റുമാരായ ശശിധരൻ നായർ, ജോണ്‍ ടൈറ്റസ് , ബേബി ഉൗരാളിൽ , ജോർജ് മാത്യു , ആനന്ദൻ നിരവേൽ , മുൻ സെക്രട്ടറിമാർ, ഇന്ത്യ പ്രസ് ക്ലബ് വിവിധ ചാപ്റ്റർ ഭാരവാഹികൾ തുടങ്ങിയവരും പങ്കെടുക്കും.

ന്യൂയോർക്കിൽ നടന്ന റൌണ്ട് ടേബിൾ കോണ്‍ഫറൻസിന്‍റെ തുടർച്ചയായാണ് ഇന്ത്യ പ്രസ് ക്ലബ് ഈ സെമിനാർ സംഘടിപ്പിക്കുന്നത്.

റിപ്പോർട്ട് : രാജു പള്ളത്ത്
ഫൊക്കാനയുടെ 2018 -20 ഭരണ സമിതിയിലേക്കുള്ള സ്ഥാനാർഥികളുടെ ലിസ്റ്റ് പ്രസിദ്ധികരിച്ചു
ഫെഡറേഷൻ ഓഫ് കേരള അസോസിയേഷൻ ഇൻ നോർത്ത് അമേരിക്കയുടെ 2018 -2020 ലേക്കുള്ള ജനറൽ ഇലക്ഷനും വാർഷിക പൊതുയോഗവും ജൂലൈ 6 ന് രാവിലെ 8.30 ഫിലഡൽഫിയായിലെ വാലി ഫോർജ് കണ്‍വൻഷൻ സെന്‍റർ നടക്കുന്ന ഫൊക്കാനാ നാഷണൽ കണ്‍വൻഷനിൽ നടക്കും.

ഏകദേശം 56 സ്ഥാനാർഥികൾ ഫൊക്കാന ഇലക്ഷനിൽ മത്സരരംഗത്തുണ്ട്. അമേരിക്കയിൽ ഉടനീളം സംഘടന ഓരോ വർഷം തോറും ശക്തി പ്രാവിച്ചു കൊണ്ടിരിക്കുകയാണ്. എല്ലാ റീജണുകളിൽ നിന്നും വളരെ അധികം ആളുകൾ ആണ് മത്സരിക്കാൻ എത്തുന്നത്.ഫൊക്കാനയുടെ ചരിത്രത്തിലെ ഏറ്റവും വലിയ തെരഞ്ഞുടുപ്പാണ് ഫിലഡൽഫിയാ കണ്‍വെൻഷനാൻ സാഷ്യം വഹിക്കാൻ പോകുന്നത്. തെരഞ്ഞടുപ്പിൽ നടക്കുന്ന കടുത്ത മത്സരംതന്നെ ഫൊക്കാനയുടെ ജനകിയഅടിത്തറ പ്രബലമാണെന്നതിന്‍റെ തെളിവാണെന്ന് ട്രസ്റ്റീ ബോർഡ് ചെയർമാൻ ജോർജി വർഗീസ് അഭിപ്രായപ്പെട്ടു.

അംഗത്വം പുതുക്കാനുള്ള സൂഷ്മ പരിശോധിക്കാനും അംഗ സംഘടനകളുടെപ്രതിനിധികരിക്കുന്ന 330 ഓളം ഡെലിഗേറ്റ്സിന്‍റെ ലിസ്റ്റിനാണ് രൂപം നൽകിയിട്ടുള്ളത്. വളരെ അധികം പുതിയ സംഘടനകൾ അംഗത്വത്തിന് സമീപിച്ചെങ്കിലും പുതിയ സംഘടനകൾക്കു ഈ വർഷം അംഗത്വം നൽകിയിരുന്നില്ല. ഫൊക്കാനയിൽ പുതിയ അംഗത്വത്തിന് ഭരണഘടനാപരമായ കടുത്ത മാനദണ്ഡങ്ങൾ പാലിക്കേണ്ടതുണ്ട്.

പ്രസിഡന്‍റ് , സെക്രട്ടറി ,ട്രഷറർ , എക്സിക്യൂട്ടീവ് വൈസ് പ്രസിഡന്‍റ്,വൈസ് പ്രസിഡന്‍റ്, ജോയിന്‍റ് സെക്രട്ടറി,അസോ.ജോയിന്‍റ് സെക്രട്ടറി, ജോയിന്‍റ് ട്രഷറർ , അസോസിയേറ്റ് ജോയിന്‍റ് ട്രഷറർ,വിമൻസ് ഫോറം ചെയർ ,ട്രസ്റ്റി ബോർഡ് മെംബർ (3 ) ട്രസ്റ്റി ബോർഡ് മെംബർ യൂത്ത് (1 ) എന്നീ സ്ഥാനങ്ങളിലേക്കും രണ്ട് റീജണൽ വൈസ് പ്രസിഡന്‍റ് സ്ഥാനത്തേക്കും ഇലക്ഷൻ പ്രോസസുമയി മുന്നോട്ട് പോകുമെന്ന് ഇലക്ഷൻ കമ്മിറ്റി ചെയർ പെർസൻ കമാൻണ്ടർ ജോർജ് കോരുത് അറിയിച്ചു. ഏതെങ്കിലും സ്ഥാനത്തേക്ക് ഒന്നിൽ കൂടുതൽ നോമിനേഷൻ ലഭിച്ചിട്ടുണ്ടെങ്കിൽ ആ സ്ഥാനത്തേക്കു ഇലക്ഷൻ നടത്തുമെന്നും അദ്ദേഹം അറിയിച്ചു.

ഫൊക്കാനയുടെ ഭരണഘടന പ്രകാരം 2018 -2020 ലേക്കുള്ള ഭാരവാഹികളെ തെരഞ്ഞെടുക്കുന്ന പ്രക്രിയ സൂക്ഷ്മവും സുതാര്യവും ആയി മുന്നോട്ട് പോകുമെന്നും മൂന്നംഗ തെരഞ്ഞെടുപ്പു കമ്മിറ്റി വിലയിരുത്തി . തെരഞ്ഞെടുപ്പു കമ്മറ്റിയുടെ ചുക്കാൻ പിടിക്കുന്നത് ഫൊക്കാനയുടെ മുൻ പ്രസിഡന്‍റ് കമാൻണ്ടർ ജോർജ് കോരുത് , കമ്മിറ്റി മെംബേഴ്സ് ആയ ഫൊക്കാന മുൻ പ്രസിഡന്‍റ് ജോണ്‍ പി ജോണ്‍, ട്രസ്റ്റീ ബോർഡ് ചെയർമാൻ ജോർജി വർഗീസും എന്നിവരുമാണ്.

ഫൊക്കാന 2018 -20 ഭരണ സമിതിയിലേക്കുള്ള സ്ഥാനാർഥികൾ

പ്രസിഡന്‍റ്:

Leela Maret, Kerala Samajam of Greater New York
Madhavan B Nair, North American Malayalee (NAMAM)


എക്സിക്യൂട്ടീവ് വൈസ് പ്രസിഡന്‍റ്:

Joseph V Kuriappuram, Hudson Valley Malayalee Association
Sreekumar Unnithan, Westchester Malayalee Association


വൈസ് പ്രസിഡന്‍റ്

Abraham Kalathil, Kairali Arts Club of South Florida
Sunney Mattamana, Malayalee Association of Tampa


ജനറൽ സെക്രട്ടറി

Abraham K Eapen, Malayalee Associon of Greater Houston
Tomy Kokkat, Toronto Malayalee Samajam

അസോസിയേറ്റ് ജോയിന്‍റ് സെക്രട്ടറി

Dr. Suja K Jose, Malayalee Association of New Jersy
Vipin Raj, Kerala Association of Greater Washington

അഡിഷണൽ അസ്സോസിയേറ്റ് ജോയിന്‍റ് സെക്രട്ടറി

Prasad V John, Malayalee Association of Central Florida
Viji S Nair, Midwest Malayalee Association


ട്രഷറർ

Sajimon Antony, Malayalee Association of New Jersy
Shaju Sam, Kerala Samajam of Greater New York

അസോ. ട്രഷറർ:

July Jacob, PAMPA
Praveen Thomas, Illinois Malayalee Association

അസോ. ജോയിന്‍റ് ട്രഷറർ:

Mathews M K, Indian American Malayalee Community of Yonkers
Sheela Joseph, Mid Hudson Kerala Association

വിമൻസ് ഫോറം

Kala Shahi, Kerala Association Greater Washington
Lyssy Alex, Malayalee Association of Staten Island

Committee Members - USA

Alex Abraham, Mid Hudson Kerala Association
Appukuttan Pillai, Kerala Cultural Association of North America
Boban Thottam, Long Island Malayalee Cultural Association
Devassy Palatty, Kerala Cultural Forum of New Jersy
Joseph Kunnel, Kerala Association of New England
Joy Ittan, Westchester Malayalee Association
Mathew Oommen, Michigan Malayalee Association
Rajeev Kumaran, Orlando Regional Malayalee Association
Rajamma Nair, United Malayalee Association
Saji M Pothen, Hudson Valley Malayalee Association
Somarajan P K, MELA
Varghese Thomas, Kerala Club


Committee Members - Canada

Sunny Joseph, Toronto Malayalee Samajam


Youth Committee Members - USA

Ganesh S Bhat, Kerala Cultural Society of Metro Washington
Stanly Ethunickal, Kairali of Baltimore
Teena Kallkavumkal, North American Malayalee (NAMAM)

Youth Committee Members - Canada

Nibin P Jose, Niagara Malayalee Association


Board of Trustees(Total 3 positions, 2 for 4 years and 1 for 2 years)

Abraham Varughese, MidWest Malayalee Association
Ben Paul ,Kerala Cultural Society
Dr. Mammen C Jacob, Kairali Arts Club of South Florida
Dr. Mathew Varughese, Kerala Club
Suda Kartha, PAMPA

Board of Trustee for Youth (1 )

Alosh T Alex, Long Island Malayalee Cultural Association
Ajin Antony, Indian American Malayalee Association of Long Island

Internal Auditors

Chacko Kurian Orlando Regional Malayalee Association

Regional Vice Presidents

Region 1

Biju Jose Kerala Association of New England

Region 2

Sabarinath Nair, KCANA

Region 3

Georgee Thomas, MELA
Eldho Paul, Kerala Cultural Forum of New Jersy

Region 4

Renju George, Kairali of Baltimore

Region 5

Babychan V John, Malayalee Association of Central Florida
John Kallolickal, Malayalee Association of Tampa

Region 6

Geeta George , Malayalee Association of Northern california

Region 7

Francis Kizhakkekuttu, Illinois Malayaee Association

Region 8

Renjit Pillai, Malayalee Association of Greater Houston

Region 9

Baijumon George, Niagara Malayalee Association

ഫൊക്കാനയുടെ ഭരണഘടന പ്രകാരം 2018 -2020 ലേക്കുള്ള ഭാരവാഹികളെ തിരഞ്ഞെടുക്കുന്ന പ്രക്രിയ സൂക്ഷ്മവും സുതാര്യവും ആയിരിക്കുമെന്നും ,ഭരണഘടന പ്രകാരം മാത്രമേ ഇലക്ഷൻ നടത്തുകയുള്ളൂ എന്നും ഇലക്ഷൻ കമ്മിറ്റി ചെയർ പെർസണ്‍ ജോർജ് കോരുത് ഇലക്ഷൻ കമ്മിറ്റി മെംബേർസ് ആയ ജോർജി വർഗീസ്, ജോണ്‍ പി ജോണ്‍ എന്നിവർ അറിയിച്ചു.

റിപ്പോർട്ട് : ശ്രീകുമാർ ഉണ്ണിത്താൻ
ആല്‍ബനി യുണൈറ്റഡ് ക്രിസ്ത്യന്‍ ചര്‍ച്ച് രജത ജൂബിലി ആഘോഷം 30 ന്
ആല്‍ബനി (ന്യൂയോര്‍ക്ക്)∙ ആല്‍ബനിയിലെ യുണൈറ്റഡ് ക്രിസ്ത്യന്‍ ചര്‍ച്ചിന്‍റെ രജത ജൂബിലി ആഘോഷം ജൂണ്‍ 30 ന് വെസ്റ്റേണ്‍ അവന്യൂവിലെ മക്കൗണ്‍വില്‍ യുണൈറ്റഡ് മെഥഡിസ്റ്റ് ചര്‍ച്ചില്‍ (1565 വെസ്റ്റേണ്‍ അവന്യൂ, ആല്‍ബനി, ന്യൂയോര്‍ക്ക് 12203) വച്ച് ആഘോഷിക്കും. രാവിലെ 10.30 ന് ആഘോഷങ്ങള്‍ക്ക് തുടക്കമാകും. മുഖ്യാതിഥികളായി എത്തുന്നത് മോസ്റ്റ് റവ. തോമസ് കെ. ഉമ്മന്‍ (Moderator, Church of South India), റൈറ്റ് റവ. ഡോ. ഐസക് മാര്‍ ഫിലക്സിനോസ് എപ്പിസ്കോപ്പ (Bishop, Mar Thoma Diocese of North America), റൈറ്റ് റവ. വില്യം എച്ച് ലൊവ് (Bihop, Episcopal Diocese of Albany), ആല്‍ബനി മേയര്‍ കാത്തി ഷീഹാന്‍, ആല്‍ബനി കൗണ്ടി എക്സിക്യൂട്ടീവ് ഡാനിയേല്‍ മക്‌‌കോയ്, ആല്‍ബനി കൗണ്ടി ഷെരിഫ് ക്രെയ്ഗ് ആപ്പിള്‍ എന്നിവരാണ്.

1993-ല്‍ രണ്ട് കുടുംബങ്ങള്‍ ആരംഭിച്ച പ്രാർഥനാ ഗ്രൂപ്പ് പിന്നീട് വിവിധ സഭകളില്‍പെട്ട നിരവധി കുടുംബങ്ങളുമായി ചേര്‍ന്ന് യുണൈറ്റഡ് ക്രിസ്ത്യന്‍ ഫെല്ലോഷിപ്പ് ഓഫ് ആല്‍ബനി രൂപീകരിക്കുകയായിരുന്നു. രജത ജൂബിലി ആഘോഷങ്ങളുടെ ഭാഗമായി സുവനീര്‍ പ്രകാശനവും ഉണ്ടായിരിക്കും. കൂടാതെ ജീവകാരുണ്യ പ്രവര്‍ത്തനങ്ങള്‍, ബൈബിള്‍ ക്വിസ്, എവര്‍ റോളിംഗ് ട്രോഫി, മ്യൂസിക്കല്‍ നൈറ്റ് എന്നിവ സംഘടിപ്പിക്കുമെന്ന് സംഘാടകര്‍ പറഞ്ഞു.

റവ. സന്തോഷ് ജോസഫ് (പ്രീസ്റ്റ് ഇന്‍ചാര്‍ജ്, സെന്‍റ് ജയിംസ് മാര്‍ത്തോമ്മ ചര്‍ച്ച്, ന്യൂയോര്‍ക്ക്), റവ. പ്രതീഷ് ബി. കുരിയന്‍ (പ്രീസ്റ്റ് ഇന്‍ചാര്‍ജ്, സിഎസ്ഐ ചര്‍ച്ച്, ഹഡ്സണ്‍വാലി, ന്യൂയോര്‍ക്ക്), റവ. ഡോ. ജയിംസ് ജേക്കബ്, വര്‍ഗീസ് പണിക്കര്‍ (ജൂബിലി ജനറല്‍ കണ്‍വീനര്‍), ജോര്‍ജ്ജ് പി. ഡേവിഡ് (ജൂബിലി സുവനീര്‍ കണ്‍വീനര്‍), മാത്യു സി. കോട്ടക്കല്‍ (ചെയര്‍പെഴ്സണ്‍), തോമസ് കെ ജോസഫ് (ട്രഷറര്‍), ദീപു വറുഗീസ് (സെക്രട്ടറി), തോമസ് കോട്ടക്കല്‍ എന്നിവര്‍ ആഘോഷക്കമ്മിറ്റിയില്‍ പ്രവര്‍ത്തിക്കുന്നു.

വിവരങ്ങള്‍ക്ക്: 518 417 1816 E-mail: unitedchristianchurchalbany@gmail.com. Web: www.uccalbany.com.

റിപ്പോർട്ട് : മൊയ്തീന്‍ പുത്തന്‍‌ചിറ
ഇന്ത്യൻ നഴ്സസ് അസോസിയേഷൻ ന്യൂജഴ്‌സി ചാപ്റ്റർ നഴ്സസ്‌ ഡേ ആഘോഷിച്ചു
ന്യൂജേഴ്‌സി: അമേരിക്കൻ അസോസിയേഷൻ ഓഫ് ഇന്ത്യൻ നഴ്സസ് അസോസിയേഷൻ ന്യൂജേഴ്‌സി ചാപ്റ്റർ രണ്ടിന്‍റെ ആഭിമുഖ്യത്തിൽ നഴ്സസ് ദിനം ആഘോഷിച്ചു. മെമ്പർഷിപ് കമ്മിറ്റി ചെയർ ഉമാ വേണുഗോപാൽ സ്വാഗതം ആശംസിച്ചു. സംഗീത വിനോദ പരിപാടികളാൽ സമൃദ്ധമായിരുന്ന ആഘോഷ പരിപാടികൾ മെർലിൻ മെൻഡോങ്ക, പ്രമീള മെൻഡോങ്ക, വയലറ്റ് മോനിസ് എന്നിവർ പ്രാർഥന ഗാനം ആലപിച്ചു. ഫാ. ആൻറ്റണി ഡുക്രു പ്രാർഥനയ്ക്കു നേതൃത്വം നൽകി.

ചാപ്റ്റർ പ്രസിഡന്‍റ് ഡോ.സോഫി വിൽ‌സൺ അധ്യക്ഷ പ്രസംഗം നടത്തി. ന്യൂജേഴ്‌സി സ്റ്റേറ്റ് നഴ്സസ് അസോസിയേഷൻ സിഇഒ ജൂഡി സ്മിത്ത്, സ്റ്റേറ്റ് നഴ്സസ് അസോസിയേഷൻ മുൻ പ്രസിഡന്‍റ് നോർമ്മ റോഡ്‌ജേർസ്, ഫിലിപ്പീൻസ് നഴ്സസ് അസോസിയേഷൻ ന്യൂജേഴ്‌സി ചാപ്റ്റർ പ്രസിഡന്‍റ് റോസ്‌മേരി റോസാലെസ്, ചാപ്റ്ററിന്റെ അഡ്വൈസറി ബോർഡ് അംഗങ്ങളായ ഡോ. ലിഡിയ അല്ബുഖുർക്, വർഷ സിംഗ്, ഡോ.റേച്ചൽ കോശി എന്നിവരുടെ മഹനീയ സാന്നിധ്യം ആഘോഷപരിപാടികളെ ധന്യമാക്കി.

വിവിധ വിഷയങ്ങളെ സംബന്ധിച്ച് ചർച്ചകൾ നടന്നു. പ്രിയ വേണുഗോപാലിന്‍റെ പ്രസംഗം ശ്രദ്ധേയമായി. ആധുനിക ചികിൽസാ രംഗത്തെ പുത്തൻ പ്രവണതകളുടെ മധ്യത്തിൽ വെല്ലുവിളികളെ ഏറ്റെടുത്തുകൊണ്ടു കർമരംഗത്തു സജീവമാകുവാൻ നഴ്സുമാരെ പ്രിയ ആഹ്വാനം ചെയ്തു. വർഷ സിംഗിന്‍റെ ശ്രുതിമധുരമായ ഗാനവും മാളവിക ഭട്ടാചാര്യ നടത്തിയ സഹജ യോഗ മെഡിറ്റേഷനും ആഘോഷത്തിന് മികവ് നൽകി. ഡോ. മുനിറ വെൽസ് നന്ദി പ്രകാശിപ്പിച്ചു. ഡോ.സോഫി വിൽ‌സൺ പങ്കെടുത്ത എല്ലാവർക്കും സർട്ടിഫിക്കറ്റുകൾ നൽകി ആദരിച്ചു.

റിപ്പോർട്ട് : ജീമോൻ റാന്നി
ഡാളസിൽ പല്ലാവൂർ സഹോദരന്മാരുടെ ചെണ്ട മേളം 23 ന്
ഡാളസ് : പല്ലാവൂർ സഹോദരന്മാരായ ശ്രീധര മാരാർ, ശ്രീകുമാർ മാരാർ ടീം ഒരുക്കുന്ന ചെണ്ടമേളം ഡാളസിൽ ജൂൺ 23 നു (ശനി) നടക്കും. ഡാളസ് കേരള അസോസിയേഷൻ സംഘടിപ്പിക്കുന്ന കേരള നൈറ്റിനോടനുബന്ധിച്ചാണ് ചെണ്ടമേളം ഒരുക്കുന്നത്.

ഇർവിംഗ് സെന്‍റ് ജോർജ് ഓർത്തഡോക്സ് ചർച്ച് ഓഡിറ്റോറിയത്തിൽ വൈകുന്നേരം 6.30 ന് ചെണ്ടമേളത്തോടെയാണ് പരിപാടികൾ ആരംഭിക്കുകയെന്ന് ഭാരവാഹികൾ അറിയിച്ചു. പ്രവേശന ഫീസ് ഒരു ഡോളർ. എല്ലാവരേയും പരിപാടിയിലേക്ക് സ്വാഗതം ചെയ്യുന്നതായി ആർട്ട് ഡയറക്ടർ അനശ്വർ മാംമ്പിളി അറിയിച്ചു.
വിവരങ്ങൾക്ക്: 214 997 1385.

റിപ്പോർട്ട്: പി.പി. ചെറിയാൻ
ടോയ്‌ലറ്റ് പേപ്പർ ഉപയോഗിച്ച് വിവാഹ വസ്ത്ര നിർമാണം; റൊണാൾഡൊവിന് ഒന്നാം സ്ഥാനം
ന്യൂയോർക്ക്∙ ന്യൂയോർക്കിൽ നടന്ന പതിനാലാമത് ടോയ്‌ലറ്റ് പേപ്പർ വിവാഹ വസ്ത്ര നിർമാണ മത്സരത്തിൽ ഫൈനൽ റൗണ്ടിലെത്തിയ പത്തു പേരിൽ നിന്നും ന്യൂയോർക്ക് ചെസ് പിക്കിൽ നിന്നുള്ള റൊണാൾഡൊ റോയ് ക്രൂസ് (51) ഒന്നാം സ്ഥാനം കരസ്ഥമാക്കി. 10,000 ഡോളറാണ് സമ്മാന തുകയായി ലഭിക്കുക.

മത്സരത്തിൽ പങ്കെടുത്ത 1550 മത്സരാർഥികളിൽ ഫൈനലിലെത്തിയ പത്തു പേരിൽ റൊണാൾഡൊ കഴിഞ്ഞ നാലു വർഷവും ഫൈനലിൽ എത്തിയിരുന്നുവെങ്കിലും ഒന്നാം സ്ഥാനം ആദ്യമായാണ് ലഭിക്കുന്നത്.

ടോയ്‌ലറ്റ് പേപ്പർ, ടേപ്പ്, ഗ്ലു, സൂചി, നൂല് എന്നിവ ഉപയോഗിച്ചാണ് മനോഹരമായ വിവാഹ വസ്ത്രം നിർമിച്ചിരുന്നത്. 20 റോൾ ടോയ്‌ലറ്റ് പേപ്പറാണ് ഇതിന്‍റെ നിർമാണത്തിനു വേണ്ടി ഉപയോഗിച്ചതെന്ന് റൊണാൾഡൊ പറഞ്ഞു.

റൊണാൾഡൊയുടെ ബന്ധു നീസു ഡാനിക്കയാണ് സമ്മാനത്തിനർഹമായ വസ്ത്രം ധരിച്ച് എത്തിയത്. മറ്റൊരു ബന്ധുവായ കാർമൽ ക്രൂസാണ് ആവശ്യമായ മേയ്ക്ക് അപ്പ് നടത്തിയത്. സമ്മാനമായി ലഭിച്ച 10,000 ഡോളർ ഉപയോഗിച്ചു ഫിലിപ്പീനോയിലെ തന്‍റെ ബന്ധുക്കളെ സന്ദർശിക്കാനാണ് പരിപാടിയെന്ന് റൊണാൾഡൊ പറഞ്ഞു. ഇത്തരം വിവാഹ വസ്ത്രങ്ങൾ ആവശ്യമുള്ളവർക്ക് തയാറാക്കി നൽകുമെന്നും റൊണാൾഡൊ പറഞ്ഞു.

റിപ്പോർട്ട് : പി.പി. ചെറിയാൻ
ഫോമാ തെരഞ്ഞെടുപ്പ്: ജോൺ സി. വർഗീസിന്‍റെ നേതൃത്വം വിജയം നേടുമെന്ന് എസ്. എസ്. പ്രകാശ്
ന്യൂയോർക്ക് ∙ നാളെ നടക്കുവാൻ പോകുന്ന ഫോമാ തെരഞ്ഞെടുപ്പിൽ ജോൺ സി. വർഗീസ് നേതൃത്വം നൽകുന്ന ന്യൂയോർക്ക് 2020 ടീം ചരിത്ര വിജയം നേടുമെന്ന് മലയാളി അസോസിയേഷൻ ഓഫ് സ്റ്റാറ്റൻ ഐലൻഡ് മുൻ പ്രസിഡന്‍റ എസ്. എസ്. പ്രകാശ് അഭിപ്രായപ്പെട്ടു.

ക്വീൻസിൽ നടന്ന 2020 ടീമിൽ കൊട്ടിക്കലാശത്തിൽ പങ്കെടുത്തപ്പോഴാണ് ജോൺ സി. വർഗീസും ജനറൽ സെക്രട്ടറി സ്ഥാനാർഥി മാത്യു വർഗീസും ട്രഷറർ സ്ഥാനാർഥി ഷിനു ജോസഫും ഉൾപ്പെട്ട ന്യൂയോർക്ക് ടീമിന്‍റെ സ്വപ്ന തുല്യമായ ഉൾക്കാഴ്ച തനിക്ക് ബോധ്യപ്പെട്ടതെന്ന് പ്രകാശ് പറഞ്ഞു. കൂടുതൽ യുവാക്കളെ എങ്ങനെ ഫോമയുമായി അടുപ്പിക്കും എന്ന ചോദ്യത്തിന്, മാത്യു വർഗീസ് ഉത്തരം സ്പോർട്സ് അതു വളരെ ശരിയായ കാഴ്ചപ്പാടായിരുന്നു.

റിപ്പോർട്ട്: ഷോളി കുമ്പിളുവേലി
കുടിയേറ്റക്കാരുടെ മക്കളെ സംരക്ഷണ കേന്ദ്രങ്ങളിലാക്കുന്ന ട്രംപിന്റെ വിവാദനയം പിൻവലിച്ചു
വാഷിംഗ്ടൺ ഡിസി ∙ അനധികൃതമായി അമേരിക്കയിലേക്ക് കുടിയേറിയ മാതാപിതാക്കൾക്കെതിരെ നടപടി സ്വീകരിക്കുമ്പോൾ അവർക്കൊപ്പം എത്തിച്ചേർന്ന കുട്ടികളെ മാതാപിതാക്കളിൽ നിന്നും അകറ്റി ഡിറ്റൻഷൻ സെന്ററുകളിലും ജയിലിലും പാർപ്പിക്കുന്നതിന് വിരാമമിട്ടുകൊണ്ടുള്ള എക്സിക്യൂട്ടീവ് ഉത്തരവിൽ ട്രംപ് ഒപ്പുവച്ചു. വൈസ് പ്രസിഡന്‍റ മൈക്ക് പെൻസ് ഹോംലാൻഡ് സെക്യൂരിറ്റി സെക്രട്ടറി ക്രിസ്റ്റീൻ നീൽസൺ എന്നിവരുടെ സാന്നിധ്യത്തിലായിരുന്നു ഒപ്പുവയ്ക്കൽ.

നിലവിലുള്ള നിയമങ്ങളും കോടതി ഉത്തരവുകളുമാണ് ഇങ്ങനെ ഒരു സ്ഥിതിയിലേക്ക് കാര്യങ്ങൾ എത്തിച്ചതെന്നും ഇതിന്റെ പൂർണ ഉത്തരവാദിത്വം മുൻ ഭരണ നേതൃത്വങ്ങൾക്കാണെന്നു ട്രംപ് പറഞ്ഞു. അമേരിക്കൻ അതിർത്തി കൂടുതൽ സുരക്ഷിതമാക്കുന്നതിനുള്ള നിയമ നിർമാണം നടത്തണമെന്നും അതിന് ഗവൺമെന്റ് ആവശ്യമായ എല്ലാ നടപടികളും സ്വീകരിക്കുമെന്നും ട്രംപ് വ്യക്തമാക്കി. അനധികൃതമായി അമേരിക്കയിൽ പ്രവേശിക്കുന്നവരെ (മാതാപിതാക്കളേയും കുട്ടികളേയും) ഒരുമിച്ചു നിയമത്തിന്റെ മുന്നിൽ കൊണ്ടുവരുമെന്നും ട്രംപ് മുന്നറിയിപ്പ് നൽകി. ഇമ്മിഗ്രേഷൻ വിഷയത്തിൽ സീറോ ടോളറ‍ൻസ് പോളിസിയായിരിക്കും ഗവൺമെന്റ് സ്വീകരിക്കുകയെന്നും ട്രംപ് പറഞ്ഞു.

ഹൃദയമുള്ള ഒരാൾക്കും മാതാപിതാക്കളിൽ നിന്നും കുട്ടികളെ അകറ്റുന്നത് കണ്ടു നിൽക്കാനാവില്ലെന്നും ഇമ്മിഗ്രേഷൻ നയത്തിൽ സമൂല മാറ്റം വരുത്തുന്ന നിയമം ഉടനെ കോൺഗ്രസിൽ അവതരിപ്പിക്കുമെന്നുംട്രംപ് പറഞ്ഞു.

റിപ്പോർട്ട് : പി. പി. ചെറിയാൻ
മോര്‍ട്ടണ്‍ഗ്രോവ് സെന്റ് മേരീസില്‍ സമ്മര്‍ ക്യാമ്പിനു തുടക്കം
ഷിക്കാഗോ: മോര്‍ട്ടന്‍ഗ്രോവ് സെന്റ് മേരീസ് ക്‌നാനായ ദേവാലയത്തില്‍ എട്ടാഴ്ച നീണ്ടുനില്‍ക്കുന്ന കുട്ടികളുടെ സമ്മര്‍ ക്യാമ്പിന് തുടക്കം കുറിച്ചു. കുട്ടികളുടെ അദ്ധ്യാത്മികവും ഭൗതികവുമായ വളര്‍ച്ചയെ ലക്ഷ്യമാക്കി ആവിഷ്‌കരിച്ചിരിക്കുന്ന സമ്മര്‍ ക്യാമ്പിന് ക്രിസ്റ്റീന്‍ ടീം അംഗങ്ങള്‍ നേതൃത്വം നല്‍കുന്നു .

വൈദികരുടെയും സിസ്‌റ്റേഴ്‌സിന്റെയും ക്യാമ്പ് വോളന്റിയേഴസിന്റേയും മതബോധന സ്‌കൂള്‍ അധ്യാപകരുടെയും സാന്നിധ്യത്തില്‍ വികാരി ജനറാള്‍ ഫാ . തോമസ് മുളവനാല്‍ ക്യാമ്പ് ഉദ്ഘാടനം ചെയ്തു. ബട്ടര്‍ഫ്‌ളൈ 2018 എന്ന് നാമകരണം ചെയ്തിരിക്കുന്ന ക്യാമ്പിന്റെ ഭാഗമായി വിജ്ഞാന പ്രദമായ ക്ലാസുകള്‍ , ഗെയിമുകള്‍ , ഫീല്‍ഡ് ട്രിപ്പുകള്‍ , മലയാളം ക്ലാസുകള്‍, സമുദായ ബോധവത്കരണം, ദിവസേന കുര്‍ബാന, ആരാധന, യോഗ ക്ലാസുകള്‍ തുടങ്ങി കുട്ടികളുടെ വ്യക്തിത്വ വികസനത്തിന് ഉപകാരപ്രദമായ ഒട്ടനവധി പരിപാടികള്‍ ആണ് ആസൂത്രണം ചെയ്തിരിക്കുന്നത് .

ബ്രദര്‍ സന്തോഷ്, പി.വി. മേരിക്കുട്ടി, ബിബി തെക്കനാട്ട്, ഫാ. ബിന്‍സ് ചേത്തലില്‍, ബ്രദര്‍ അങ്കിത് , ബെഞ്ചമിന്‍ എന്നിവര്‍ ക്യാമ്പിന് നേതൃത്വം നല്‍കുന്നു. പേരന്റ് വോളന്റിയേഴ്‌സും അധ്യാപകരും സിസ്‌റേഴ്‌സും പള്ളി എക്‌സിക്യൂട്ടീവും യൂത്ത് വോളന്റിയേഴ്‌സും ക്യാമ്പിന്റെ വിജയത്തിനായുള്ള ക്രമീകരണങ്ങള്‍ക്ക് നേതൃത്വം നല്‍കുന്നു. സ്റ്റീഫന്‍ ചൊള്ളംബേല്‍ (പിആര്‍ഒ) അറിയിച്ചതാണിത്.

റിപ്പോര്‍ട്ട്: ജോയിച്ചന്‍ പുതുക്കുളം
ഫൊക്കാന കൺവൻഷൻ സൂപ്പർ താരങ്ങളുടെ സംഗമ വേദിയായി മാറും
ന്യൂയോർക്ക്∙ മലയാള സിനിമയിലെ സൂപ്പർ താരങ്ങളുടെ സംഗമ വേദി ആയി മാറുന്നു ഫൊക്കാന കൺവൻഷൻ. ഫൊക്കാനായുടെ പതിനെട്ടാമത്‌ നാഷനൽ കൺവൻഷന്‍റെ വേദിയിലേക്ക് നടി ഷീല, ജഗദീഷ്, ജയസൂര്യ, ദുല്‍ഖര്‍ സല്‍മാന്‍,സുരഭി ലക്ഷ്മി തുടങ്ങി നിരവധി കലാകാരൻമാർ പങ്കെടുക്കും. അവരെ താരമാക്കിയ നമുക്ക് അവരുമായി സംവദിക്കാനുള്ള അവസരം കൂടിയാണിത്. ചലച്ചിത്ര താരങ്ങള്‍ക്കു പുറമെ അമേരിക്കന്‍ മലയാളി യുവജനങ്ങളുടെ മാസ്മരിക കലാപരിപാടികളും ഫൊക്കാനയുടെ മാമങ്കത്തിന് പകിട്ടേകും .

പൂര്‍വകാല സുഹൃത്ത് സംഗമം, കലാകാരന്‍മാരുടേയും, കലാകാരികളുടേയും തകര്‍പ്പന്‍ മത്സരങ്ങള്‍, മലയാളി മങ്ക, മിസ് ഫൊക്കാനാ തിരഞ്ഞെടുപ്പുകള്‍, ചലച്ചിത്ര അവാര്‍ഡ്, ചിരിയരങ്ങ്, നഴ്സ് സെമിനാർ തുടങ്ങിയ പരിപാടികൾ ഒത്തുച്ചേരുന്ന മഹോത്സവം ആയിരിക്കും ഫൊക്കാനയുടെ ഫിലഡല്‍ഫിയ നാഷണല്‍ കണ്‍വന്‍ഷന്‍ .

പ്രസിഡന്‍റ് തമ്പി ചാക്കോ, സെക്രട്ടറി ഫിലിപ്പോസ് ഫിലിപ്പ്, ട്രഷറർ ഷാജി വർഗീസ്, ട്രസ്റ്റി ബോർഡ്‌ ചെയർമാൻ ജോർജി വർഗീസ്, എക്‌സിക്യൂട്ടീവ്‌ വൈസ്‌ പ്രസിഡന്റ്‌ ജോയി ഇട്ടൻ, കൺവൻഷൻ ചെയർമാൻ മാധവൻ ബി നായർ, ഫൗണ്ടേഷൻ ചെയർമാൻ പോൾ കറുകപ്പള്ളിൽ,വിമൻസ് ഫോറം ചെയർപേഴ്‌സൺ ലീലാ മാരേട്ട്, നാഷണൽ കോഓർഡിനേറ്റർ സുധ കർത്ത, വൈസ്‌ പ്രസിഡന്‍റ് ജോസ് കാനാട്ട്, ജോയിന്‍റ് സെക്രട്ടറി ഡോ.മാത്യു വർഗീസ്,അസോ. ജോയിന്‍റ് സെക്രട്ടറി എബ്രഹാം വർഗീസ്, എബ്രഹാം കളത്തിൽ, അസോ. ജോയിന്‍റ് ട്രഷറര്‍ സണ്ണി മറ്റമന, ട്രസ്റ്റി ബോര്‍ഡ്‌ സെക്രട്ടറി ടെറൻസൺ തോമസ് എന്നിവർ അറിയിച്ചു.

റിപ്പോർട്ട് : ശ്രീകുമാർ ഉണ്ണിത്താൻ
ഫോമാ 2020 കണ്‍വൻഷന് ഏറ്റവും അനുയോജ്യം ന്യൂയോർക്ക്: ഷോളി കുന്പിളുവേലി
ന്യൂയോർക്ക്: ഫോമാ 2020 കണ്‍വൻഷന് ഏറ്റം അനുയോജ്യമായ സ്ഥലം ലോക തലസ്ഥാനമായ ന്യൂയോർക്ക് തന്നെയാണെന്ന് ഫോമാ നാഷണൽ കമ്മിറ്റി അംഗവും (ഇലക്ട്) സാമൂഹികസാംസ്കാരിക പ്രവർത്തകനുമായ ഷോളി കുന്പിളുവേലി. ഷിക്കാഗോ കണ്‍വൻഷനോടു കൂടി ഫോമ വളർച്ചയുടെ പുതിയൊരു തലത്തിലേക്ക് ഉയരുകയാണ്. അതിൽ ബെന്നി വാച്ചാച്ചിറക്കും ടീമിനും അഭിമാനിക്കാവുന്നതാണ്. എന്നാൽ ഈ വളർച്ച നിലനിർത്തുകയോ, മുന്നോട്ടു കൊണ്ടു പോകുകയോ ചെയ്യണമെങ്കിൽ ന്യൂയോർക്ക് തന്നെയായിരിക്കും ഉത്തമമെന്ന് ഷോളി പറഞ്ഞു.

ന്യൂയോർക്കിലെ എംപയർ, മെട്രോ റീജണുകളിലെ 99 ശതമാനം പ്രവർത്തകരും ഫോമായുടെ അഭ്യുദയകാംക്ഷികളും ആഗ്രഹിക്കുന്നതും അടുത്ത കണ്‍വൻഷൻ ന്യൂയോർക്കിൽ വേണമെന്നാണ്. വാഷിംഗ്ടണ്‍ മുതൽ ബോസ്റ്റണ്‍ വരെയുള്ള സ്റ്റേറ്റുകളിൽ മാത്രമായി ഫോമയുടെ 35ൽപരം അംഗസംഘടനകളുണ്ട്. ഇത് മൊത്തം അംഗസംഘടനകളുടെ പകുതി വരും. ഈ സ്ഥലങ്ങളിൽ നിന്നും വാഹനം ഓടിച്ച് മൂന്നുനാലു മണിക്കൂറുകൾ കൊണ്ട് ന്യൂയോർക്കിലെത്താം. വാഹനം ഓടിച്ച് വരാവുന്നതുകൊണ്ട്, കൂടുതൽ ആളുകളും കുടുംബമായിട്ടായിരിക്കും, ന്യൂയോർക്ക് കണ്‍വൻഷന് എത്തുക. 400500 കുടുംബങ്ങൾ, അതായത് 12001500 ആൾക്കാർ ഈ സ്ഥലങ്ങളിൽ നിന്നു മാത്രമായി ന്യൂയോർക്ക് കണ്‍വൻഷനിൽ പ്രതീക്ഷിക്കാം! ഈ 12001500 ആൾക്കാർ ഡാളസിനാണ് പോകേണ്ടതെങ്കിൽ ശരാശരി 200250 ഡോളർ ഒരു എയർ ടിക്കറ്റിന് കണക്കാക്കിയാൽപോലും, നമ്മുടെ കമ്യൂണിറ്റിയുടെ നഷ്ടം മൂന്നര ലക്ഷം ഡോളറോളം വരും. ഇതു നിസാര കാര്യമാണോ? മാത്രമല്ല, ന്യൂയോർക്കിലാണ് കണ്‍വൻഷനെങ്കിൽ, വിദൂര സ്റ്റേറ്റുകളിൽ നിന്നും നല്ല ജനപങ്കാളിത്തം ഉണ്ടാകും. കാരണം അവർക്ക് ന്യൂയോർക്കാണെങ്കിൽ കുട്ടികളേയും കൂട്ടി നല്ലൊരു വെക്കേഷൻ ചെലവഴിക്കാൻ സാധിക്കും. കുട്ടികൾക്കും ന്യൂയോർക്കാണെങ്കിൽ വരുവാൻ താൽപര്യമായിരിക്കും! അത്രയ്ക്കും അവരെ ആകർഷിക്കുന്ന ടൂറിസ്റ്റ് സ്പോട്ടുകൾ ഇവിടെയുണ്ട്. ഇതിലൂടെ നമ്മുടെ രണ്ടാം തലമുറയിൽപ്പെട്ട കുട്ടികളേയും ഫോമയുടെ മുഖ്യധാരയിലേക്ക് കൊണ്ടുവരുവാൻ സാധിക്കുമെന്നത് വലിയൊരു കാര്യം തന്നെയാണ്. അങ്ങനെ, ഫോമാ എന്താണോ വിഭാവനം ചെയ്യുന്നത് അത് സാധിച്ചെടുക്കുവാൻ ന്യൂയോർക്ക് കണ്‍വൻഷനിലൂടെ കഴിയും!

മറ്റൊരു കാര്യം, കണ്‍വൻഷൻ ന്യൂയോർക്കിലാണെങ്കിൽ, വലിയ കന്പനികളുടെ ധാരാളം സ്പോണ്‍സർഷിപ്പ് കണ്‍വൻഷന് ലഭിക്കും. അതിലൂടെ ചെലവുകൾ ചുരുക്കുവാനും, ഇപ്പോഴത്തെ കണ്‍വൻഷൻ നിരക്കിൽ തന്നെ, എല്ലാവർക്കും പങ്കെടുക്കുവാനും സാധിക്കും.

ന്യൂയോർക്ക് 2020 ടീമിന് നേതൃത്വം നൽകുന്ന സ്ഥാനാർഥികളായ പ്രസിഡന്‍റ് ജോണ്‍ സി. വർഗീസ്(സലീം), ജനറൽ സെക്രട്ടറി മാത്യു വർഗീസ്(ബിജു), ട്രഷറർ ഷിനു ജോസഫ്, വൈസ് പ്രസിഡന്‍റ് അന്നമ്മ മാപ്പിളശേരി, ജോയിന്‍റ് സെക്രട്ടറി മത്സരിക്കുന്ന സാജു ജോസഫ്, ജോയിന്‍റ് ടഷറർ ജെയിൻ മാത്യു എന്നിവരെ വിജയിപ്പിക്കണമെന്നും ഷോളി കുന്പിളുവേലി അഭ്യർഥിച്ചു.
"മക്കളുടെ കൗമാരം മനസിലാക്കാൻ മാതാപിതാക്കൾക്ക് കഴിയണം’
ഡാളസ് : വേൾഡ് മലയാളി കൗൺസിൽ അമേരിക്ക റീജണിന്‍റെ 11–ാം ബയനീയൽ കോൺഫറൻസിനോടനുബന്ധിച്ചു "യൂത്ത് എംപവർമെന്‍റ് ഒരു ഭാവി പ്രതീക്ഷ" എന്ന വിഷയത്തിൽ സിംബോസിയം ന‌‌ടന്നു. "കൗമാര പ്രായക്കാരായ മക്കളുടെ മാനസികവും ശാരീരികവുമായ പ്രശ്നങ്ങൾ മനസിലാക്കാത്ത മാതാപിതാക്കളും മക്കളും അതൃപ്‌തരാണെന്നും കൗമാരത്തിൽ അവർക്കുണ്ടാകുന്ന ശാരീരവും മാനസികവുമായ മാറ്റങ്ങൾ സൃഷ്ടിക്കുന്ന സ്വാഭാവ വൈകല്യങ്ങൾ ഉൾക്കൊണ്ടു സ്നേഹത്തിൽ കൂട്ടുകാരെ പോലെ മാതാപിതാക്കളും മൂത്ത സഹോദരങ്ങളും പെരുമാറണമെന്നും തുറന്നു സംസാരിക്കണമെന്നും അഭിപ്രായങ്ങൾ ഉരുത്തിരിഞ്ഞു.

മക്കളെ പ്രചോദനങ്ങൾ നൽകി വളർത്തണമെന്നും പൊതുവെ തിരക്കുനിറഞ്ഞ അമേരിക്കൻ ജീവിതത്തിൽ പലപ്പോഴും മാതാപിതാക്കൾ പരാജയപ്പെടുന്നു" എന്നും ഉള്ള വിശദമായി ചർച്ച ചെയ്യപ്പെട്ടു. ഡബ്ല്യൂഎംസി അമേരിക്ക റീജൺ ചാരിറ്റി ഫോറം ചെയർപേഴ്‌സൺ ഡോക്ടർ രുഗ്മിണി പദ്മകുമാർ സിംബോസിയം ഉദ്ഘാടനം ചെയ്തു. വിവിധ പ്രവിൻസുകളിൽ നിന്നുമെത്തിയ പ്രതിനിധികൾ ചർച്ചയിൽ പങ്കെടുത്തു.

ഷിക്കാഗോ പ്രവിൻസിനെ പ്രതിനിധീകരിച്ചു എത്തിയ ആൻ ലൂക്കോസ് (ലയോള യൂണിവേഴ്സിറ്റി) ഡിഎഫ്ഡബ്ല്യൂ പ്രൊവിൻസ് ഹെൽത്ത് ഫോറം പ്രസിഡന്‍റ് ബിജി എഡ്വേർഡ് (നഴ്സിംഗ് സൂപ്പർവൈസർ ടെക്സസ് ഹെൽത്ത് ഡാളസ്) ബോബി കുരിയൻ (ടെക്സസ് ഹെൽത്ത് സ്റ്റാഫ് ചാപ്ലിൻ), ജയ്‌സി ജോർജ് (നഴ്‌സ് പ്രാക്റ്റീഷനർ ഓഫ് ഡിഗ്‌നിറ്റി ടീം ഹെൽത്ത് ഡാളസ്) ഡിഎഫ്ഡബ്ല്യൂ പ്രൊവിൻസ് വനിതാ ഫോറം പ്രസിഡന്‍റ് മേരി തോമസ് എന്നിവരുടെ സജീവ പങ്കാളിത്തത്തോടെ അതിമനോഹരമാക്കി. യൂത്ത് എംപവർമെന്‍റ് ഒരു ഭാവി പ്രതീക്ഷക്കു ഉതകുമെന്നും ഡബ്ല്യൂഎംസി പോലുള്ള സംഘടനകൾക്കു നിർണായ പങ്കു വഹിക്കുവാൻ കഴിയുമെന്നും സദസ്സിൽനിന്നും അഭിപ്രായം പൊങ്ങി.

ഡബ്ല്യൂഎംസി അമേരിക്ക റീജിയൻ യൂത്തു ഫോറം പ്രസിഡന്റ് സുധീർ നമ്പ്യാർ യൂത്തിന്റെ ഇടയിൽ പ്രവർത്തിച്ചുള്ള പരിചയ സമ്പത്തിൽ നിന്നും യുവാക്കളെ അവർക്കു താൽപര്യം ഉള്ള ആക്ടിവിറ്റികളിൽ പങ്കെടുപ്പിക്കുന്നത് നല്ലതായിരിക്കുമെന്നും പുസ്തകപ്പുഴുക്കളായി മാറ്റുവാൻ മാതാ പിതാക്കൾ ശ്രമിക്കരുതെന്നും പറഞ്ഞു.

അമേരിക്കയിലേക്ക് കുടിയേറിയ മലയാളികളും അവരുടെ കൗമാരക്കാരായ കുട്ടികളും കടന്നു പോകുന്ന മാനസികവും സാമൂഹികവുമായ പ്രശ്നങ്ങൾ ചർച്ച ചെയ്യപ്പെട്ടത് ശ്രദ്ധേയമായി. കൗമാരകാലം കുട്ടികളെ സംബന്ധിച്ചിടത്തോളം വളർച്ചയുടെ ഒരു പ്രധാനപ്പെട്ട കാലയളവാണ്. അവർ കടന്നു പോകുന്ന മാനസികവും ശാരീരവുമായ പ്രശ്നങ്ങൾ യഥാര്തവ്യവും അവയുടെ പരിഹാര വശങ്ങളും അവയെ റിയൽ ലൈഫ് സാഹചര്യത്തിൽ എങ്ങനെ കൈകാര്യം ചെയ്യാമെന്നും ചർച്ച ചെയ്യപ്പെട്ടു. കൗമാരക്കാരുടെ തലച്ചോറിന്റെ വ്യതിയാനങ്ങളെപ്പറ്റി ആൻ ലൂക്കോസ് വിശദീകരിച്ചു.

കൗമാരക്കാർ നേരിടുന്ന സാമൂഹിക പ്രശ്നങ്ങളെ പറ്റി ജെയ്സി ക്ലാസ് എടുത്തു. താൻ വളർന്നു എന്നു കാണിക്കുവാൻ കുട്ടികൾ അനുസരണക്കേടുകൾ കാട്ടാറുണ്ട്. കാർട്ടൂണുകൾ കൊണ്ടും പവർ പോയിന്‍റ് പ്രസന്‍റേഷൻ കൊണ്ടും സിമ്പോസിയം ആകർഷകരമായി.

മാതാപിതാക്കളുടെയും കൗമാരക്കാരുടെയും പരസ്പര ബന്ധത്തെ സ്വാധീനിക്കുന്ന സാംസ്കാരികവും ശാരീരികവുമായ ഘടകങ്ങൾ വിലയിരുത്തി ബോബി കുര്യൻ സരസമായി സംസാരിച്ചു. ആദ്യം മലയാളി അമേരിക്കയിൽ വന്നപ്പോൾ "രക്ഷപെട്ടു" എന്ന് പറഞ്ഞു. പിന്നീട് പറഞ്ഞു "പെട്ടു". അമേരിക്കൻ സംസ്കാരത്തെ പുൽകിയ കുട്ടികളും ഭാരത സംസ്കാരം കൊണ്ട് നടക്കുന്ന മാതാപിതാക്കളുമാണ് പ്രശനം. ഒരു കോംപ്‌റോമയ്‌സിന്‌ നാം തയ്യാറാവണമെന്ന് അദ്ദേഹം പറഞ്ഞു.

റീജിയൻ ചെയർമാൻ ജോർജ് പനക്കൽ, ഗ്ലോബൽ ചെയർമാൻ ഐസക് ജോൺ പട്ടാണിപ്പറമ്പിൽ, ഗ്ലോബൽ പ്രസിഡണ്ട് ഡോക്ടർ എ. വി. അനൂപ്, സോമൻ ബേബി, എ.എസ്.ജോസ്, അലക്സ് കോശി വിളനിലം, ടി. പി. വിജയൻ, സി.യു.മത്തായി, അഡ്വ. സിറിയക് തോമസ്, ജോബിൻസൺ കൂട്ടത്തിൽ, സാബു ജോസഫ് സിപിഎ, തോമസ് മൊട്ടക്കൽ, ഫിലിപ്പ് മാരേട്ട്, തങ്കമണി അരവിന്ദൻ, ഡോ. എലിസബത്ത് മാമ്മൻ, പിന്‍റോ ചാക്കോ, ജിനേഷ് തമ്പി, ചാക്കോ കോയിക്കലേത്, കോശി ഉമ്മൻ, എസ്. കെ ചെറിയാൻ, എൽദോ പീറ്റർ, ജേക്കബ് കുടശ്ശനാട്‌, ജോമോൻ, ബാബു ചാക്കോ, റോയ് മാത്യു, ജയിംസ് കൂടൽ, ഷോളി കുമ്പിളുവേലി, ഹരികൃഷ്ണൻ നമ്പൂതിരി, മാത്യൂസ് എബ്രഹാം, ലിൻസാണ് കൈതമല, വിൻസൻ പാലത്തിങ്കൽ, ഡോക്ടർ ജോർജ് ജേക്കബ്, ഗ്ലോബൽ ഇലെക്ഷൻ കമ്മീഷണർ സോമൻ, ഡിഎഫ്ഡബ്ല്യൂ പ്രവിൻസ് ചെയർമാൻ തോമസ് എബ്രഹാം, പ്രസിഡന്‍റ് വർഗീസ്, തോമസ് ചെല്ലേത്, പാസ്റ്റർ ഷാജി കെ. ഡാനിയേൽ, എബ്രഹാം ജോൺ ഒക് ലഹോമ, സാബു തലപ്പാല, ഫ്രിക്സ്മോൻ മൈക്കിൾ, എബ്രഹാം മാലിക്കാരുകയിൽ, സുനിൽ എഡ്വേർഡ്, ജിമ്മി കുളങ്ങര മുതലായവർ ആശംസകൾ അറിയിച്ചു.

ക്രിയാത്മകരവും അനുഭവ സമ്പത്തേറിയതുമായ സിമ്പോസിയം സംഘടിപ്പിച്ച ഡബ്ല്യൂഎംസി നേതൃത്വത്തെ പങ്കെടുത്ത ഏവരും അനുമോദിച്ചു. ബിജി എഡ്വേർഡ് പങ്കെടുത്ത ഏവർക്കും നന്ദി പ്രകസിപ്പിച്ചു.

റിപ്പോർട്ട് : പി. സി. മാത്യു
ന്യൂയോർക്ക് ഗുരുകുലം സ്കൂൾ ഇരുപത്തിയഞ്ചാം വാർഷികാഘോഷം 30 ന്
ന്യൂയോർക്ക്: വൈറ്റ് പ്ലൈൻസിൽ ഗുരുകുലം സ്കൂളിന്‍റെ ഇരുപത്തിയഞ്ചാം വാർഷികാഘോഷ പരിപാടികൾ ജൂണ്‍ 30ന് വൈറ്റ് പ്ലെയിൻസ് പെർഫോമിംഗ് ആർട്സ് സെന്‍ററിൽ ആഘോഷിക്കുന്നു. കലാപരിപാടികൾ വൈകുന്നേരം 5.30 നു ആരംഭിക്കും. ഡോ.എം.വി.പിള്ള ചടങ്ങിൽ വിശിഷ്ടാതിഥിയായിരിക്കും.

വിവരങ്ങൾക്ക്: ജെ.മാത്യൂസ് 9146936337, ഫിലിപ്പ് വെന്പനിൽ 9144285678, പുരുഷോത്തമ പണിക്കർ 9148345108, ഡയാന ചെറിയാൻ 9149376009.

റിപ്പോർട്ട് : ഷോളി കുന്പിളുവേലി
ഫോമാ യുവജനോത്സവം "ഗ്രാൻഡ് ഫിനാലെ' സിദ്ദീഖ് ഉദ്ഘാടനം ചെയ്യും
ഷിക്കാഗോ: ഫോമായുടെ അന്താരാഷ്ട്ര കണ്‍വൻഷനോടനുബന്ധിച്ചുള്ള ഫോമാ യുവജനോത്സവം "ഗ്രാൻഡ് ഫിനാലെ"യുടെ ഒരുക്കങ്ങൾ പൂർത്തിയായതായി കൾച്ചറൽ അഫയേഴ്സ് കമ്മിറ്റി ചെയർമാൻ സാബു സകറിയ അറിയിച്ചു. ജൂണ്‍ 22 ന് (വെള്ളി) രാവിലെ 8 ന് പ്രശസ്ത സിനിമാ സംവിധായകൻ സിദ്ദിഖ് ഉദ്ഘാടനം നിർവഹിക്കുന്നതോടെ മത്സരങ്ങൾക്ക് തുടക്കമാകും.

റീജിയണ്‍തല മത്സരങ്ങളിലെ വിജയികളാണ് ഗ്രാൻഡ് ഫിനാലെയിൽ മാറ്റുരക്കപ്പെടുന്നത്. രണ്ടു വേദികളിലായി രാവിലെ 8 മുതൽ 5 വരെയാണ് മത്സരങ്ങൾ. പ്രഗൽഭരായ വിധികർത്താക്കളാണ് വിധിനിർണയം നടത്തുവാൻ എത്തുന്നത്. സീനിയർ, ജൂണിയർ വിഭാഗങ്ങളിലായി കലാപ്രതിഭയ്ക്കും കലാതിലകത്തിനും യഥാക്രമം 1000 ഡോളർ, 500 ഡോളർ കാഷ് അവാർഡും ട്രോഫികളും ലഭിക്കും. മത്സരത്തിൽ വിജയികളാകുന്ന ആദ്യ മൂന്നു സ്ഥാനക്കാർക്ക് ട്രോഫികൾ ലഭിക്കും.

കൾച്ചറൽ അഫയേഴ്സ് കമ്മിറ്റിയാണ് ഫോമാ യുവജനോത്സവത്തിന്‍റെ ചുക്കാൻ പിടിക്കുന്നത്. ജോമോൻ കളപ്പുരയ്ക്കൽ കോർഡിനേറ്റർ ആയും സിറിയക് കുര്യൻ, രേഖാ ഫിലിപ്പ്, രേഖാ നായർ, സാജു ജോസഫ്, ജയ്ൻ മാത്യൂസ്, ഷീലാ ജോസ്, സണ്ണി കല്ലൂപ്പാറ, തോമസ് മാത്യു, മാത്യു വർഗീസ്, ജോസ്മോൻ തത്തക്കുളം, എന്നിവരടങ്ങിയ ദേശീയ കമ്മിറ്റിയാണ് കൾച്ചറൽ അഫയേഴ്സ് കമ്മിറ്റിയുടെ കരുത്ത്. ബോബി തോമസ്, ശ്രീദേവി അജിത്കുമാർ, അബിതാജോസ്, ഹരികുമാർരാജൻ, തോമസ് എബ്രഹാം, ഡാനിഷ് തോമസ്, തോമസ് ചാണ്ടി, ഷാലു പുന്നൂസ്, ജോണ്‍സണ്‍ മാത്യൂ, തോമസ് എം. ജോർജ്, ജയിംസ് പീറ്റർ, തോമസ്കുട്ടി വർഗീസ് എന്നിവർ മത്സരങ്ങൾക്ക് നേതൃത്വം നൽകും.

വിവരങ്ങൾക്ക്: സാബു സക്റിയ (ചെയർമാൻ) 267 980 7923, sackery1@yahoo.com. ജോമോൻ കളപ്പുരയ്ക്കൽ(കോഓർഡിനേറ്റർ) 863 709 4434
കേരളാ പ്രീമിയർലീഗ് ഉദ്ഘാടനം ചെയ്തു
ഡാളസ്: കേരളാ റോയൽ സ്പോർട്സ് ക്ലബിന്‍റെ ഭാഗമായ കേരളാ പ്രീമിയർലീഗ് (കെപിഎൽ) ഡാളസിൽ സണ്ണിവെൽ മേയർ സജിജോർജ് ഉദ്ഘാടനം ചെയ്തു.

ഐപിഎൽ മോഡലിൽ ആദ്യമായി ഡാളസിൽ ക്രിക്കറ്റ് മത്സരം നടത്തുന്ന സ്പോർട്സ്ക്ലബ് ആണ് കേരളാ പ്രീമിയർലീഗ്. 120 ഓളം കളിക്കാരെ ഉൾക്കൊള്ളിച്ചുകൊണ്ടു നടത്തുന്ന മത്സരത്തിൽ പ്രധാനമായും അഞ്ചു ടീമുകളാണ് മത്സരിക്കുന്നത്.

കേരളാ പോലീസ്, കേരള കൊന്പൻസ്, ട്രാവൻകൂർ കിംഗ്സ്, മല്ലു ബ്രോദേഴ്സ്, കേരളാ ചെവകേഴ്സ് എന്നീ ടീമുകളിലെ താരങ്ങളാണ് മത്സരത്തിൽ പങ്കെടുക്കുക. ഫൈനൽ ജൂലൈ 15 നു നടക്കും.

ദിനേശ്പിള്ള, ബ്രയൻതോമസ്, സ്റ്റാൻലിജോണ്‍, കിരണ്‍ബേബി, രജിത്അറക്കൽ എന്നിവരാണ് കേരളാ പ്രീമിയർലീഗിന്‍റെ സ്പോർട്സ് കമ്മിറ്റി അംഗങ്ങൾ.
കെ.പി.ജോർജിന്‍റെ തെരഞ്ഞെടുപ്പ് പ്രചാരണ യോഗം 21 ന്
ഹൂസ്റ്റൺ ∙ ഫോർട്ട്ബന്റ് കൗണ്ടി ജഡ്ജി സ്ഥാനാർഥിയായി മത്സരിക്കുന്ന കെ. പി. ജോർജിന്‍റെ തെരഞ്ഞെടുപ്പ് പ്രചാരണ യോഗവും ഫണ്ടു സമാഹരണവും ജൂൺ 21 ന് ഷുഗർലാന്‍റ് ടെക്സസിൽ നടക്കും.

ഷുഗർലാന്റ് 1418 ഹൈവേയിലുള്ള ബ്രൂക്ക് സ്ട്രീറ്റ് ബാർബി ക്യൂവിൽ വ്യാഴാഴ്ച വൈകിട്ട് 6 മുതൽ 8 വരെ നടക്കുന്ന യോഗത്തിൽ വോട്ടർമാരുടെ സംശയങ്ങൾക്ക് ജോർജ് മറുപടി നൽകും. ഹാർവി ചുഴലിക്കാറ്റിനുശേഷം ഉണ്ടായ മാറ്റങ്ങളെക്കുറിച്ചും ഭാവിയിൽ വർധിക്കുവാൻ സാധ്യതയുള്ള സ്കൂൾ നികുതി, വിദ്യാർഥികളുടെ വിദ്യാഭ്യാസത്തെ എങ്ങനെ ബാധിക്കും എന്നതിനെകുറിച്ചു യോഗത്തിൽ ജോർജ് വിശദീകരിക്കും.

ഇപ്പോൾ ഫോർട്ട്ബന്റ് സ്കൂൾ ഡിസ്ട്രിക്റ്റ് ട്രസ്റ്റി ബോർഡ് അംഗമായി പ്രവർത്തിക്കുന്ന കെ. പി. ജോർജ് ഫോർട്ട്ബന്റ് കൗണ്ടി ജഡ്ജി സ്ഥാനത്തേക്ക് മത്സരിക്കുന്നതിലൂടെ കൗണ്ടിയിലെ പൗരന്മാരുടെ അവകാശങ്ങൾ സംരക്ഷിക്കുന്നതിനും ജനജീവിത നിലവാരം ഉയർത്തുന്നതി നുമാണ് മുൻഗണന നൽകുന്നത്.

ജൂൺ 21ന് ചേരുന്ന യോഗത്തിലേക്ക് കൗണ്ടിയിലെ എല്ലാവരേയും ക്ഷണിക്കുന്നതായി കെ. പി. ജോർജ് അറിയിച്ചു. ആദ്യമായാണ് ഈ സ്ഥാനത്തേക്കു ഒരു മലയാളി മത്സരിക്കുന്നത്. ജോർജിന്‍റെ വിജയത്തിനായി ഇന്ത്യൻ കമയൂണിറ്റിയും പ്രത്യേകിച്ചു മലയാളികളും സജ്ജീവമായി രംഗത്തുണ്ട്.

റിപ്പോർട്ട് :പി. പി. ചെറിയാൻ
ഇന്ത്യൻ വംശജരായ 56 കുട്ടികൾ ഓറിഗൻ ഫെഡറൽ ജയിലിൽ
ഒാറിഗൻ ∙ പ്രസിഡന്‍റ് ഡോണൾഡ് ട്രംപിന്‍റെ ബോർഡർ പോളിസി കർശനമായി നടപ്പാക്കി തുടങ്ങിയതോടെ രാജ്യത്തിന്‍റെ വിവിധ ഭാഗങ്ങളിൽ അനധികൃതമായി കുടിയേറിയ മാതാപിതാക്കളിൽ നിന്നും കുട്ടികളെ വേർപ്പെടുത്തി ഡിറ്റൻഷൻ സെന്‍ററുകളിലും ഫെഡറൽ ജയിലുകളിലും പാർപ്പിച്ചിരിക്കുന്നതിൽ പ്രതിഷേധിച്ചു രാജ്യത്താകമാനം പ്രകടനങ്ങളും ഗവൺമെന്‍റിനെതിരായ വിമർശനങ്ങളും ഉയരുന്നതായി റിപ്പോർട്ടുകൾ സൂചിപ്പിക്കുന്നു.

ഒാറിഗനിൽ മാത്രം 123 കുട്ടികളെ മാറ്റി പാർപ്പിച്ചതിൽ 56 പേർ ഇന്ത്യൻ വംശജരാണ്. ഇവരിൽ പ്രധാനമായും സിക്ക്, ക്രിസ്ത്യൻ വിഭാഗത്തിലുള്ളവരാണെന്ന് ഒാറിഗേനിയൻ പത്രം റിപ്പോർട്ടു ചെയ്തിട്ടുണ്ട്. മതപീഡനങ്ങളെ തുടർന്ന് രാഷ്ട്രീയാഭയം തേടിയവരുടെ കുട്ടികളും ഇതിൽ ഉൾപ്പെടുന്നു. മെക്സിക്കോ, ബ്രസീൽ, ചൈന എന്നീ രാജ്യങ്ങളിൽ നിന്നുള്ളവരുടെ കുട്ടികളും ഇതിൽ ഉൾപ്പെടുന്നു.

പ്യു റിസെർച്ച് സെന്റർ പ്രസിദ്ധീകരിച്ച 2014 ലെ കണക്കനുസരിച്ച് രാജ്യത്തെ നിയമ വിരുദ്ധ കുടിയേറ്റക്കാരിൽ ഇന്ത്യൻ വംശജരുടെ എണ്ണം ക്രമാതീതമായി വർധിച്ചുവരുന്നതായി ചൂണ്ടികാണിക്കുന്നു. അര മില്യൺ ഇന്ത്യക്കാരാണ് ഇവിടെ എത്തിയിരിക്കുന്നത്. കഴിഞ്ഞ വർഷം 460 ഇന്ത്യക്കാരേയും ഈ വർഷം ഇതുവരെ 33 പേരേയും ഇന്ത്യയിലേക്ക് തിരിച്ചയച്ചിട്ടുണ്ട്.

റിപ്പോർട്ട് : പി. പി. ചെറിയാൻ
സ്പ്രിംഗ് ഫെസ്റ്റിവല്‍ ഓഫ് ഇന്ത്യ വര്‍ണശബളമായി
ആല്‍ബനി (ന്യൂയോര്‍ക്ക്)∙ ആല്‍ബനിയിലെ ഇന്ത്യക്കാരുടെ സംഘടനയായ ട്രൈസിറ്റി ഇന്ത്യാ അസോസിയേഷന്‍ വര്‍ഷം തോറും നടത്തിവരാറുള്ള 'സ്പ്രിംഗ് ഫെസ്റ്റിവല്‍ ഓഫ് ഇന്ത്യ' ഈ വര്‍ഷവും വര്‍ണശബളമായി കൊണ്ടാടി. ജൂണ്‍ 10ന് എംപയര്‍ സ്റ്റേറ്റ് പ്ലാസ കണ്‍വന്‍ഷന്‍ സെന്‍ററിലായിരുന്നു ആഘോഷങ്ങള്‍.

മുന്‍‌വര്‍ഷങ്ങളേക്കാള്‍ വളരെയധികം കലാപരിപാടികള്‍ ഈ വര്‍ഷം അരങ്ങേറി. ഇന്ത്യയിലെ വിവിധ സംസ്ഥാനങ്ങളെ പ്രതിനിധീകരിച്ച് കുട്ടികളും യുവതീയുവാക്കളും മുതിര്‍ന്നവരുമായി അഞ്ഞൂറില്‍‌പരം പേരാണ് സ്റ്റേജില്‍ അവരവരുടെ സംസ്ഥാനങ്ങളിലെ തനതു പരമ്പരാഗത കലകള്‍ അവതരിപ്പിച്ചത്. രാവിലെ പത്തു മണിക്ക് ആരംഭിച്ച പരിപാടികള്‍ വൈകിട്ട് 7 മണിവരെ നീണ്ടു. എല്ലാ വര്‍ഷവും സംഘടിപ്പിക്കുന്ന സ്‌പ്രിംഗ് ഫെസ്റ്റിവല്‍ ഏറെ ജനശ്രദ്ധയാകര്‍ഷിക്കുന്ന ആഘോഷമാണ്.

വിവിധ ഇന്ത്യന്‍ ഭക്ഷണ ശാലകള്‍, റെഡിമെയ്ഡ് വസ്ത്രങ്ങള്‍, ആഭരണങ്ങള്‍, ഗിഫ്റ്റ് ഷോപ്പുകള്‍ എന്നിവ കൂടാതെ മറ്റനേകം ബൂത്തുകള്‍ കണ്‍വന്‍ഷന്‍ സെന്‍ററിലും പരിസരത്തും ഒരുക്കിയിരുന്നു.

കല്യാണ്‍ ഗുലെ ചെയര്‍മാനും ഇളങ്കോവന്‍ രാമന്‍, മൊയ്തീന്‍ പുത്തന്‍‌ചിറ, പ്രവീണ്‍ കരാഞ്ജ്ക്കര്‍, പീറ്റര്‍ തോമസ്, വേണുഗോപാല്‍ ഗുഞ്ജി, രാം മോഹന്‍ ലലുക്കോട്ട, ബാസ്‌വ ശേഖര്‍ എന്നിവരടങ്ങുന്ന കള്‍ച്ചറല്‍ കമ്മിറ്റിയാണ് കലാപരിപാടികൾക്ക് മേൽനോട്ടം വഹിച്ചത്.

ഇന്ത്യയുടെ വൈവിധ്യമാര്‍ന്ന സംസ്ക്കാരം പ്രചരിപ്പിക്കുക എന്ന ഉദ്ദേശത്തോടെയാണ് 1960-ല്‍ രൂപം കൊടുത്ത ട്രൈസിറ്റി ഇന്ത്യാ അസോസിയേഷന്‍ 2000 മുതല്‍ സ്പ്രിംഗ് ഫെസ്റ്റിവല്‍ സംഘടിപ്പിക്കുന്നത്. ഈ കലാമേള ഏറ്റവും കൂടുതല്‍ ആസ്വദിക്കുന്നത് വിദേശിയരാണെന്ന പ്രത്യേകതയുമുണ്ട്. ഇത്തവണത്തെ ഫെസ്റ്റിവലില്‍ ഗയാനീസ് കമ്മ്യൂണിറ്റിയും പങ്കെടുത്തുവെന്നതും പ്രത്യേകം ശ്രദ്ധിക്കപ്പെട്ടു. 42 കലാപ്രകടനങ്ങളില്‍ 540 പേരാണ് പങ്കെടുത്തത്. പ്രസിഡന്റ് ബെങ്കി ബാസണ്ണ നന്ദി പറഞ്ഞു.

കേരളത്തെ പ്രതിനിധീകരിച്ച് ക്യാപിറ്റല്‍ ഡിസ്‌ട്രിക്റ്റ് മലയാളി അസ്സോസിയേഷനിലെ കലാകാരികള്‍ അവതരിപ്പിച്ച സംഘനൃത്തം ഏവരുടേയും മുക്തകണ്ഠമായ പ്രശംസ പിടിച്ചുപറ്റി. അതുപോലെ കര്‍ണ്ണാടക, രാജസ്ഥാന്‍, മഹാരാഷ്ട്ര, ആന്ധ്രപ്രദേശ്, പഞ്ചാബ് എന്നീ സംസ്ഥാനങ്ങളുടെ പരിപാടികളുമാണ് ഏറെ ആകര്‍ഷിക്കപ്പെട്ടത്. ഗയാന വംശജര്‍ അവതരിപ്പിച്ച സംഘനൃത്തം പ്രത്യേകം ശ്രദ്ധിക്കപ്പെട്ടു.

കോണ്‍‌ഗ്രസ്മാന്‍ പോള്‍ ടോങ്കോ, ആല്‍ബനി മേയര്‍ കാത്തി ഷീഹാന്‍, ന്യൂയോര്‍ക്ക് ഗവര്‍ണ്ണറുടെ പ്രതിനിധി ജെഫ് ക്വയ്‌ന്‍, ക്ലിഫ്റ്റന്‍ പാര്‍ക്ക് ടൗന്‍ സൂപ്പര്‍‌വൈസര്‍ ഫില്‍ ബാരറ്റ് എന്നിവര്‍ വിശിഷ്ടാതിഥികളായി പങ്കെടുത്തു.

റിപ്പോർട്ട്: മൊയ്തീന്‍ പുത്തന്‍‌ചിറ
ഫോമാ പൊളിറ്റിക്കൽ ഫോറം സെമിനാർ 22 ന്
ന്യൂയോർക്ക്∙ ഫോമാ കോൺവൻഷനോടനുബന്ധിച്ചു നടക്കുന്ന പൊളിറ്റിക്കൽ ഫോറം സെമിനാറിൽ ഷിക്കാഗോ ഇന്ത്യൻ കോൺസുലേറ്റ് ജനറലും സീനിയർ കോൺസുലേറ്റ് ഉദ്യോഗസ്ഥരും പങ്കെടുക്കും. ഒസിഐ, പാസ്പോർട്ട് അറ്റസ്റ്റേഷൻ, തുടങ്ങിയ കോൺസുലാർ സേവനങ്ങൾ ലഭ്യമാകുന്നത് സംബന്ധിച്ചുള്ള ചർച്ചകൾക്ക് സീനിയർ ഉദ്യോഗസ്ഥർ നേതൃത്വം നൽകും.

ജൂൺ 22 വെള്ളിയാഴ്ച ഉച്ചക്ക് 12 മുതൽ ആരംഭിക്കുന്ന സെമിനാറിൽ മറുപടി ലഭിക്കേണ്ട കോൺസുലർ സേവനങ്ങളെ സംബന്ധിച്ചുള്ള ചോദ്യങ്ങൾ ജൂൺ 20 നു മുമ്പായി ഇമെയിൽ ആയി സമർപ്പിക്കണമെന്നു ഫോമാ പൊളിറ്റിക്കൽ ഫോറം ചെയർമാൻ അറിയിക്കുന്നു. ചോദ്യങ്ങൾ അയക്കേണ്ടുന്ന ഇമെയിൽ : ttoindia @gmail.com.
ചെങ്ങന്നൂർ സർക്കാർ ആശുപത്രിയിൽ സൗജന്യ ഭക്ഷണം കൊടുത്ത് ജോൺ സി. വർഗീസ്
ചെങ്ങന്നൂർ ∙ ചെങ്ങന്നൂർ ഗവൺമെന്റ് ആശുപത്രിയിലെ രോഗികൾക്കും കൂടെ നിൽക്കുന്നവർക്കുമായി ന്യൂയോർക്കിലെ സാമൂഹിക– സാംസ്കാരിക പ്രവർത്തകനും പ്രമുഖ സംഘാടകനുമായ ജോൺ സി. വർഗീസ് (സലിം) സാന്ത്വനം ഹെൽത്ത് കെയർ സെന്ററായി തുടങ്ങി വച്ച സൗജന്യ ഉച്ചഭക്ഷണ വിതരണം 15 വർഷമായി ഇന്നും മുടങ്ങാതെ എല്ലാ ദിവസവും തുടർന്നു വരുന്നു. ഇത് ഒരു അമേരിക്കൻ മലയാളിയുടെ നാടിനോടുള്ള പൊക്കിൾക്കൊടി ബന്ധത്തിന്റെ അടയാളമാണ്. ഓരോ ദിവസവും ഇവിടെയെത്തി ഭക്ഷണം കഴിക്കുന്നവർ തങ്ങളുടെ ബുദ്ധിമുട്ടുകളുടെ നടുക്കടലിൽ നിന്നും വിശപ്പകറ്റുന്ന ഈ അമേരിക്കൻ മലയാളിയെ നന്ദിയോടെ സ്മരിക്കുന്നു. അവരുടെ സ്മരണ ജോൺ സി. വർഗീസിന് കൂടുതൽ പ്രചോദനമാവുകയും ചെയ്യുന്നു.

വിശക്കുന്നവർക്ക് ഒരു നേരത്തെ ആഹാരം കൊടുക്കുക എന്നതിനപ്പുറം മറ്റൊരു പുണ്യ കർമവുമില്ല. ഇവിടെ ഒരു ദിവസം ഇരുന്നൂറോളം പേർക്ക് സൗജന്യമായി ഉച്ചഭക്ഷണം നൽകുന്നു. അതിന് നന്ദി പറയേണ്ടത് ജോൺ സി. വർഗീസിനോടാണ്. സാന്ത്വനം ഹെൽത്ത് കെയർ സെന്ററിന്റെ പ്രസിഡന്റും ചെങ്ങന്നൂർ നഗരസഭയുടെ മുൻ ചെയർമാനുമായ ടോം മരുക്കുംമൂട്ടിൽ പറഞ്ഞു.

ചെങ്ങന്നൂർ ഗവൺമെന്റ് ആശുപത്രിയുടെ മുൻവശത്തുള്ള കെട്ടിടത്തിലാണ് ജോൺ സി. വർഗീസ് മാതൃകാപരമായ ഈ ജീവകാരുണ്യ പദ്ധതി നടപ്പാക്കിക്കൊണ്ടിരിക്കുന്നത്. നിർധന രോഗികൾക്കും അവരുടെ സഹായികളായി നിൽക്കുന്നവർക്കും ഈ സംരംഭം തീർച്ചയായും സാന്ത്വനം തന്നെയാണെന്ന് ആശുപത്രിയിലുള്ളവർ പറയുന്നു. ചോറും കറികളും വിളമ്പിക്കൊണ്ട് എല്ലാ ദിവസവും ടോം മുരുക്കുംമൂട്ടിൽ ഇവിടെയുണ്ടാവും. സലീം തുടക്കം കുറിച്ച ഈ പദ്ധതിക്ക് ചെങ്ങന്നൂർ അസോസിയേഷനും മറ്റു പല സംഘടനകളും സഹായം നൽകി. എന്നാലിപ്പോൾ സലീമിന്റെ സഹജീവിസ്നേഹത്തിന്റെ മനസാണ് ഈ പരിപാടി മുടക്കമില്ലാതെ തുടരുന്നതിൽ സഹായകരമാകുന്നതെന്ന് ടോം മുരുക്കുംമൂട്ടിൽ പറഞ്ഞു.

ചാരിറ്റി എന്നത് വ്യക്തികളുടെ സ്വഭാവത്തിൽ രൂപീകരിക്കുകയും ജീവിതത്തിൽ ഒരു നിയോഗമാക്കേണ്ടതുമായ മഹത്തായ സഹജീവി സ്നേഹത്തിന്റെ മുദ്രാവാക്യമാണ്.– ജോൺ സി. വർഗീസ് പറയുന്നു. അമേരിക്കൻ മലയാളികളുടെ കൂട്ടായ്മയുടെയും സംഘബോധത്തിന്റെയും വിളംബരമായ ഫോമായുടെ തുടക്കം മുതലുള്ള സജീവ പ്രവർത്തകനായ ജോൺ സി. വർഗീസ് സംഘടനയുടെ ഷിക്കാഗോ ഫാമിലി കൺവൻഷനോടനുബന്ധിച്ച് നടക്കുന്ന ഇലക്ഷനിൽ പ്രസിഡന്റ് സ്ഥാനാർത്ഥിയായി മത്സരിക്കുകയാണ്.

ഫോമയുടെ മുൻ സെക്രട്ടറി (2008–10) സ്ഥാനത്തിരിക്കെ 2010 ലെ ലാസ് വേഗാസ് കൺവൻഷൻ വൻ വിജയമാക്കുന്നതിൽ സ്തുത്യർഹമായ പങ്കുവഹിച്ച സലീം പുതുമുഖങ്ങൾക്ക് അവസരമൊരുക്കുന്നതിനായി മത്സര രംഗത്തു നിന്നും മാറി നിൽക്കുകയായിരുന്നു ഇതുവരെ. എന്നാൽ ഫോമാ റീജിയനുകളുടെയും വിവിധ മലയാളി സംഘടനകളുടെയും താത്പര്യവും സമ്മർദവും മാനിച്ചാണ് പ്രസിഡന്റ് സ്ഥാനത്തേയ്ക്ക് ജനവിധി തേടുന്നതെന്ന് ജോൺ സി. വർഗീസ് വെളിപ്പെടുത്തി. ഫോമയെന്ന ബൃഹത്തായ ഒരു ഫെഡറേഷന്റെ അമരത്തേയ്ക്ക് മത്സരിക്കുമ്പോൾ തന്റെ സുതാര്യമായ സംഘടനാ പ്രവർത്തന പാരമ്പര്യം പിൻബലമാകുമെന്ന് സലീമിന് ശുഭ പ്രതീക്ഷയുമുണ്ട്.

അടുത്ത കാലത്ത് എച്ച്ഡിഎഫ്സി ബാങ്കിൽ ലയിച്ച ലോഡ് കൃഷ്ണ ബാങ്കിൽ പത്തു വർഷക്കാലം ഉദ്യോഗസ്ഥനായിരുന്ന ജോൺ സി. വർഗീസ് 1987 ലാണ് അമേരിക്കയിലെത്തുന്നത്. അധികം താമസിയാതെ വെസ്റ്റ് ചെസ്റ്റർ മലയാളി അസോസിയേഷനിൽ ചേർന്നു. ഈ സംഘടനയുടെ സെക്രട്ടറി, വൈസ് പ്രസിഡന്റ്, പ്രസിഡന്റ് പദവികൾ വഹിച്ചു. ഫൊക്കാനയുടെ നാഷണൽ കമ്മിറ്റി മെമ്പറും പലവട്ടം നാഷണൽ കൺവൻഷൻ ചെയർമാനുമായി തിളങ്ങി. പിന്നീട് ഫോമാ പിറന്നപ്പോൾ സംഘടനയുടെ തുടക്കം മുതലുള്ള സജീവ പ്രവർത്തകനായി. 2008 മുതൽ 2010 വരെ നാഷണൽ സെക്രട്ടറിയായി. ഇപ്പോൾ പ്രവാസി കേരളാ കോൺഗ്രസ് ന്യൂയോർക്ക് ചാപ്റ്റർ പ്രസിഡന്റ്, ചെങ്ങന്നൂർ അസോസിയേഷൻ പ്രസിഡന്‍റ് എന്നീ നിലകളിൽ പ്രവർത്തിക്കുന്നു. സെന്റ് ജോർജ് ഓർത്തഡോക്സ് പള്ളിയുടെ ട്രസ്റ്റിയും ഭദ്രാസന ഫാമിലി കോൺഗ്രസിന്റെ ട്രഷററുമായിരുന്നു.

ദയ ഒരാളുടെ ഹൃദയത്തിൽ നിന്നാണുണരുന്നത്. അവിടെ യുക്തിക്ക്, വാദ പ്രതിവാദങ്ങൾക്ക് ഒന്നും ഇടമില്ല. ഹൃദയം സ്നേഹാർദ്രമാകുമ്പോൾ മനസിൽ ദയയുണ്ടാവുന്നു. വേദനിക്കുന്ന ഒരാളുടെ നേരേ, വിശക്കുന്ന ഒരാളുടെ നേരേ, പരിഗണന, ശ്രദ്ധ പതിയുമ്പോൾ അവിടെ ദയ പ്രത്യക്ഷമാകുന്നു. ദയയ്ക്കു മുന്നിൽ ഭൗതിക ലോകത്തിന്റെ ലാഭത്തിന്റെ, അറിവിന്റെ കണക്കുകളെല്ലാം മറഞ്ഞില്ലാതാവുന്നു. മനസിന്റെ ദിവ്യമായ തലം അവിടെ പ്രത്യക്ഷമാകുന്നു.

ചെങ്ങന്നൂർ ഗവൺമെന്റ് ആശുപത്രിയിലെ സാന്ത്വനം ഹെൽത്ത് കെയർ സെന്ററിലെ ഉച്ച നേരങ്ങളിൽ നാം കാണുന്നത് ജോൺ സി. വർഗീസിന്റെ കാരുണ്യ മനസാണ്. സാമൂഹികവും സാംസ്കാരികവും സാമുദായികവുമായ സംഘടനാ തലങ്ങളിലൂടെ സ്ഫുടം ചെയ്തെടുത്ത വ്യക്തിത്വമായ ജോൺ സി. വർഗീസിന് വിശപ്പ് മറന്ന് ആദരമർപ്പിക്കുകയാണ് ആശുപത്രിയിലെ നിർധന രോഗികളും അവരുടെ സഹവാസികളും.
ഡാളസിൽ യോഗാ ദിനം ആചരിച്ചു
ഡാളസ് ∙ രാജ്യാന്തര യോഗാദിനം ജൂൺ 17 ന് ഹൂസ്റ്റൺ കോൺസുലേറ്റ് ജനറൽ ഓഫ് ഇന്ത്യ, മഹാത്മാഗാന്ധി മെമ്മോറിയൽ ഓഫ് നോർത്ത് ടെക്സസ് എന്നിവയുടെ ആഭിമുഖ്യത്തിൽ സിൽ ആഘോഷിച്ചു.

മൂന്നുറിൽ അധികം പേർ യോഗായിൽ പങ്കെടുത്തു. ഇർവിങ് മഹാത്മാഗാന്ധി മെമ്മോറിയൽ പ്ലാസായിൽ ഞായറാഴ്ച രാവിലെ തന്നെ ഡാളസ് ഫോർട്ട് വർത്ത് മെട്രോ പ്ലെക്സിന്റെ വിവിധ ഭാഗങ്ങളിൽ നിന്നുള്ളവർ ആഘോഷപരിപാടിയിൽ പങ്കെടുക്കുന്നതിന് എത്തിചേർന്നിരുന്നു. എംജിഎംഎൻടി ചെയർമാന്റെ അധ്യക്ഷതയിൽ ചേർന്ന് ഉദ്ഘാടന ചടങ്ങിൽ സെക്രട്ടറി റാവു കൽവാല സ്വഗതമാശംസിച്ചു. ബോർഡ് ഡയറക്ടർ ശബ്നം മുഖ്യാതിഥികളായ ഇർവിംഗ് സിറ്റി പ്രൊടേം മേയർ അലൻ ഇ. മഗെരേയും, കോൺസുൽ അശോക് കുമാർ ടീമിനേയും സദസിനു പരിചയപ്പെടുത്തി. ഡാലസിൽ യോഗാദിനം ആചരിക്കാൻ കഴിഞ്ഞതിൽ അഭിമാനിക്കുന്നതായി ചെയർമാൻ ഡോ. പ്രസാദ് തോട്ടകൂറ പറഞ്ഞു.

റിപ്പോർട്ട് : പി.പി. ചെറിയാൻ
ഫാമിലി കോൺഫറൻസ് ടീം സെന്‍റ് ജോർജ് ഓർത്തഡോക്സ് ഇടവകയിൽ
ന്യുയോർക്ക് ∙ നോർത്ത് ഈസ്റ്റ് അമേരിയ്ക്കൻ ഭദ്രാസന ഫാമിലി – യൂത്ത് കോൺഫറൻസ് ടീം അംഗങ്ങൾ സ്റ്റാറ്റൻ ഐലൻഡ് സെന്റ് ജോർജ് മലങ്കര ഓർത്തഡോക്സ് ഇടവക സന്ദർശിച്ചു. വികാരി വെരി. റവ. പൗലോസ് ആദായി കോറെപ്പിസ്കോപ്പാ ഏവരേയും സ്വാഗതം ചെയ്തു ആമുഖ വിവരണം നൽകി. ജനറൽ സെക്രട്ടറി ജോർജ് തുമ്പയിൽ, ഭദ്രാസന കൗൺസിൽ അംഗം സജി എം. പോത്തൻ, ഫിനാൻസ് കമ്മിറ്റി ചെയർ എബി കുര്യാക്കോസ്, സുവനീർ ചീഫ് എഡിറ്റർ ഡോ. റോബിൻ മാത്യു, കമ്മിറ്റി അംഗങ്ങളായ ഐസക്ക് ചെറിയാൻ, ഷൈനി രാജു, ഇടവക ട്രസ്റ്റി ജേക്കബ് മാത്യു, സെക്രട്ടറി സ്കറിയാ ഉമ്മൻ, ഭദ്രാസന അസംബ്ലി അംഗങ്ങളായ ജോഗി മാത്യു, സാനു, മലങ്കര അസോസിയേഷൻ അംഗം ചാർളി തൈക്കൂടം എന്നിവർ സംബന്ധിച്ചു.

ഈ ഇടവകയിൽ നിന്നും എല്ലാവർഷവും കോൺഫറൻസിനു നൽകുന്ന പ്രോത്സാഹനവും സംഭാവനയും വളരെ വലുതാണെന്നും, ഈ വർഷവും അതു തുടരണമെന്നും ജോർജ് തുമ്പയിൽ അറിയിച്ചു. മുൻ വർഷങ്ങളിൽ നൽകിയിട്ടുള്ള സംഭാവനയ്ക്ക് അദ്ദേഹം നന്ദി രേഖപ്പെടുത്തി. ഓർത്തഡോക്സ് തിയോളജിയ്ക്കൽ സെമിനാരി മുൻ പ്രിൻസിപ്പൽ റവ. ഡോ. ജേക്കബ് കുര്യനെ പ്രധാന പ്രാസംഗീകനായി ലഭിച്ചത് വളരെ അനുഗ്രഹമാണെന്നും, ദൈവ ശാസ്ത്ര പഠനത്തിന് മുൻതൂക്കം നൽകിക്കൊണ്ടും കോൺഫറൻസിന്റെ ചിലവുകൾ പരിമിതപ്പെടുത്തിയും ലോക നിലവാരത്തിലുള്ള റിസോർട്ടാണ് ഭദ്രാസന അംഗങ്ങൾക്കായി ക്രിമീകരിച്ചിരിയ്ക്കുന്നതെന്നും പറഞ്ഞു.

രജിസ്റ്റർ ചെയ്യുവാൻ ആഗ്രഹമുള്ളവർക്ക് രജിസ്റ്റർ ചെയ്യുവാനുള്ള അവസരമുണ്ടെന്ന് ഭദ്രാസന കൗൺസിൽ അംഗം സജി എം. പോത്തൻ അറിയിച്ചു. ഇടവകയിൽ നിന്നും ആവേശകരമായ പിന്തുണ റാഫിൾ ടിക്കറ്റ് വിതരണത്തിന് ലഭിച്ചുവെന്ന് ഫിനാൻസ് കമ്മിറ്റി ചെയർ എബി കുര്യാക്കോസ് അഭിപ്രായപ്പെട്ടു. പരിമിതമായ ടിക്കറ്റുകൾ മാത്രമാണ് അവശേഷിക്കുന്നത്. ടിക്കറ്റുകൾ വാങ്ങുവാൻ താൽപര്യമുള്ളവർ ബന്ധപ്പെടേണ്ട നമ്പർ : എബി കുര്യാക്കോസ് – 845 380 2696. ഇടവകയിൽ നിന്നുമുള്ള വിതരണോദ്ഘാടനം ഇടവക ട്രസ്റ്റി ജേക്കബ് മാത്യുവും സെക്രട്ടറി സ്കറിയാ ഉമ്മനും ചേർന്ന് നിർവഹിച്ചു. ആകർഷകമായ സുവനീർ അണിയറയിൽ ഒരുങ്ങി കൊണ്ടിരിയ്ക്കുന്നതായി സുവനീർ ചീഫ് എഡിറ്റർ ഡോ. റോബിൻ മാത്യു അറിയിച്ചു.
ആല്‍ബനിയില്‍ ഈദുല്‍ ഫിത്വര്‍ ആഘോഷം
ആല്‍ബനി (ന്യൂയോര്‍ക്ക്): വ്രതശുദ്ധിയുടെ മുപ്പതു രാപ്പകലുകള്‍ കഴിഞ്ഞ് നിഷ്‌കളങ്കമായ മനസുമായി ലോക മുസ്ലിങ്ങള്‍ ഈദുല്‍ ഫിത്വര്‍ ആഘോഷിച്ചപ്പോള്‍ ആല്‍ബനിയിലെയും പരിസര പ്രദേശങ്ങളിലേയും ഇസ്ലാം മത വിശ്വാസികളും ഈദ് ആഘോഷിച്ചു. ഇന്ത്യയിലും, പാക്കിസ്താനിലും, ഗള്‍ഫ് രാജ്യങ്ങളിലും, യൂറോപ്പ്അമേരിക്ക എന്നിവിടങ്ങളിലും ഒരേ ദിവസമായിരുന്നു ഈ വര്‍ഷത്തെ ഈദ് ആഘോഷം എന്ന പ്രത്യേകതയുമുണ്ട്.

ജൂണ്‍ 15-നു വെള്ളിയാഴ്ചയായിരുന്നു ആഘോഷം. ലേഥമിലെ അല്‍ഹിദായ മസ്ജിദില്‍ രാവിലെ 7:30ന് തക്ബീര്‍ ആരംഭിച്ചു. വിവിധ രാജ്യങ്ങളില്‍ നിന്നുള്ള ഏകദേശം രണ്ടായിരത്തോളം വിശ്വാസികളാണ് പെരുന്നാള്‍ നമസ്‌ക്കാരത്തിനും തുടര്‍ന്നുള്ള ആഘോഷച്ചടങ്ങുകള്‍ക്കുമായി അല്‍ഹിദായ മസ്ജിദില്‍ എത്തിയത്.

ഈദുല്‍ ഫിത്വറിന്റെ പ്രധാന കര്‍മ്മമായ ഫിത്വര്‍ സക്കാത്ത് നമസ്‌ക്കാരത്തിനു മുന്‍പു തന്നെ എല്ലാവരും പൂര്‍ത്തിയാക്കിയിരുന്നു. ഫിത്വര്‍ സക്കാത്ത് നല്‍കുവാന്‍ പള്ളിയ്ക്കകത്ത് പ്രത്യേകം സൗകര്യങ്ങള്‍ ഏര്‍പ്പെടുത്തിയിരുന്നു. ജീവിച്ചിരിക്കുന്ന, സമ്പത്തുള്ള എല്ലാവരും റമദാന്‍ മാസത്തില്‍ ദാനം ചെയ്യണമെന്നതു നിര്‍ബന്ധമാക്കിയതാണു ഫിത്വര്‍ സക്കാത്ത്. സക്കാത്തിലൂടെ സമ്പത്ത് ശുദ്ധീകരിച്ച വിശ്വാസി ഫിത്വര്‍ സക്കാത്ത് കൂടി നല്‍കി കൂടുതല്‍ സൂക്ഷ്മത പുലര്‍ത്തിയാണ് ഈദുല്‍ ഫിത്വര്‍ ആഘോഷിക്കുന്നത്. പെരുന്നാള്‍ ദിനത്തില്‍ ആരും പട്ടിണി കിടക്കാന്‍ പാടില്ലെന്നതു കൂടിയാണു ഫിത്വര്‍ സക്കാത്തിലൂടെ നല്‍കുന്ന സന്ദേശം. അതു തന്നെയാണ് ഈ ആഘോഷത്തിന്റെ മഹത്വവും. നന്നാകാനും ഒന്നാകാനും സാധിക്കണം. ഒന്നായി നന്നാകാനും കഴിയണം. ശാരീരികമായ സന്തോഷം മാത്രം ആശിക്കാതെ ആത്മീയമായ ആനന്ദത്തിന് പ്രാധാന്യം കൊടുക്കുന്നതും ഭൗതിക സന്തോഷപ്രകടനങ്ങളെ അംഗീകരിക്കുകയും ചെയ്യുന്നതാണ് ഈദുല്‍ ഫിത്വറിന്റെ പ്രത്യേകത. 30 ദിവസം നീണ്ടുനില്‍ക്കുന്ന വ്രതാനുഷ്ഠാനത്തില്‍ സംഭവിച്ചേക്കാവുന്ന ചെറിയ വീഴ്ചകള്‍ ഫിത്വര്‍ സകാത്തിലൂടെ പരിഹരിക്കപ്പെടുന്നു എന്നാണ് ഇസ്ലാം മതവിശ്വാസം. പെരുന്നാള്‍ ദിനത്തിലെ ഭക്ഷണം, വസ്ത്രം, കടം എന്നിവ കഴിച്ച് സമ്പാദ്യത്തില്‍ ബാക്കിയുള്ള എല്ലാവരും ഫിത്വര്‍ സക്കാത്ത് കൊടുക്കണമെന്ന് നിര്‍ബ്ബന്ധമാണ്.

സ്ത്രീപുരുഷഭേദമന്യേ ആബാലവൃദ്ധം ജനങ്ങളും പെരുന്നാള്‍ നമസ്‌ക്കാരത്തിന് എത്തിയിരുന്നു. ദൈവ മഹത്വമോതുന്ന തക്ബീര്‍ ധ്വനികള്‍കൊണ്ട് പള്ളിയങ്കണം മുഴങ്ങി. ഇമാം ജാഫര്‍ സെബ്ഖൗഇയുടെ കാര്‍മികത്വത്തില്‍ കൃത്യം 8:15ന് പെരുന്നാള്‍ നമസ്‌ക്കാരം തുടങ്ങി. ആഘോഷത്തിന്റെ ഭാഗമായി എല്ലാവരും പരസ്പരം ഹസ്തദാനം ചെയ്തും, ആശ്ലേഷിച്ചും പെരുന്നാളിന്റെ സന്തോഷം പങ്കുവച്ചു.

റിപ്പോര്‍ട്ട്: മൊയ്തീന്‍ പുത്തന്‍ചിറ
ഐഎന്‍ഒസി കേരളാ ചാപ്റ്റര്‍ ശശി തരൂരിനും, സാം പിട്രോഡയ്ക്കും സ്വീകരണം നല്‍കും
ഷിക്കാഗോ: ജൂണ്‍ 23നു ശനിയാഴ്ച ഉച്ചയ്ക്ക് 12.30നു ഹോപ്മാന്‍ എസ്റ്റേറ്റിലുള്ള ഇന്ത്യാ ഹൗസ് റെസ്റ്റോറന്റില്‍ വച്ചു (721 Golf Road) ഐഎന്‍ഒസി കേരളാ ചാപ്റ്ററിന്റേയും, മിഡ്‌വെസ്റ്റ് റീജിയന്റേയും ആഭിമുഖ്യത്തില്‍ ചേരുന്ന യോഗത്തില്‍ ഇന്ത്യന്‍ നാഷണല്‍ കോണ്‍ഗ്രസിന്റെ നേതാക്കളായ ശശി തരൂര്‍ എം.പിക്കും, ഇന്ത്യന്‍ ഓവര്‍സീസ് കോണ്‍ഗ്രസ് (എഐസിസി) ചെയര്‍മാന്‍ ഡോ. സാം പിട്രോഡയ്ക്കും സ്വീകരണം നല്‍കും.

യോഗത്തില്‍ നാഷണല്‍ വൈസ് ചെയര്‍മാന്‍ ജോര്‍ജ് ഏബ്രഹാം, കേരളാ ചാപ്റ്റര്‍ ചെയര്‍മാന്‍ തോമസ് ടി. ഉമ്മന്‍, പ്രസിഡന്റ് ജയചന്ദ്രന്‍, സജി കരിമ്പന്നൂര്‍, സന്തോഷ് നായര്‍, തോമസ് മാത്യു, സതീശന്‍ നായര്‍, വര്‍ഗീസ് പാലമലയില്‍, അഗസ്റ്റിന്‍ കരിങ്കുറ്റിയില്‍, ഡോ. തമ്പി മാത്യു, ജോസി കുരിശിങ്കല്‍, ജോഷി വള്ളിക്കളം, ബാബു മാത്യു, ഈശോ കുര്യന്‍, ഷിബു വെണ്‍മണി, ജസി റിന്‍സി, നടരാജന്‍ കൃഷ്ണന്‍, സജി കുര്യന്‍, സജി തച്ചില്‍, പോള്‍ പറമ്പി, ലീല മാരേട്ട്, ടി.എസ് ചാക്കോ, ജോര്‍ജ് ഏബ്രഹാം (രാജു), മാത്യു ജോര്‍ജ്, ജേക്കബ് പടവത്തില്‍, യു.എ. നസീര്‍, ജെയ്‌സണ്‍ ജോസഫ്, ജോസ് തെക്കേടം, ജോസ് ചാരുംമൂട്, ജോസ് കാനാട്ട്, രാജു ഫിലിപ്പ്, കെ. ദീപക്, സാജു ജോസഫ്, പ്രവീണ്‍ തോമസ്, അജയന്‍ കുഴിമറ്റത്തില്‍, ഷൈന്‍ ജോര്‍ജ്, ഹെറാള്‍ഡ് ഫിഗുരേദോ, കുര്യാക്കോസ് ടി. ചാക്കോ, പ്രതീഷ് തോമസ്, ബിജു തോമസ്, തോമസ് ദേവസി, പോള്‍ കിടങ്ങന്‍, ഡോ. പോള്‍ ചെറിയാന്‍ തുടങ്ങി നിരവധി പേര്‍ പങ്കെടുക്കും. ഐ.എന്‍.ഒ.സിക്കുവേണ്ടി കേരളാ ചാപ്റ്റര്‍ വൈസ് ചെയര്‍മാന്‍ തോമസ് മാത്യു പടന്നമാക്കല്‍ അറിയിച്ചതാണിത്.

റിപ്പോര്‍ട്ട്: ജോയിച്ചന്‍ പുതുക്കുളം
നൈനാന്‍ ഫിലിപ്പോസ് ഡാളസില്‍ നിര്യാതനായി
ഡാളസ് (ടെക്‌സസ്) : മേല്‍പ്പാടം അത്തിമൂട്ടില്‍ പരേതനായ മാത്തന്‍ ഫിലിപ്പോസിന്റെയും മറിയാമ്മയുടെയും മകന്‍ നൈനാന്‍ ഫിലിപ്പോസ് (81) ജൂണ്‍ 16 -നു ശനിയാഴ്ച ഡാളസില്‍ നിര്യാതനായി. ഭാര്യ: തങ്കമ്മ നൈനാന്‍ കോഴഞ്ചേരി എടത്തില്‍ വടക്കേതില്‍ കുടുംബാംഗമാണ്.

മക്കള്‍: മോന്‍സി, മിനി, റോയ്‌സ് (യുഎസ്എ). മരുമക്കള്‍: ജോണ്‍,വിജയന്‍, ഷീനാ (യുഎസ്എ). കൊച്ചുമക്കള്‍: മോബിന്‍, ജോയല്‍, മെറിന്‍, റോഷന്‍, റോഹന്‍.

ജൂണ്‍ 22 നു വെള്ളിയാഴ്ച വൈകിട്ട് ആറു മുതല്‍ ഒമ്പതു വരെ ഗാര്‍ലന്റ് സെന്റ് ഗ്രിഗോറിയോസ് ഓര്‍ത്തഡോക്‌സ് ദേവാലയത്തില്‍ പൊതുദര്‍ശനവും ജൂണ്‍ 24 ന് ഞായറാഴ്ച ഉച്ചയ്ക്ക് രണ്ടിനു ദേവാലയത്തില്‍ ആരംഭിക്കുന്ന സംസ്‌കാര ശുശ്രൂഷകള്‍ക്കുശേഷം സണ്ണിവെയ്ല്‍ ന്യൂഹോപ്പ് സെമിത്തേരിയില്‍ സംസ്‌കാരവും നടത്തും. കൂടുതല്‍ വിവരങ്ങള്‍ക്ക് : റോയിസ് (469 348 5864)

Church Address: St. Gregorio's Orthodox Church, 5130 Locust Grove Road, Garland, Texas -75043
Funeral Home Address : New Hope Funeral Home, 500 us-80, Sunnyvale, Texas – 75182.

റിപ്പോര്‍ട്ട്: അനില്‍ മാത്യു ആശാരിയത്ത്
പ്രതിഭകളുടെ സംഗമവേദിയായി ഫൊക്കാനയുടെ ന്യൂജേഴ്സി റീജണൽ ടാലന്‍റ് ഷോ മത്സരം
ന്യൂജേഴ്സി: വീറും വാശിയും ഏറിയ മത്സരങ്ങൾ, ഒന്നിനൊന്നു മികച്ച കലാപ്രകടനങ്ങൾ, ഫൊക്കാന ന്യൂജേഴ്സി റീജണൽ യൂത്ത് ഫെസ്റ്റിവലും ടാലന്‍റ് കോംപറ്റീഷനും സ്പെല്ലിംഗ് ബി മത്സരവും പുതിയ പ്രതിഭകളുടെ സംഗമവേദിയായി മാറുകയായിരുന്നു.

ജൂലൈ 5 മുതൽ 8 വരെ ഫിലഡൽഫിയയിൽ നടക്കാനിരിക്കുന്ന ഫൊക്കാന ഇന്‍റർനാഷണൽ കണ്‍വൻഷൻ കലാ മത്സരവേദികളിൽ വരാനിരിക്കുന്ന മത്സരങ്ങളുടെ വീറും വാശിയും വെളിവാക്കുന്നതായിരുന്നു ന്യൂ ജേഴ്സിയിലെ ടാലന്‍റ് ഷോ.

ജൂണ്‍ 9ന് ഡ്യുമോണ്ടിലുള്ള അവർ റെഡീമർ ലൂഥറൻ പള്ളി ഹാളിൽ നടന്ന ന്യൂജേഴ്സി സംസ്ഥാന തല യൂത്ത് ഫെസ്റ്റിവലിലും ടാലന്‍റ് കോംപറ്റീഷനിലും ഒന്നു മുതൽ മൂന്നു വരെ സ്ഥാനങ്ങൾ നേടിയവർ ഫിലഡൽഫിയയിലെ വാലി ഫോർജ് ഇന്‍റർനാഷണൽ കണ്‍വൻഷൻ സെന്‍ററിൽ നടക്കുന്ന ഫൊക്കാനയുടെ പതിനെട്ടാമതു നാഷണൽ കണ്‍വൻഷനോട് അനുബന്ധിച്ചുള്ള ടാലന്‍റ് ഷോ മത്സരത്തിൽ മാറ്റുരയ്ക്കും.

19 മത്സരാർത്ഥികൾ പങ്കെടുത്ത സ്പെല്ലിംഗ് ബി മത്സരത്തിൽ ആദർശ് പോൾ വർഗീസ് ജേതാവായി. ജൂലി അലൻ രണ്ടാം സ്ഥാനത്തും ഇവാ ആന്‍റണി മൂന്നാം സ്ഥാനത്തും എത്തി. മികച്ച പ്രകടനം കാഴ്ച്ചവച്ച ജെർമിയ മാർക്കോസിന് പ്രോത്സാഹന സമ്മാനവും ലഭിച്ചു.

സബ് ജൂണിയർ വിഭാഗം പ്രസംഗ മത്സരത്തിൽ നിക്കോളാസ് ആലമൂട്ടിൽ ഒന്നാം സ്ഥാനം നേടിയപ്പോൾ ഐറിൻ തടത്തിൽ രണ്ടാം സ്ഥാനം കരസ്ഥമാക്കി. ബ്രയൻ മാത്യുവിനാണ് മൂന്നാം സ്ഥാനം.

പ്രസംഗ മത്സരത്തിൽ ജൂണിയർ വിഭാഗത്തിൽ അക്സ മരിയം വർഗീസ് ഒന്നാം സ്ഥാനവും ആദർശ് പോൾ വർഗീസ് രണ്ടാം സ്ഥാനവും നേടി.അർവിൻ രവീന്ദ്രനാണ് മൂന്നാം സ്ഥാനം.

സബ് ജൂണിയർ പാട്ട് മത്സരത്തിൽ ജിയാ അക്കക്കാട്ട് ഒന്നാം സ്ഥാനം നേടിയപ്പോൾ സിന്ന ജൈജോ രണ്ടാം സ്ഥാനവും ജെർമിയ മാർക്കോസ് മൂന്നാം സ്ഥാനവും നേടി. ജൂണിയർ വിഭാഗത്തിൽ ജൂലി അലൻ, അലീന തര്യൻ, ആൻഡ്രൂ ഫിലിപ്പ് എന്നിവർ യഥാക്രമം ഒന്ന്, രണ്ട്,മൂന്ന് സ്ഥാനങ്ങൾ കരസ്ഥമാക്കി.

സബ് ജൂണിയർ വിഭാഗം നൃത്തമത്സരത്തിൽ ജോവാന മനോജ് വാട്ടപ്പള്ളിൽ ഒന്നാം സ്ഥാനം നേടി. എവിൻ ആന്‍റണി രണ്ടാം സ്ഥാനവും ഐറിൻ തടത്തിൽ മൂന്നാം സ്ഥാനവും നേടി.

ജൂണിയർ വിഭാഗം നൃത്തമത്സരത്തിൽ ഡോണ നൈനാൻ ഒന്നാം സ്ഥാനം നേടിയപ്പോൾ, അക്സ മരിയം വർഗീസ് രണ്ടാം സ്ഥാനവും ഇവാ ആന്‍റണി മൂന്നാം സ്ഥാനവും നേടി.

ഉച്ചകഴിഞ്ഞു രണ്ടിന് ആരംഭിച്ച മത്സരങ്ങൾ വൈകുന്നേരം ആറിന് സമാപിച്ചു. പൊതുസമ്മേളനം ഫൊക്കാന റീജണൽ വൈസ് പ്രസിഡന്‍റ് ദാസ് കണ്ണംകുഴിയിൽ ഉദ്ഘാടനം ചെയ്തു. ജൂലൈ 5 മുതൽ ഫിലഡൽഫിയയിൽ നടക്കുന്ന ഫൊക്കാന കണ്‍വെൻഷനിലേക്കു ന്യൂജേഴ്സിയിലെയും ഫിലഡൽഫിയയിലെയും മുഴുവൻ മലയാളികളെയും സ്വാഗതം ചെയ്യുന്നതായി ഫിലഡല്ഫിയ ന്യൂജേഴ്സി റീജണൽ വൈസ് പ്രസിഡന്‍റുകൂടിയായ ഡാഡ് കണ്ണംകുഴിയിൽ ആഹവനം ചെയ്തു. വടക്കേ അമേരിക്കയിലെയും കാനഡയിലെയും മലയാളികളുടെ പരിച്ഛേദം വരുന്ന മലയാളകളെ പരിചയപ്പെടുവാനും സൗഹൃദം പുതുക്കാനുമുള്ള വേദിയാണെന്ഉം അദ്ദേഹം കൂട്ടിച്ചേർത്തു.

കേരള കൾച്ചറൽ ഫോറം സെക്രട്ടറി ഫ്രാൻസിസ് കാരക്കാട്ടിന്‍റെ ആമുഖ പ്രസംഗത്തോടെ ആരംഭിച്ച പൊതു സമ്മേളനത്തിൽ ഫൊക്കാന പ്രസിഡന്‍റ് തന്പി ചാക്കോ, സെക്രട്ടറി ഫിലിപ്പോസ് ഫിലിപ്പ്, എക്സിക്യൂട്ടീവ് വൈസ് പ്രസിഡന്‍റ് ജോയ് ഇട്ടൻ, ഫൊക്കാന ഫൗണ്ടേഷൻ ചെയർമാൻ പോൾ കറുകപ്പള്ളിൽ, ഫൊക്കാന കണ്‍വെൻഷൻ ചെയർമാൻ മാധവൻ ബി. നായർ, ഫൊക്കാന അഡ്വൈസറി ബോർഡ് ചെയർമാൻ ടി.എസ്. ചാക്കോ, വിമൻസ് ഫോറം പ്രസിഡന്‍റ് ലീല മാരേട്ട് , കെ.സി.ഫ്. പ്രസിഡണ്ട് കോശികുരുവിള , മഞ്ച് പ്രസിഡന്‍റ് സുജ ജോസ്, സെക്രട്ടറി രഞ്ജിത്ത് പിള്ള, ഇ മലയാളി ന്യൂസ് എഡിറ്റർ ഫ്രാൻസിസ് തടത്തിൽ, ടാലെന്‍റ്റ് ഷോ കോർഡിനേറ്റര്മാരായ ജോയ് ചാക്കപ്പൻ, ദേവസി പാലാട്ടി, എൽദോ പോൾ , ലൈസി അലക്സ്, കെ.ജി.തോമസ്, സാജൻ പോത്തൻ തുടങ്ങിയവർ പ്രസംഗിച്ചു.

ഫൊക്കാന നാഷണൽ കമ്മിറ്റി മെന്പർ സജിമോൻ ആന്‍റണി, ടി.എസ. ചാക്കോ, ശ്രീകുമാർ ഉണ്ണിത്താൻ, അലക്സ് മുരിക്കാനി , ഉണ്ണികൃഷ്ണൻ നായർ, വിനീത നായർ എന്നിവർ വിജയികൾക്ക് സമ്മാനം നൽകി. വാഹനാപകടത്തെ തുടർന്ന് അകാലത്തിൽ മരണമടഞ്ഞ ജേക്കബ് ജോണിനുവേണ്ടി ഒരു മിനിറ്റു മൗന പ്രാർഥനയോടെയാണ് ചടങ്ങുകൾ ആരംഭിച്ചത്. എബ്രഹാം മാത്യു ആയിരുന്നു മാസ്റ്റർ ഓഫ് സെറിമണി. നേഹ ജോണ്‍ പാണ്ടിപ്പിള്ളി ഇന്ത്യയുടേയും അമേരിക്കയുടെയും ദേശീയഗാനങ്ങൾ ആലപിച്ചു .തുടർന്ന് ഡാൻസ് പാട്ട് മത്സരങ്ങളിൽ ഒന്നാം സ്ഥാനം കിട്ടിയ കുട്ടികളുടെ പെർഫോമൻസും നടന്നു. ജോമോൻ പാണ്ടിപ്പിള്ളി ഗാനങ്ങൾ ആലപിച്ചു . ദാസ് കണ്ണംകുഴിയിൽ സ്വാഗതവും ആന്‍റണി കുര്യൻ നന്ദിയും പറഞ്ഞു.

റിപ്പോർട്ട്: ഫ്രാൻസിസ് തടത്തിൽ
ഫോമ 2020 ന്യൂയോർക്ക് ടീം സ്വപ്ന പദ്ധതികൾ പ്രഖ്യാപിച്ചു
ന്യൂയോർക്ക്: ഫോമ 2020 ന്യൂയോർക്ക് ടീം സ്വപ്ന പദ്ധതികൾ പ്രഖ്യാപിച്ചു

ഹൈസ്കൂൾ വിദ്യാർഥികൾക്ക് സ്കോളർഷിപ്

അമേരിക്കൻ മലയാളി കുടുംബങ്ങളിലെ ഏറ്റവും കൂടുതൽ മാർക്ക് വാങ്ങുന്ന ഹൈസ്കൂൾ വിദ്യാർഥികളെ കണ്ടെത്തി റീജണ്‍ തലങ്ങളിൽ സ്കോളർഷിപ്പുകൾ നൽകാൻ എൻഡോവ്മെന്‍റ് ഫൗണ്ടേഷനുകൾ രൂപീകരിക്കും.

യൂത്ത് കണ്‍വൻഷൻ, യൂത്ത് ഫെസ്റ്റിവൽ, സ്പെല്ലിംഗ് ബീ മത്സരങ്ങളും കുട്ടികളുടെ കലാമേളയും

യുവജങ്ങൾക്കുവേണ്ടി യൂത്ത് കണ്‍വൻഷൻ സംഘടിപ്പിക്കും. എല്ലാ അംഗ സംഘടനകളെയും പങ്കെടുപ്പിച്ചുകൊണ്ട് രാജ്യമാകമാനം യൂത്ത് ഫെസ്റ്റിവെലുകൾ നടത്തും. ന്യൂയോർക്ക് കണ്‍വൻഷനിൽ നടക്കുന്ന ഗ്രാൻഡ് ഫിനാലെയിൽ വിജയികൾക്ക് സ്കോളർഷിപ് അടക്കമുള്ള സമ്മാനങ്ങൾ നൽകും. കുട്ടികളുടെ കലാ കായിക ബൗദ്ധിക രംഗത്തെ കഴിവുകളെ പ്രോത്സാഹിപ്പിക്കുന്നതിന്‍റെ ഭാഗമായി സ്പെല്ലിംഗ് ബീ അടക്കമുള്ള മത്സരങ്ങൾ, കലാ കായിക മേളകൾ അംഗ സഘടനകളുടെ സഹകരണത്തോടുകൂടെ സംഘടിപ്പിക്കും. ഗ്രാൻഡ് ഫിനാലെ ന്യൂയോർക്ക് കണ്‍വൻഷനിൽ നടത്തും. വിജയികൾക്ക് സ്കോളർഷിപ്പ് അടക്കമുള്ള സമ്മാനങ്ങൾ വിതരണം ചെയ്യും.

2020 ക്രിക്കറ്റ് ആൻഡ് ബാസ്കറ്റ് ബോൾ ടൂർണമെന്‍റ്

രാജ്യമാകമാനം യുവാക്കൾക്കുവേണ്ടി ഇപ്പോൾ ഈ രംഗത്തുള്ള വിവിധ ക്ലബുകളുടെ സഹകരണത്തോടെ 2020 മാതൃകയിൽ ക്രിക്കറ്റ് , ബാസ്കറ്റ് ബോൾ ടൂർണമെന്‍റുകൾ സംഘടിപ്പിക്കും. ഫിനാലെ മത്സരങ്ങൾ ന്യൂയോർക്ക് കണ്‍വൻഷന്‍റെ ഭാഗമായി നടത്തും. വിജയികളെ കാത്തിരിക്കുന്നത് വൻ സമ്മാനങ്ങൾ.

വിമൻസ് ഫോറം

സുശക്തമായ വിമൻസ് ഫോറം സംഘടിപ്പിക്കും. നിലവിലുള്ള കമ്മിറ്റിയുടെ പ്രവർത്തനങ്ങൾ തുടർന്നുകൊണ്ട് കുട്ടികൾക്കും മുതിർന്നവർക്കും കൂടി ഉപകരിക്കുന്ന രീതിയിലുള്ള പ്രവർത്തനങ്ങളും ചാരിറ്റി പ്രവർത്തനങ്ങളും ശക്തമാക്കും. എല്ലാ രംഗങ്ങളിലും കമ്മിറ്റികളിലും വനിതാ പ്രാതിനിധ്യം വർധിപ്പിക്കും.

യുവാക്കൾക്ക് രാഷ്ട്രീയ പ്രവേശനം

മലയാളി യുവാക്കളെ അമേരിക്കൻ രാഷ്ട്രീയത്തിന്‍റെ മുഖ്യ ധാരയിലേക്ക് നയിക്കുവാൻ ആവശ്യമായ പ്രവർത്തനങ്ങൾ ഏകീകരിക്കുവാൻ നേതൃത്വം നൽകും. ഇതിനുവേണ്ടി പരിശീലനക്കളരികൾ സംഘടിപ്പിക്കുകയും അമേരിക്കൻ രാഷ്ട്രീയത്തിൽ ഇപ്പോൾ മുൻനിരയിലുള്ള മലയാളി നേതാക്കളെ പങ്കെടുപ്പിച്ചു കൊണ്ടുള്ള ഒരു വിദഗ്ധ സമിതി രൂപീകരിക്കുകയും ചെയ്യും.

റിട്ടയേർഡ് അമേരിക്കൻ മലയാളി ഫെഡറേഷൻ സംഘടിപ്പിക്കും

ഒൗദ്യോഗിക ജീവിതത്തിൽ നിന്നും വിരമിക്കുന്ന മലയാളികൾക്കുവേണ്ടി ഒരു പുതിയ കൂട്ടായ്മ സംഘടിപ്പിക്കും. ഇവിടെയും നാട്ടിലും വിശ്രമ ജീവിതം നയിക്കുവാനാഗ്രഹിക്കുന്ന അവരോടൊപ്പം നിലകൊണ്ടു കൊണ്ട് അവർക്കാവശ്യമായ പദ്ധതികൾ രൂപീകരിക്കുവാൻ സീനിയർ സിറ്റിസണ്‍സ് അടങ്ങുന്ന ഒരു കമ്മിറ്റി രൂപീകരിക്കും. അവരുടെ അവകാശങ്ങളും ആനുകൂല്യങ്ങളും നേടിയെടുക്കുവാൻ ബോധവത്കരണ സെമിനാറുകൾ എല്ലാ റീജണുകളിലും സംഘടിപ്പിക്കും. ഇതിനായി ആരോഗ്യ, നിയമ രംഗത്ത് പ്രവർത്തിക്കുന്ന മലയാളികൾ അടക്കമുള്ള വിദഗ്ധരുടെ ഒരു പാനൽ രൂപീകരിക്കും.

ചാരിറ്റി ഫണ്ട് ഫോർ ഇന്ത്യൻസ് ആൻഡ് അമേരിക്കൻസ്

അമേരിക്കയിലും കേരളത്തിലും സാന്പത്തക സഹായം ആവശ്യമുള്ള മലയാളികൾക്കുവേണ്ടി ഫോമാ ചാരിറ്റി ഫണ്ട് പദ്ധതി പ്രാബല്യത്തിൽ വരും. നിലവിലുള്ള ചാരിറ്റി പ്രവർത്തനങ്ങൾ തുടരുവാൻ ഇപ്പോഴുള്ള കമ്മിറ്റിയിലെ അടക്കം ഭാരവാഹികളെ കൂടി ഉൾപ്പെടുത്തിക്കൊണ്ട് പുതിയ കമ്മിറ്റി രൂപീകരിക്കും.

ഇന്ത്യൻ എംബസിയും കോണ്‍സുലേറ്റുകളുമായി ബന്ധപ്പെട്ടു പ്രവർത്തിക്കുവാൻ ഒരു വിദഗ്ധ സമിതി

വീസ, പാസ്പോർട്ട്, മറ്റ് അടിയന്തര പ്രശ്നങ്ങൾ, നാട്ടിലുള്ള വസ്തുവകകളുടെ സംരക്ഷണം തുടങ്ങിയ മലയാളികൾ നേരിടുന്ന പ്രശ്നങ്ങൾ പരിഹരിക്കുവാൻ ഈ രംഗത്ത് പ്രവർത്തിക്കുന്ന വിദഗ്ധരുടെ ഒരു സമിതി രൂപീകരിക്കും. കേരള ഗവണ്‍മെന്‍റുമായി ചേർന്നുകൊണ്ട് പ്രോപ്പർട്ടി പ്രൊട്ടക്ഷൻ അടക്കമുള്ള പരാതികൾക്ക് സമയ ബന്ധിതമായി പരിഹാരം കണ്ടെത്തും. ഇതിനു വേണ്ടി റീജണ്‍ അടിസ്ഥാനത്തിൽ ടീമുകൾ രൂപീകരിക്കും.

സ്റ്റാർ നൈറ്റുകൾ

അംഗ സംഘടനകളുടെ പ്രവർത്തനങ്ങൾക്കു ഫണ്ട് സമാഹരിക്കുന്നതിന്‍റെ ഭാഗമായി സ്റ്റേജ് ഷോകൾ അടക്കമുള്ള പ്രവർത്തനങ്ങൾ ഏകോപിപ്പിക്കുന്നതിനും നടപ്പിലാക്കുന്നതിനും സംഘടനകളുടെ സഹകരണത്തോടുകൂടെ ഒരു കർമ പദ്ധതി നടപ്പിലാക്കും. ഇതിനായി ഈ രംഗത്ത് പ്രവർത്തിക്കുന്നവരുടെ സഹകരണം തേടും.

ബിസിനസ് നെറ്റ്വർക്ക്

രാജ്യമൊട്ടാകെയുള്ള മലയാളി വ്യവസായികളുടെ ഒരു കൂട്ടായ്മ സംഘടിപ്പിക്കും. നിലവിൽ ഈ രംഗത്തു പ്രവർത്തിക്കുന്ന പല സംഘടനകളുടെയും സഹകരണം ഇതിനു വേണ്ടി തേടും. ഈ രംഗത്തേക്ക് കടന്നു വരുവാൻ ആഗ്രഹിക്കുന്ന മലയാളികൾക്കുവേണ്ട സഹായങ്ങൾ ചെയ്യുവാൻ ശ്രമിക്കും. മലയാളികൾക്കുവേണ്ടി ജോബ് ഫെസ്റ്റ് അടക്കമുള്ള പ്രോഗ്രാമുകൾ നടപ്പിലാക്കുന്നതിന് സഹകരണം തേടും.

ഡിന്നർ ക്രൂയിസ് നൈറ്റ് വിത്ത് സ്റ്റാർസ്

ലോക മലയാളികളുടെ സ്വപ്ന നഗരമായ ന്യൂയോർക്കിൽ നടത്തുന്ന 2020 കണ്‍വൻഷന്‍റെ ഭാഗമായി ഡിന്നർ ക്രൂയിസ് നൈറ്റ് വിത്ത് സ്റ്റാർസ്, ന്യൂ യോർക്ക് സിറ്റി ടൂർ ആൻഡ് ഫാമിലി വെക്കേഷൻ പാക്കേജുകൾ തുടങ്ങി നിരവധി എന്‍റർടൈൻമെന്‍റ് പാക്കേജുകൾ വളരെ കുറഞ്ഞ ചെലവിൽ ലഭ്യമാക്കും.

റിപ്പോർട്ട്: ഇടിക്കുള ജോസഫ്
ഷിക്കാഗോയിൽ നഗരക്കാഴ്ചകൾക്ക് അവസരമൊരുക്കി ഫോമ മിഡ് അറ്റ്ലാന്‍റിക് റീജണ്‍
ഷിക്കാഗോ: ന്യൂയോർക്ക് കഴിഞ്ഞാൽ ഏറ്റവും കൂടുതൽ വിനോദസഞ്ചാരികളെ ആകർഷിക്കുന്ന ഷിക്കാഗോ നഗരത്തിന്‍റെ വിസ്മയക്കാഴ്ചകൾ നേരിട്ട് കാണുവാൻ ഫോമ മിഡ് അറ്റ്ലാന്‍റിക് റീജണ്‍ അവസരമൊരുക്കുന്നു.

ഫോമ കണ്‍വൻഷനോടനുബന്ധിച്ച് ലോകത്തിന്‍റെ വിവിധ ഭാഗങ്ങളിൽ നിന്നു ഷിക്കാഗോയിലെത്തുന്ന മലയാളികൾക്ക് കുറഞ്ഞ ചെലവിൽ സവാരി നടത്തുന്നതിനു ഈ സൗകര്യം ഉപയോഗിക്കാവുന്നതാണെന്ന് മിഡ് അറ്റ്ലാന്‍റിക് റീജണ്‍ ആർ.വി.പി സാബു സ്കറിയ അറിയിച്ചു.

അംബരചുംബികളുടെ ജ·ഗ്രഹമായ ഷിക്കാഗോയുടെ പ്രൗഢഭംഗി ആസ്വദിക്കുന്നതിനൊപ്പം മിഷിഗണ്‍ തടാകക്കരയുടെ പ്രകൃതിരമണീയത കണ്‍കുളിർക്കെ കാണുന്നതിനും അവസരമുണ്ടായിരിക്കും. കണ്‍വൻഷൻ ദിനങ്ങളിൽ മൂന്നു ട്രിപ്പുകളാണ് ക്രമീകരിച്ചിരിക്കുന്നത്.

വിവരങ്ങൾക്ക്; സാബു സ്കറിയ (ആർവിപി) 267 980 7923, ജോജോ കോട്ടൂർ (സെക്രട്ടറി) 610 308 982, ബോബി തോമസ് (ട്രഷറർ) 862 812 0606.

റിപ്പോർട്ട്: ജോയിച്ചൻ പുതുക്കുളം
ഫോമായെ ഇനി ആരു നയിക്കും
ന്യൂയോർക്ക്: 201618 കാലയളവിൽ ഫോമയുടെ പ്രവർത്തന ബജറ്റ് ഏഴു ലക്ഷം ഡോളറായിരുന്നു. ഫോമയുടെ ഇപ്പോഴുള്ള വളർച്ച പരിഗണിച്ചാൽ 20182020 കാലയളവിൽ, സംഘടനയുടെ പ്രവർത്തന ബജറ്റ് ഒരു മില്ല്യണ്‍ ഡോളറിൽ കൂടുതൽ ആയിരിക്കണം! ഈ ഘട്ടത്തിൽ ഫോമയെ ആരു നയിക്കണമെന്ന് വിധി എഴുതുവാൻ ഇനി രണ്ടോ മൂന്നോ ദിവസങ്ങൾ മാത്രം ബാക്കി നിൽക്കെ ഒരു മില്യണ്‍ പ്രവർത്തന ബജറ്റുള്ള ഫോമയെ സുരക്ഷിത കരങ്ങളിൽ ഭരണമേൽപ്പിക്കേണ്ടത് ഫോമയുടെ അഭ്യുദയകാംക്ഷികളുടെ കർത്തവ്യമാണ്. ആ കർത്തവ്യം ഫോമയെ സ്നേഹിക്കുന്ന ഓരോ ഡെലിഗേറ്റും വേണ്ടവിധം വിനിയോഗിക്കണം.

ജോണ്‍ സി. വർഗീസിനെപ്പോലെ ദീർഘവീക്ഷണവും നേതൃപാടവും ഫോമയിൽ മികച്ച പ്രവർത്തന പാരന്പര്യവും ഉള്ള ഒരാൾ പ്രസിഡന്‍റായി വരുന്നതാണ് സംഘടനയുടെ വളർച്ചക്ക് അഭികാമ്യം. അതുപോലെ പ്രസിഡന്‍റിനോടൊപ്പം നിന്നു കൊണ്ട് ഫോമയുടെ ഫണ്ട് കാര്യക്ഷമമായും സുതാര്യമായും വിനിയോഗിക്കുന്നതിന്, ഷിനു ജോസഫിനെപ്പോലെ കർമകുശലതയും അക്കൗണ്ട്സിൽ പ്രാവീണ്യവും ഉള്ള ആൾ വിജയിച്ചുവരണം.

ജനറൽ സെക്രട്ടറി ആയി മത്സരിക്കുന്ന മാത്യു വർഗീസ്(ബിജു) ദീർഘവീക്ഷണവും വിനയവും ശുഷ്കാന്തിയും ഒത്തിണങ്ങിയ വ്യക്തിത്വമാണ്. യുവാക്കളെ ഫോമയിലേക്ക് ആകർഷിക്കുന്നതിനായി, അദ്ദേഹം മുൻകൈ എടുത്ത് നടപ്പിലാക്കിയ ട്വന്‍റി-20 ക്രിക്കറ്റ് ഏവരുടേയും പ്രശംസ പിടിച്ചു പറ്റിയിരുന്നു.

വൈസ് പ്രസിന്‍റായി മത്സരിക്കുന്ന അന്നമ്മ മാപ്പിളശേരി ഫോമയുടെ തുടക്കം മുതൽ, സംഘടനയോടൊപ്പം പ്രവർത്തിക്കുന്ന വനിതയാണ്. ചാരിറ്റിയിലും കമ്യൂണിറ്റി സർവീസിലും അന്നമ്മ നടത്തുന്ന സേവനങ്ങൾ വളരെ വിലപ്പെട്ടതാണ്.

ജോയിന്‍റ് സെക്രട്ടറി ആയി മത്സരിക്കുന്ന സാജു ജോസഫ്, പ്രവർത്തനങ്ങളിൽ മാന്യതയും സത്യസന്ധതയും പുലർത്തുന്ന ഈ ചെറുപ്പക്കാരൻ മലയാളി കമ്യൂണിറ്റിയിലെ സജീവ സാന്നിധ്യമാണ്.

ജോയിന്‍റ് ട്രഷറർ ജയിൻ മാത്യു കഴിവും സത്യസന്ധതയും സംസാരത്തിലും, പ്രവർത്തിയിലും കുലീനത്വം പുലർത്തുന്ന ചെറുപ്പക്കാരനാണ്. ന്യൂയോർക്ക് 2020 ടീമിലുള്ള ഓരോ സ്ഥാനാർഥിയും മികച്ചതാണ്. ഫോമയെ അറിയുന്നവരാണ്, ഫോമയെ സ്നേഹിക്കുകയും ഫോമയോടൊപ്പം, എല്ലാ കാലത്തും നിന്നവരുമാണ്. ഫോമ ഒരു കണ്‍വൻഷൻ സംഘടനയല്ല. രണ്ടു വർഷത്തെ മികച്ച പ്രവർത്തനങ്ങളുടെ പരിസമാപ്തി കുറിച്ചുകൊണ്ട്, സംഘടനയുടെ ശക്തിയും ജനപിന്തുണയും വിളിച്ചോതുന്ന തരത്തിലുള്ള ഒരു കണ്‍വൻഷൻ, അതാണ് വേണ്ടത്. ആ കണ്‍കണ്‍വൻഷൻ ലോക തലസ്ഥാനമായ ന്യൂയോർക്കിൽ തന്നെ നടത്തുവാൻ എല്ലാവരുടേയും പിന്തുണയും, സഹകരണവും ഉണ്ടാകമമെന്ന് ഷോളി കുന്പിളുവേലി അഭ്യർഥിച്ചു
ദിവ്യാ സൂര്യദേവാര ജനറൽ മോട്ടേഴ്സ് സിഎഫ്ഒ
ഡിട്രോയ്റ്റ് : ജനറൽ മോട്ടേഴ്സ് കമ്പനിയുടെ ചീഫ് ഫിനാഷ്യൽ ഓഫിസറായി ഇന്ത്യൻ അമേരിക്കൻ ദിവ്യാ സൂര്യ ദേവാരയെ നിയമിച്ചതായി ജൂൺ 13 ന് കമ്പനി അറിയിപ്പിൽ പറയുന്നു. ഇതോടെ ജിഎം കമ്പനിയുടെ സിഎഫ്ഒ ആയി നിയമിക്കപ്പെടുന്ന ആദ്യ ഇന്ത്യൻ അമേരിക്കൻ വനിത കൂടിയാണു ദിവ്യ.

കാർ ഉൽപാദക കമ്പനിയിലെ ഏക വനിത സിഎഫ്ഒയാണ് ദിവ്യ. സാമ്പത്തിക വിഷയങ്ങളിൽ ദിവ്യയുടെ പരിചയവും നേതൃപാടവവുമാണു പുതിയ തസ്കിയിലേക്ക് ഇവരെ നിയോഗിക്കുവാൻ കാരണമെന്ന് ചീഫ് എക്സിക്യൂട്ടീവ് ഓഫീസർ മേരി ബാറാ പറഞ്ഞു.

2017 വരെ ജിഎം കമ്പനി കോർപറേറ്റ് ഫിനാൻസ് വൈസ് പ്രസിഡന്റായിരുന്നു ദിവ്യ. 2005 മുതൽ കാർ ഉൽപാദക കമ്പനിയിൽ വിവിധ തസ്തികളിൽ പ്രവർത്തിച്ചിട്ടുണ്ട്. മദ്രാസ് യൂണിവേഴ്സിറ്റിയിൽ നിന്നും ബിരുദം നേടിയതിനുശേഷം ജിഎം കമ്പനിയിൽ സെൽഫ് ഡ്രൈവിംഗ് യൂണിറ്റിൽ ദിവ്യയുടെ സേവനം കമ്പനിക്ക് ലഭിച്ചിട്ടുണ്ട്.

40 വർഷത്തെ സേവനത്തിനു ശേഷം വിരമിക്കുന്ന ചക്ക സ്റ്റീവൽസിന്റെ (58) തസ്തികയിൽ സെപ്റ്റംബർ ആദ്യവാരം ദിവ്യ ചുമതലയേൽക്കും.

റിപ്പോർട്ട് : പി.പി.ചെറിയാൻ
മകൾക്കു മദ്യം നൽകിയ മാതാവിന് 20 വർഷം തടവ്
കെന്‍റക്കി ∙ പതിനാലുകാരിയായ മകൾക്ക് ഓർമ നഷ്ടപ്പെടുന്നതുവരെ വിസ്കി നൽകിയ മാതാവിന് സർക്യൂട്ട് ജഡ്ജി ഡേവിഡ് ടാപ്പ് 20 വർഷത്തെ തടവ് ശിക്ഷ വിധിച്ചു. കേസിനാസ്പദമായ സംഭവം നടക്കുമ്പോൾ മാതാവ് മിറാൻഡ ഗെയ്ൽ പൊളസ്റ്റൻ (35) നിരവധി കളവുകേസുകളിൽ പ്രതിയും അഞ്ചു വർഷത്തെ നല്ല നടപ്പിന് ശിക്ഷിക്കപ്പെട്ടതുമായിരുന്നു.

സോമർസെറ്റ് പോലീസ് കേസിന്‍റെ വിചാരണ സമയത്ത് ഇവർ മകളെ മദ്യം കഴിപ്പിക്കുന്നതിന്റെ വീഡിയോ ദൃശ്യം കോടതിയിൽ സമർപ്പിച്ചിരുന്നു. ബോധം മറയുന്നതു വരെ മദ്യം കഴിപ്പിച്ചത് ഇനി മേലിൽ മദ്യം കഴിക്കാൻ തോന്നരുതെന്നുള്ള സദുദ്ദേശ്യത്തോടെയായിരുന്നുവെന്നു മാതാവ് കോടതിയിൽ മൊഴി നൽകി. മകൾ പല തവണ മതി എന്നു പറഞ്ഞിട്ടും മാതാവ് ഇവരെ നിർബന്ധിക്കുന്ന ദൃശ്യങ്ങളും വീഡിയോയിൽ ഉണ്ടായിരുന്നു.

കളവ് കേസിൽ പ്രൊബേഷനിലിരിക്കെ മദ്യം കൈവശം വയ്ക്കുകയോ കുടിക്കുകയോ ചെയ്യരുതെന്ന നിയമം ഇവർ ലംഘിച്ചതായി പോലീസ് അറിയിച്ചു. മാത്രമല്ല പ്രായപൂർത്തിയാകാത്ത മക്കൾക്കു മദ്യം നൽകി. സീരിയസ് ഇൻജുറി വരുത്തിയതിനും ഇവർക്കെതിരെ കേസടുത്തിരുന്നു.

മറ്റുള്ളവർക്ക് അപകടം വരുത്താൻ സാധ്യതയുള്ളതിനാൽ നല്ല നടപ്പു റദ്ദാക്കണമെന്നും ജയിലിലടക്കുകയാണെന്നും കോടതി ചൂണ്ടിക്കാട്ടി.

റിപ്പോർട്ട് പി.പി.ചെറിയാൻ
ഫിബാ സമ്മേളനം ; ഡാളസിൽ ഓഗസ്റ്റ് 2 മുതൽ 5 വരെ
ഡാളസ് ∙ നോർത്ത് അമേരിക്കയിലും കാനഡയിലുമുള്ള വിവിധ സിറ്റികളിൽ വർഷം തോറും സംഘടിപ്പിക്കാറുള്ള ഫിബാ കോൺഫറൻസ് ഈ വർഷം ഓഗസ്റ്റ് 2 മുതൽ 5 വരെ ഡാളസിൽ നടക്കുമെന്നു ഭാരവാഹികൾ അറിയിച്ചു.

ഹാംപ്റ്റൻ ഇന്നിലാണ് സമ്മേളനവേദി ഒരുങ്ങുന്നത്. ഈ വർഷത്തെ സമ്മേളനത്തിൽ ചർച്ച ചെയ്യപ്പെടുന്നത് നോഹയുടെ കാലം പോലെ എന്ന വിഷയമാണ്. ജോർജ് ഡോസൺ, സാം ചെറിയാൻ, സാമുവേൽ ബി തോമസ് മൈക്ക ടട്ടിൽ തുടങ്ങിയ പ്രശസ്തരും പ്രഗത്ഭരുമായ സുവിശേഷകരാണ് കോൺഫറൻസിന്‍റെ വിവിധ സമ്മേളനങ്ങളിൽ പ്രസംഗിക്കുന്നത്.

മത്തായിയുടെ സുവിശേഷം 24–37 നെ ആസ്പദമാക്കി നാം വസിക്കുന്ന കാലഘട്ടം നോഹയുടെ കാലം പോലെയാണെന്നും ലോകാവസാനവും ക്രിസ്തുവിന്‍റെ രണ്ടാം വരവും സമാഗതമായെന്നും ആനുകാലിക സംഭവങ്ങൾ അടിസ്ഥാനമാക്കി സമ്മേളനത്തിൽ വിശദീകരിക്കുവാൻ കഴിവുള്ള പ്രാസംഗികരെയാണ് സമ്മേളനത്തിനു ലഭിച്ചിരിക്കുന്നതെന്നു സംഘാടകർ അറിയിച്ചു.

പുരുഷന്മാർക്കും സ്ത്രീകൾക്കും കുട്ടികൾക്കും പ്രത്യേക ക്ലാസുകൾ ക്രമീകരിച്ചിട്ടുണ്ടെന്നും ഏവരേയും സമ്മേളനത്തിലേക്ക് ക്ഷണിക്കുന്നതായും സംഘാടകർ അറിയിച്ചു. അമേരിക്കയുടെ വിവിധ സംസ്ഥാനങ്ങളിൽ നിന്നും കാനഡയിൽ നിന്നും നിരവധി പേർ പങ്കെടുക്കുന്നതിനാൽ പരസ്പരം പരിചയം പുതുക്കുന്നതിനും സ്നേഹ ബന്ധങ്ങൾ ഊഷ്മളമാകുന്നതിനും ഉള്ള അവസരം പ്രയോജന പ്പെടുത്തണമെന്നും ഭാരവാഹികൾ അഭ്യർത്ഥിച്ചു.

കൂടുതൽ വിവരങ്ങൾക്ക് : റോജി വർഗീസ്, ജോർജ് കുര്യൻ , www.fibana.com

റിപ്പോർട്ട്: പി. പി. ചെറിയാൻ
ഫോമാ കണ്‍വൻഷൻ 2020: ഡാളസിനെ പിന്തുണച്ച് സജി എബ്രഹാം
ന്യൂയോർക്ക്: ഫോമായുടെ 2020 കണ്‍വൻഷന് ആര് ആതിഥേയത്വം വഹിക്കണം എന്നുള്ളതിനെക്കുറിച്ച് ചർച്ചകളും സംവാദങ്ങളും വാർത്തകളും അമേരിക്കൻ മലയാളികളുടെയും അതിനു നേതൃത്വം വഹിക്കുന്ന ഏതാണ്ട് എഴുപത്തഞ്ചോളം സംഘടനകളുടെയും മുൻപിൽ ഒരു ചോദ്യചിഹ്നമായി ഉയരുന്പോൾ ഡാളസിനെ പിന്തുണച്ചു സ്ഥാപകാംഗവും സജീവപ്രവർത്തകനുമായ സജി ഏബ്രഹാം രംഗത്തുവന്നു.

ന്യൂയോർക്കിൽ കണ്‍വൻഷൻ വേണം എന്ന ആവശ്യവുമായി പലരുടെയും പ്രസ്താവനകൾ കാണുവാൻ ഇടയായി. കഴിഞ്ഞ നാലു പതിറ്റാണ്ടായി മലയാളി സമൂഹം ഇവിടെ തഴച്ചു വളർന്നുവരുന്നു. ന്യൂയോർക്കിനെ മനസിലാക്കിയ മലയാളി സമൂഹവും കാലാകാലങ്ങളായി ദേശീയ സംഘടനയ്ക്ക് നേതൃത്വം കൊടുത്തവരും നാളിതുവരെ ന്യൂയോർക്ക് സിറ്റിയിൽ കണ്‍ൻഷനെക്കുറിച്ച് ചിന്തിക്കാതിരുന്നത് പണത്തിന്േ‍റയോ, നേതൃത്വപാടവത്തിന്േ‍റയോ, ആൾബലത്തിന്‍റെയോ പ്രശ്നം ആയിരുന്നില്ല. മറിച്ച്, അമേരിക്കയിലെ സംഘടനകളിൽ പ്രവർത്തിക്കുന്ന സാധാരണക്കാരായ പ്രതിനിധികൾക്കും കുടുംബാംഗങ്ങൾക്കും താങ്ങാൻ പറ്റുന്ന ഒരു പായ്ക്കേജ് സമർപ്പിക്കാൻ സാധ്യമല്ല എന്ന തിരിച്ചറിവിന്‍റെ ചരിത്ര പശ്ചാത്തലത്തിലാണ് എന്നത് ഏതൊരു മലയാളിക്കും മനസിലാക്കുവാൻ സാധിക്കുന്നതാണെന്ന് സജി പറഞ്ഞു.

എന്തിന് ഡാളസ് എന്ന ചോദ്യം ഉയരുന്പോൾ ഉത്തരം ഇതാണ്. സതേണ്‍ റീജണിൽ പെട്ട അഞ്ച് സംഘടനകളും ഒരേ മനസോടെ ഒറ്റക്കെട്ടായി സംഘടനാ പ്രസിഡന്‍റുമാരായ ജോഷ്വാ ജോർജ്, ഷേർളി ജോണ്‍, ശാമുവേൽ മത്തായി, ജോസഫ് ബിജു, സന്തോഷ് ഐപ്പ്, നാഷണൽ കമ്മിറ്റി അംഗങ്ങളായ ബാബു മുല്ലശേരി, ജെയ്സണ്‍ വേണാട്ട്, അഡ്വൈസറി ബോർഡ് സെക്രട്ടറി ബാബു തെക്കേക്കര എന്നിവർക്കൊപ്പം സതേണ്‍ റീജണ്‍ വൈസ് പ്രസിഡന്‍റ് ഹരി നന്പൂതിരിയുടേയും ഫോമാ സ്ഥാപക പ്രസിഡന്‍റ് ശശിധരൻ നായരുടെയും, അതോടൊപ്പം യൂണിവേഴ്സിറ്റി ഓഫ് ടെക്സസ് ഡാളസിലെ (യുടിഡി) ഏകദേശം 200ൽപരം വിദ്യാർഥികളുടെയും ശക്തമായ പിന്തുണയും ഒരു കണ്‍വൻഷന്‍റെ പ്രവർത്തനങ്ങൾക്ക് വിലപ്പെട്ടതാകും.

ഏറ്റവും ചെലവുകുറഞ്ഞ കണ്‍വൻഷൻ സെന്‍ററുകൾ എന്നിവ പ്രധാന ഘടകങ്ങളായി മാറുന്പോൾ കണ്‍വൻഷൻ എല്ലാ സ്ഥലങ്ങളിലും നടക്കണം എന്ന ആവശ്യത്തിന് നാൾക്കുനാൾ പിന്തുണ ഏറിവരുന്നതും ഇതിനുള്ള ഉത്തരമായി മാറുകയാണ്.
ട്രൈസ്സ്റ്റേറ്റ് കേരളാ ഫോറം സംയുക്ത ഓണാഘോഷങ്ങളുടെ കിക്ക് ഓഫ് നിർവഹിച്ചു
ഫിലഡൽഫിയ: ട്രൈസ്സ്റ്റേറ്റ് കേരളാഫോറത്തിന്‍റെ 2018-ലെ സംയുക്ത ഓണാഘോഷങ്ങളുടെ കിക്ക് ഓഫ് ഫിലഡൽഫിയായിലെ പ്രമുഖ യുവ മലയാളി റിയൽ എസ്സ്റ്റേറ്റ് ഡെവലപ്പർ ജോഷ്വ മാത്യു നിർവഹിച്ചു.

ജൂണ്‍ 10ന് പന്പ ഇന്ത്യൻ കമ്യൂണിറ്റി സെന്‍ററിൽ നടന്ന യോഗത്തിൽ ട്രൈസ്സ്റ്റേറ്റ് കേരളാഫോറം ചെയർമാൻ ജോഷി കുര്യാക്കോസ്, ജോഷ്വ മാത്യുവിൽ നിന്ന് ആദ്യ സ്പോണ്‍സർഷിപ്പ് ഏറ്റു വാങ്ങി ഓണാഘോഷ പ്രവർത്തനങ്ങൾക്ക് തുടക്കം കുറിച്ചു. ഫൊക്കാന പ്രസിഡന്‍റ് തന്പി ചാക്കോ, ഫൊക്കാന ജനറൽ സെക്രട്ടറി ഫിലീപ്പോസ് ഫിലിപ്പ,് ഫൊക്കാന ഫൗണ്ടേഷൻ ചെയർമാൻ പോൾ കറുകപ്പിള്ളി, അലക്സ് തോമസ് തുടങ്ങിയവർ സംബന്ധിച്ചു.

വിൻസന്‍റ് ഇമ്മാനുവൽ ഓണാഘോഷ ചെയർമാനയുള്ള വിപുലമായ കമ്മറ്റി പ്രവർത്തനം ആരംഭിച്ചു കഴിഞ്ഞു. വരും മാസങ്ങളിൽ 56 കാർഡ് ഗെയിം, അടുക്കളത്തോട്ട മത്സരം എന്നിവ സംഘടിപ്പിക്കും. പോൾ കറുകപ്പിള്ളി 56 കാർഡ് ഗെയിം സ്പോണ്‍സറായി.

പതിനഞ്ച് സംഘടനകളുടെ ഐക്യവേദിയായ ട്രൈസ്സ്റ്റേറ്റ് കേരളാഫോറത്തിന്‍റെ 2018-ലെ ഓണാഘോഷങ്ങളും തിരുവോണ പരിപാടികളും സെപ്റ്റംബർ 2-ന് (ഞായർ) സീറോ മലബാർ ഓഡിറ്റോറിയത്തിലാണ് (608 വെൽഷ് റോഡ് 19115) അരങ്ങേറുക. ഉച്ചകഴിഞ്ഞ് മൂന്നിന് പുരുഷ·ാർക്കും വനിതകൾക്കുമുള്ള വടംവലി മത്സരവും തുടർന്നു സംസ്കാരിക ഘോഷയാത്രയും നടക്കും. തുടർന്നു നടക്കുന്ന സാംസ്കാരിക സമ്മേളനത്തിൽ ഫിലാഡൽഫിയായിലെ സാമൂഹിക സാംസ്കാരിക, രാഷ്ട്രീയ നേതാക്കൾ പങ്കെടുക്കും. സമ്മേളനത്തിൽ വിവിധ രംഗങ്ങളിൽ വ്യക്തിമുദ്ര പതിപ്പിച്ചവരെ ആദരിക്കും. കലാസാംസ്കാരിക പരിപാടികളിലും ഓണസദ്യയിലും പങ്കെടുക്കുവാൻ ഏവരെയും ചെയർമാൻ ജോഷി കുര്യാക്കോസ് സ്വാഗതം ചെയ്തു.

വിവരങ്ങൾക്ക്: ജോഷി കുര്യാക്കോസ് (ചെയർമാൻ) 215 460 8411, ടി.ജെ. തോംസണ്‍ (ജനറൽ സെക്രട്ടറി) 215 429 2442, ഫിലീപ്പോസ് ചെറിയാൻ (ട്രഷറർ) 215 605 7310, വിൻസന്‍റ് ഇമ്മാനുവൽ (ഓണാഘോഷ ചെയർമാൻ) 215 880 3341.

റിപ്പോർട്ട്: ജോർജ് ഓലിക്കൽ
ഇന്ത്യൻ കോണ്‍സൽ ഓംപ്രകാശ് മീനക്ക് യാത്രയയപ്പു നൽകി
ഷിക്കാഗോ: മൂന്നു വർഷത്തെ സേവനത്തിനുശേഷം മംഗോളിയയിൽ ഇന്ത്യൻ ഹൈക്കമ്മീഷണറായി നിയമിതനായ ഇന്ത്യൻ കോണ്‍സൽ ഓംപ്രകാശ് മീനക്ക് വിവിധ സംഘടനാ നേതാക്കളും രാഷ്ട്രീയ പ്രതിനിധികളും ചേർന്ന് യാത്രയയപ്പ് നൽകി.

ഒഹയർ എയർപോർട്ടിനടുത്തുള്ള മഹാരാജാസ് റസ്റ്ററന്‍റിൽ ചേർന്ന സമ്മേളനത്തിൽ സ്വാഗതം ആശംസിച്ച കോണ്‍സൽ ഡി.ബി. ഭാട്ടി, ഒ.പി മീന ഐഎഫ്എസിന്‍റെ നിസ്വാർഥ സേവനത്തെ അഭിനന്ദിക്കുകയും ചെയ്തു.

എഫ്ഐഎ ചെയർമാൻ സുനിൽ ഷാ, ഗോപിയോ ഷിക്കാഗോ ചെയർമാൻ ഗ്ലാഡ്സണ്‍ വർഗീസ്, ഇന്ത്യൻ കമ്യൂണിറ്റി ഒൗട്ട് റീച്ച് പ്രസിഡന്‍റ് കൃഷ്ണ ബസാൽ, ഷാംബർഗ് ടൗണ്‍ഷിപ്പ് ട്രസ്റ്റി നിമോഷ് ജാനി, ഷിക്കാഗോ എഫ്ഐഎ പ്രസിഡന്‍റ് ഡോ. സൻഹിത അഗ്നിഹോത്രി, സ്റ്റേറ്റ് ബാങ്ക് ഓഫ് ഇന്ത്യ സിഇഒ അമിത് ജിൻഗരൻ. ഡോ. ബരത്ത് ബരായി, ടിവി ഏഷ്യ പ്രൊഡ്യൂസർ വന്ദന ജിൻഹൻ, എഫ്ഐഎ ട്രസ്റ്റി കീർത്തി കുമാർ, പഞ്ചാബ് അസോസിയേഷൻ പ്രസിഡന്‍റ് ഡോ. ഹർജിന്ദർ സിംഗ് എന്നിവർ ആശംസകൾ നേർന്നു സംസാരിച്ചു.

മൂന്നു വർഷത്തെ സേവനത്തിൽ അമേരിക്കയിലുള്ള ഒന്പത് സ്റ്റേറ്റുകളിൽ താമസിക്കുന്ന ഇന്ത്യക്കാരുടെ വിവിധ പരിപാടികളിൽ പങ്കെടുത്ത് പല സഹായങ്ങളും നൽകാൻ സാധിച്ചതും തിരിച്ച് തന്‍റെ സുഹൃത്തുക്കളായ ഇന്ത്യക്കാർ നൽകിയ സ്നേഹം ഒരിക്കലും മറക്കാൻ സാധിക്കില്ലെന്നും മറുപടി പ്രസംഗത്തിൽ മീന പറഞ്ഞു. ഡിന്നറോടെ ചടങ്ങുകൾ സമാപിച്ചു.

റിപ്പോർട്ട്: ജോയിച്ചൻ പുതുക്കുളം
ന്യൂയോർക്ക് സെന്‍റ് പീറ്റേഴ്സ് ആൻഡ് സെന്‍റ് പോൾസ് മലങ്കര പള്ളിയിൽ തിരുനാൾ
ന്യൂയോർക്ക്: ന്യൂയോർക്കിലെ ടാപ്പനിലുള്ള സെന്‍റ് പീറ്റേഴ്സ് ആൻഡ് സെന്‍റ് പോൾസ് മലങ്കര ഓർത്തഡോക്സ് പള്ളിയിൽ (422 WESTERN HWY, TAPPAN, NEW YORK) വിശുദ്ധ പത്രോസ് പൗലോസ് ശ്ശീഹന്മാരുടെ ഓർമപെരുന്നാൾ ജൂണ്‍ 30, ജൂലൈ 1 (ശനി, ഞായർ) തീയതികളിൽ ആഘോഷിക്കുന്നു.

30നു (ശനി) വൈകുന്നേരം 6.30നു സന്ധ്യാപ്രാർഥനയും തുടർന്നു 7.30ന് ഗബ്രിയേൽ മാർ ഗ്രിഗോറിയോസ് മുഖ്യ പ്രഭാഷണവും നടത്തും.

ജൂലൈ ഒന്നിന് (ഞായർ) രാവിലെ 8.30നു പ്രാർഥന, 9ന് ഗബ്രിയേൽ മാർ ഗ്രിഗോറിയോസ് തിരുമേനിയുടെ കാർമികത്വത്തിൽ വിശുദ്ധ കുർബാനയും തുടർന്നു 11.30ന് റാസ, 12 ന് സ്നേഹവിരുന്ന് എന്നിവ നടക്കും.

തിരുവനന്തപുരം ഭദ്രാസനാധിപൻ ഗബ്രിയേൽ മാർ ഗ്രിഗോറിയോസ് തിരുനാളിൽ മുഖ്യതിഥിയായി പങ്കെടുക്കും.

വിവരങ്ങൾക്ക്: ഫാ. തോമസ് മാത്യു (വികാരി/പ്രസിഡന്‍റ്) 845 634 2152, സാബു കുര്യൻ (സെക്രട്ടറി) 845 300 5401, ബാബു കുര്യാക്കോസ് (ട്രസ്റ്റി) 201 421 6205 എന്നിവർ ക്ഷണിക്കുന്നു.

റിപ്പോർട്ട്: ജോയിച്ചൻ പുതുക്കുളം
കേന്ദ്രസർക്കാരിന്‍റെ സുകന്യ പദ്ധതിക്ക് ഫോമയുടെ ധനസഹായം
കോട്ടയം: രാമപുരം പഞ്ചായത്തിൽ കേന്ദ്രസർക്കാരിന്‍റെ സുകന്യ പദ്ധതിക്ക് ഫോമയുടെ ധനസഹായം. പെണ്‍കുട്ടികളുടെ സന്തുഷ്ടമായ ഭാവിജീവിതം സുരക്ഷിതമാക്കുന്നതിന് അവരുടെ വിവാഹ ആവശ്യത്തിലേയ്ക്കുവേണ്ടി ഇന്ത്യ ഗവണ്‍മെന്‍റ് നടപ്പിലാക്കിയ പദ്ധതിയാണ് സുകന്യ പദ്ധതി.

10 വയസിൽ താഴെ പ്രായമുള്ള പെണ്‍കുട്ടികൾ അംഗമാകാവുന്ന പദ്ധതിയിൽ രാജ്യത്ത് ആകമാനം നിരവധി പേർ ഇതിനോടകം ചേർന്നു കഴിഞ്ഞു. സുകന്യ പദ്ധതിയിൽ ചേരുന്നതിന് തുടക്കത്തിൽ 1000 രൂപാ വീതം ഓരോ അംഗവും നൽകണം. പിന്നീട് 14 വർഷത്തേയ്ക്ക് എല്ലാ വർഷവും 1000 രൂപാ വീതം മിനിമം നിക്ഷേപിക്കണം. കേന്ദ്ര സർക്കാരും തുല്യമായ തുക നിക്ഷേപിക്കും.

21 വർഷം പൂർത്തിയാകുന്പോഴോ കുട്ടിയുടെ വിവാഹസമയത്തോ പണം പലിശ സഹിതം ലഭിക്കും. നിക്ഷേപത്തിന് 8.6 ശതമാനം പലിശ ലഭിക്കും. അർഹരായ 50 പെണ്‍കുട്ടികൾക്കുള്ള വിവാഹസഹായം എത്തിക്കുകയാണ് ലക്ഷ്യമെന്ന് ഫോമാ പ്രസിഡന്‍റ് ബെന്നി വച്ചാചിറ പറഞ്ഞു.

രാമപുരം എസ്എച്ച്ജി ഹൈസ്കൂളിൽ മുൻ എംഎൽഎ ജോസഫ് വാഴയ്ക്കന്‍റെ അധ്യക്ഷതയിൽ കൂടിയ യോഗത്തിൽ പഞ്ചായത്തിലെ സാന്പത്തികമായി പിന്നോക്കം നിൽക്കുന്ന മുഴുവൻ കുട്ടികളേയും പദ്ധതിയിൽ ചേർക്കണമെന്നും അതിനുവേണ്ടിയുള്ള സാന്പത്തിക സഹായം 14 വർഷത്തേയ്ക്ക് ഇവരുടെ മുഴുവൻ തുകയും നൽകുമെന്നും ഫെഡറേഷൻ ഓഫ് മലയാളി അസോസിയേഷൻ ഓഫ് അമേരിക്ക(ഫോമ) വൈസ് പ്രസിഡന്‍റ് ലാലി കളപുരയ്ക്കൽ സമ്മേളനത്തിൽ വാഗ്ദാനം ചെയ്തു. ചടങ്ങിൽ എസ്എസ്എൽസി പരീക്ഷയിൽ ഏറ്റവും കൂടുതൽ മാർക്ക് വാങ്ങിയ അനഘ മോഹനൻ തച്ചു പാറയിലിന്, പതിനായിരം രൂപയുടെ കാഷ് അവാർഡും ലാലി കളപുരയ്ക്കൽ സമ്മാനിച്ചു. ഫോറോന വികാരി റവ. ഡോ. ജോർജ് ഞാറകുന്നേൽ ഫോമയുടെ വരുംകാല പ്രവർത്തനങ്ങൾക്ക് ആശംസകൾ നേർന്നു.

റിപ്പോർട്ട്: ജോയിച്ചൻ പുതുക്കുളം
ഷാജു സാം ഫൊക്കാനയുടെ നിധി സൂക്ഷിപ്പുകാരൻ
ഏതു സംഘടന ആയാലും സുതാര്യമായ കണക്കുകൾ സൂക്ഷിക്കുക എന്നത് പരമപ്രധാനമായ ഉത്തരവാദിത്തമാണ്. എന്നാൽ അമേരിക്കയിലെഒട്ടുമിക്ക മലയാളി സംഘടനയിലും, സുതാര്യതക്കുവേണ്ടി മാത്രം നിലകൊള്ളും എന്ന ലേപനത്തിൽ ചില സ്ഥാനാർഥികൾ വിജയിച്ചു കഴിയുന്പോൾ, പിന്നെ കണക്കുകൾ എങ്ങനെയൊക്കെയോ എഴുതുക എന്നത് ഒരു പതിവാണെന്ന് ചില പിന്നാന്പുറ കഥകൾ കേൾക്കാറുണ്ട്. അതുകൊണ്ടു ഫൊക്കാന പോലുള്ള ഒരു വലിയ സംവിധാനത്തിന് സൂക്ഷ്മമായി കണക്കുകൾ സൂക്ഷിക്കുന്ന വിശ്വസ്തരായ നിധി സൂക്ഷിപ്പുകാരനെയാണ് ആവശ്യം. ഷാജു സാം, ഉത്തരവാദിത്തമായുള്ള കണക്കു പുസ്തകങ്ങളുടെ വിശാലമായ ലോകത്തു മുപ്പതിലേറെ വർഷത്തെ പരിചയസന്പത്തുമായാണ് നിലയുറപ്പിച്ചിരിക്കുന്നത്.

കഴിഞ്ഞ മുപ്പത്തൊന്നു വർഷങ്ങളായി വാൾസ്ട്രീറ്റിലെ ഒരു പ്രമുഖ കന്പനിയുടെ നിയമം,നികുതി, ഒൗദ്യോഗികമായ കണക്കു പരിശോധന തുടങ്ങിയചുമതലകൾ ഏറ്റെടുത്തു അസിസ്റ്റന്‍റ് കണ്‍ട്രോളർ ആയി സേവനം അനുഷ്ഠിക്കുകയാണ് സാം. അദ്ദേഹത്തിന്‍റെ വിശ്വസ്ത സേവനത്തെ മാനിച്ചു കന്പനി നിരവധി പുരസ്കാരങ്ങൾ നൽകി ആദരിച്ചിട്ടുണ്ട്. അമേരിക്കയിലെ തന്നെ ഒന്നാം നിരയിലുള്ള ഒരു ചാരിറ്റി ഫൌണ്ടേഷൻ, ബോർഡ്മെന്പറായി അദ്ദേഹത്തെ നിയമിച്ചത് തന്നെ, വര്ഷങ്ങളായി തെളിയിച്ച വ്യക്തിത്വവും അച്ചടക്കവും പക്വമായ പ്രവർത്തന ശൈലിയും കൊണ്ടാണ്.

സംഘടനാതലത്തിലും ശ്രദ്ധേയമായ കാൽവെയ്പുകൾ വെയ്ക്കാൻ അദ്ദേഹത്തിന് കഴിഞ്ഞു. ഏതാണ്ട് മൂന്നു പതിറ്റാണ്ടുകൾക്കു മുന്പ്, കേരള സമാജംഓഫ് ഗ്രെയ്റ്റർ ന്യൂ യോർക്കിന്‍റെ ചരിത്രത്തിലെ ഏറ്റവും പ്രായം കുറഞ്ഞ സെക്രട്ടറി, പ്രസിഡന്‍റ് എന്ന നിലകളിൽ പ്രവർത്തിക്കാൻ കഴിഞ്ഞതും അടുത്തകാലത്ത് വീണ്ടും ആ സംഘടനയെ നയിക്കാൻ ഒരിക്കൽ കൂടി തെരഞ്ഞെടുത്തതും ശ്രദ്ധിക്കപ്പെടേണ്ട കാര്യമാണ്.

അന്തർദേശീയ സംഘടനായ വൈസ്മെൻ ഇന്‍റർനാഷണൽ ക്ലബ്, നോർത്ത് അമേരിക്കയിലെ അതിന്‍റെ പ്രവർത്തനങ്ങൾ പുനർജനിപ്പിക്കാൻ ഷാജു സാമിനെയാണ് നിയോഗിച്ചത്. നോർത്ത് അറ്റ്ലാന്‍റിക് റീജണൽ ഡയറക്ടർ എന്ന നിലയിൽ ക്ലബിന്‍റെ ദേശീയസമിതിയിൽ അംഗീകാരം നേടിയുടുക്കാൻ കഴിഞ്ഞു എന്നത് ചെറിയ കാര്യമല്ല. ഇപ്പോൾ സംഘടനയുടെ യുഎൻ കമ്മിറ്റി അംഗമായിസ്തുത്യർഹമായി സേവനം അനുഷ്ഠിക്കുന്നു. സമുദായ തലങ്ങളിലും വിവിധ മേഖലകളിൽ പ്രവർത്തിച്ചു മികവുറ്റ സംഘാടകൻ എന്ന് പേരു നേടാൻകഴിഞ്ഞു. അമേരിക്കയിൽ കുടിയേറുന്നതിനു മുൻപ് തന്നെ കേരളത്തിലെ രാഷ്രീയ സാമുദായിക സംഘടനകളിൽ വിവിധ നിലകളിൽപ്രവർത്തിച്ചിട്ടുണ്ട്.

റിപ്പോർട്ട്: കോരസണ്‍ വർഗീസ്
ബിജു മാത്യുവിന് കൊപ്പെൽ സിറ്റി കൗൺസിൽ തെരഞ്ഞെടുപ്പിൽ വിജയം
കൊപ്പെൽ (ഡാളസ്) ∙ കൊപ്പെൽ സിറ്റി കൗൺസിൽ പ്ലേയ്സ് ആറിലേക്ക് നടന്ന തെരഞ്ഞെടുപ്പിൽ മലയാളിയായ ബിജു മാത്യു അട്ടിമറി വിജയം. മേയ് അഞ്ചിനു നടന്ന പൊതുതെരഞ്ഞെടുപ്പിൽ ഒരു സ്ഥാനാർഥിക്കും 50 ശതമാനം വോട്ട് നേടാനായിരുന്നില്ല. ജൂൺ 16 നു നടന്ന റണ്ണോഫിൽ എതിർ സ്ഥാനാർഥി ജോൺ ജൂണിനെയാണ് ബിജു പരാജയപ്പെടുത്തിയത്.

പോൾ ചെയ്ത വോട്ടുകളിൽ 57 ശതമാനം വോട്ട് ബിജുവിന് ലഭിച്ചപ്പോൾ 43 ശതമാനം വോട്ടുകളേ എതിർ സ്ഥാനാർഥിക്ക് നേടാനായുള്ളൂ.

കൊപ്പേൽ സിറ്റി കൗൺസിലിലേക്ക് തെരഞ്ഞെടുക്കപ്പെടുന്ന ആദ്യ മലയാളിയാണ് ബിജു മാത്യു. 41,000 ജനസംഖ്യയുള്ള സിറ്റിയിൽ കഴിഞ്ഞ എട്ടു വർഷമായി ബിജു സജീവ സാന്നിധ്യമാണ്. സിറ്റി കൗൺസിലിന്‍റെ വിവിധ കമ്മിറ്റികളിൽ ബിജു അംഗമായിരുന്നു. അമേരിക്കൻ രാഷ്ട്രീയ രംഗത്ത് കാൽ നൂറ്റാണ്ടിലേറെ പ്രവർത്തന പാരമ്പര്യമുള്ള ബിജു, അടിയുറച്ച ധാർമ്മികതയും അർപ്പണബോധവും സേവന മനസ്ഥിതിയും വച്ചു പുലർത്തുന്ന വ്യക്തിത്വത്തിനുടമയാണ്.

ബോസ്റ്റൺ യൂണിവേഴ്സിറ്റിയിൽ നിന്നും കംപ്യൂട്ടർ എൻജിനിയറിംഗിൽ ബിരുദാനന്തര ബിരുദം നേടിയ ബിജു ഇരുപതുവർഷമായി ഐടി മേഖലയിൽ പ്രവർത്തിക്കുന്നു. ഭാര്യ ഷിജി ഫിസിഷ്യൻ അസിസ്റ്റന്‍റാണ്. മാർത്തോമ്മാ ചർച്ച് ഓഫ് ഡാളസ് (ഫാർമേഴ്സ് ബ്രാഞ്ച്) അംഗം കൂടിയാണ് ബിജു.

റിപ്പോർട്ട് : പി. പി. ചെറിയാൻ
ഫിലഡൽഫിയയിൽ സൺഡേ സ്കൂൾ വാർഷികം നടത്തി
ഫിലഡൽഫിയ∙ഒരു വർഷം നീണ്ടുനിന്ന വിശ്വാസപരിശീലനത്തിന്‍റെ പരിസമാപ്തി കുറിച്ചുകൊണ്ട് ഫിലാഡൽഫിയ സെന്‍റ് തോമസ് സീറോ മലബാർ ഫൊറോനാ ദേവാലയത്തിലെ മതബോധനസ്കൂൾ വാർഷികം നിറപ്പകിട്ടാർന്ന പരിപാടികളോടെ ആഘോഷിച്ചു.

2017-2018 സ്കൂൾ വർഷത്തിലെ അവസാനത്തെ അധ്യയനദിവസമായ ജൂൺ 10 ന് വിശുദ്ധ കുർബാനയെതുടർന്നാണു വാർഷികാഘോഷ പരിപാടികൾ ആരംഭിച്ചത്. പ്രാർഥനാഗാനത്തോടെ ആരംഭിച്ച ആഘോഷപരിപാടികൾ വികാരി ഫാ. വിനോദ് മഠത്തിപറമ്പിൽ മതബോധനസ്കൂൾ പ്രിൻസിപ്പൽ ജേക്കബ് ചാക്കോ, വൈസ് പ്രിൻസിപ്പൽ ജോസ് മാളേയ്ക്കൽ, ട്രസ്റ്റിമാരായ റോഷിൻ പ്ലാമൂട്ടിൽ, മോഡി ജേക്കബ്, ഷാജി മിറ്റത്താനി, ജോസ് തോമസ്, പാരീഷ് സെക്രട്ടറി ടോം പാറ്റാനിയിൽ, പിടിഎ പ്രസിഡന്‍റ് തോമസ് ചാക്കോ (ബിജു), കോർഡിനേറ്റർ മോളി ജേക്കബ് എന്നിവരുടെ സാന്നിധ്യത്തിൽ ഭദ്രദീപം തെളിച്ച് ഉദ്ഘാടനം ചെയ്തു.

പ്രീകെ, കിന്റർഗാർട്ടൻ കുട്ടികളുടെ ആക്ഷൻ സോങ്, രണ്ടാം ക്ലാസുകാർ അവതരിപ്പിച്ച ഡിവോഷണൽ ഡാൻസ്, മൂന്ന്, നാല്, അഞ്ച് ക്ലാസുകാരുടെ സ്കിറ്റുകൾ എന്നിവ ദൃശ്യമനോഹരങ്ങളായിരുന്നു.

കാനായിലെ കല്യാണത്തിന്റെ ദൃശ്യാവിഷ്കരണവുമായി സ്റ്റേജ് കൈയടക്കിയ ആറാം ക്ലാസുകാരും മൾട്ടിമീഡിയാ സാങ്കേതികവിദ്യ ഉപയോഗിച്ച് വീഡിയോ അവതരിപ്പിച്ച 12–ാം ക്ലാസുകാരും കാണികളുടെ കൈയടി കരസ്ഥമാക്കി.

പ്രീകെ മുതൽ 12 വരെയുള്ള ക്ലാസുകളിൽനിന്നും ബെസ്റ്റ് സ്റ്റുഡന്റ് ആയി തെരഞ്ഞെടുക്കപ്പെട്ടവർക്കു പ്രത്യേക സർട്ടിഫിക്കറ്റുകൾ വികാരി ഫാ. വിനോദ് മഠത്തിപറമ്പിൽ നൽകി ആദരിച്ചു. കൂടാതെ മാർച്ച് മാസത്തിൽ നടത്തിയ ഫെയ്ത്ത് ഫെസ്റ്റ് വിജയികൾക്കുള്ള സമ്മാനങ്ങളും, ബൈബിൾ ജപ്പടി വിജയികൾക്കുള്ള കാഷ് അവാർഡുകളും, സർട്ടിഫിക്കറ്റുകളും നൽകി. ബൈബിൾ ജപ്പടി കാഷ് അവാർഡുകൾ ബിനു പോൾ സ്പോൺസർ ചെയ്തു.

മതാധ്യാപകരായ മോളി ജേക്കബ്, ആനി മാത്യു എന്നിവർ ജനറൽ കോർഡിനേറ്റർമാരായി അധ്യാപകരായ ലീനാ ജോസഫ്, ജയിൻ സന്തോഷ,് മഞ്ജു സോബി, ആനി ആനിത്തോട്ടം, മറിയാമ്മ ഫിലിപ്, റോസ്മേരി ജോർജ്, ജാസ്മിൻ ചാക്കോ, ക്രിസ്റ്റൽ തോമസ്, കാരളിൻ ജോർജ്, ഡോ. ബ്ലെസി മെതിക്കളം, ഡോ. ബിന്ദു മെതിക്കളം എന്നിവർ വാർഷികത്തിന്റെ ക്രമീകരണങ്ങൾ ചെയ്തു.

ക്രിസ്റ്റോ തങ്കച്ചൻ, മെറിൻ ജോർജ് എന്നിവർ എംസി മാരായി. സ്കൂൾ പ്രിൻസിപ്പാൾ ജേക്കബ് ചാക്കോ സ്വാഗതവും സ്കൂൾ കൗൺസിൽ പ്രസിഡന്‍റ് സഫാനിയാ പോൾ നന്ദി പറഞ്ഞു. ജോയൽ ബോസ്കോ ശബ്ദവും വെളിച്ചവും നിയന്ത്രിച്ചു.

റിപ്പോർട്ട് : ജോസ് മാളേയ്ക്കൽ
മോർട്ടണ്‍ഗ്രോവ് സെന്‍റ് മേരീസിൽ ഫാദേഴ്സ് ഡേ ആഘോഷം സംഘടിപ്പിച്ചു
ഷിക്കാഗോ: മോർട്ടണ്‍ഗ്രോവ് സെന്‍റ് മേരിസ് ഇടവകയിൽ ഫാദേഴ്സ് ഡേ ആഘോഷം സംഘടിപ്പിച്ചു. ജൂണ്‍ 17ന് രാവിലെ 10 നു ഫാ. എബ്രഹാം കളരിക്കലിന്‍റെ മുഖ്യകാർമികത്വത്തിൽ വിശുദ്ധ ബലിയർപ്പിച്ചു.

ഓരോ പിതാക്കന്മാരും ദൈവസ്നേഹം സ്വന്തം കുട്ടികളിലും കുടുംബത്തിലും വളരാനും വളർത്തുകയും വേണമെന്ന് വചന സന്ദേശത്തിൽ അദ്ദേഹം വിശ്വാസികളെ ഉദ്ബോധിപ്പിച്ചു. കുടുംബനാഥനെന്ന നിലയിൽ കുടുംബാംഗങ്ങൾക്ക് ഓരോരുത്തർക്കും സ്വയം ആശ്രയിക്കാൻ തക്കവണ്ണമുള്ള ഉറപ്പ് ജീവിതത്തിലുടനീളം ഉണ്ടായിരിക്കണമെന്നും അദ്ദേഹം കൂട്ടിച്ചേർത്തു.

അടങ്ങി കിടന്നിരുന്ന പിതൃ സ്നേഹത്തെ അലയടിച്ചു ഉയർത്തിയ “സ്വന്തം പിതാവിന് ഒരു കത്ത്” എന്നുള്ള മത്സരയിനത്തിൽ നിരവധി പേർ പങ്കെടുത്തു. തുടർന്നു സഹ വികാരി ഫാ. ബിൻസ് ചേത്തലിന്‍റെ നേതൃത്വത്തിൽ വിവിധ മത്സരങ്ങൾ നടന്നു.

ഇടവകയിലെ മുതിർന്ന പിതാവിനുള്ള സമ്മാനം ലഭിച്ച മാത്യു തെക്കേപറന്പലിനെ കളരിക്കൽ അച്ചൻ പൊന്നാട അണിയിച്ച് ആദരിച്ചു. തുടർന്നു ഇടവകയിലെ ഓരോ പിതാക്ക·ാരെയും ആശിർവദിക്കുകയും സമ്മാനങ്ങൾ നൽകി ആദരിക്കുകയും ചെയ്തു. ഇടവകാംഗം ജോയി ഇണ്ടിക്കുഴി രചിച്ച ഭക്തിഗാനങ്ങളുടെ സിഡി പ്രകാശനം ചടങ്ങിൽ നടന്നു. ജോയി ഇണ്ടിക്കുഴിടെ ഉടമസ്ഥതയിലുള്ള ഭഹെൽത്തി ബേബീസ് ’ സ്പോണ്‍സർ ചെയ്ത സ്നേഹവിരുന്നോടെ പരിപാടികൾ സമാപിച്ചു.