തിരുവനന്തപുരം: സംസ്ഥാനത്ത് കോവിഡ് 19 കേസുകള്കൂടിയ സാഹചര്യത്തില് ലോക്ക് ഡൗണ് ആയതിനാല് മദ്യലഭ്യതയുടെ കുറവിനെത്തുടര്ന്ന് സ്ഥിരമായി മദ്യപിച്ചിരുന്നവര് ഏറെ ശ്രദ്ധിക്കണമെന്ന് ആരോഗ്യമന്ത്രി കെ.കെ. ശൈലജ അറിയിച്ചു. മദ്യാസക്തി മൂലമുണ്ടാകുന്ന ആല്ക്കഹോള് വിഡ്രോവല് സിന്ഡ്രോം നിസാരമായി കാണരുത്. ഇതുമൂലമുള്ള ശാരീരിക മാനസിക പ്രശ്നങ്ങള് കൃത്യമായി ചികിത്സിച്ചില്ലെങ്കില് ഗുരുതര പ്രശ്നങ്ങളോ എന്തിന് ആത്മഹത്യാ പ്രവണതയോ ഉണ്ടാകും. മാനസികാരോഗ്യ പരിപാടിയുടെ ഭാഗമായി ആരോഗ്യ വകുപ്പ് മാര്ഗനിര്ദേശങ്ങള് പുറത്തിറക്കി.
കുടുംബാരോഗ്യ കേന്ദ്രങ്ങളില് ആശ്വാസ് ക്ലിനിക്കുകള് സ്ഥാപിച്ചിട്ടുണ്ട്. ലക്ഷണങ്ങള് ഉണ്ടെങ്കില് ഈ കേന്ദ്രങ്ങളിലെത്തിയാല് മതി. കൂടുതല് ചികിത്സ ആവശ്യമാണെങ്കില് താലൂക്ക്, ജനറല്, ജില്ലാതല ആശുപത്രിയിലേക്ക് റഫര് ചെയ്യും. എല്ലാ ജില്ലകളിലും ഇവരുടെ ചികിത്സയ്ക്കായി 20 കിടക്കകള് തയാറാക്കിയിട്ടുണ്ട്.
ഏറ്റവും ശ്രദ്ധിക്കേണ്ട കാര്യങ്ങള്
എല്ലാ ദിവസവും മദ്യപിച്ചു കൊണ്ടിരുന്നവര് ഏറെ ശ്രദ്ധിക്കണം.അസ്വസ്ഥത, ക്ഷോഭം, വിഭ്രാന്തി, വിശപ്പില്ലായ്മ, അമിതമായ വിയര്പ്പ്, മനംപിരട്ടല്, ഛര്ദി, ഉത്കണ്ഠ, സങ്കോചം, വിറയല്, ശക്തമായ തലവേദന, അപസ്മാരം, ഉറക്കമില്ലായ്മ തുടങ്ങിയ ലക്ഷണങ്ങള് ഉണ്ടെങ്കില് ഡോക്ടറുടെ സഹായം തേടണം.
സ്ഥിരമായി മദ്യപിക്കുന്നവര് മദ്യപാനം നിര്ത്തി ഏതാനും ദിവസങ്ങള്ക്കകം ഈ ലക്ഷണങ്ങള് ഉണ്ടായാല് ആള്ക്കഹോള് വിഡ്രോവല് സിന്ഡ്രോം ആകാം. ഈ ലക്ഷണങ്ങള് എന്തെങ്കിലും ഉണ്ടായാല് ഉടന് ആശുപത്രിയില് പോകണം. പനിയോ ജലദോഷമോ അങ്ങനെ എന്തെങ്കിലും അസുഖം ഉണ്ടെങ്കില് അത് ഉറപ്പായും അറിയിക്കണം.
ആല്ക്കഹോള് വിഡ്രോവല് സിന്ഡ്രോം ചികിത്സകൊണ്ടു സുഖപ്പെടും. പക്ഷേ, ചികിത്സിക്കാതിരുന്നാല് ചിലപ്പോള് ഡിലീരിയം ആകാന് സാധ്യതയുണ്ട്. അങ്ങനെയൊരു സാഹചര്യം ഒഴിവാക്കണം.
സാനിറ്റൈസറില് അടങ്ങിയിട്ടുള്ള ഐസോ പ്രൊപ്പൈല് ആല്ക്കഹോള് വിഷമാണ്. മദ്യത്തിനു പകരമായി ഇത് ഉപയോഗിച്ചാല് മരണം വരെ സംഭവിക്കാം. അതിനാല് ലഹരിക്കായി മറ്റേതെങ്കിലും രീതി ഒരിക്കലും തെരഞ്ഞെടുക്കരുത്. ഈ അവസ്ഥയില് മറ്റൊരു അപകടംകൂടി ക്ഷണിച്ചു വരുത്തും.
സഹായത്തിന് ആരോഗ്യവകുപ്പിന്റെ ‘ദിശ’ നമ്പരിലേക്കോ (1056, 0471 2552056) ജില്ലാ മാനസികാരോഗ്യ കേന്ദ്രം നോഡല് ഓഫീസര്മാരുടെ നമ്പരുകളിലേക്കോ വിളിക്കാം.
മദ്യാസക്തിയുടെ ചങ്ങല പൊട്ടിക്കാം
തിരുവനന്തപുരം: മദ്യം ലഭിക്കാത്തതിനാല് ശാരീരിക അസ്വസ്ഥത പ്രകടിപ്പിക്കുന്നവര്ക്കു കൗണ്സലിംഗിനും ചികിത്സയുമായി എക്സൈസ് വകുപ്പ്. ലഹരിവിമുക്ത കേന്ദ്രങ്ങളെയും കൗണ്സലിംഗ് സെന്ററുകളെയും ഉള്പ്പെടുത്തി.
തിരുവനന്തപുരം, എറണാകുളം, കോഴിക്കോട് ജില്ലകളില് ഓരോ കൗണ്സലിംഗ് സെന്റർ പ്രവര്ത്തിക്കുന്നുണ്ട്. താമസിക്കുന്ന സ്ഥലത്തെ ഏറ്റവും അടുത്തുള്ള എക്സൈസ് റേഞ്ച് ഓഫീസിലോ അടുത്തുള്ള പോലീസ് സ്റ്റേഷനിലോ നേരിട്ടോ ടെലിഫോണിലൂടെ ബന്ധപ്പെട്ടാല് ആവശ്യമായ സഹായങ്ങള് ലഭിക്കും. എക്സൈസ് വകുപ്പിന്റെ ടോള്ഫ്രീ നമ്പർ :14405
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.