സാത്താൻപൂജ
കെണികളും തന്ത്രങ്ങളും
(ഒരു പത്രപ്രവർത്തകന്‍റെ അന്വേഷണങ്ങൾ )
ജോൺസൺ പൂവന്തുരുത്ത്
പേജ് 128, വില 100 രൂപ
മീഡിയ ഹൗസ്, കോഴിക്കോട്
ഫോൺ:09555642600, 07599485900
Available at: www.amazon.in
ആധുനിക യുവത്വത്തെ വഴിതെറ്റിക്കാൻ തന്ത്രപരവും ആകർഷണീയവുമായ മാർഗങ്ങൾ അവലംബിക്കുന്ന സാത്താൻ പൂജയ്ക്കെതിരേയുള്ള പുസ്തകം.സാത്താൻ പൂജയുടെ കെണികൾ ഇപ്പോൾ കേരളത്തിലും സജീവമായതിനാൽ പുസ്തകത്തിന് അതീവ പ്രാധാന്യമുണ്ട്. ഉചിതമായ ചിത്രങ്ങളും ഉൾപ്പെടുത്തിയിരിക്കുന്ന പുസ്തകത്തിന്‍റെ നാലാമതു പതിപ്പാണ് ഇപ്പോൾ പുറത്തിറക്കിയിരിക്കുന്നത്.
വചനവിചാരം
എം.സി. കുര്യൻ
പേജ്156, വില 125 രൂപ
ശാലോം പബ്ലിക്കേഷൻസ്, കോട്ടയം
ഫോൺ: 0481 2303566, 9349503660
ക്രൈസ്തവ ആത്മീയ ജീവിതത്തിനു വഴികാട്ടിയാകുന്ന ലേഖനങ്ങളുടെ സമാഹാരം. ജീവിതഗന്ധിയായ സംഭവങ്ങളും ബൈബിൾ ചിന്തകളും കോർത്തിണക്കിയിരിക്കുന്നു.
ക്രൂശിതന്‍റെ ഡയറി
ദീദിമസ്
പേജ്: 184, വില: 150
ജീവൻ ബുക്സ്, ഭരണങ്ങാനം
ഫോൺ: 04822 237474
110 ധ്യാനാത്മക കവിതകൾ. ക്രിസ്തുവിന്‍റെ ജീവിതത്തെ വായനക്കാരന്‍റെ ചിന്തകളിലേക്കു സന്നിവേശിപ്പിക്കുന്ന കാവ്യാത്മകമായ ചിന്തകൾ. ബൈബിളിന്‍റെ അടിത്തറയിൽനിന്നുകൊണ്ടാണ് എഴുത്ത്. ക്രിസ്തുവിന്‍റെ കരുണയും സ്നേഹവുമാണ് ഗ്രന്ഥകാരൻ ചൂണ്ടിക്കാണിക്കുന്നത്. ഈ നോന്പുകാലത്ത് ഏകാന്തമായ ധ്യാനത്തിന് ഇതു സഹായിക്കും.
നോന്പുകാല ധ്യാനങ്ങൾ
വി. തോമസ് അക്വീനാസ്
പരിഭാഷ: ഫാ. ആന്‍റണി
ഞള്ളംപുഴ സിഎംഐ
പേജ്: 104, വില: 90
ജീവൻ ബുക്സ്, ഭരണങ്ങാനം
ഫോൺ: 04822 237474
വി. തോമസ് അക്വീനാസിന്‍റെ ആത്മീയ ചിന്തകളിൽനിന്നും തെരഞ്ഞെടുത്ത ധ്യാനസമാഹാരം. നോന്പുകാലത്തെയും ധ്യാനത്തെയും വിശദമാക്കുന്ന വിജ്ഞാനപ്രദമായ ലേഖനങ്ങൾ.
അഭയം
സി.ഡി. ഗബ്രിയേൽ
പേജ് 44, വില 60 രൂപ
ബുദ്ധ ബുക്സ്, തിരുവനന്തപുരം
ഫോൺ: 9645274029
കുടുംബത്തോടും സമൂഹത്തോടും പ്രതിബദ്ധത പുലർത്തുന്ന നാടകം. അഞ്ച് രംഗങ്ങളിലായി അവതരിപ്പിക്കുന്ന നാടകം വേദിയിൽ ഏറെ വിജയസാധ്യതയുള്ളതാണ്. ചടുലമായ ഭാഷയും വൈകാരിക മുഹൂർത്തങ്ങളും കാണികളെ പിടിച്ചിരുത്തും. ഡോ. രാജാ വാര്യരുടേതാണ് അവതാരിക.
ശ്രീപാദം ഈശ്വരൻ നന്പൂതിരിയുടെ നാടകങ്ങൾ
പേജ് 56, വില 60
വോയ്സ് ബുക്സ്, മഞ്ചേരി
ഫോൺ: 0483 2766765, 9388766765
രണ്ടു ലഘുനാടകങ്ങളാണ് ഇതിലുള്ളത്. ഗ്രന്ഥകാരന്‍റെ 48-ാമതു പുസ്തകം. വേദിയിൽ അവതരിപ്പിക്കാനും വായിച്ചുരസിക്കാനും പറ്റിയത്. കുടുംബ പശ്ചാത്തലത്തിലുള്ള കഥയിൽ വ്യക്തിയെയും സമൂഹത്തെയും വിമർശിക്കുകയും മാറ്റങ്ങൾക്കു പ്രേരിപ്പിക്കുകയും ചെയ്യുന്നു. ലളിതമായ ഭാഷ നാടകത്തെ വായനക്കാർക്കു പ്രിയപ്പെട്ടതാക്കും.
നിണവഴികളിലൂടെ
നോന്പുകാല ചിന്തകൾ
മാർ. റാഫേൽ തട്ടിൽ
പേജ്: 122, വില: 90
ജീവൻ ബുക്സ്, ഭരണങ്ങാനം
ഫോൺ: 04822 237474
50 ചെറു ലേഖനങ്ങളുടെ സമാഹാരം . ഈ പുസ്തകത്തിലെ ക്രിസ്തുവിചാരം വായനക്കാരന്‍റെ ഉള്ളിലെ നന്മതിന്മകളെ തിരിച്ചറിയാൻ സഹായിക്കും. മരുഭൂമിയിലും സമതലങ്ങളിലും കുരിശിന്‍റെ വഴിയിലുമൊക്കെ ക്രിസ്തുവിനൊപ്പം നടക്കുന്നതിന്‍റെ ഉത്തരവാദിത്വവും പരമമായ ആനന്ദവും അനുഭവിക്കാനാകും. ലളിതമായ ഭാഷ.
യേശുവിന്‍റെ പീഡാസഹനവും
കുരിശിലെ ഏഴു മൊഴികളും
വി. അൽഫോൻസ് ലിഗോരി
പരിഭാഷ: ജ്ഞാനദാസ്
പേജ്: 64, വില: 50
ജീവൻ ബുക്സ്, ഭരണങ്ങാനം
ഫോൺ: 04822 237474
കുരിശിനെ കേന്ദ്രബിന്ദുവാക്കിയാണ് ഈ ധ്യാനചിന്തകൾ. ലോകത്തെ മാറ്റിമറിച്ച ക്രിസ്തുവിന്‍റെ കുരിശുമരണവും അവസാനത്തെ ഏഴു മൊഴികളും ജീവിതങ്ങളെ പരിവർത്തനത്തിനു പ്രേരിപ്പിക്കുകതന്നെ ചെയ്യും.