ന്യൂഡൽഹി: ഡൽഹി മലയാളി അസോസിയേഷൻ ബദർപുർ ഏരിയയുടെ വാർഷിക പൊതുയോഗവും പുതിയ ഭാരവാഹികളുടെ തെരഞ്ഞെടുപ്പും ഏപ്രിൽ ഏഴിന് ഉച്ചകഴിഞ്ഞു മൂന്നിന് ബദർപുർ പോസ്റ്റ് ഓഫീസിനടുത്തുള്ള ഡിഡിഎ കമ്യൂ ണിറ്റി ഹാളിൽ നടക്കും.
റിട്ടേണിംഗ് ഓഫീസറായി സജി പൂക്കുഞ്ഞിനെ നിയമിച്ചു. 2024 - 2026 വർഷക്കാലത്തേക്കാണ് തെരഞ്ഞെടുപ്പ് നടക്കുക. ചെയർമാൻ, വൈസ് ചെയർമാൻ, സെക്രട്ടറി, ജോയിന്‍റ് സെക്രട്ടറി (രണ്ട്), ട്രെഷറർ, ജോയിന്‍റ് ട്രെഷറർ, ഇന്‍റേണൽ ഓഡിറ്റർ, എക്സിക്യൂട്ടീവ് കമ്മിറ്റി അംഗങ്ങൾ(അഞ്ച്), ജനറൽ കൗൺസിൽ അംഗങ്ങൾ (ഏഴ്), വനിതാ വിഭാഗം കൺവീനർ, ജോയിന്‍റ് കൺവീനർ (രണ്ട്) എന്നീ തസ്തികകളിലേക്കാണ് തെരഞ്ഞെടുപ്പ് ആവശ്യമെങ്കിൽ നടക്കുക.
ഈ മാസം 27, 28, 29 തീയതികളിൽ വൈകുന്നേരം ഏഴ് മുതൽ 8.30 വരെ വരെ റിട്ടേണിംഗ് ഓഫീസറുടെ കാര്യാലയമായ ബദർപുർ ഡിഡിഎ ജനതാ ഫ്ലാറ്റ്സിലെ 557, ഫസ്റ്റ് ഫ്ലോറിൽ നിന്നും നാമനിർദ്ദേശ പത്രിക സ്വീകരിക്കാനും പൂരിപ്പിച്ച പത്രികകൾ സമർപ്പിക്കാവുന്നതുമാണ്.
പത്രിക സമർപ്പിക്കേണ്ട അവസാന ദിവസം ഈ മാസം 29 രാത്രി 8.30 വരെയാണ്. 30നു രാത്രി 8.30ന് സൂക്ഷ്‌മ പരിശോധന കഴിഞ്ഞുള്ള ലിസ്റ്റ് പ്രസിദ്ധപ്പെടുത്തും. 31ന് വൈകുന്നേരം ഏഴ് മുതൽ രാത്രി 8.30 വരെ പത്രിക പിൻവലിക്കാൻ സമയമുണ്ട്.
ഏപ്രിൽ ഒന്ന് രാത്രി 8.30ന് ഫൈനൽ ലിസ്റ്റ് പ്രസിദ്ധീകരിക്കും. വോട്ടിംഗ് ആവശ്യമെങ്കിൽ ഏപ്രിൽ ഏഴിന് ഉച്ചകഴിഞ്ഞു 3.30 മുതൽ വൈകുന്നേരം 5.30 വരെയാണ് സമയം.
വോട്ട് രേഖപ്പെടുത്തുവാൻ വരുന്ന ബദർപുർ ഏരിയയിലെ അംഗങ്ങൾ ഫോട്ടോ പതിച്ച സർക്കാർ, ഡിഎംഎ തിരിച്ചറിയൽ രേഖ കൈവശം കരുതേണ്ടതാണ്.
കൂടുതൽ വിവരങ്ങൾക്ക്: റിട്ടേണിംഗ് ഓഫീസർ - സജി പൂക്കുഞ്ഞ് (ഏരിയാ ചെയർമാൻ) 95829 69463, 99103 77690.