കോട്ടയം: ദർശന സാംസ്കാരിക കേന്ദ്രം ഒക്ടോബർ 22 മുതൽ 28 വരെ സംഘടിപ്പിക്കുന്ന 10-ാമത് അഖില കേരള പ്രൊഫഷണൽ നാടക മത്സരത്തിന് അപേക്ഷകൾ ക്ഷണിച്ചു.
മികച്ച നാടകത്തിന് 25,000 രൂപയും മുകളേൽ ഫൗണ്ടേഷന്‍റെ എവർറോളിംഗ് ട്രോഫിയും ലഭിക്കും. 20,000 രൂപയും പ്രശസ്തിപത്രവും ട്രോഫിയുമാണു രണ്ടാം സമ്മാനം. മികച്ച രചന, സംവിധാനം, സംഗീതം, ഗാനാലാപനം, നടൻ, നടി എന്നിവയ്ക്ക് 7500 രൂപ വീതവും സഹനടൻ, സഹനടി, ഹാസ്യനടൻ, മികച്ച ഗാനരചന എന്നിവയ്ക്ക് 5000 വീതവും വിവിധ വ്യക്തികളും സ്ഥാപനങ്ങളും നൽകുന്ന പ്രത്യേക കാഷ് അവാർഡും ഫലകവും ഉണ്ടായിരിക്കും.
അവതരണാനുമതി ലഭിക്കുന്ന ഓരോ നാടകത്തിനും 10,000 രൂപ പ്രതിഫലവും യാത്രച്ചെലവും നൽകും. തെരഞ്ഞെടുക്കപ്പെടുന്ന ഏഴു നാടകങ്ങൾ ഒക്ടോബർ 22 മുതൽ 28 വരെയാണു വേദിയിൽ അവതരിപ്പിക്കേണ്ടത്. മത്സരത്തിൽ പങ്കെടുക്കാനാഗ്രഹിക്കുന്ന ട്രൂപ്പുകൾ 22നകം 2018-ലെ സ്ക്രിപ്റ്റിന്‍റെ രണ്ട് കോപ്പികൾ കണ്‍വീനർ, നാടകമത്സരം, ദർശന സാംസ്കാരിക കേന്ദ്രം, ശാസ്ത്രി റോഡ്, കോട്ടയം-686 001 എന്ന വിലാസത്തിൽ അയയ്ക്കണം. ഫോണ്. 9188520400, 9846478093, 9447008255.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.