ഗുരുഗ്രാം സേക്രഡ് ഹാർട്ട് ഫൊറോന ദേവാലയത്തിൽ തിരുനാൾ 19 ന്
ന്യൂഡൽഹി: ഗുരുഗ്രാം സേക്രഡ് ഹാർട്ട് ഫൊറോന ദേവാലയത്തിൽ പരിശുദ്ധ കന്യാമറിയത്തിന്‍റേയും വിശുദ്ധ തോമാശ്ലീഹായുടേയും തിരുനാളിന് കൊടിയേറി. ഓഗസ്റ്റ് 17ന് ഫാ. ജോർജ് തൂങ്കുഴി കൊടിയേറ്റു കർമം നിർവഹിച്ചു. തുടർന്നു വിശുദ്ധ കുർബാന, നൊവേന, ലദീഞ്ഞ് എന്നിവയ്ക്ക് ഫാ. സിറിയക് തുണ്ടിയിൽ മുഖ്യകാർമികത്വം വഹിച്ചു.

പ്രധാന തിരുനാൾ ദിനമായ 19ന് (ഞായർ) വൈകുന്നേരം നാലിന് നടക്കുന്ന ആഘോഷമായ തിരുനാൾ കുർബാനക്ക് ജസോല ഫാത്തിമ മാതാ ചർച്ച് വികാരി ഫാ. മാർട്ടിൻ പാലമറ്റം മുഖ്യകാർമികത്വം വഹിക്കും. തുടർന്നു പ്രസുദേന്തി വാഴ്ച, ലദീഞ്ഞ്, സന്ദേശം, പ്രദക്ഷിണം, സ്നേഹവിരുന്ന് എന്നിവയോടെ തിരുനാൾ സമാപിക്കും.

റിപ്പോർട്ട്: റെജി നെല്ലിക്കുന്നത്ത്