ഒരു കോടി ഒപ്പുകൾ ശേഖരിക്കുമെന്നു ബിജെപി : Deepika.com Kerala News |

Click here for detailed news of all items

ഒരു കോടി ഒപ്പുകൾ ശേഖരിക്കുമെന്നു ബിജെപി

Saturday, November 17, 2018 12:05 AM IST

കൊച്ചി: ശബരിമലയെ സംരക്ഷിക്കാനുള്ള സമരത്തിന്‍റെ ഭാഗമായി ഭവനസന്ദർശനം നടത്തുമെന്നും ഒരുകോടി ഒപ്പുകൾ ശേഖരിക്കുമെന്നും ബിജെപി സംസ്ഥാന പ്രസിഡന്‍റ് പി.എസ്. ശ്രീധരൻപിള്ള. കൊച്ചിയിൽ ബിജെപി സംസ്ഥാന കോർ കമ്മറ്റി, എൻഡിഎ യോഗങ്ങൾക്കുശേഷം മാധ്യമങ്ങളോടു സംസാരിക്കുകയായിരുന്നു അദ്ദേഹം.

ഈ മാസം 25 മുതൽ 30 വരെ വിവിധ കേന്ദ്രങ്ങളിൽ പരസ്യമായി ഒപ്പുശേഖരണം നടത്തും. ശബരിമലയെ തകർക്കാനുള്ള ഇടത് നീക്കം ഉപേക്ഷിക്കുക, ശബരിമലയിലെ ആചാരങ്ങൾ സംരക്ഷിക്കുക എന്നീ മുദ്രാവാക്യങ്ങൾ ഉയർത്തിയായിരിക്കും ഭവനസന്ദർശനം. എൻഡിഎയുടെ പ്രവർത്തനം താഴെത്തലം വരെ ശക്തിപ്പെടുത്തും.

ഡിസംബർ അഞ്ചു മുതൽ പത്തു വരെ പഞ്ചായത്ത് അടിസ്ഥാനത്തിൽ ശബരിമല സംരക്ഷണ സദസുകൾ നടത്തും. ചടങ്ങിൽ ഗുരുസ്വാമിമാരെ ആദരിക്കും. ഭക്തരെ പരസ്യമായി വെല്ലുവിളിച്ചുകൊണ്ടാണ് തൃപ്തി ദേശായി വിമാനത്താവളത്തിലെത്തിയത്. ശബരിമലയിൽ ഭരണകൂടം അടിച്ചേൽപിക്കുന്ന നിയന്ത്രണങ്ങൾ ഭക്തരുടെ അവകാശങ്ങളുടെ ലംഘനമാണെന്നും ശ്രീധരൻപിള്ള പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.